ខេត្តព្រៃវែង ៖ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជាអធិបតីក្នុងពិធីបញ្ចុះឧបដ្ឋានសាលា និងសមិទ្ធិផលនានា នៅក្នុងវត្តកំពង់សិសា ស្ថិតនៅ ឃុំរំចេក ស្រុកព្រះស្តេច ខេត្តព្រៃវែង នាព្រឹក ថ្ងៃទី២៨ ខែឧសភា ឆ្នាំ២០២៣។ សម្តេចកិត្តិសង្គហបណ្ឌិត បានមានប្រសាសន៍ថា សមិទ្ធិផលនៅក្នុងវត្តកំពង់សាលានេះ ចំណាយថវិកាសាងសង់អស់ ៩៤ម៉ឺនដុល្លារ ក្រោមទឹកចិត្ត សទ្ធាដ៏ជ្រះថ្លារបស់ ព្រះគ្រូសោភ័ណមុនី ឃឿន រ៉ាន ចៅអធិការវត្តកំពង់សាលា ឧកញ៉ា អ៊ុល ចំណាន និង លោកជំទាវ ម៉ៅថារី ឯកឧត្តម លោកជំទាវ ឧកញ៉ា លោក លោកស្រី និងពុទ្ធបរិស័ទ្ធជិតឆ្ងាយ ទើបកើតនូវសមិទ្ធិព្រះពុទ្ធសាសនាថ្មីមួយក្នុងចំណោមសមិទ្ធិផលជាច្រើនក្នុងខេត្តព្រៃវែង ។ សម្តេចកិត្តិសង្គហបណ្ឌិត គូសបញ្ជាក់ថា ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃ កម្ពុជា បានដឹកនាំប្រទេសឆ្ពោះទៅរកការអភិវឌ្ឍន៍ សុខសន្ដិភាព…

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា ជនសង្ស័យចំនួន៣៣នាក់ (ស្រី ១នាក់) ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១២ករណី ទូទាំងប្រទេស នៅថ្ងៃទី២៥ ខែឧសភា ឆ្នាំ២០២៣។ ក្នុងចំណោមជនសង្ស័យចំនួន ៣៣នាក់ រួមមាន៖ ជួញដូរ ៣ករណី ឃាត់ ៦នាក់ (ស្រី ០នាក់)។ ដឹកជញ្ជូន រក្សាទុក ៦ករណី ឃាត់ ១២នាក់ (ស្រី ១នាក់) និងប្រើប្រាស់ ៣ករណី ឃាត់ ១៥នាក់ (ស្រី ០នាក់)។ វត្ថុតាងដែលចាប់យកសរុបក្នុងថ្ងៃទី២៥ ខែឧសភា រួមមាន៖ មេតំហ្វេតាមីន ម៉ាទឹកកក (Ice) ស្មេីនិង ៩៧,៨២ក្រាម និង៨កញ្ចប់តូច។ ក្នុងប្រតិបត្តិការនោះ ជា លទ្ធផលខាងលើ ៨អង្គភាព បានចូលរួមបង្ក្រាប ក្នុងនោះ នគរបាលជាតិ ៨អង្គភាព៕ដោយ៖ ភារ៉ា និងប៊ុនធី

ខេត្តបាត់ដំបង ៖ ប្រជាពលរដ្ឋរស់នៅតាមបណ្តាឃុំចំនួន៤ ក្នុងស្រុកសង្កែ ខេត្តបាត់ដំបង បានសម្តែងនូវក្តីរំភើប រកអ្វីប្រៀបពុំបាន ក្នុងឱកាសដែល ឯកឧត្តមសុខ លូ អភិបាលខេត្ត អញ្ជើញប្រកាសផ្សព្វផ្សាយនូវអនុក្រឹត្យរបស់រាជរដ្ឋាភិបាល ស្តីពីការកាត់ឆ្វៀលផ្ទៃដីតំបន់៣ និងការកែសម្រួលផ្ទៃដីតំបន់៣ ដែលស្ថិតក្នុងភូមិសាស្ត្រ ស្រុកសង្កែ ខេត្តបាត់ដំបង ដែលបានធ្វើឡើងនៅក្នុងបរិវេណ វត្តអូរមុនី ឃុំអន្លង់វិល ស្រុកសង្កែ កាលពីថ្ងៃទី២៣ ខែឧសភា ឆ្នាំ២០២៣ ។ ខេត្តបាត់ដំបង មានស្រុកចំនួន០៤ ដែលពាក់ព័ន្ធ និងត្រូវការកាត់ឆ្វៀលដី និងកែសម្រួលព្រំប្រទល់ផ្ទៃដី រួមមាន៖ ស្រុកសង្កែ, មោងឫស្សី, ស្រុកថ្មគោល ,និង ស្រុកឯកភ្នំ។ ឯកឧត្តម អភិបាលខេត្តបាត់ដំបង បានថ្លែងអំណរគុណយ៉ាងជ្រាលជ្រៅ ចំពោះសម្ដេចតេជោ ហ៊ុន សែន នាយករដ្ឋមន្រ្ដី ដែលជានិច្ចជាកាលសម្ដេចតែងតែគិតគូរដល់បងប្អូនប្រជាពលរដ្ឋ ដែលធ្វើការអាស្រ័យផលលើដីតំបន់២ តំបន់៣ ទាំងនេះជាយូរណាស់មកហើយ ។ សូមបញ្ជាក់ថា ៖ នៅក្នុងស្រុកសង្កែ បានធ្វើការកែសម្រួលដីតំបន់២មកតំបន់១ ចំនួន៥០៩,៦១ហិកតា ស្មើនឹង១០៧គ្រួសារ ហើយដីតំបន់២ដែលបានចុះបញ្ជីលក្ខណ:ប្រព័ន្ធរួចហើយមានចំនួន១…

ស៊ីដនី៖ អ្នកពន្លត់អគ្គីភ័យជាង ១៣០នាក់បានប្រយុទ្ធប្រឆាំងនឹងអណ្តាតភ្លើង នៅថ្ងៃព្រហស្បតិ៍នេះ ខណៈដែលភ្លើងឆេះយ៉ាងសន្ធោសន្ធៅបានលេបត្របាក់អគារកម្ពស់ ៧ជាន់នៅកណ្តាលទីក្រុងស៊ីដនី រដ្ឋ New South Wales (NSW) របស់ប្រទេសអូស្រ្តាលី។ អគ្គនាយកផ្នែកពន្លត់អគ្គិភ័យ និងជួយសង្គ្រោះរដ្ឋ (NSW) លោក Adam Dewberry បានប្រាប់សារព័ត៌មាន AFP ថា អគ្គិភ័យបានធ្វើឱ្យរចនាសម្ព័ន្ធអគារដួលរលំ ហើយអាចបង្កឱ្យមានគ្រោះថ្នាក់ខ្លាំងដល់ក្រុមពន្លត់អគ្គីភ័យ។ លោកបន្តថា អ្នកពន្លត់អគ្គិភ័យជាង ១៣០នាក់ និងរថយន្តពន្លត់អគ្គិភ័យ ៣០គ្រឿងត្រូវបានទៅកាន់ទីតាំងកើតហេតុ ដើម្បីពន្លត់អគ្គិភ័យ។ លោកបន្ថែមថា យើងបានបញ្ឈប់ភ្លើងដែលឆេះរាលដាលដល់អគារដែលនៅជាប់គ្នា ហើយនោះគឺជាដំណឹងល្អ ប៉ុន្តែអគារដែលឆេះដំបូងត្រូវបានបំផ្លាញ។ សេវាពន្លត់អគ្គិភ័យបាននិយាយថា អ្នកពន្លត់អគ្គិភ័យម្នាក់បានរងរបួសរលាកដៃស្តាំតិចតួច ប៉ុន្តែមិនត្រូវការព្យាបាលនៅមន្ទីរពេទ្យទេ ហើយថា ការពន្លត់អគ្គីភ័យនឹងបន្តពេញមួយយប់។ ស្របពេលជាមួយគ្នានេះដែរ អភិបាលរដ្ឋ New South Wales (NSW) បានជំរុញឱ្យប្រជាជនរស់នៅក្បែរទីតាំងកើតហេតុមានការប្រុងប្រយ័ត្ន ដោយលោកបានបង្ហោះសារនៅលើបណ្តាញសង្គមថា