ភ្នំពេញ ៖ កម្លាំងនគរបាលប៉ុស្តិ៍រដ្ឋបាល សហការជាមួយផ្នែកជំនាញបានធ្វើការល្បាតក្នុងមូលដ្ឋានដើម្បីបង្ការបទល្មើសក៏ដូចទប់ស្កាត់ការពារសុវត្ថិភាពប្រជាពលរដ្ឋហើយប្រទះឃើញក្មេងទំនើងចំនួន៨នាក់ជិះម៉ូតូ៤គ្រឿងតែមានម៉ូតូ១គ្រឿងគ្នា២នាក់ម៉ាកហុងដាស្គុបពី ពណ៍ស ពាក់ផ្លាកលេខភ្នំពេញ ១IH-៩៧៧១ ( ពាក់ព័ន្ធនិងបង្ហោះម៉ូតូ ) ធ្វើការយកមកប៉ុស្តិ៍ដើម្បីសាកសួរ កាលវេលាម៉ោង៥ ថ្ងៃទី០៦ ខែ មិថុនា ឆ្នាំ ២០២៣ នៅតាមបណ្ដោយផ្លូវ១០០៣ សង្កាត់ ស្វាយប៉ាក ខណ្ឌឬស្សីកែវ ។ លោក ហ៊ាង ថារ៉េត អធិការខណ្ឌឬស្សីកែវបានប្រាប់ថា យោងតាមការណែនាំ ឯកឧត្ដម ស ថេត អគ្គស្នងការរងនិងស្នងការនគរបាលរាជធានីភ្នំពេញកម្លាំងតាមមូលដ្ឋានផ្នែកជំនាញនិងប៉ុស្តិ៍រដ្ឋបាលធ្វើការល្បាតហើយជាក់ស្ដែងនៅល្ងាចនេះប៉ុស្តិ៍រដ្ឋបាលសហការជាមួយផ្នែកជំនាញខណ្ឌរួមប្រជាការពារសាលាសង្កាត់ដើម្បីល្បាតពួនស្ទាក់ក្នុងមូលដ្ឋានដើម្បីបង្ការនិងទប់ស្កាត់បទល្មើសផ្សេងៗជាពិសេសក្មេងទំនើងដែលបង្កបង្ហោះម៉ូតូតាមដងផ្លូវប៉ះពាល់ផ្លូវសាធារណះនិងអាចគ្រោះថ្នាក់យថាហេតុណាមួយចំពោះប្រជាពលរដ្ឋលុះកម្លាំងផ្នែកជំនាញបានប្រទះឃើញក្មេងទំនើងមានចំនួន៨នាក់ម៉ូតូ៤គ្រឿងតែម៉ូតូ១គ្រឿងគ្នា២នាក់កំពុងតែបង្ហោះម៉ូតូម៉ាកស្គុបពីចំនួនម៉ូតូ៣គ្រឿងទៀតមិនបានបង្ហោះគ្រាន់តែជិះតាមក្រោយរួចកម្លាំងសមត្ថកិច្ចយើងធ្វើការដេញតាមឃាត់យុវជន២នាក់ដែលបង្ហោះម៉ូតូបានភ្លាមៗចំណែកមិត្តភ័ក្រ្តចំនួន៦នាក់៣ម៉ូតូរត់គេចបាត់អស់ណាមួយមិនពាក់ព័ន្ធករណីបង្ហោះម៉ូតូទេនិងនាំយុវជន២នាក់មកប៉ុស្តិ៍ដើម្បីសាកសួរនាំ ។ លោកអធិការខណ្ឌបន្តថាក្រោយពីប៉ុស្តិ៍រដ្ឋបាលស្វសយប៉ាកសាកសួរនាំក្មេងទំនើងទាំង២នាក់ចំពោះមុខសមត្ថកិច្ចបានឆ្លើយសារភាពខ្លួនពិតជាបានជិះម៉ូតូបង្ហោះពិតមែននិងទទួលកំហុសសុំទោសមហាជននិងសមត្ថកិច្ចទាំង២នាក់សូមសន្យាមិនអោយមានលើកទី២ទេប្រសិនមានលើកទី២អោយសមត្ថកិច្ចចាត់ការតាមផ្លូវច្បាប់ ។ ហើយសមត្ថកិច្ចយើងបានទាក់ទងទៅគ្រួសារឪពុកម្ដាយក្មេងប្រុសទាំង២នាក់អោយមកធ្វើលិខិតធានានិងស្ដាប់ចំលើយកូនប្រុសពីកំហុសជិះម៉ូតូបង្ហោះលើផ្លូវសាធារណះរួចនិងអោយប្អូនប្រុសទាំង២ទទួលពិន័យគឺដោះកង់ម៉ូតូខាងមុខរួចទាំង២នាក់លើកង់មុខនិងនិយាយស្រែកអោយខ្លាំងៗសូមបងៗឬប្អូនកុំយកគំរូតាមខ្ញុំ ។ ខ្ញុំទាំង២នាក់សូមឈប់បង្ហោះម៉ូតូទៀតហើយ ចុងក្រោយគ្រួសារឪពុកម្ដាយក្មេងប្រុសទាំង២នាក់ សូមអរគុណដល់សមត្ថកិច្ចដែលបានលើកលែងអោយកូនប្រុសគាត់និងយកទៅវិញរឹតបន្តឹងបន្ថែមទៀតក៏មិនអោយមានលើកទី២ដែរសូមជូនពរសមត្ថកិច្ចកម្លាំងថ្នាក់ដឹងនាំអោយមានសុខភាពល្អទាំងអស់គ្នា ៕ ដោយ ប៊ុនធី និង ភារ៉ា

ខេត្តកណ្តាល៖ ថ្លែងនៅក្នុងកិច្ចប្រជុំបូកសរុប គម្រោងសកម្មភាពអាទិភាព សម្រាប់រៀបចំកម្មវិធីវិនិយោគបីឆ្នាំរំកិលខេត្ត ឆ្នាំ២០២៤-២០២៦ កាលពីថ្ងៃទី៦ ខែមិថុនា ឆ្នាំ២០២៣នេះ លោក ប្រាក់ សារ៉ាត អភិបាលរងខេត្តកណ្ដាល បានជំរុញដល់ អាជ្ញាធរក្រុង-ស្រុក មន្ទីរ-អង្គភាពជុំវិញខេត្ត ត្រូវបន្តកៀរគរថវិកាពីប្រភពនានាជួយគាំទ្រគម្រោងរបស់រដ្ឋបាលខេត្ត ក្រុង-ស្រុក និង ឃុំ-សង្កាត់ដែលបានស្នើឡើង ក្នុងគោលដៅអភិវឌ្ឍន៍មូលដ្ឋានឱ្យកាន់តែមានភាពរីកចំរើនបន្ថែមទៀត ឆ្លើយតប ទៅនឹងសេចក្តីត្រូវការ របស់ ប្រជាពលរដ្ឋ និងជួយពន្លឿនកិច្ចអភិវឌ្ឍន៍ ខេត្តកណ្តាល ស្របតាម គោលនយោបាយរបស់រាជរដ្ឋាភិបាល ក្នុងការកាត់បន្ថយភាពក្រីក្រ ជូនប្រជាពលរដ្ឋ ។ លោក បានស្នើដល់សមាជិកក្នុងអង្គប្រជុំ ត្រូវចូលរួមពិនិត្យ និងផ្តល់យោបល់បន្ថែមទាំងខ្លឹមសារ និងទិន្ន័យឱ្យកាន់តែមានភាពត្រឹមត្រូវ ច្បាស់លាស់ គ្រប់ជ្រុងជ្រោយ ដើម្បីជាប្រយោជន៍ក្នុងការប្រើប្រាស់លើកិច្ចអភិវឌ្ឍន៍របស់ខេត្តឱ្យចំគោលដៅ អាចសម្រេចគោលបំណង និងចក្ខុវិស័យរបស់ខេត្ត ស្របទៅតាមតម្រូវការជាមូលដ្ឋានអាទិភាពជាក់ស្តែងរបស់ ប្រជាជនទូទាំងខេត្ត សំដៅរួមចំណែកកាត់បន្ថយភាពក្រីក្រ លើកកម្ពស់ជីវភាពរស់នៅ និងសុខុមាលភាពរបស់ប្រជាពលរដ្ឋក្នុងខេត្ត ឱ្យកាន់តែប្រសើរឡើង។ ដើម្បីធ្វើឱ្យដំណើរការរៀបចំកសាងកម្មវិធីវិនិយោគបីឆ្នាំរំកិលខេត្ត ទទួលបានជោគជ័យ លោក ប្រាក់ សារ៉ាត បានណែនាំ ដល់អង្គភាពពាក់ព័ន្ធទាំងអស់ ត្រូវកំណត់បញ្ហាស្នូល…

