ខេត្តបាត់ដំបង ៖ ព្រះអគ្គិជ័យកីឡា សម្រាប់ព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ (ឆ្នាំ២០២៣) បានដង្ហែមកដល់ក្រុងបាត់ដំបង នៅរសៀលថ្ងៃទី១ ខែឧសភា ឆ្នាំ២០២៣ និងដោយមានការទទួលស្វាគមន៍ពីថ្នាក់ដឹកនាំក្នុងខេត្ត មន្រ្តីរាជការ កងកម្លាំងទាំង៣ ប្រជាពលរដ្ឋ លោកគ្រូ អ្នកគ្រូ និងសិស្សានុសិស្ស យ៉ាងច្រើនកុះករចេញមកសាទរ ដោយបានស្រែកបន្លឺជ័យឃោសអបអរអំណរសាទរនូវក្បួនដង្ហែព្រះអគ្គិជ័យកីឡា រាបពាន់ម៉ឺននាក់ បានសាទរសនូវព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលកម្ពុជា ធ្វើជាម្ចាស់ផ្ទះក្នុងការរៀបចំព្រឹត្តិការណ៍ដ៏មានសារសំខាន់មួយនេះ និងដើម្បីបង្ហាញទៅកាន់ពិភពលោក ឲ្យកាន់តែបានឃើញ បានដឹង បានស្គាល់និងបានយល់ពីកម្ពុជា ក្រោមការដឹកនាំដ៏ឈ្លាសវៃនិងប៉ិនប្រសព្វរបសសម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបាននាំមកនូវសុខសន្តិភាពយ៉ាពេញលេញជូនជាតិមាតុភូមិ និងប្រជាជនកម្ពុជា ថែមទាំងធ្វើឲ្យកីឡារស់ក្រោមម្លប់សន្តិភាព ទៀតផង។ ហើយការដង្ហែព្រះអគ្គីជ័យនេះដឹកនាំដោយឯកឧត្តម នី ផល្លី រដ្ឋលេខាធិការក្រសួងទេសចរណ៍ និងជាបេសកជន ពិសេសនៃគណៈកម្មាធិការជាតិរៀបចំព្រឹត្តិការណ៍ កីឡាអាស៊ីអាគ្នេយ៍ និងឯកឧត្តមសុខ លូ អភិបាលខេត្តបាត់ដំបង ។ ឯកឧត្តម សុខ លូ…

ភ្នំពេញ៖ នៅព្រឹកថ្ងៃទី២ ខែឧសភា ឆ្នាំ២០២៣នេះ ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីស្ថានភាពធាតុអាកាស ចាប់ពីថ្ងៃទី៣ ដល់ថ្ងៃទី៩ ខែឧសភា ឆ្នាំ២០២៣។ ក្រសួងបានបញ្ជាក់ថា ចាប់ពីថ្ងៃទី៣-៧ ខែឧសភា ទទួលឥទ្ធិពលខ្សោយពីទ្រនុងសម្ពាធខ្ពស់ចិន ហើយបន្តពីថ្ងៃទី៨ ខែឧសភា ទទួលឥទ្ធិពលខ្សោយពីជ្រលងសម្ពាធទាបឥណ្ឌា និងខ្យល់មូសុងនិរតី។ លក្ខណៈបែបនេះនឹងធ្វើឲ្យ៖ ១៖តំបន់ទំនាបកណ្តាល * សីតុណ្ហភាពអប្បបរមា មានពី ២៥-២៧ °C * សីតុណ្ហភាពអតិបរមា មានពី ៣៧-៣៩ °C * ចាប់ពីថ្ងៃទី៣-៧ខែឧសភា ស្ថានភាពភ្លៀងធ្លាក់ដោយផ្នែកក្នុងបរិមាណពីខ្សោយទៅតិច