ខេត្តពើធិ៍សាត់ ៖ ក្នុងសន្និសីទសារព័ត៌មានស្តីពីយុទ្ធនាការ អន្ទាក់សូន្យ នៅសាលាស្រុកវាលវែង ខេត្តពោធិ៍សាត់ នារសៀលថ្ងៃទី២១ ខែ មេសា ឆ្នាំ ២០២៣ របស់ ឯកឧត្តម នេត្រ ភក្រ្តា រដ្ឋលេខាធិការ ក្រសួងបរិស្ថាន បានឱ្យដឹងថា យើងមិនបានដឹងពិតប្រាកដទេថា ចំនួនអន្ទាក់ដែលត្រូវបានគេដាក់ចូលក្នុងព្រៃតាមតំបន់ធម្មជាតិ ប៉ុន្តែយើងគ្រាន់តែដឹងថាក្នុងមួយឆ្នាំៗតាមការសិក្សាស្រាវជ្រាវបានបង្ហាញថាការដកអន្ទាក់ចេញពីតាមតំបន់ការពារធម្មជាតិទូទាំងប្រទេសបានប្រមាណ ២០ភាគរយ។ ឯកឧត្តម រដ្ឋលេខាធិការ បន្តថា៖ក្នុងរយៈពេល ២ឆ្នាំមកនេះ ការដកអន្ទាក់គ្រប់ប្រភេទមានប្រមាណជាង ១០ម៉ឺនអន្ទាក់ ហើយក្នុងចំណោមអន្ទាក់ដែលបានដកចេញនេះ គឺវាក៏បានជួយដល់បញ្ហាប្រឈមហានិភ័យដល់មនុស្ស និងសត្វព្រៃជាច្រើន ។ ផ្តើមចេញពីបញ្ហាទាំងនេះហើយ បានធ្វើឱ្យអ្វីដែលក្រសួងបរិស្ថាន និង អង្គការដៃគូបន្តកិច្ចខិតខំប្រឹងប្រែង ក្នុងការងាររបស់ខ្លួនបន្ថែមទៀត ពីខេត្តមួយទៅខេត្តមួយដើម្បីបញ្ជ្រាបចំណេះដឹងនេះទៅដល់សាធារណជន ។ ឯកឧត្តម រដ្ឋលេខាធិការ បន្តទៀតថា ”អ្វីដែលយើងបានធ្វើនេះ គឺដើម្បីឱ្យការបរបាញ់សត្វព្រៃត្រូវបានបញ្ឈប់ និងក្រៅពីនេះក៏បានបញ្ជ្រាបចំណេះដឹងដល់ក្នុងចំណោមអ្នកចូលចិត្តបរិភោគសាច់សត្វព្រៃដែលធ្លាប់តែយល់ឃើញថា ការបរិភោគសាច់សត្វព្រៃធ្វើឱ្យសុខភាពល្អ ប៉ូវកំលាំង ព្យាបាលជំងឺ សូមឱ្យបញ្ឈប់ការបរិភោគសាច់សត្វព្រៃ សូមបដិសេធការបរិភោគសាច់សត្វព្រៃ ហើយសូមងាកមកបរិភោគសាច់សត្វស្រុកដែលមានកិច្ចការពារត្រឹមត្រូវ ការពិនិត្យត្រឹមត្រូវទើបវាផ្តល់នូវសារៈប្រយោជន៍ ដល់សុខភាពរបស់យើងពិតប្រាកដ ។ គួរបញ្ជាក់ថា…

ពោធិ៍សាត់៖យុទ្ធនាការអន្ទាក់សូន្យដំណាក់កាលទី២ត្រូវបានក្រសួងបរិស្ថាន ព្រមជាមួយអង្គការដៃគូ និងអាជ្ញាធរមូលដ្ឋានរួមគ្នាបើកជាផ្លូវការនាព្រឹកថ្ងៃទី ២២ ខែ មេសា ឆ្នាំ ២០២៣នាសាលា ស្រុកវាលវែង ខេត្ត ពោធិ៍សាត់ ដើម្បីសំដៅធ្វើយ៉ាងណាអប់រំផ្សព្វផ្សាយដល់សាធារណៈជនបានយល់ជ្រួតជ្រាបពីគ្រោះថ្នាក់កើតចេញពីអន្ទាក់ ក៏ដូចជាយល់កាន់តែច្បាស់ពីតម្លៃសត្វព្រៃដ៏មានតម្លៃមហាសាលមិនអាចកាត់ថ្លៃបាន