(ភ្នំពេញ)៖ ក្រសួងអប់រំបានឱ្យដឹងថា ក្នុងសកម្មភាពឆែករកសំណៅឯកសារ និង​ឧបករណ៍អេឡិចត្រូនិកគ្រប់ប្រភេទពីបេក្ខជន មុនពេលបេក្ខជនចូលក្នុងមណ្ឌល និងបន្ទប់ប្រឡង បានប្រព្រឹត្តទៅយ៉ាងតឹងរ៉ឹង ដោយគណៈកម្មការអនុរក្ស ក្រោម​ការត្រួតពិនិត្យដោយអង្គភាពប្រឆាំងអំពើពុករលួយ នាព្រឹកថ្ងៃបញ្ចប់ នៃដំណើរ​ការសំណេរ ប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុប សម័យប្រឡង៖ ២៨ សីហា ២០២៥។ ជាមួយគ្នានេះដែរក្រសួងអប់រំ យុវជន និងកីឡាបានអំពាវនាវដល់បេក្ខជនទាំងអស់​ត្រូវគោរពបទប្បញ្ញត្តិនៃការប្រឡងឱ្យបានល្អប្រសើរ ជាពិសេសមិនត្រូវលាក់ទុក​ជាប់នឹងខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ ក្នុងករណីរកឃើញថា បានប្រព្រឹត្តសកម្មភាពផ្ទុយនឹង​បទប្បញ្ញត្តិ និងកម្រិតវិន័យ បេក្ខជននឹងត្រូវបានកំណត់ឱ្យធ្លាក់ជាស្វ័យប្រវត្តិ ៕ ដោយ ៖ ម៉ាដេប៉ូ

(ភ្នំពេញ)៖ ក្រុមការងារអភិរក្សសត្វក្រៀលនៅកម្ពុជា ដែលដឹកនាំដោយ អគ្គនា យកដ្ឋានតំបន់ការពារ ធម្មជាតិនៃក្រសួងបរិស្ថានបា នបង្ហាញអំពីលទ្ធផលវិជ្ជមាន ក្នុងឆ្នាំ២០២៥ នៃការធ្វើជំរឿនសត្វក្រៀល ដែលជាប្រភេទសត្វកំពុងរងគ្រោះ ឈានទៅជិតផុតពូជនៅក្នុងពិភពលោក(Grus antigone sharpii)។ ការធ្វើជំរឿនសត្វក្រៀល បានធ្វើឡើងជារៀងរាល់ឆ្នាំ នៅគ្រប់ទីតាំងសំខាន់ៗក្នុង ប្រទេសកម្ពុជា និងប្រទេសវៀតណាម ចាប់តាំងពីឆ្នាំ២០០០មក ដែលការធ្វើជំរឿន នេះ បានផ្តល់នូវទិន្នន័យយ៉ាងសំខាន់អំពីស្ថានភាពប្រជាសាស្ត្រ នៃប្រភេទសត្វ ដ៏កម្រនេះ និងកត្តាគំរាមកំហែងរបស់ពួកវា នៅក្នុងតំបន់អាងទន្លេមេគង្គក្រោម។     ការធ្វើជំរឿនសត្វក្រៀល នៅឆ្នាំ២០២៥នេះ ក្រុមការងារបានកត់ត្រាចំនួន​សត្វ​ក្រៀលសរុប ២១៤ក្បាល នៅក្នុងប្រទេសកម្ពុជា ដែលជាចំនួនខ្ពស់បំផុត បើគិត​ពីឆ្នាំ២០២០មក ដោយមានការកើនឡើងប្រមាណជា២០% បើធៀបនឹងលទ្ធផល​ឆ្នាំ២០២៤ និងកើនដល់៣៧% បើធៀបនឹងលទ្ធផលឆ្នាំ២០២២។  ចំនួនសត្វក្រៀលដែលមានវត្តមាននៅតំបន់អាងទន្លេមេគង្គក្រោម មានការថយ​ចុះ​គួរឱ្យព្រួយបារម្ភ ក្នុងអំឡុងទសវត្សចុងក្រោយនេះ ដោយលទ្ធផលជំរឿនប្រចាំឆ្នាំ​បានធ្លាក់ចុះពី៨៦៩ក្បាល