ភ្នំពេញ ៖ ឯកឧត្តម សុខ ប្រសិទ្ធិ ទីប្រឹក្សាផ្ទាល់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា និងជារដ្ឋលេខាធិការក្រសួងពត៌មាន និងលោកជំទាវ គា ម៉ី ព្រមទាំងបុត្រ បាននាំយកនូវស្បៀងអាហារ និងថវិកា យកទៅចែកជូន កុមារកំព្រា និងបុគ្គលិក នៃអង្គការពន្លឺអនាគត ស្ថិតក្នុងសង្កាត់ព្រៃល្វា ខណ្ឌពោធិសែនជ័យ រាជធានីភ្នំពេញ ដើម្បីចែករំលែកសេចក្តីស្រលាញ់ដល់ក្មេងៗ ក្នុងកម្មវិធីអបអរសាទរខួបកំណើតរបស់ កុមារា សុខ ភាពឌ្ឍន នៅថ្ងៃទី១៣ ខែឧសភា ឆ្នាំ២០២៣ ។ លោក នួន សុថេរ៉ូប្រធានអង្គការពន្លឺអនាគតបានបញ្ជាក់ថានៅដើមឆ្នាំ ១៩៩៣ មជ្ឈមណ្ឌល KPDC ត្រូវបានបិទ ហើយលោកស្រី ផល្លី និងលោក ហែម សឿន រួមទាំងកុមារចំនួន ៩១នាក់ ស្រី ៣១ នាក់ និង ក្មេងប្រុស ៦០នាក់ ត្រូវបានធ្វើមាតុភូមិនិវត្តន៍ មកកម្ពុជា។ នៅឆ្នាំ១៩៩៨…

កំពង់ធំ៖ ព្រះភិក្ខុ អ៊ំ សុង ចៅអធិការអាស្រមភ្នំជីជាមួយអាជ្ញាធរក្នុង មូលដ្ឋាន ព្រះសង្ឃ គណៈកម្មការនិងពុទ្ធបរិស័ទ ជិតឆ្ងាយបានផ្តួច ផ្ដើមកសាងផ្លូវបេតុងពីជើងភ្នំឡើងទៅដល់អាស្រមភ្នំជី ដើម្បីងាយ ស្រួលដល់ពុទ្ធបរិស័ទក្នុងធ្វើ ដំណើរប្រកបដោយសុវត្ថិភាព។បច្ចុប្បន្នការស្ថាបនាផ្លូវបេតុងនេះសម្រេចបានប្រមាណ៧០ភាគរយហើយ តែនៅខ្វះថវិកាដើម្បីសាងសង់បន្ត។ ព្រះចៅអធិការអាស្រមភ្នំជីបានឱ្យដឹងពីប្រវត្តិអាស្រមភ្នំជីត្រួសៗថា អាស្រមភ្នំជីនៅស្ថិតភូមិក្រាំងឃុំសុចិត្រ ស្រុកសណ្តាន់ខេត្តកំពង់ធំ។មុនឆ្នាំ២០១៦ពុំមានព្រះសង្ឃគង់នៅទេព្រោះនៅទីនេះពុំអំណោយផង។ទាំងការស្នាក់នៅ ទាំងម្ហូបអាហារសម្រាប់ឆាន់មានការលំបាក ដោយ សារផ្លូវឡើងមកលើភ្នំមានសភាពចោទខ្លាំង។ចាប់តាំងពីឆ្នាំ២០១៦រហូតដល់ឆ្នាំ២០២០ព្រះអង្គបានរៃអង្គាសពីសប្បុរសជនពុទ្ធបរិស័ទជិតឆ្ងាយដើម្បីយកបច្ច័យមកកសាងអាស្រមភ្នំជីនេះ ឱ្យក្លាយទៅជាទីសក្ការៈបូជា សម្រាប់ពុទ្ធបរិស័ទជិតឆ្ងាយ។ ការកសាងបានចាប់ផ្តើមបន្តិចម្ដងៗ។ពោលពីឆ្នាំ២០២០មកដល់ ឆ្នាំ២០២៣ មានការប្រែប្រួលមុខមាត់យ៉ាងខ្លាំងដោយ កសាង បានសាឡុំ កុដិ និងសាលាឆាន់ព្រមទាំងសមិទ្ធផលមួយចំនួនទៀត។ ព្រះចៅអធិការបានបន្តថា ដោយឃើញពីការលំបាក