កណ្តាល៖ ប្រតិភូយុវជនគណបក្សប្រជាជនកម្ពុជាថ្នាក់កណ្តាលដឹកនាំដោយ ឯកឧត្តម ចាយ បូរិន សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានផ្នែកឃោសនាអប់រំនៃយុវជនគណបក្សថ្នាក់កណ្តាល តំណាងឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្រ្តៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល និងលោកជំទាវ ពេជ ចន្ទមុន្នី នៅថ្ងៃទី២២ ខែមេសា ឆ្នាំ២០២៣ បានអញ្ជើញសួរសុខទុក្ខឯកឧត្តមឧត្តមសេនីយ៍ឯក ហែម គួយ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជានាយរងសេនាធិការចំរុះ អគ្គបញ្ជាការកងយោធពលខេរភូមិន្ទ ដល់គេហដ្ឋាន នៅឃុំខ្ពបអាទាវ ស្រុកលើកដែក ខេត្តកណ្តាល ។ ឯកឧត្តម ចាយ បូរិន មានប្រសាសន៍ពាំនាំនូវការផ្តាំផ្ញើសួរសុខទុក្ខពីសំណាក់សម្តេចតេជោ ប្រធានគណបក្ស សម្តេចចក្រី ប្រធានកិត្តិយសគណបក្ស សម្តេច អនុប្រធានគណបក្ស ឯកឧត្តម លោកជំទាវ ដែលជាថ្នាក់ដឹកនាំគណបក្សគ្រប់លំដាប់ថ្នាក់ ជាពិសេសឯកឧត្តមបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនចំពោះ ឯកឧត្តមឧត្តមសេនីយ៍ឯក ហែម គួយ និងក្រុមគ្រួសារ ព្រមទាំងបានសម្តែងនូវការកោតសរសើរចំពោះការលះបង់ខ្ពស់របស់ ឯកឧត្តមឧត្តមសេនីយ៍ឯក ដែលបានចូលរួមបម្រើកងទ័ពដើម្បីបុព្វហេតុជាតិមាតុភូមិ…

កំពង់ធំ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការី និងក្រុមបច្ចេកទេសជីករុករកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីជីវិតក្នុងសម័យសង្គ្រាមនៅកម្ពុជា ( K72 ) តំណាងឲ្យគណបញ្ជការយោធា ខេត្តប៊ីញភឿក បានត្រួតពិនិត្យការស្ថាបនាផ្លូវបេតុងមួយខ្សែ ដែលមានប្រវែង២៨៥ម៉ែត្រ ទទឹងប្រវែង៥ម៉ែត្រ និងកម្រាស់១៥សង់ទីម៉ែត្រ ដែលកំពុងដំណើរការស្ថាបនានៅក្នុងទីបញ្ជាការតំបន់ប្រតិបត្តិការសឹករងកំពង់ធំ ក្រោមជំនួយឧបត្ថម្ភពីគណៈបញ្ជាការយោធាខេត្តប៊ិញភឿក នៃកងទ័ពប្រជាជនវៀតណាម នៅរសៀលថ្ងៃទី២១ ខែមេសា ឆ្នាំ២០២៣ ។ ឧត្តមសេនីយ៍ទោ សោម ស៊ុន បានបញ្ជាក់ថា កាលពីឆ្នាំ២០១៦កន្លងមក គណៈបញ្ជាការយោធាខេត្តប៊ិញភឿក ក៏ធ្លាប់បានជួយស្ថាបនាផ្លូវបេតុង១ខ្សែ ឆ្អឹងដែកទទឹង ៧ម៉ែត្រ កម្រាស់ ១៥សង់ទីម៉ែត្រ ប្រវែង ២០០ម៉ែត្រ ចាប់ពីខ្លោងទ្វារចូលទីបញ្ជាការតំបន់ប្រតិបត្តិការសឹករងកំពង់ធំ ដែលមានតម្លៃជាទឹកប្រាក់ ២០,០០០ដុល្លារអាមេរិក និងបានផ្តល់ម៉ាស៊ីនផលិតទឹកស្អាត ១គ្រឿង សម្រាប់ផលិតទឹកស្អាត ហើយថ្ងៃនេះ គណបញ្ជាការយោធាខេត្តប៊ិញភឿក បានដំណើរការស្ថាបនាផ្លូវបេតុងមួយខ្សែថ្មីទៀត សម្រាប់យោធិននៃបញ្ជាការដ្ឋានតំបន់ប្រតិបត្តិការសឹករងកំពង់ធំ ទុកជាប្រយោជន៍សម្រាប់អង្គភាពប្រើប្រាស់យូរអង្វែងតទៅ ។ ឧត្តមសេនីយ៍ទោ សោម ស៊ុន បានថ្លែងអំណរ គុណចំពោះលោកវរសេនីយ៍ឯក ង្វៀន…

