(ភ្នំពេញ)៖ អង្គភាពប្រឆាំងអំពើពុករលួយបានកំពុងដំណើរការករណីមានការបង្ហោះ”បែកធ្លាយវិញ្ញាសាគណិតវិទ្យា”ក្នុងការប្រឡងបាក់ឌុប ដែលទើបបញ្ចប់កាលពីថ្មីៗមកនេះដែលនាំ ឱ្យមានការភ័ណ្ឌច្រឡំ។ គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុប បានដំណើរការប្រឡងរយៈពេល២ថ្ងៃពោលគឺចាប់ពីថ្ងៃទី ២៨ និងទី២៩ ខែ សីហា ឆ្នាំ ២០២៥កន្លងមក។ បើតាមអង្គភាពប្រឆាំងអំពើពុករលួយបានឱ្យដឹងថា៖ ក្រុមការងារនៅតែរកមិនឃើញរូបពិត ប្រាកដនៃវិញ្ញាសាគណិតវិទ្យានេះនៅតាមការបង្ហោះនានានៅឡើយទេ ហើយឃើញតែរូបថតវិញ្ញា សាវាយអក្សរឡើងវិញ ហើយថតដោយកាត់គែម (Crop) និងរូបថត ជាវិញ្ញាសាគណិតវិទ្យាដែលថត ផ្សាយព្រាលៗ រូបខ្លះមានឃើញហត្ថលេខាសង្ខេប ដែលទាំងនោះមិនមែនជារូបវិញ្ញាសាគណិតវិទ្យារូប រាងពិតឡើយ។ ជាមួយគ្នានេះអង្គភាពប្រឆាំងអំពើពុករលួយក៏បានស្នើសុំសហការផងដែរ ពីអ្នកប្រើប្រាស់បណ្ដាញសង្គម ដែលបានដឹង និងរក្សាទុកភស្តុតាង ក្រោយគណនីមួយចំនួន បានលុបការបង្ហោះរបស់ខ្លួន រួចមក។ គួរបញ្ជាក់ថាក្រសួងអប់រំយុវជន និង កីឡាបានបញ្ជាក់ថាមិនមានធ្លាយវិញ្ញាសារការប្រឡងបាក់ឌុបឡើយ ហើយករណីបង្ហោះនេះតាមបណ្តាញសង្គមហ្វេសប៊ុកនេះជាការមិនពិត៕ ដោយ៖ម៉ាដេប៉ូ

បន្ទាយមានជ័យ៖ខណៈការប្រឡងសញ្ញាបត្រមធ្យមសិក្សាទុតិយភូមិ​ឬបាក់​ឌុបសម័យប្រឡង៖២៨សីហា បាន​បញ្ចប់ដោយរលូនកាល​ពីល្ងាចថ្ងៃទី២៩ ខែសីហា​ប្រធានមន្ទីរអប់រំ យុវជន និងកីឡាខេត្តបន្ទាយ​មានជ័យបាន​ជូនជាសារទៅកាន់​បេក្ខជន​ទាំងអស់ថា ទោះជាប់ ឬធ្លាក់​ត្រូវបន្តការសិក្សា ឬរៀនយកជំនាញវិជ្ជាជីវៈដើម្បីកសាងអនាគតដ៏​ប្រសើរ។ ជាមួយនឹងការអបអរដល់បេក្ខជនប្រឡងបាក់ឌុបទាំងអស់ដែលបានបញ្ចប់សំណេរប្រឡងរបស់ខ្លួនតាមការ​កំណត់ លោក ឈូ ប៊ុនរឿង​ ប្រធាន​មន្ទីរអប់រំ យុវជន និងកីឡាខេត្តបន្ទាយមានជ័យក៏បានលើកឡើងអំពីអ្វី​ដែល​បេក្ខជននឹងជួបនៅពេលប្រកាសលទ្ធផល ។ប៉ុន្តែលោកបានលើក​ទឹកចិត្តថា ​ប្រឡងទោះជាប់ ឬមិនជាប់ក្ដី សំខាន់បេក្ខជនត្រូវបន្តការ​សិក្សា ឬរៀនយកជំនាញវិជ្ជាជីវៈ ណាមួយដែលជាគោលដៅជីវិតរបស់ខ្លួន នោះជារឿងសំខាន់។ ចំណែក កញ្ញា ឆៃ អេងសុជាតា បេក្ខជនបានបង្ហាញទស្សនៈរបស់ខ្លួនថា បន្ទាប់ពីប្រឡងបញ្ចប់ការសិក្សាទុតិយភូមិ កញ្ញា ត្រូវបន្តការសិក្សា​ថ្នាក់​មហាវិទ្យាល័យឬក៏រៀននូវមុខជំនាញណាមួយយដែលយើងបានកំណត់គោលដៅច្បាស់លាស់និងលទ្ធភាពរបស់ខ្លួន។ លោក ចាន់ សុផាន់ណារ៉ា ​ដែលជូនកូនមកប្រឡងបាក់ឌុប​បាននិយាយថា ក្នុងនាមអាណាព្យាបាល​ក្រោយ​ប្រឡងរួច​មិន​ថាប្រឡងជាប់ ឬមិនជាប់ គឺចាំបាច់ផ្ដល់ឱកាសឱ្យកូនចៅបានបន្តការសិក្សាថ្នាក់មហាវិទ្យាល័យ ឬក៏លើកទឹកចិត្តឱ្យ​គេ​សិក្សាយកជំនាញណាដែលកូនពេញចិត្ត ដើម្បីឱ្យពួកគេមានមុខរបរចិញ្ចឹមជីវិតក៏ដូច​ចូលរួមបំពេញការងារ​ក្នុងសង្គម​ជាតិ៕ដោយ៖គៀន ច័ន្ទហ៊ីន

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូនសិស្សានុសិស្ស និងសាធារណជនទាំងអស់ មេត្តាជ្រាបថា ដើម្បីគាំទ្រដល់ដំណើរការកសាងមូលធនមនុស្សឌីជីថលឆ្លើយតបទៅនឹងតម្រូវការនៃការអភិវឌ្ឍសេដ្ឋកិច្ច សង្គម និងរដ្ឋាភិបាលឌីជីថល ក៏ដូចជាបំពេញបន្ថែមលើការអនុវត្ត “កម្មវិធីអាហារូបករណ៍ទេពកោសល្យឌីជីថលតេជោ” ក.ប.ទ. បានបង្កើត “កម្មវិធីអភិវឌ្ឍន៍ជំនាញឌីជីថល (ក.អ.ជ.ឌ.)” ដែលមានឈ្មោះជាភាសាអង់គ្លេសថា Digital Skill Development Program (DSDP) ដែលជាកម្មវិធីផ្តល់ថវិកាសិក្សាដោយមិនគិតការប្រាក់ (ជំនួយហិរញ្ញវត្ថុ) មិនមែនជាអាហារូបករណ៍ (Financial Aid without Interest)។ ក្នុងឆ្នាំសិក្សា ២០២៥-២០២៦ នេះ ក.ប.ទ. នឹងវាយតម្លៃជ្រើសរើសបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២៥ ដែលមានបំណងសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅតាមគ្រឹះស្ថានឧត្តមសិក្សាដៃគូរបស់ ក.អ.ជ.ឌ. ចំនួន ៦ ដោយភ្ជាប់មកជាមួយនូវជំនាញ លក្ខខណ្ឌ និងអត្ថប្រយោជន៍ផ្សងៗ។ សូមអញ្ជើញអានខ្លឹមសាទាំងស្រុងខាងក្រោមនេះ ។ ដោយ ៖ ង៉ាន់ ទិត្យ

(រតនគិរី)៖ ឯកឧត្តម វ៉េង ហៀង អនុរដ្ឋ​លេខា​ធិការ​ក្រសួង​ការ​ងារ និងបណ្ដុះ​បណ្ដាល​វិជ្ជា​ជីវៈ នៅថ្ងៃ​ទី២៨ ខែសីហា ឆ្នាំ២០២៥ បានដឹក​នាំក្រុម​ការ​ងារ​សម្រប​សម្រួល​ផ្គូរផ្គង​ទីផ្សារ​ការ​ងារ​ជូន​ពលករ នៅក្នុង​ក្រុម​ហ៊ុន ថាកូ​អា​ហ្រ្គី(THACO AGRI) ស្ថិត​នៅនៅឃុំ​ជ័យ​ឧត្តម