ក្នុងការធ្វើដំណើរ លោកជំទាវ ប្រាក់ គឹមហេងនិងកូនចៅក៏បាន កសាងកាំជណ្ដើរធ្វើអំពី ថ្មពី ជើងភ្នំរហូតដល់អាស្រមដើម្បីឱ្យព្រះសង្ឃនិងពុទ្ធបរិស័ទ ងាយ ស្រួល ឡើងចុះប្រកបដោយសុវត្ថិភាព។   ទន្ទឹមនេះដែរព្រះចៅអធិការអាស្រមភ្នំជី បានអំពាវនាវដល់សប្បុរស ជន និងពុទ្ធបរិស័ទជិតឆ្ងាយទាំងអស់មេត្តាជួយចាប់ ជាកុសលតាម សទ្ធាជ្រះថ្លាជាថវិកាឬសម្ភារៈយកមកកសាងសមិទ្ធផលមួយចំនួនបន្តទៀតពិសេសគឺកសាងផ្លូវបេតុងមួយខ្សែបន្តទៀតសម្រាប់ឡើងដល់អាស្រម ព្រោះពេលនេះក៏ជិតដល់រដូវបុណ្យភ្ជុំបិណ្ឌផងដែរ។ទីនេះក៏នឹងក្លាយទៅ ជាកន្លែងទេសចរណ៍ធម្មជាតិសម្រាប់ភ្ញៀវ ជាតិនិងអន្តរជាតិទៀតផងដោយទេសភាពដ៏ស្រស់ត្រកាល។ គួរបញ្ជាក់ថាផ្លូវបេតុងដែលកំពុងសាងសង់នេះមានទទឹងប្រាំមួយម៉ែត្របណ្តោយ៤០០ម៉ែត្រ។បច្ចុប្បន្នកសាងបាន៧០ភាគរយហើយ ប៉ុន្តែនៅខ្វះថវិកាសាងសង់បន្តទៀត។អាស្រមភ្នំជី មានព្រះសង្ឃគង់ នៅចំនួនបីអង្គ។ ប្រសិនជាសប្បុរសជននិងពុទ្ធបរិស័ទមានសទ្ធា ជ្រះថ្លាចូលរួមកសាងអាចទំនាក់ទំនងលេខទូរសព្ទ…

ភ្នំពេញ៖​ ថ្នាក់ដឹកនាំខេត្តកែបបានបង្ហាញពីការប្តេជ្ញាថា នឹងបន្តជំរុញកសាងហេដ្ឋារចនាសម្ព័ន្ធផ្លូវថ្នល់នៅតំបន់ជនបទឱ្យបានខ្វាត់ខ្វែងបន្ថែមទៀត ដោយមិនឱ្យមានគម្លាតឆ្ងាយខ្លាំងពីតំបន់ទីក្រុងនោះឡើយ។ការប្តេជ្ញានេះបានធ្វើឡើងនៅក្នុងសន្និសីទសារព័ត៌មានស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាលខេត្តកែប កាលពីថ្ងៃទី១១ ខែឧសភា ឆ្នាំ២០២៣។ ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប បានលើកឡើងថា នាពេលអនាគត ការធ្វើដំណើរនៅតាមតំបន់ទីជនបទសម្រាប់ខេត្ដកែប នឹងកាន់តែមានភាពងាយស្រួលខ្លាំង ខណៈបច្ចុប្បន្នជាផែនការរបស់ខេត្ត បាននិងកំពុងយកចិត្ដទុកដាក់លើជំរុញដល់ការងារកសាងជួសជុល ថែទាំ ផ្លូវជាតិ ផ្លូវខេត្ត និងបន្តកសាងផ្លូវជនបទ ឱ្យមានគុណភាពខ្ពស់ ក្នុងគោលបំណងតភ្ជាប់បណ្តាញផ្លូវពីទីរួមខេត្ត ទៅស្រុក និងពីស្រុកមកទីរួមខត្ត។ លោកបានបញ្ជាក់ថា៖«រដ្ឋបាលខេត្តកែប បានបន្តជំរុញសកម្មភាពសំខាន់ៗ ដូចជា បន្តជំរុញការកសាង និងជួសជុលហេដ្ឋារចនាសម្ព័ន្ធគមនាគមន៍នៅជនបទ តាមសំណូមពរចាំបាច់របស់ប្រជាពលរដ្ឋមូលដ្ឋាន ដោយធ្វើយ៉ាងណាខិតខំធ្វើផ្លូវបេតុងទៅដល់ទីជនបបទ ដោយមិនឱ្យគម្លាតឆ្ងាយពីទីក្រុងនោះឡើយ។មានន័យថាទីក្រុងមានអី ទីជនបទក៏មានហ្នឹងដែរ ដើម្បីឆ្លើយតបទៅនឹងតម្រូវការរបស់មូលដ្ឋាន ក្នុងការធ្វើដំណើរ ដឹកជញ្ជូន កសិផលនានា ពិសេសរួមចំណែកអភិវឌ្ឍន៍ខេត្តឱ្យមានសន្ទុះរីកចម្រើន»។ ជាមួយគ្នានេះឯកឧត្តមបានបញ្ជាក់ដែរថារដ្ឋបាលខេត្តក៏បានបន្តជំរុញយ៉ាងសកម្មក្នុងការកែលម្អសោភ័ណភាពតាមដងផ្លូវ គេហដ្ឋាន ទីសាធារណៈ រមណីយដ្ឋានទេសចរណ៍ ឆ្នេរកម្សាន្ត និងសាងសង់កែលម្អនូវសមិទ្ធផលសំខាន់ៗ។ មានដូចជា ការសាងសង់អគាររដ្ឋបាល សួនច្បារ ដាក់បង្គោលភ្លើងបំភ្លឺតាមផ្លូវសាធារណៈ និងទីប្រជុំជន ដាក់រូបសំណាកថ្មីៗ ការបង្កើតកន្លែងហាត់ប្រាណ…

ខេត្តកំពង់ស្ពឺ ៖ ឯកឧត្តម នេត្រ ភក្រ្តា បានលើកឡើងថា បច្ចុប្បន្ននេះ ភ្ញៀវទេសចរណ៍សប្បាយរីករាយនៅក្នុងការដើរនៅក្នុងព្រៃ ជាពិសេសអ្នករស់នៅរាជធានីភ្នំពេញ នៅក្នុងថ្ងៃឈប់សម្រាក គឺបានដាក់គោលដៅធ្វើដំណើរទៅលេងខ្នងផ្សារច្រើន ដែលធ្វើឱ្យប្រជាសហគមន៍សប្បាយរីករាយនៅក្នុងការរកចំណូល សំរាប់ផ្គត់ផ្គង់នៅក្នុងជីវភាពគ្រួសារ ។ ឯកឧត្តម នេត្រ ភក្រ្តា បានលើកឡើងបន្តថា ក្នុងនាមរដ្ឋមន្រ្តីក្រសួងបរិស្ថាន និងក្នុងនាមអភិបាលខេត្ត និងធ្វើការដាំដើមផ្កាអមសងខាងផ្លូវ ជាគ្រឿងលំអរ ដើម្បីឱ្យភ្ញៀវទេសចរណ៍កាន់តែសប្បាយរីករាយថែមទៀត ផ្លូវដែលមានចំងាយប្រមាណជា ៣០ គីឡូម៉ែត្រ ចាប់ចំណុចពីរង្វល់មូលភ្នំឱរ៉ាល់ ឆ្ពោះទៅតំបន់រលាក់កងជើង ឡើងទៅខ្នងផ្សារគឺជាផ្នែកមួយនៃតំបន់ ដែលទិសដៅទេសចរណ៍ ធ្វើដំណើរទៅ ។ ការលើកឡើងរបស់ ឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថាន និងជាប្រធានយុទ្ធនាការអន្ទាក់សូន្យ ធ្វើឡើងក្នុងឱកាសអញ្ជើញជាអធិបតី ក្នុងពិធីបើកយុទ្ធនាការ អន្ទាក់សូន្យ នៅក្នុងខេត្តកំពង់ស្ពឺ កាលពីថ្ងៃទី ៩ ខែឧសភា ឆ្នាំ២០២៣ ដែលជាខេត្តទីពីរ បន្ទាប់ពីខេត្តពោធិ៍សាត់ ។ ឯកឧត្តម រដ្ឋលេខាធិការបញ្ជាក់បន្តថា ក្រសួងបរិស្ថាន តាមរយៈរដ្ឋបាលខេត្ត និងមន្ទីរបរិស្ថានខេត្តកំពង់ស្ពឺ និងធ្វើការជ្រើសរើសដើមឥន្ទនេល…