ដែលរកំពុងមានវត្តមាននៅកម្ពុជា។ ពិធីនេះបានប្រារព្ធធ្វើឡើងក្រោមអធិបតីភាព ឯកឧត្តម នេត្រ ភក្រ្តា រដ្ឋលេខាធិការ និងជាមន្រ្តីនាំពាក្យក្រសួងបរិស្ថាន។ការបើកយុទ្ធនាការនេះក្នុងគោលបំណងសំខាន់កាត់បន្ថយនិងទប់ស្កាត់ចំនួនអន្ទាក់នៅក្នុងតំបន់ការពារធម្មជាតិក្នុងខេត្តពោធិ៍សាត់ ក៏ដូចជានៅក្នុងតំបន់ការពារធម្មជាតិនានានៅក្នុងប្រទេសកម្ពុជា និងបណ្តុះស្មារតីស្រឡាញ់សត្វព្រៃកាន់តែខ្លាំងឡើងក្នុងចំណោមសាធារណជន។ ឯកឧត្តម នេត្រ ភក្រ្តា មានប្រសាសន៍ថាស្រុកវាលវែង ខេត្តពោធិ៍សាត់ ធ្លាប់តែមានសង្រ្គាមហើយបច្ចុប្បន្នក្រោមការដឹកនាំសម្តេចតេជោហ៊ុនសែនធ្វើឱ្យប្រទេសជាតិមានសុខសន្តិភាពគ្រប់ទីកន្លែងធ្វើឱ្យយើងអាចធ្វើដំណើរ បានគ្រប់ទិសទីនិងអភិវឌ្ឍន៍ស្ទើរគ្រប់ទីកន្លែង។ពលរដ្ឋរស់នៅដោយសុខសាន្ត ធ្វើឱ្យយើងសម្រាកបានសុខស្រួល និងយើងបានគិតអ្វីៗបានគ្រប់យ៉ាង។ក្នុងចំណោមនេះក៏បានធ្វើឱ្យយើងគិតគូដល់ការអភិរក្សសត្វព្រៃ ធនធានធម្មជាតិផងដែរ។ឯកឧត្តមមានប្រសាសន៍បន្ថែមថាក្រសួងបរិស្ថានបានបើកយុទ្ធការអន្ទាក់សូន្យនេះដើម្បីថែរក្សាសត្វព្រៃដើម្បីជាប្រយោជន៍កូនចៅជំនាន់ក្រោយបានស្គាល់ និងពិសេសទទួលបានផលប្រយោជន៍យ៉ាងមហាសាលពីវិស័យទេសចរណ៍ និងវិស័យដទៃៗទៀតដែលមិនអាចកាត់ថ្លៃបាននាថ្ងៃខាងមុខ។ គួរបញ្ជាក់ថា ខេត្គ គោលដៅសម្រាប់យុទ្ធនាការអន្ទាក់សូន្យក្នុងដំណាក់កាលទី២នេះ មាន ខេត្តពោធិ៍សាត់ ខេត្តកំពង់ស្ពឺ ខេត្តកោះកុង ខេត្តសៀមរាប ខេត្តបាត់ដំបង និងខេត្តប៉ៃលិន៕អត្ថបទ៖លោក ជិន ម៉ាដេប៉ូរូបភាព៖លោក រិន រចនា

ភ្នំពេញ៖ នាព្រឹក ថ្ងៃទី២១ ខែមេសា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ បានរៀបចំពិធីសំណេះសំណាល និងជូនដំណើរដល់យោធិន នៃកងរាជអាវុធហត្ថ ដែលទើបជ្រើសរើសថ្មី (ជាប់ជាស្ថាពរ) ចំនួន៥៦នាក់ ដើម្បីចូលទៅហ្វឹកហ្វឺន នៅមជ្ឈមណ្ឌលកងរាជអាវុធហត្ថ ភ្នំជុំសែនរីករាយស្ថិតនៅក្នុងភូមិសាស្ត្រភូមិច្រកកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ក្រោមអធិបតីភាពឯកឧត្ដមឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ និង លោកស្រី កែវ សុខពិសី អភិបាលរង រាជធានីភ្នំពេញ។ ក្នុងឱកាសនោះឯកឧត្ដមឧត្តមសេនីយ៍ឯក រ័ត្ន ស្រ៊ាង មានប្រសាសន៍ពាំនាំនូវការសួរសុខទុក្ខនិងជូនពរ របស់ឯកឧត្តមនាយឧត្តម សេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ កងរាជអាវុធហត្ថ លើផ្ទៃប្រទេស ជូនដល់ យោធិន នៃកងរាជអាវុធហត្ថ ទើបជ្រើសរើសថ្មីទាំងអស់ សូមឲ្យទទួលបានជោគជ័យគ្រប់គ្នា។ ឯកឧត្តមឧត្តមសេនីយ៍ឯក ក៏បានផ្ដាំផ្ញើដល់ប្អូនៗ យោធិន នៃកងរាជអាវុធហត្ថ ដែលបានប្រឡងជាប់ជាស្ថាពរ…

ខេត្តពោធិ៍សាត់ ៖ ក្រសួងបរិស្ថាន និងអង្គការដៃគូបានរួមគ្នាបើកយុទ្ធនាការ អន្ទាក់សូន្យដំណាក់កាលទី២នៅស្រុកវាលវែង ខេត្តពោធិ៍សាត់ ដើម្បីសំដៅធ្វើយ៉ាងណាឱ្យពលរដ្ឋយល់ដឹងពីគ្រោះថ្នាក់នៃអន្ទាក់ យល់ដឹងពីផលប្រយោជន៍សត្វព្រៃ និងពិសេសបញ្ឈប់ការបរិភោគសាច់សត្វព្រៃដែលតែងបង្កគ្រោះថ្នាក់ដល់សុខភាព ។ ខេត្គគោលដៅសម្រាប់យុទ្ធនាការអន្ទាក់សូន្យក្នុងដំណាក់កាលទី២នេះ មាន ខេត្តពោធិ៍សាត់ ខេត្តកំពង់ស្ពឺ ខេត្តកោះកុង ខេត្តសៀមរាប ខេត្តបាត់ដំបង និងខេត្តប៉ៃលិន។ ថ្លែងក្នុងសន្និសីទសារព័ត៌មានស្តីពីយុទ្ធនាការ អន្ទាក់សូន្យ នៅសាលាស្រុកវាលវែង ខេត្តពោធិ៍សាត់នារសៀលថ្ងៃទី២១ ខែ មេសា ឆ្នាំ ២០២៣នេះ ឯកឧត្តម នេត្រ ភក្រ្តា រដ្ឋលេខាធិការ និងជាមន្រ្តីនាំពាក្យក្រសួងបរិស្ថានបានឱ្យដឹងថា ៖ បន្ទាប់ពីយុទ្ធនាការលើកទី១ កាលពីឆ្នាំ២០២២កន្លងមក ត្រូវបានបញ្ចប់ដោយយោគជ័យរួចមក ក្រសួង និង អង្គការដៃគូបានបន្តបើកយុទ្ធនាការនេះ នៅស្រុកវាលវែងបន្តទៀតដោយសារតែតំបន់នេះមានការដាក់អន្ទាក់ច្រើន និងជាកន្លែងសំបូរសត្វព្រៃច្រើន ។ ម្យ៉ាងទៀតតំបន់នេះមានព្រៃឈើច្រើន ហើយដើម្បីបណ្តុះគំនិតដល់ប្រជាពលរដ្ឋយល់ដឹងពីគុណសម្បត្តិរបស់សត្វព្រៃរុក្ខជាតិ ដែលជាប្រព័ន្ធអេកូឡូស៊ី ក្នុងការជួយទ្រង់ទ្រងជីវិតសត្វ និងមនុស្ស ។ ឯកឧត្តម រដ្ឋលេខាធិការបានបញ្ជាក់ថា តំបន់ជួរភ្នំក្រវ៉ាញ គឺជាតំបន់ដែលសំបូរដោយអន្ទាក់ច្រើនជាងគេ ដោយសារតែតំបន់នេះសំបូរដោយសត្វព្រៃ ដូចជាសត្វដំរី សត្វតេស សត្វប្រឹស…