ក្នុងឆ្នាំ២០១១ មកនៅត្រឹម១៥៦ក្បាល ក្នុងឆ្នាំ២០២២​។ ដោយឡែកចាប់តាំងពីឆ្នាំ២០២២ សត្វក្រៀលបានចាប់ផ្តើមកើនឡើងវិញ។ ឯកឧត្តម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បាន​លើក​ឡើងថា «លទ្ធផលជំរឿននេះនាំមកនូវសុទិដ្ឋិនិយម ចំពោះការគ្រប់គ្រង និង​អភិរក្សប្រព័ន្ធតំបន់ការពារធម្មជាតិនៅកម្ពុជា»។ ឯកឧត្តមបានបន្ថែមថា…

(ភ្នំពេញ)៖ ថ្ងៃទី១នៃការប្រឡងសញ្ញាបត្រមធ្យមសិក្សាទុតិយភូមិឬហៅថាបាក់ឌុប សម័យប្រឡង៖ ២៨ សីហា ២០២៥នេះ បេក្ខជនដែលមានបញ្ហាសុខភាពសរុប​ចំនួន ៨៥នាក់ ក្នុងនេះដាក់ឱ្យប្រឡងដាច់ដោយឡែក២៦នាក់ ដោយស្ថិតក្រោម​ការយកចិត្តទុកដាក់មើលថែពីក្រុមគ្រូពេទ្យ និងសម្រាប់បេក្ខជនដែល​បោះបង់ការ​ប្រឡង ដោយសារបញ្ហាសុខភាពមានចំនួន២នាក់។ យោងតាមក្រសួងអប់រំបានឱ្យដឹងថាក្នុងចំណោម បេក្ខជនដែលមានជំងឺនេះមានគ្រុន​ឈាមចំនួន ៩នាក់ និងគ្រោះថ្នាក់ចរាចរណ៍ ៤នាក់ ។ដោយឡែក​គណៈមេប្រយោគ​មានបញ្ហាសុខភាព៣៥នាក់។ ជាមួយគ្នានេះ ក្រសួងអប់រំ យុវជន និងកីឡា ជំរុញលើកចិត្តឱ្យបេក្ខជនប្រឡង​ទាំងអស់​ត្រូវថែរក្សាសុខភាពឱ្យបានល្អ សម្រាក និងបរិភោគអាហារឱ្យបាន​គ្រប់គ្រាន់ប្រកបដោយអនាម័យ ដើម្បីទទួលបានលទ្ធផលល្អក្នុងការប្រឡង។ ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥នេះដែរ មានបេក្ខជនចុះឈ្មោះប្រឡងសរុបចំនួន ១៤៦ ៧២០ នាក់ (ស្រី ៨១ ៤៤២ នាក់) ក្នុងនោះបេក្ខជនថ្នាក់វិទ្យាសាស្ត្រ មានចំនួន ៤០ ៦៧៨ នាក់ (ស្រី ២៤ ៥១៩ នាក់) បេក្ខជនថ្នាក់វិទ្យាសាស្ត្រសង្គមមានចំនួន ១០៦ ០៤២ នាក់ (ស្រី ៥៦ ៩២៣…

(ភ្នំពេញ)៖ ក្រសួងអប់រំយុវជននិងកីឡាបានឱ្យដឹងថាក្នុងដំណើរការសំណេរ​នាថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុប សម័យប្រឡង៖ ២៨ សីហា ២០២៥ បានប្រព្រឹត្តទៅដោយរលូនល្អ មិនមានបាតុភាព មិនប្រក្រតី ណាមួយគួរឲ្យកត់សម្គាល់ឡើយ។ បើតាមក្រសួងអប់រំបានឱ្យដឹងដែរថា ក្នុងដំណើរការសំណេរនាព្រឹកថ្ងៃទី១ មាន២មុខវិជ្ជាគឺ៖ ប្រវត្តិវិទ្យា និងជីវវិទ្យា (សម្រាប់ថ្នាក់វិទ្យាសាស្ត្រ) ផែនដី និងបរិស្ថានវិទ្យា និងប្រវត្តិវិទ្យា (សម្រាប់ថ្នាក់វិទ្យាសាស្ត្រសង្គម)។ ដោយឡែក​នារសៀលថ្ងៃទី១នេះមាន២មុខវិជ្ជាគឺ៖ គីមីវិទ្យា និងភាសាបរទេស (ថ្នាក់វិទ្យាសាស្ត្រ) និងភូមិវិទ្យា និងភាសាបរទេស (ថ្នាក់វិទ្យាសាស្ត្រសង្គម)។ ក្រសួងថាបើទោះបីមានភ្លៀងធ្លាក់នៅរាជធានីខេត្តចំនួន៨ ក្នុងនោះមាន​រាជធានីភ្នំពេញ ខេត្តក្រចេះ ស្ទឹងត្រែង តាកែវ កំពង់ឆ្នាំង ពោធិ៍សាត់ ព្រះវិហារ និងខេត្តកំពង់ស្ពឺ និងដោយអន្លើនៅខេត្តកំពង់ចាម ប៉ុន្តែដំណើរការសំណេរនៅ​តែមានដំណើរការល្អ មានសភាពស្ងប់ស្ងាត់ និងរបៀបរៀបរយល្អ ដោយមាន​ការយកចិត្តទុកដាក់ និងទំនួលខុសត្រូវខ្ពស់ពី គណៈមេប្រយោគទូទាំងប្រទេស គណៈអប្បមាទទូទាំងប្រទេស ជំនួយការអប្បមាទទូទាំងប្រទេស ប្រធាន អនុប្រធានមណ្ឌល គណៈកម្មការកណ្ដាល គណៈកម្មការត្រួតពិនិត្យអគារ គណៈកម្មការអនុរក្ស ដោយមានការចូលរួមសហការដោយ សហភាពស​ហព័ន្ធយុវជនកម្ពុជា អង្គភាពប្រឆាំងអំពើពុករលួយ…

កំពង់ធំ ៖ឯកឧត្តម សោម ស៊ុន សមាជិកអចិន្ត្រៃយ៍គណបក្សខេត្តអនុ​ប្រធានក្រុមការងាររបស់គណបក្ស​ចុះមូលដ្ឋាន​ស្រុក និងជាប្រធាន​ក្រុមការងាររបស់គណបក្សប្រជាជនកម្ពុជាចុះមូលដ្ឋានឃុំដងកាំបិត ស្រុកសណ្ដាន់ ខេត្តកំពង់ធំ កាលពីថ្ងៃទី២៨ ខែសីហា ឆ្នាំ២០២៥ បានអញ្ជើញសាកសួរសុខទុក្ខ និងនាំយកនូវអំណោយ​របស់សម្ដេច​អគ្គមហា​សេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ទៅឧបត្ថម្ភជូនក្រុមគ្រួសារ​ប្រជាពលរដ្ឋមានជីវភាពលំបាកខ្វះខាត ព្រមទាំងពលករចំណាកស្រុក​ដែល​បាន​វិលត្រឡប់​មកពីប្រទេសថៃចំនួន៣៥គ្រួសារ នៅឃុំដងកាំបិត។ អំណោយមាន អង្ករ មី ទឹកត្រី ទឹកស៊ីអ៊ីវ ត្រីខកំប៉ុង និងភួយ ៕ដោយ ៖ប៊ុន រដ្ឋា

ក្រចេះ៖ក៏ដូចជាខេត្តដទៃដែរ ចាប់តាំងពីព្រឹកព្រលឹមនៅខេត្តក្រចេះបើកដំណើរការប្រឡង សញ្ញាបត្រមធ្យមសិក្សា​ទុតិយភូមិ ឬ បាក់ឌុប ឆ្នាំ២០២៥-២០២៦។ ក្នុងឱកាសអញ្ជើញចូលរួមបើកវិញ្ញាសាសំណេរកាលពីព្រឹកថ្ងៃទី២៨ ខែសីហា ឆ្នាំ២០២៥ អភិបាលខេត្តក្រចេះ ឯកឧត្តម វ៉ា ថន បានលើកទឹកចិត្តបេក្ខជនប្រឡងទាំងអស់ ត្រូវយកចិត្តទុកដាក់ខិតខំធ្វើឱ្យបានល្អ និងត្រឹមត្រូវ​នូវវិញ្ញាសានីមួយៗឱ្យអស់ពីសមត្ថភាព ។ត្រូវគោរពឱ្យបានខ្ជាប់ខ្ជួននូវបទប្បញ្ញត្តិ និងបទបញ្ជាផ្ទៃក្នុងនៃការប្រឡង។ មិនត្រូវបង្កការរំខាននៅក្នុងបន្ទប់ ឬក៏លួចលាក់សំណៅមេរៀន។ យោងរបាយការណ៍របស់មន្ទីរអប់រំ យុវជន និងកីឡាខេត្តក្រចេះ បានបង្ហាញថា ខេត្តក្រចេះមានមណ្ឌលប្រឡងចំនួន ៥មណ្ឌល គឺមណ្ឌលវិទ្យាសាស្ត្រចំនួន២ និងមណ្ឌលវិទ្យាសាស្ត្រសង្គមចំនួន៣ ស្មើនឹង១០៦ បន្ទប់ ។មានបេក្ខជន​សរុប ២.៦១៧នាក់( ស្រី ១.៤៥៦នាក់) ក្នុងនោះបេក្ខជនស្វ័យរិន ២៩១នាក់ (ស្រី ១៤៦នាក់)។ ថ្នាក់វិទ្យា​សាស្ត្រ​មានបេក្ខជនសរុបចំនួន ៩១៤នាក់ (ស្រី៥៥៣នាក់) និងថ្នាក់វិទ្យាសាស្ត្រសង្គមបេក្ខជន សរុប១.៧០៣នាក់( ស្រី ៩០៣នាក់)។គណៈមេប្រយោគចំនួន ៣៥៥នាក់ (ស្រី១៤៦នាក់) ៕ ដោយ៖ឡុង សំបូរ

ភ្នំពេញ៖ការប្រឡងបាក់ឌុបសម័យប្រឡង៖២៨សីហានៅខេត្តបន្ទាយ​មានជ័យ ​មានបេក្ខជនមួយរូបមានវ័យ ៦៤ឆ្នាំ នៅតែរក្សាភាព​ក្លាហាន​ចូលរួមប្រឡងនៅថ្ងៃដំបូងដោយទឹកមុខរីករាយ ខណៈ បេក្ខជនដែលមាន​បញ្ហាសុខភាពចំនួន​៤នាក់​ផ្សេងទៀតក៏កំពុងបន្តការប្រឡងនៅរសៀល​ថ្ងៃទី២៨ ខែសីហា នេះ។ ក្រសួងអប់រំបានឱ្យដឹងថា ទោះបីជាស្ថិតក្នុងវ័យចំណាស់ និងមានបញ្ហាភ្នែក ប៉ុន្តែបេក្ខជនឈ្មោះ ឃឹម សាវ៉ាន់ មាន​តុលេខ២៣០ បន្ទប់លេខ១០ នៅមណ្ឌល​ប្រឡងអនុវិទ្យាល័យទឹកថ្លា ខេត្តបន្ទាយមានជ័យ​នៅតែបន្តការ​ប្រឡង​ធម្មតាដូចបេក្ខជនដទៃទៀតដែរ។ ដោយឡែកករណីបេក្ខជន ៤រូប នៅមណ្ឌលប្រឡងវិទ្យាល័យសិរីសោភ័ណ ដែលមានបញ្ហាសុខភាព ក៏បាន​មកបន្តប្រឡងនារសៀលថ្ងៃដំបូង នៃការ​ប្រឡងនេះដែរ ក្រោមការសម្របសម្រួល និងជួយពីគណៈមេប្រយោគ និងក្រុមគ្រូពេទ្រប្រចាំការ។ សូមជម្រាបថា សម្រាប់រសៀលថ្ងៃទី១ នៃដំណើរការសំណេរមាន វិញ្ញាសា​គីមីវិទ្យា ភាសាបរទេស (ថ្នាក់វិទ្យាសាស្រ្ត) និងភូមិវិទ្យា ភាសាបរទេស (ថ្នាក់វិទ្យាសាស្ត្រសង្គម) ដែលប្រព្រឹត្តទៅពីម៉ោង ១៤:០០ ដល់ម៉ោង ១៧:០០។ ក្រសួងអប់រំ យុវជន និងកីឡា គ្រោងនឹងប្រកាសលទ្ធផលប្រឡងនៅ​ថ្ងៃទី២០ ខែកញ្ញា សម្រាប់រាជធានី ខេត្ត ទូទាំងប្រទេស ដោយទាំង​មានផ្សាយនៅលើទំព័រហ្វេសប៊ុកផ្លូវការក្រសួងទៀតផង៕ ដោយ៖ម៉ាដេប៉ូ