ខេត្តពោធិ៍សាត់ ៖ “យើងរួមគ្នាបញ្ចប់វិបត្តិនៃការដាក់អន្ទាក់ និង ការជួញដូរសត្វព្រៃនៅកម្ពុជា ”នេះជាការថ្លែងបញ្ជាក់ ពីសំណាក់ឯកឧត្តម នេត្រ ភក្រ្តា រដ្ឋលេខាធិការ និងជាមន្រ្តីនាំពាក្យក្រសួងបរិស្ថាន។ ក្នុងពិធីបើកយុទ្ធនាការអន្ទាក់សូន្យដំណាក់កាលទី២នៅថ្ងៃទី២២ ខែមសា ឆ្នាំ២០២៣ នៅស្រុកវាលវែង ខេត្តពោធិ៍សាត់ ឯកឧត្តម រដ្ឋលរខាធិការបានមានប្រសាសន៍ថា៖ យុទ្ធនាការអន្ទាក់សូន្យ កំពុងប្រារព្ធធ្វើក្នុងស្រុកវាលវែង ខេត្តពោធិ៍សាត់ហើយដែលមានការចូលរួមយ៉ាងច្រើនកុះករពីស្ថាប័នរដ្ឋ វិស័យឯកជន សង្គមស៊ីវិល សិស្សនុសិស្ស្សនិងប្រជាពលរដ្ឋ ដើម្បីបញ្ចប់វិបតិ្តអន្ទាក់នៅក្នុងតំបន់ការពារធម្មជាតិនិងការជួញដូរសត្វព្រៃខុសច្បាប់នៅកម្ពុជា។ អន្ទាក់គឺជាឃាតករលាក់មុខដែលបាននិងកំពុងគំរាមកំហែងសត្វព្រៃនិងជីវៈចម្រុះ និងចូលរួមចំណែកទប់ស្កាត់ហានិភ័យនានាដែលអាចមានផលប៉ះពាល់លើសុខភាពសាធារណៈកើតចេញពីការទំនាក់ទងផ្ទាល់ជាមួយសត្វព្រៃ។ គោលបំណងនៃយុទ្ធនាការអន្ទាក់សូន្យគឺដើម្បីលប់បំបាត់អន្ទាក់គ្រប់ប្រភេទនៅក្នុងព្រៃនៃប្រទេសកម្ពុជា។ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានមានប្រសាសន៍ថា៖ «ការបរិភោគសាច់សត្វព្រៃគឺផ្តល់ហានិភ័យខ្ពស់ណាស់ ដល់សុខភាពព្រោះវាសម្បូរដោយមេរោគដែលមិនអាចមើលឃើញដោយភ្នែកទទេរបានទេហើយសាច់សត្វព្រៃក៏មិនអាចព្យាបាលជម្ងឺនានាបានដែរ។ ការចូលរួមរបស់ប្រជាពលរដ្ឋប្រជាពលរដ្ឋគ្រប់មជ្ឈដ្ឋានរួមទាំងអ្នកដោះអន្ទាក់ អ្នករាយការណ៍ពីអន្ទាក់ និងការជួញដូរ សត្វព្រៃ និងម្ចាស់ភោជនីដ្ឋានដើរតួនាទីយ៉ាងសំខាន់នៅក្នុងការកាត់បន្ថយអន្ទាក់ និងចូលរួមបង្កើតសុវត្ថិភាព ទីជម្រកសត្វព្រៃ ព្រមទាំងការរស់រានមានជីវិតរបស់សត្វព្រៃនៅក្នុងព្រៃ។» គួរបញ្ជាក់ថាមុនយុទ្ឋនាការអន្ទាក់សូន្យដំណាក់កាលទី១ ឆ្នាំ ២០២១ ក្រសួងបរិស្ថាន និងអង្គការដៃគូរបានដកអន្ទាក់សរុបចំនួនជាង៦ ម៉ឺនអន្ទាក់។ បន្ទាប់ពីយុទ្ឋនាការអន្ទាក់សូន្យដំណាក់កាលទី១ បានបញ្ចប់ក្នុងឆ្នាំ២០២២ ចំនួនអន្ទាក់ប្រមូលបានសរុបពីតំបន់ការពារធម្មជាតិមានការថយចុះមកជាង៣ម៉ឺនអន្ទាក់។ ថ្វីបើចំនួនអន្ទាក់មិនទាន់ចុះដល់សូន្យក៏ដោយប៉ុន្តែវាបានបង្ហាញនិន្នាការថយចុះគួរឲ្យកត់សម្គាល់ និងបង្ហាញថាយុទ្ឋនាការអន្ទាក់សូន្យដើរលើផ្លូវត្រូវ។ អន្ទាក់បានសម្លាប់សត្វព្រៃដោយមិនរើសមុខចាប់តាំងពីអណ្តើក…