ភ្នំពេញ ៖ ជាថ្មីម្ដងទៀត លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ បានដាស់តឿនក្រើនរំលឹក ដល់កងកម្លាំងសណ្ដាប់ធ្នាប់ខណ្ឌ ត្រូវប្រកាន់ខ្ជាប់នូវវិន័យ មានសាមគ្គីភាពផ្ទៃក្នុងល្អ អនុវត្តឲ្យខាងតែបាន នូវអនុសាសន៍ ( ៣ កុំ ) ជាពិសេសពេលចុះបំពេញការងារ រៀបចំសណ្តាប់ធ្នាប់ ត្រូវប្រកាន់ខ្ជាប់នូវតួនាទីភារកិច្ចរបស់យើង គឺទន់ភ្លន់ តែម៉ឺងម៉ាត់ ។ ការដាស់តឿនក្រើន រំលឹកនេះបានថ្លែងនៅគ្រាដែលលោកអភិបាលខណ្ឌជួបសំណេះសំណាលនិងឧបត្ថម្ភអង្កររួមទាំងថវិកា ដល់កម្លាំងសណ្តាប់ធ្នាប់ខណ្ឌជាង ៥០នាក់ កាលពីថ្ងៃទី០៧ ខែមិថ ឆ្នាំ២០២៣ នៅសាលាខណ្ឌច្បារអំពៅ ។ ថ្លែងទៅកាន់កម្លាំងសណ្តាប់ធ្នាប់ខណ្ឌ លោកអភិបាលខណ្ឌបានបញ្ជាក់អត្ថន័យ(៣ កុំ) ដូច្នេះថា ទី១- កុំលេងល្បែងស៉ីសងគ្រប់ប្រភេទ , ទី២-កុំសេពគ្រឿងញៀន , ទី៣-ឈ្លោះទាស់ទែងគ្នា ត្រូវរក្សាបានសាមគ្គីភាពផ្ទៃក្នុង ។ សូមកម្លាំងសណ្តាប់ធ្នាប់ទាំងអស់ត្រូវអនុវត្ត ( ៣ កុំ ) ឱ្យបាន បើបុគ្គលណាម្នាក់លួចលេងល្បែងស៊ីសង លួចសេពគ្រឿងញៀន ខុសវិន័យកងកម្លាំងត្រូវបញ្ឈប់ពីការងារ ។ ចំណុចមួយទៀតកុំឈ្លោះទាស់ទែងគ្នាវាមិនល្អទេ…

ភ្នំពេញ៖ យោងតាមបណ្ដាញសង្គម Facebook នៅព្រឹកថ្ងៃទី០៧ ខែមិថុនា ឆ្នាំ២០២៣ ប្រជាពលរដ្ឋម្នាក់ នៅស្រុកកៀនស្វាយ ខេត្តកណ្តាល បានបង្ហោះនូវការសម្រេចក្តីស្រមៃរបស់ខ្លួន ក្រោយបានថើបដៃសម្តេចតេជោ ហ៊ុន សែន នាយករដ្ឋមន្ត្រីកម្ពុជា ។ ប្រជាពលរដ្ឋម្នាក់នោះ បានបង្ហោះរូបថត ភ្ជាប់ជាមួយសំណេរលើបណ្ដាញសង្គម Facebook ដូច្នេះថា៖ ថ្ងៃនេះឆ្នាំនេះ២០២៣ អរគុណបានថើបដៃពុកដូចបំណងហើយស្រលាញ់ពុកខ្លាំងៗ , ម្ដាយខ្ញុំប្រាប់ថា គេយកគាត់ទៅដល់រណ្ដៅជិតសំលាប់ហើយ។ ម៉ែយកដីបាចលើក្បាលបន់ថា បើមាននណាមកជួយជីវិតម៉ែៗដឹងគុណមួយជីវិត។ ទេវតារស់បានមករំដោះ បើពេលនោះ គ្មានម៉ែ ក៏ថ្ងៃនេះគ្មានពួកខ្ញុំជាកូនជាចៅ។ ក្នុងសំណេរបន្តថា តាំងពីតូច ស្រលាញ់សំលេងពុក និយាយពិរោះស្តាប់មិនជិនណាយ ពុកចេះ កំប្លែងពេលពុកនិយាយ។ ប្រាថ្នាចង់មានថ្ងៃមួយបានកាន់ដៃពុក, មិនត្រឹមតែកាន់ គឺបានថើបទៀត ដៃពុកទន់ត្រជាក់ ។ អរគុណទេវតា នឹងបងស្រីធំ ផ្តល់ឱ្យកាសឱ្យប្អូន បានដូចបំណង ។ សូមជម្រាបថា នៅព្រឹកថ្ងៃពុធទី៧ ខែមិថុនា ឆ្នាំ២០២៣ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា…