លាយឡំ ដោយផ្គរ រន្ទះ និងខ្យល់កន្ត្រាក់។ * បន្តពីថ្ងៃទី៨ ខែឧសភា ស្ថានភាពភ្លៀងនឹងមានការកើនឡើងរាយប៉ាយក្នុងបរិមាណពីតិចទៅបង្គួរលាយឡំដោយផ្គរ រន្ទះ និងខ្យល់កន្ត្រាក់។ ២៖តំបន់ខ្ពង់រាប * សីតុណ្ហភាពអប្បបរមា មានពី ២៥-២៧ °C * សីតុណ្ហភាពអតិបរមា មានពី ៣៦-…

កំពង់ធំ៖ ក្នុងឱកាសផ្សព្វផ្សាយសភាពការណ៍ថ្មីៗ ដែលកើតមានឡើងក្នុងពិភពលោក តំបន់ និងក្នុងប្រទេស នៅព្រឹកថ្ងៃទី១ ខែឧសភា ឆ្នាំ២០២៣  ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានណែនាំដល់យោធិន ត្រូវពង្រឹង និងអនុវត្តឲ្យបានត្រឹមត្រូវតាមតួនាទីភារកិច្ចរបស់កងយោធពលខេមរភូមិន្ទ ស្របតាមលក្ខន្តិកៈនិងបទវិន័យទូទៅរបស់កងយោធពលខេមភូមិន្ទ ជាមួយនោះដែរ ត្រូវចិត្តដាក់ពង្រឹងការងារអប់រំចិត្តសាស្ត្រ ពង្រឹងឆន្ទៈមនសិការស្នេហាជាតិ។ ឧត្តមសេនីយ៍ទោ សោម ស៊ុន បានជម្រាបជូនពីព្រឹត្តិការណ៍ជាប្រវត្តិសាស្ត្រនៅកម្ពុជា ស្តីពីការរៀបចំពិធីប្រកួតកីឡាអាសុីអាគ្នេយ៍លើកទី៣២ និងអាស៊ានប៉ារ៉ាហ្គែមលើកទី១២ ដែលក្នុងឱកាសនេះ កម្ពុជាយើងបានធ្វើជាម្ចាស់ផ្ទះ ហើយក៏ជាប្រវត្តិសាស្ត្រ ដែលយើងមិនលក់សំបុត្រសម្រាប់ចូលទស្សនា។ ព្រមជាមួយនោះប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន មិនយកថវិកាពីបណ្តាប្រទសដែលត្រូវបញ្ជូនកីឡានិងប្រតិភូកីឡាមកប្រកួតនៅក្នុងព្រឹត្តិការណ៍កីឡាអាស៊ាននិងកីឡាអាស៊ានប៉ារ៉ាហ្គេម ក្នុងព្រះរាជាណាចក្រកម្ពុជាឡើយ ។ បន្ទាប់មកឧត្តមសេនីយ៍ទោ សោម ស៊ុន ក៍បានប្រគល់ភារកិច្ជូនសំខាន់ៗមួយចំនួនដល់កងកម្លាំងចំណុះបញ្ជាការដ្ឋានតំបន់ប្រតិបត្តិការសឹករងកំពង់ធំ មានជាអាទិ ៖ ទី១-ត្រូវយកចិត្តទុកដាក់ក្នុងការសហការជាមួយកងកម្លាំងពាក់ព័ន្ឋការពារសន្តិសុខសុវត្ថិភាពក្នុងការដង្ហែក្បូនព្រះអគ្គីជ័យកីឡាឆ្លងកាត់ខេត្តកំពង់ធំ និងចូលរួមសហប្រតិបត្តិការក្នុងកិច្ចការពារសន្តិសុខ សុវត្ថិភាពជូនភ្ញៀវទេសចរជាតិ អន្តរជាតិ ក្នុងព្រឹត្តិការណ៍ប្រកួតកីឡាអាស៊ីអាគ្នេយ៍នេះផងដែរ ។  ទី២-ត្រូវយកចិត្តទុកដាក់ក្មុងកិច្ចសហប្រត្តិបតិការការពារសន្តិសុខសុវត្ថិភាព ក្នុងព្រះរាជពិធីច្រត់ព្រះនង្គ័លក្រោមព្រះរាជាធិបតីភាពព្រះមហាក្សត្រនៃព្រះរាជាណាចក្រកម្ពុជា ដែលប្រព្រឹត្តិទៅនៅខេត្តកំពង់ធំ នាពេលដ៏ខ្លីខាងមុខ ។ ទី៣-ត្រូវពង្រឹង និងអនុវត្តឲ្យបានត្រឹមត្រូវតាមតួនាទីភារកិច្ចរបស់កងយោធពលខេមរភូមិន្ទ ស្របតាមលក្ខន្តិកៈនិងបទវិន័យទូទៅរបស់កងយោធពលខេមភូមិន្ទ ជាមួយនោះដែរ ត្រូវចិត្តដាក់ពង្រឹងការងារអប់រំចិត្តសាស្ត្រ ពង្រឹងឆន្ទៈមនសិការស្នេហាជាតិ…

ភ្នំពេញ ៖ ឯកឧត្តម អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា ការបើកចំហសេរីភាពអង្គការវិជ្ជាជីវៈបានធ្វើឱ្យកំណើននៃការចុះបញ្ជីកើនឡើងគួរឱ្យកត់សម្គាល់ ជាក់ស្ដែង គិតត្រឹមត្រីមាសទី១ ឆ្នាំ២០២៣ អង្គការវិជ្ជាជីវៈដែ លបានចុះបញ្ជីមានចំនួនសរុប ៦,០៦៤ ។ក្នុងនោះសហជីពមូលដ្ឋានចំនួន ៥,៧៤១ សហព័ន្ធសហជីពចំនួន ២៦៨ ស ហភាពសហជីពចំនួន ៤២ និងសមាគមនិយោជកចំនួន ១៣។ ឯកឧត្តមរដ្ឋមន្រ្តីបានថ្លែងបែបនេះ ក្នុងឱកាសប្រារព្ធពិធីខួបអនុស្សាវរីយ៍លើកទី១៣៧ ទិវាពលកម្មអន្តរជាតិ ១ ឧសភា ដោយមានការចូលរួមពីភាគីសហជីព និងភាគីនិយោជក ក៏ដូចជាអង្គការអន្តរជាតិខាងការងារ (ILO)។ ឯកឧត្តមមានប្រសាសន៍ថា ៖ «រាជរដ្ឋាភិបាលបានបន្តលើកកម្ពស់ ការការពារសិទ្ធិសេរីភាពអង្គការវិជ្ជាជីវៈ ថែរក្សាសុខដុមនីយក ម្មទំនាក់ទំនងវិជ្ជាជីវៈ ផ្តល់អត្ថប្រយោជន៍នានាជូនកម្មករនិយោជិត រួមទាំងការផ្តល់កិច្ចគាំពារសង្គមផងដែរ ស្របតាមគោលនយោបាយរបស់រាជរដ្ឋាភិបាល ច្បាប់ស្តីពីការងារ ច្បាប់ស្តីពីសហជីព និងអនុសញ្ញាអន្តរជាតិខាងការងារទាំង១៣ ដែលកម្ពុជាបានផ្តល់សច្ចាប័ន»។ នាឱកាសនោះដែរឯកឧត្ដម អ៊ិត សំហេង ក៏បានផ្តល់ជាអនុសាសន៍ ដោយ ត្រូវ អនុវត្តឱ្យបានម៉ឺងម៉ាត់នូវច្បាប់ស្តីពីការងារ ច្បាប់ស្តីពីសហជីព និងអនុសញ្ញាអន្តរជាតិ សំដៅពង្រឹងទំនាក់ទំនងវិជ្ជាជីវៈ។…