ស្រុក​លំផាត់ ខេត្ត​រតនគិរី ដើម្បី​សម្រប​សម្រួល តាម​ដានការ​ទទួល​យក​បង​ប្អូន​ពលករ​ខ្មែរ​ដែលទើប​វិលត្រឡប់​មកពី​ប្រទេស​ថៃ។ ឯកឧត្តម វ៉េង ហៀង អនុរដ្ឋ​លេខា​ធិការ បានជួបប្រជុំ​ជាមួយ​មន្រ្តីនៃ​មន្ទីរ​ការ​ងារ និង​បណ្ដុះ​បណ្ដាល​វិជ្ជា​ជីវៈខេត្ត​រតន​គិរី និង​តំណាង​ក្រុម​ហ៊ុន ថាកូអា​ហ្រ្គី(THACO AGRI) ដើម្បី​ពិភាក្សា​ពីការ​ផ្ដល់​កន្លែង​ស្នាក់​នៅជូន​បងប្អូន​ពលករ​ខ្មែរ​ដែលទើប​វិល​ត្រឡប់​មកពី​ប្រទេស​ថៃចំ​នួន ៥៣នាក់ ដែល​បានមក​ដល់​ក្រុង​បាន​លុង ហើយ​ត្រូវចូល​សម្ភាស​ការ​ងារ​នៅ​ថ្ងៃ​ទី២៩ ខែ​សីហា ឆ្នាំ២​០២៥។ ទន្ទឹមគ្នានេះ ឯកឧត្តមបានបញ្ជាក់ថា នៅថ្ងៃទី២៨ ខែសីហា ឆ្នាំ២០២៥ មានពលករ​ខ្មែរ​មក​សម្ភាសកា​រងារនៅក្នុងក្រុម​ហ៊ុន​ចំនួន ៧៨នាក់(​ស្រី​៣២នាក់) ហើយ​បាន​សម្ភាស​ជាប់​ទាំង​អស់​គ្នា។ ដោយ​ក្នុង​នោះ ពួកគាត់​ត្រូវធ្វើ​ការផ្នែក​សំណង់ ២នាក់ និងធ្វើការ​ងារ​ក្នុង​ចំការ​ចេក​ចំនួន ៧៦​នាក់។ ក្នុងនោះ​ដែរ ឯកឧត្តម​បានពន្យល់​ណែនាំដល់​ក្រុមហ៊ុន​ឱ្យទទួលយក​បងប្អូនពលករខ្មែរ​ដែលទើប​ត្រឡប់​មកពី​ប្រទេស​ថៃ ដែលខ្វះ​អត្តសញ្ញាណ​បណ្ណ​ឱ្យ​សម្ភាស​ចូលធ្វើការ និង​សន្យាស​ហការជាមួយ​នឹងក្រុម​ការ​ងារមន្ទីរ ក៏ដូចជា ទីភ្នាក់ងារជា​តិមុខ​របរ និងការ​ងារ (NEA) ធ្វើការរួមគ្នា​ឱ្យមាន​ភាព​ស្អិត​រមួត…

(ខេត្តបាត់ដំបង)៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងគណៈប្រតិភូអមដំណើរ កាលពីថ្ងៃទី២៩ ខែសីហា ឆ្នាំ២០២៥ បានអញ្ជើញចុះពិនិត្យការច្រូតនិងប្រមូលទិញស្រូវ នៅស្រុកថ្មគោល ខេត្តបាត់ដំបង ។ មន្ត្រីកសិកម្មគ្រប់ជាន់ថ្នាក់ ជាពិសេសមន្ត្រីកសិកម្មឃុំ-សង្កាត់ បន្តជួយសម្របសម្រួលការច្រូត ការដឹក និងការជួយរករោងម៉ាស៊ីននិងឈ្មួញមកទិញដល់ទីវាល ដើម្បីជួយលំហូរទីផ្សាររបស់ប្រជាកសិករ។ ក្រសួងនឹងបន្តគាំទ្រការស្ដារមកវិញនៅរដូវក្រោយ តាមរយៈការចងក្រងជាសហគមន៍កសិកម្មទំនើប និងការដាំដុះតាមកិច្ចសន្យា ដែលជួយពុកម៉ែបងប្អូនប្រជាកសិករកាត់បន្ថយថ្លៃដើម ហើយបញ្ចៀសពីហានិភ័យប្រែប្រួលថ្លៃក្នុងទីផ្សារ ៕ ប្រភព ៖ ក្រសួងកសិកម្ម