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិ ឲ្យដឹងថា ជនសង្ស័យចំនួន ៥០នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន១៧ករណី ទូទាំងប្រទេស នៅថ្ងៃទី៦ ខែមិថុនា ឆ្នាំ២០២៣។ ក្នុងចំណោមជនសង្ស័យចំនួន ៥០នាក់ រួមមាន ៖ +ជួញដូរ ៨ករណី ឃាត់ ៣១នាក់ (ស្រី ៤នាក់)។+ដឹកជញ្ជូន រក្សាទុក ៦ករណី ឃាត់ ៩នាក់ (ស្រី ០នាក់)។+ប្រើប្រាស់ ៣ករណី ឃាត់ ១០នាក់ (ស្រី ០នាក់)។វត្ថុតាងដែលចាប់យកសរុបក្នុងថ្ងៃទី០៦ ខែមិថុនា រួមមាន ៖ -មេតំហ្វេតាមីន (Ice) = ១៨០៨,២៣ក្រាម និង១១កញ្ចប់តូច។លទ្ធផលខាងលើ ១១អង្គភាព បានចូលរួមបង្ក្រាប ៖នគរបាល ៖ ៧អង្គភាព ៕ ដោយភារ៉ា និងប៊ុនធី

ខេត្តបាត់ដំបង ៖ ឯកឧត្តម សុខ លូ អភិបាលខេត្តបាត់ដំបង បានដឹកនាំក្រុមការងារមន្ទីរជំនាញពាក់ព័ន្ធថ្នាក់ខេត្ត ចុះផ្សព្វផ្សាយជូនដល់បងប្អូនប្រជាពលរដ្ឋក្នុងស្រុកចំនួន៤ ដែលជាប់ តំបន់បឹងទន្លេសាប ដើម្បីប្រកាសផ្សព្វផ្សាយអនុក្រឹត្យ របស់រាជរដ្ឋាភិបាល ដែលរដ្ឋបាលខេត្តបាត់ដំបង បានធ្វើការស្នើសុំ សម្តេចប្រមុខ នៃរាជរដ្ឋាភិបាលកម្ពុជា កែសម្រួលផ្ទៃដីទំហំ ១៨ ៣៦៣,៧១ហិកតា ក្នុងនោះដីមិនទាន់ចុះបញ្ជីចំនួន ៦ ៣៧៧គ្រួសារ និងដីចុះបញ្ជីរួចចំនួន៣ ០៩៨ក្បាលដី។ ដោយឡែកដីឆ្វៀលចេញពីតំបន់៣មកជាដីតំបន់២,ពីដីតំបន់៣មកជាដីតំបន់១ និងពីដីតំបន់២ មកជាដីតំបន់១ ដើម្បីផ្តល់ជូនប្រជាពលរដ្ឋ ដែលពួកគាត់បានតាំងទីលំនៅគ្រប់គ្រង និងកាន់កាប់ប្រើប្រាស់អាស្រ័យផលជាក់ស្ដែងជាយូរហើយ។ និងបានស្នើសុំកែសម្រួលព្រំប្រទល់ដីតំបន់៣មកជាដីតំបន់២ ទំហំដី ៦ ៧០៣,៤៣ហិកតា ស្មើប្រជាពលរដ្ឋចំនួន ១ ៦៤៤គ្រួសារ។ ព្រមទាំងសុំកែសម្រួលព្រំប្រទល់ដីតំបន់២ មកជាតំបន់១ ទំហំ ៥០៩,៦១ហិកតាស្មើប្រជាពលរដ្ឋចំនួន ១០៧គ្រួសារ(មិនទាន់ចុះបញ្ជី)។ លោក សួន សុភា ប្រធានមន្ទីរសុរិយោដីខេត្តបានឲ្យដឹងថា៖ ស្រុកឯកភ្នំបានស្នើសុំរាជរដ្ឋាភិបាល ដើម្បីកាត់ឆ្វៀលនិងកែសម្រួលព្រំប្រទល់នៃតំបន់បឹងទន្លេសាប ពីដីតំបន់៣មកជាតំបន់២ មានទំហំ ១ ៣៦៣,៩០ហិកតា ស្មើ៤៩០គ្រួសារ។ស្នើសុំកាត់ឆ្វៀលដីតំបន់៣. មកជាដីតំបន់១. មានទំហំ…