ខេត្តបាត់ដំបង ៖ ខណៈ ចុះសួរសុខទុក្ខ កងកម្លាំងប្រដាប់អាវុធដែលកំពុងតែឈរជើងនៅតាមបន្ទាត់ព្រំដែនគោក ក្នុងភូមិសាស្ត្រស្រុករតនមណ្ឌល ស្រុកសំឡូត ស្រុកសំពៅលូន និងស្រុកកំរៀង ខេត្តបាត់ដំបង ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ខិតជិតចូលដល់ ឯកឧត្តម សុខ លូ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង បានធ្វើការណែនាំដល់គ្រប់កងកម្លាំងទាំងអស់ ត្រូវប្រុងប្រយ័ត្នក្នុងការយាមកាម២៤ម៉ោងលើ២៤ម៉ោង និងការដើរល្បាតយាមកាមតាមបន្ទាត់ព្រំដែននៅក្នុងភូមិសាស្ត្រដែលខ្លួនឈរជើង និងទទួលខុសត្រូវ ដោយធ្វើយ៉ាងណាធានានូវសន្តិសុខសណ្តាប់ធ្នាប់ សុខសុវត្ថិភាពឲ្យល្អប្រសើរ ជូនប្រជាពលរដ្ឋរស់នៅតាមបន្ទាត់ព្រំដែន ។ ឯកឧត្តម បន្តថា៖ កងកម្លាំងយើងនៅតាមបន្ទាត់ព្រំដែនបានលះបង់ ខិតខំក្នុងការថែរក្សាបូរណភាពទឹកដីបានយ៉ាងល្អ ធ្វើឲ្យព្រំដែនមានសុខសុវត្ថិភាព និងកិច្ចសហប្រតិបត្តិការល្អរវាងកងកម្លាំងរបស់យើង ជាមួយនិងកងកម្លាំងប្រទេសជិតខាង ដើម្បីធ្វើយ៉ាងណាធានាឲ្យបានព្រំដែនសន្តិភាព និងជាព្រំដែនផ្លាស់ប្តូរសេដ្ឋកិច្ចទៅវិញទៅមក និងធ្វើឲ្យប្រជាជនប្រទេសទាំង២ មានសុខសន្តិភាព សុវត្ថិភាព ក្នុងការប្រកបមុខរបររកស៊ីជាមួយគ្នាធ្វើការផ្លាស់ប្តូរទំនិញនិងកសិផលទៅវិញទៅមក និងត្រូវរួមសហការខិតខំលុបបំបាត់ឲ្យអស់អំពើចោរកម្មឆ្លងដែន ការជួញដូរគ្រឿងញៀន និងពលកម្មកុមារខុសច្បាប់ និងបទល្មើសផ្សេងៗទៀត ។ ក្នុងនោះដេរ ឯកឧត្តម សុខ លូ ក៏បានអំពាវនាវដល់គ្រប់កងកម្លាំងត្រូវការពារឲ្យបាននូវសុខសន្តិភាព ការពាររាជរដ្ឋាភិបាលស្របច្បាប់ ដែលកើតចេញពីការបោះឆ្នោត និងត្រូវបន្តគាំទ្របេក្ខភាពសម្តេចតេជោហ៊ុសែនជានាយករដ្ឋមន្ត្រីគ្រប់ៗអាណត្តិ និងគាំទ្រនូវបេក្ខភាពឯកឧត្តម ហ៊ុនម៉ាណែត ជាបេក្ខជននាយករដ្ឋមន្ត្រីបន្តវេននៅថ្ងៃខាងមុខ៕ អត្ថបទ-រូបភាព៖…

ភ្នំពេញ ៖ គ.ជ.ប នឹងរៀបចំកិច្ចប្រជុំផ្សព្វផ្សាយជាមួយភាគីពាក់ព័ន្ធ ក្រោមប្រធានបទស្តីពី៖ -ការចាប់ផ្តើមដំណើរការរៀបចំការបោះឆ្នោតជ្រើសតាំង តំណាងរាស្ត្រ នីតិកាលទី៧ ឆ្នាំ២០២៣-ការចុះឈ្មោះអ្នកសង្កេតការណ៍ជាតិ និងអន្តរជាតិ-ការចុះឈ្មោះអ្នកសារព័ត៌មានជាតិ និងអន្តរជាតិ។កិច្ចប្រជុំនេះនឹងប្រព្រឹត្តទៅនៅថ្ងៃទី៣១ខែមីនាឆ្នាំ២០២៣។ ឯកឧត្តម ប្រាជ្ញ ចន្ទ ប្រធាន គ.ជ.ប បានមានប្រសាន៍ថាការរៀបចំកិច្ចប្រជុំជាមួយ ភាគីពាក់ព័ន្ធ ក្នុងគោលបំណងប្រកាសអំពីការចាប់ផ្តើមបើកដំណើរការនៃ «ការរៀបចំការបោះឆ្នោត ជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣» ខាងមុខនេះ។ យោងតាមច្បាប់ ការបោះឆ្នោតជ្រើសតាំងតំណាងរាស្ត្រ ត្រូវធ្វើឡើងរៀងរាល់ប្រាំឆ្នាំម្ដង តាមរយៈការបោះឆ្នោតជាសកល។ កាលបរិច្ឆេទនៃការបោះឆ្នោតជ្រើសតាំងតំណាងរាស្ត្រ ត្រូវ កំណត់ និងប្រកាសដោយនាយករដ្ឋមន្ត្រី តាមសំណើរបស់រដ្ឋមន្ត្រីក្រសួងមហាផ្ទៃ។យោងតាមសេចក្តីសម្រេចរបស់រាជរដ្ឋាភិបាល លេខ ៤៦ ស.ស.រ ចុះថ្ងៃទី២៩ ខែមិថុនា ឆ្នាំ២០២២ ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ នឹងប្រព្រឹត្តទៅនៅ ថ្ងៃអាទិត្យ ទី២៣ ខែកក្កដា ឆ្នាំ២០២៣។ ផ្តើមចេញពីមូលដ្ឋានទាំងនេះ គ.ជ.ប បានត្រៀមខ្លួន និងបានរៀបចំជាស្រេចនូវផែនការម ប្រតិទិនការងារ និងបានធ្វើបច្ចុប្បន្នភាពលើបទបញ្ជា និងនីតិវិធី រួមទាំងឯកសារគតិយុត្ត…

ភ្នំពេញ៖ គណៈកម្មាធិការជាតិរៀបចំបុណ្យជាតិ-អន្តរជាតិ នាថ្ងៃទី ៣១ ខែមីនា ឆ្នាំ២០២៣ បានបើកកិច្ចប្រជុំត្រៀមលក្ខណៈរៀបចំពិធីទទួលគោរមងារជូន សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះ កម្ពុជា ជា “ពុទ្ធមាមកាភិបាល នៃអង្គការពុទ្ធសាសនិកពិភពលោក (Patron Of The WFB)” និង “បណ្ឌិតកិត្តិយសផ្នែកមនុស្សជាតិ” ដោយសាកលវិទ្យាល័យ ណេហ្គរី ប៉ាដាង នាពេលខាងមុខនេះ ។ ឯកឧត្តម ឈិន កេតនា ទីប្រឹក្សារាជរដ្ឋាភិបាល អនុប្រធានអចិន្ត្រៃយ៍ និងជាអគ្គលេខាធិការគណៈកម្មាធិការជាតិរៀបចំបុណ្យជាតិ-អន្តរជាតិ បានជម្រាបជូនថា អង្គការពុទ្ធសាសនិកពិភពលោក បានស្នើប្រគល់ជូន សម្ដេចតេជោ ហ៊ុន សែន នូវគោរមងារជា “ពុទ្ធមាមកាភិបាល នៃអង្គការពុទ្ធសាសនិកពិភពលោក (Patron Of The WFB)” ព្រមទាំងឯកភាពសំណើររបស់អង្គការពុទ្ធសាសនិកពិភពលោក (The WFB) ផ្ដល់ជូន ឯកឧត្តម ហ៊ុន ម៉ាណែត ជាទីប្រឹក្សាជាន់ខ្ពស់នៃអង្គការពុទ្ធសាសនិកពិភពលោក ហើយនឹងប្រារព្ធរៀបចំពិធីប្រគល់-ទទួលគោរមងារនេះ នៅថ្ងៃទី…