ភ្នំពេញ៖ជាការសង្កេតដោយម៉ត់ចត់ នៅរសៀលថ្ងៃទី២៨ ខែសីហា ឆ្នាំ​២០២៥ ដែល​ជាថ្ងៃដំបូងនៃសម័យប្រឡង​តាមមណ្ឌលប្រឡង​នានាមាន​ការត្រួតពិនិត្យ និងផ្ទៀងផ្ទាត់ ឆែករកសំណៅឯកសារ និងឧបករណ៍​អេឡិចត្រូនិក យ៉ាងយកចិត្តទុកដាក់ពីសំណាក់គណៈមេប្រយោគ អាជ្ញាធរ​មានសមត្ថកិច្ច អង្គភាពប្រឆាំងអំពើពុករលួយ។ ទាំងមុនពេលប្រឡង និងក្នុងថ្ងៃប្រឡង ក្រសួងអប់រំបានក្រើនរំលឹក​ដល់បេក្ខជនទាំងអស់ ត្រូវអនុវត្តឱ្យបាន​ខ្ជាប់នូវ​បទប្បញ្ញត្តិ កម្រិតវិន័យ​សម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥។ ក្រសួងអំពាវនាវដល់បេក្ខជនទាំងអស់ត្រូវគោរព​បទប្បញ្ញត្តិ​នៃការប្រឡងឱ្យបានល្អប្រសើរ ជាពិសេសមិនត្រូវលាក់ទុក​ជាប់នឹងខ្លួននូវ សំណៅឯកសារនានា ឧបករណ៍អេឡិចត្រូនិកគ្រប់ប្រភេទចូលក្នុងមណ្ឌល​ប្រឡង ឬបន្ទប់ប្រឡងជា​ដាច់ខាត។ ក្រសួងព្រមានទុកមុនថា ក្នុងករណីរកឃើញថាបានប្រព្រឹត្តសកម្មភាពផ្ទុយ​នឹងបទប្បញ្ញត្តិ និងកម្រិតវិន័យ បេក្ខជននឹងត្រូវ​បាន​កំណត់ឱ្យធ្លាក់ជាស្វ័យ​ប្រវត្តិ៕ ដោយ៖ម៉ាដេប៉ូ

ភ្នំពេញ៖ការប្រឡងសញ្ញាបត្រមធ្យមសិក្សាទុតិយភូមិសម័យប្រឡង៖២៨សីហា នារសៀលទី១នៃដំណើរការសំណេរ​នេះ មានភ្លៀងធ្លាក់នៅ​ខេត្តក្រចេះ ។ទោះបីយ៉ាងណាក៏ដោយក៏បេក្ខជនប្រឡង នៅ​តែបន្តធ្វើដំណើរ​ចូលទៅ​ប្រឡង​ជាធម្មតា។នេះបើតាមការបញ្ជាក់ពីក្រសួងអប់រំ យុវជន និងកីឡា។ សម្រាប់រសៀលថ្ងៃទី១ នៃដំណើរការសំណេរមាន៖ វិញ្ញាសាគីមីវិទ្យា ភាសាបរទេស (ថ្នាក់វិទ្យាសាស្រ្ត) និងភូមិវិទ្យា ភាសាបរទេស (ថ្នាក់វិទ្យា​សាស្ត្រសង្គម) ដែលប្រព្រឹត្តទៅពីម៉ោង ១៤:០០ ដល់ម៉ោង ១៧:០០។ សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិឬបាក់ឌុប សម័យ​ប្រឡង៖ ២៨ សីហា ២០២៥ មាន​បេក្ខជន​ចុះឈ្មោះប្រឡង​សរុបចំនួន ១៤៦ ៧២០ នាក់ (ស្រី ៨១ ៤៤២ នាក់) ក្នុងនោះបេក្ខជន​ថ្នាក់វិទ្យាសាស្ត្រ មានចំនួន ៤០ ៦៧៨ នាក់ (ស្រី ២៤ ៥១៩ នាក់) បេក្ខជនថ្នាក់វិទ្យាសាស្ត្រសង្គមមានចំនួន ១០៦ ០៤២ នាក់ (ស្រី ៥៦ ៩២៣ នាក់)។ ក្រសួងអប់រំគ្រោងនឹងប្រកាសលទ្ធផលប្រឡងនៅថ្ងៃទី២០ ខែកញ្ញាសម្រាប់​រាជធានី ខេត្តទូទាំងប្រទេស ដោយមានផ្សាយនៅលើទំព័រហ្វេសប៊ុកផ្លូវការ​របស់​ក្រសួងផងដែរ៕ ដោយ៖ម៉ាដេប៉ូ