ភ្នំពេញ៖ ក្រសួងពាណិជ្ជកម្ម រៀបចំពិធីសូត្រមន្តលើករាសី ជូនមន្ត្រីរាជការក្រសួងពាណិជ្ជកម្ម ក្នុងឱកាសបុណ្យចូលឆ្នាំថ្មី ប្រពៃណីជាតិ ។ ពិធីនេះធ្វើឡើងកាលពីរសៀលថ្ងៃទី១១ ក្រោមអធិបតីភាព ឯកឧត្តម ប៉ាន សូរស័ក្តិ រដ្ឋមន្ត្រីពាណិជ្ជកម្ម រួមជាមួយថ្នាក់ដឹកនាំ និងមន្ត្រីរាជការ គ្រប់នាយកដ្ឋានទាំងអស់ ដោយបានចំពិធីសូត្រមន្តលើករាសី និមន្តព្រះសង្ឃចម្រើនព្រះបរិត្ត និងថ្វាយទេយ្យទានតាមទំនៀមទម្លាប់ព្រះពុទ្ធសាសនា ព្រមទាំងប្រោះព្រហ្មពរជ័យ និងសូមទេវតាឆ្នាំថ្មី តាមជួយបីបាច់ថែរក្សា ដល់ថ្នាក់ដឹកនាំ និងមន្រ្តីរាជការ ព្រមទាំងក្រុមគ្រួសារ សូមទទួលបាននូវសុខភាពបរិបូរណ៍ កម្លាំងមាំមួន បញ្ញាភ្លឺថ្លា អាយុយឺនយូរ ដើម្បីរួមចំណែកបំពេញភារកិច្ច ឱ្យទទួលបានជោគជ័យថ្មីៗបន្ថែមទៀត ជូនជាតិ និងប្រជាជន។ នៅក្នុងឱកាសនោះ ឯកឧត្តមរដ្ឋមន្ត្រី បានសម្តែងនូវក្តីរីករាយជាមួយនឹងថ្នាក់ដឹកនាំ ក៏ដូចមន្រ្តីរាជការក្រសួងពាណិជ្ជកម្មទាំងអស់ ដែលបានមកចូលរួមក្នុងពិធីសូត្រមន្តនេះ និងដើម្បីបង្សុកូលជូនដល់វិញ្ញាណក្ខន្ធបុព្វបុរស និងមន្ត្រីរាជការ ដែលមានស្នាដៃចំពោះស្ថាប័ន ហើយបានបូជាអាយុជីវិត ដើម្បីបុព្វហេតុជាតិមាតុភូមិ។ ជាមួយគ្នានេះ ឯកឧត្តមរដ្ឋមន្ត្រី បានថ្លែងអំណរគុណចំពោះថ្នាក់ដឹកនាំ និងមន្ត្រីទាំងអស់ ដែលបានខិតខំប្រឹងប្រែងផ្តល់សេវាសាធារណៈជូនប្រជាពលរដ្ឋ និងវិស័យឯកជន ព្រមទាំងភាគីពាក់ព័ន្ធ ដើម្បីជំរុញការអភិវឌ្ឍវិស័យសេដ្ឋកិច្ច និងពាណិជ្ជកម្ម ឱ្យកាន់តែរីកចម្រើនទៅមុខជានិច្ច សំដៅកាត់បន្ថយភាពក្រីក្រ ស្របតាមយុទ្ធសាស្ត្រចតុកោណ…

ភ្នំពេញ ៖ នៅព្រឹក ថ្ងៃ ពុធ ទី ១២ ខែមេសា ឆ្នាំ ២០២៣នេះ គណៈកម្មាធិការជាតិសុវត្ថិភាពចរាចរណ៍ផ្លូវគោក បានចេញសេចក្តីអំពាវនាវ ស្តីពីការបង្ការ ទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ (ថ្ងៃទី១៤ ដល់ថ្ងៃទី១៦ ខែមេសា ឆ្នំ២០២៣)។ នៅក្នុង សេចក្តីអំពាវនាវរបស់គណៈកម្មាធិការជាតិសុវត្ថិភាពចរាចរណ៍ផ្លូវគោក បានបញ្ជាក់ថា សូមថ្លែងនូវការកោតសរសើរប្រកបដោយក្តីមោទនភាព ជាទីបំផុត ចំពោះអ្នកប្រើប្រាស់ផ្លូវដ៏ច្រើនលើសលប់ដែលមានឆន្ទៈក្នុងការចូលរួមគោរព និងអនុវត្តច្បាប់ស្តីពី ចរាចរណ៍ផ្លូវគោកយ៉ាងផុសផុលក្នុងពេលធ្វើចរាចរណ៍ រួមចំណែកក្នុងការកាត់បន្ថយការបាត់បង់ជីវិត