សាធារណជនទូទៅត្រូវបានណែនាំឲ្យចៀសវាងការធ្វើដំណើរទៅកាន់តំបន់នេះ ខណៈដែលប្រតិបត្តិការពន្លត់អគ្គិភ័យនៅតែបន្ត។ គិតមកទល់ពេលនេះ មិនមានរបាយការណ៍ផ្សេងទៀតពីអ្នករងរបួស ឬស្លាប់ដោយសារគ្រោះអគ្គីភ័យ ដែលបានឆាបឆេះនៅក្នុងអគារមួយកន្លែង ដែលត្រូវបានប្រព័ន្ធផ្សព្វផ្សាយអូស្ត្រាលីរាយការណ៍ថា ជាអតីតរោងចក្រផលិតមួកដែលត្រូវបានចុះបញ្ជីជាសម្បតិ្តបេតិកភណ្ឌនៅឡើយទេ៕ ប្រភព៖…

បាត់ដំបង៖ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីនបាន​លើកឡើងថា ជារៀងរាល់ឆ្នាំអាជ្ញាធរមីន​បាន​​សហការយ៉ាងជិតស្និទ្ធជាមួយក្រសួងស្ថាប័ន និងដៃគូពាក់ព័ន្ធ ​រៀបចំសារ និងផ្សព្វផ្សាយអប់រំអំពីគ្រោះថ្នាក់ដោយសារមីន និងយុទ្ធភណ្ឌគ្រឿងផ្ទុះ នៅតាមតំបន់ប្រឈមនឹងការរងគ្រោះថ្នា​ក់ និងរងផលប៉ះពាល់ដោយសារមីននិងគ្រាប់។ ឯកឧត្តម​​ថ្លែងដូចនេះក្នុង​ឱកាស​លោក​​ចូលរួម ក្នុង​កម្មវិធីបើកយុទ្ធនាការអប់រំអំពីគ្រោះថ្នាក់ដោ​យ​សា​​​រមីន និងយុទ្ធភណ្ឌគ្រឿងផ្ទុះនៅឃុំត្រឡាច ស្រុករុក្ខគីរី ខេត្តបាត់ដំបង នាថ្ងៃទី២៥ ខែឧសភា ឆ្នាំ២០២៣។ យុទ្ធនាការនេះមានការចូលរួមពី​​ថ្នាក់ដឹកនាំ​​ខេត្តបាត់ដំបង រដ្ឋបាលស្រុករុក្ខគីរី ក្រុមការងារផែ​នការសកម្មភាពមីនខេត្តបាត់ដំបង លោកគ្រូ អ្នកគ្រូ សិស្សានុសិស្ស និងប្រជាពល​រដ្ឋ ប្រមា​ណ​ ៤០០នាក់។ ឯកឧត្តម លី ធុជ មានប្រសាសន៍​ថា ការងារបោសសម្អាតមីន និងគ្រាប់ មិនត្រឹមតែបានចូលរួមផ្តល់​ដីសុវត្ថិភាព និងអភិវឌ្ឍន៍សេដ្ឋកិច្ចសង្គមប៉ុណ្ណោះទេ ថែមទាំងបានចូលរួមដល់ការកាត់បន្ថយអត្រាគ្រោះថ្នាក់ដោយសារមីន និងសំណល់ជាតិផ្ទុះពីសង្រ្គាមបានយ៉ាងច្រើនផងដែរ គួបផ្សំជាមួយនឹ​ងការយកទុកដាក់របស់រាជរដ្ឋាភិបាលក្នុងការជំរុញការងារផ្សព្វផ្សាយអប់រំការយល់ដឹង​ពីមីន និ​ងយុ​ទ្ធភណ្ឌគ្រឿងផ្ទុះនៅតាមមូលដ្ឋាន។   ឯកឧត្តមបានបញ្ជាក់ឱ្យដឹងដែរថា​ជារៀងរាល់ឆ្នាំអាជ្ញាធរមីន​សហការយ៉ាងជិតស្និទ្ធជាមួយក្រសួង​ស្ថា​ប័ន និងដៃគូពាក់ព័ន្ធរួមមាន ក្រសួងមហាផ្ទៃ ក្រសួងអប់រំ យុវជន និងកីឡា កាកបាទក្រ ហមកម្ពុជា ប៉ូលិស អាជ្ញាធរដែនដីគ្រប់លំដាប់ថ្នាក់, CMAC, NPMEC,…