រងរបួស និងការខូចខាតទ្រព្យសម្បត្តិដោយគ្រោះថ្នាក់ចរាចរណ៍ផ្លូវគោកនាពេលកន្លងទៅ។ ក្នុងស្ថានភាពដែលប្រទេសជាតិមានសុខសន្តិភាពពេញលេញ និងបើកដំណើរការលើគ្រប់វិស័យតាម គន្លងប្រក្រតីភាពថ្មី បន្ទាប់ពីការឆ្លងជំងឺរាតត្បាតកូវីដ-១៩ មានភាពធូរស្រាល ការធ្វើចរាចរណ៍តាមផ្លូវគោក នៅទូទាំងប្រទេសកាន់តែមមាញឹក ព្រមជាមួយកំណើនយានយន្តបានកើនឡើងជារៀងរាល់ឆ្នាំ។ ជាមួយនេះ បញ្ហាប្រឈមដែលបង្កដោយគ្រោះថ្នាក់ចរាចរណ៍ផ្លូវគោកនៅតែកើតមានឡើងជារៀងរាល់ថ្ងៃ ព្រមទាំងមាន កំណើនខ្ពស់ក្នុងពេលមានពិធីបុណ្យ។ ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ដែលនឹងប្រព្រឹត្តទៅពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៣ ខាងមុខនេះ គណៈកម្មាធិការជាតិសុវត្ថិភាពចរាចរណ៍ផ្លូវគោក សូមអំពាវនាវដល់សាធារណជន ជាអ្នកប្រើប្រាស់ផ្លូវទាំងអស់ សូមមេត្តាខិតខំយកចិត្តទុកដាក់ ដើម្បីបង្ការ និងទប់ស្កាត់គ្រោះថ្នាក់ចរាចរណ៍…

កំពង់ធំ៖ ក្រុមគ្រួសារប្រជាពលរដ្ឋដែលមានជីវភាពខ្វះខាត គ្មានលទ្ធភាពធ្វើបុណ្យសពកុមាររងគ្រោះដោយសារលង់ទឹកស្លាប់កាលពីរសៀលថ្ងៃទី១១មេសា ឱ្យបានសមរម្យ រស់នៅភូមិថ្នល់បែកខាងលិច ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការី នាំយកអំណោយជាគ្រឿងឧបភោគ បរិភោគ និងថវិកាមួយចំនួន ទៅចូលរួមក្នុងពិធីបុណ្យសព នៅព្រឹកថ្ងៃទី១២ ខែមេសា ឆ្នាំ២០២៣ ។ តាមរបាយការណ៍របស់ក្រុមគ្រួសារសពបានបញ្ជាក់ថា លោក ធឹម សាក់ មានអាយុ ២៥ឆ្នាំ ត្រូវជាឪពុក បានទៅប្រកបមុខរបរដើម្បីចិញ្ចឹមជីវិត ដោយឡែកម្ដាយឈ្មោះ ហ៊ាន ស្រីពៅ អាយុ២៣ឆ្នាំ ត្រូវទៅប្រកបរបរជាកម្មករនៅភ្នំពេញ ហើយគ្រួសារនេះ បានលែងលះគ្នាដោយទុកកូនផ្ញើជាមួយនឹងជីដូន ដើម្បីចិញ្ចឹមបីបាច់មើលថែទាំ តែគួរឱ្យអនិច្ចា នៅពេលដែលជីដូនមានធុរៈនៅក្បែរផ្ទះអ្នកជិតខាង ហើយបានទទួលព័ត៌មានពីប្អូនៗជីដូនមួយ នៃសព ដែលទៅលេងទឹកជាមួយគ្នាថា ប្អូនស្រីអាយុ ៣ឆ្នាំ ត្រូវបានលង់ទឹកស្លាប់បាត់ទៅហើយ ។ ឧត្តមសេនីយ៍ទោ សោម ស៊ុន បានថ្លែងនូវការសោកស្ដាយចំពោះការបាត់បង់កុមាររីអភ័ព្វ ខ្វះភាពកក់ក្តៅ ដែលម្ដាយនិងឪពុកលែងលះគ្នាមិនបាននៅមើលថែ ហើយបានទទួលមរណៈភាពចោលជីដូនបងប្អូននិងឪពុកម្ដាយទាំងនៅក្មេងខ្ចី។ នៅក្នុងឱកាសនេះមេបញ្ជាការតំបន់ប្រតិបត្តិការសឹករងកំពង់ធំ បានសូមបួងសួងសុំឱ្យវិញ្ញាណក្ខន្ធកុមាររី…

ភ្នំពេញ ៖ អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង បានជំរុញឲ្យមន្ត្រីនិងមន្ទីរពាក់ព័ន្ធធ្វើការស្ដារប្រឡាយជើងឯកឲ្យបានលឿន និងឱ្យបានធំទូលាយ ដើម្បីនាំទឹកចេញពីរាជធានីបានលឿន នៅពេលរដូវវស្សាមកដល់ ។ ឯកឧត្តម ឃួង ស្រេង បានជំរុញបែបនេះ កាលពីថ្ងៃទី១១ ខែមេសា ឆ្នាំ២០២៣នេះ ខណៈ អញ្ជើញចុះពិនិត្យស្ថានភាពប្រឡាយជើងឯក ដើម្បីឲ្យក្រុមការងារធ្វើការ កាយភក់និងពង្រីកតួប្រឡាយឲ្យបានធំដើម្បីទឹកហូរបានលឿន។ ឯកឧត្តម ឃួង ស្រេង បន្តថា៖ ការងារដែលត្រូវអនុវត្តពាក់ព័ន្ធ និងការស្ដារប្រឡាយនេះ យើងមានពេល ៤ខែ ពិសេស នៅក្នុងរដូវប្រាំងនេះ ។ រដូវប្រាំង យើងងាយស្រួលក្នុងការស្ដារ ក៏ដូចជាពង្រីកតួរ ប្រឡាយឲ្យបានធំ ធ្វើយ៉ាងណា ពេលរដូវវស្សាមកដល់ គឺយើង អាចរុញទឹកចេញពីរាជធានីភ្នំពេញបានលឿន កាត់បន្ថយបាននូវការលិចលង់លំនៅឋានប្រជាពលរដ្ឋនៅក្នុងរាជធានីភ្នំពេញ ។ លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានបញ្ជាក់ ថា៖ ប្រឡាយជើងឯកនេះ មានតួនាទីសំខាន់ណាស់នៅក្នុងការរំដោះទឹកចេញពីរាជធានីភ្នំពេញ ដោយហូរចាក់មកស្ថានីយបឹងត្របែក ដែលមានប្រវែងប្រមាណ ១២គីឡូម៉ែត្រ ចាប់ពីស្ថានីបឹងត្របែក ឆ្លងកាត់ខណ្ឌមានជ័យ…

ភ្នំពេញ ៖ ជាថ្មីម្ដងទៀត លោក ចេង មុនីរ៉ា អភិបាលនៃគណៈអភិបាល ខណ្ឌច្បារអំពៅ បានដាស់តឿនក្រើន រំលឹក ដល់កងកម្លាំងសណ្ដាប់ធ្នាប់ ខណ្ឌ ត្រូវប្រកាន់ខ្ជាប់នូវវិន័យ មានសាមគ្គីភាពផ្ទៃក្នុងល្អ អនុវត្តឲ្យខាងតែបាន នូវអនុសាសន៍ ៣ កុំ ជាពិសេសពេលចុះបំពេញការងារ រៀបចំសណ្តាប់ធ្នាប់ ត្រូវប្រកាន់ខ្ជាប់នូវតួនាទីភារៈកិច្ចរបស់យើង គឺទន់ភ្លន់ តែម៉ឺងម៉ាត់ ។ ប្រសាសន៍ដាស់តឿនក្រើន រំលឹកនេះនៅគ្រាដែលលោកអភិបាលខណ្ឌ ជួបសំណេះសំណាលនិងឧបត្ថម្ភថវិកា ភេសជ្ជៈ ដល់កម្លាំងសណ្តាប់ធ្នាប់ខណ្ឌជាង ៥០នាក់កាលពីរសៀលថ្ងៃទី១១ ខែមេសា ឆ្នាំ២០២៣ នៅសាលប្រជុំសាលាខណ្ឌច្បារអំពៅ ។ ថ្លែងទៅកាន់កម្លាំងសណ្តាប់ខណ្ឌ លោកអភិបាលខណ្ឌ បានបញ្ជាក់អត្ថន័យ ៣ កុំ ដូច្នេះថា ១- កុំលេងល្បែងស៉ីសងគ្រប់ប្រភេទ , ២-កុំសេពគ្រឿងញៀន , ៣-ឈ្លោះទាស់ទែងគ្នា ។ សូមកម្លាំងសណ្តាប់ធ្នាប់ទាំងអស់ត្រូវអនុវត្ត ៣ កុំ ឱ្យ បើបុគ្គលណាម្នាក់លួចលេងល្បែងស៉ីសង លួចសេពគ្រឿងញៀន ខុសវិន័យកងកម្លាំងត្រូវបញ្ឈប់ពីការងារ ។…