កំពង់ធំ៖ ក្នុងការបិទវគ្គហ្វឹកហ្វឺនបំប៉នក្បាច់គុនរបស់កងយោធពលខេមរភូមិន្ទ និងលំហាត់របៀប ជូនកងកម្លាំង នៅល្ងាចថ្ងៃទី ៣០ ខែមីនា ឆ្នាំ២០២៣ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានណែនាំដល់សិក្ខាកាមទាំងអស់ បន្តហ្វឹកហ្វឺនបំប៉នម្ចាស់ការតាមអង្គភាពនីមួយៗ និងត្រូវត្រៀមខ្លួនអនុវត្តតាមបទបញ្ជារបស់មេបញ្ជាការគ្រប់លំដាប់ថ្នាក់ ពិសេសចូលរួមក្នុងកិច្ចសហប្រតិបត្តិការការពារសន្តិសុខ សុវត្ថិភាព ជូនប្រជាពលរដ្ឋឱ្យបាន សប្បាយរីករាយ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានមកដល់នៅពេលខាងមុខ ។ លោកអនុសេនីយ៍ឯក ឈា ពិសិដ្ឋ នាយរងការិយាល័យហ្វឹកហ្វឺននៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានរាយការណ៍ពីលទ្ធផល ចំណុចខ្លាំង ចំណុចខ្វះខាត ក្នុងការហ្វឹកហ្វឺនម្ចាស់ការបំប៉នក្បាច់គុនរបស់កងយោធពពលខេមរភូមិន្ទ លំហាត់របៀប និងការហ្វឹកហាត់ក្បាច់រាំម៉ាឌីសុនជាក្រុម តាមផែនការហ្វឹកហ្វឺនរបស់បញ្ជាការដ្ឋាន យោធភូមិភាគទី៤ ដែលការហ្វឹកហាត់ក្នុងរយៈពេលខ្លី ទទួលបានលទ្ធផលល្អប្រសើរគួរជាទីមោទនៈ ។ ឧត្តមសេនីយ៍ទោ សោម ស៊ុន បានថ្លែងកោតសរសើរចំពោះគ្រូយោធាចារ្យទាំងអស់ សិក្ខាកាមគ្រប់រូប ដែលបានយកអស់កម្លាំងកាយ កម្លាំងចិត្ត និងស្មារតីទទួលខុសត្រូវខ្ពស់ ក្នុងការបង្ហាត់បង្រៀន និងការហ្វឹកហាត់បំប៉នក្បាច់គុនរបស់កងយោធពលខេមរភូមិន្ទ ការហ្វឹកហាត់លំហាត់របៀប និងការហ្វឹកហាត់ក្បាច់រាំម៉ាឌីសុនជាក្រុម តាមផែនការ ដែលថ្នាក់លើបានប្រគល់ជូន បានយ៉ាងល្អប្រសើរ ៕ ដោយ ប៊ុន…

ភ្នំពេញ៖ ថ្លែងក្នុងកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការ រក្សាសន្តិសុខ សណ្តាប់ធ្នាប់សង្គម ឆ្នាំ២០២២ និងទិសដៅការងារសម្រាប់ ឆ្នាំ២០២៣ នៅព្រឹកថ្ងៃទី៣១ ខែមីនា ឆ្នាំ២០២៣ ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ណែនាំដល់ កម្លាំងនគរបាលទាំងអស់ ត្រូវយកចិត្តទុកដាក់ខ្ពស់ក្នុងការប្រជុំពិភាក្សាគ្នាជាប្រចាំ ដើម្បីដាក់ចេញូនូវផែនការ ក្នុងការបង្ការ ទប់ស្កាត់ទប់ល្មើស ស្រាវជ្រាវបង្ក្រាបមុខសញ្ញាដែលប្រព្រឹត្តបទល្មើស ស្រាវជ្រាវមុខសញ្ញាដោយអនុវត្តតាមដីការ ស្រាវជ្រាវបង្ការ ទប់ស្កាត់ និងបង្ក្រាបក្រុមក្មេងទំនើង និងមុខសញ្ញាពាក់ព័ន្ធដែលនៅសេសសល់មួយចំនួនទៀត ។ ក្រៅពីនេះ លោកស្នងការ បានសង្កត់ធ្ងន់ដល់លោកស្នងការរងទទួលផែនចរាចរណ៍ផ្លូវគោក ឱ្យយកចិត្តទុកដាក់ខ្ពស់លើការណែនាំអប់រំដល់មន្ត្រីអនុវត្តច្បាប់ ឱ្យបានត្រឹមត្រូវ ដោយប្រើប្រាស់កាយវិការ និងពាក្យសំដីឲ្យបានសមរម្យជាមួយប្រជាពលរដ្ឋ ។ ជាមួយនោះដែរ លោកស្នងការរងទទួលផែនការងារប្រឆាំងបទល្មើសគ្រឿងញៀន ត្រូវយកចិត្តទុកដាក់ ក្នុងការស្រាវជ្រាវបង្ក្រាបឲ្យបាននូវមុខសញ្ញាជួញដូរ ទីតាំងលួចលាក់ ចែកចាយ និងប្រើប្រាស់សារធាតុញៀនដោយខុសច្បាប់គ្រប់ប្រភេទ ជាពិសេសណែនាំដាច់ខាត ដល់មន្ត្រីទាំងអស់ហាមពាក់ព័ន្ធក្នុងការប្រើប្រាស់សារធាតុញៀន បើមិនដូច្នោះទេ គឺត្រូវតែអនុវត្តតាមនីតិវិធីច្បាប់ ជាពិសេសអាចត្រូវសុំគោលការណ៍ដើម្បីបណ្តេញចេញពីក្របខណ្ឌនគរបាលជាតិ។ លោកស្នងការ ក៏បានបន្តជំរុញការធ្វើអត្តសញ្ញាណប័ណ្ណសញ្ជាតិខ្មែរ សៀវភៅគ្រួសារ(ក៤) សៀវភៅស្នាក់នៅ(ក២) ជូនប្រជាពលរដ្ឋឲ្យបានល្អឆាប់រហ័ស។ ទន្ទឹមនេះ…

(ភ្នំពេញ)៖ នៅសណ្ឋាគារភ្នំពេញ នាថ្ងៃទី២៩ ខែមីនា ឆ្នាំ២០២៣ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានទទួលជួបពិភាក្សាការងារជាមួយ លោក Graeme Buckley នាយកការិយាល័យអង្គការ ILO ប្រចាំប្រទេសកម្ពុជា ឡាវ និងថៃ និងសហការី ។ ឯកឧត្តមរដ្ឋមន្រ្តី បានសំដែងនូវការកោតសរសើរនិងវាយតម្លៃខ្ពស់ ចំពោះអង្គការអន្តរជាតិខាងការងារ ដែលបានផ្តល់នូវកិច្ចសហប្រតិបត្តិការយ៉ាងល្អជាមួយក្រសួង និងដៃគូត្រីភាគីក្នុងការចូលរួមអភិវឌ្ឍន៍វិស័យការងារ និងបណ្តុះបណ្តាលវិជ្ជាជីវ: ទាំងជំនួយបច្ចេកទេស និងហិរញ្ញវត្ថុ ។ តាមរយ:លទ្ធផល នៃការអនុវត្តគម្រោងនានា នៃកិច្ចសហប្រតិបត្តិការបានបង្ហាញថា ភាពជាដៃគូររវាងក្រសួង និងអង្គការ ILO នៅតែមានភាពចាំបាច់មិនអាចខ្វះបាន ដែលត្រូវតែខិតខំរួមគ្នាក្នុងការបង្កើតនូវគម្រោងថ្មីៗ បន្ថែមទៀត ដើម្បីឆ្លើយតបទៅនឹងស្ថានភាពរីកចម្រើននៃសង្គមសេដ្ឋកិច្ចកម្ពុជានាពេលបច្ចុប្បន្ន។ ឯកឧត្តមរដ្ឋមន្រ្តី ក៏បានសំដែងនូវការគាំទ្រចំពោះគំនិតផ្តួចផ្តើមរបស់អង្គការ ILO ដែល លោក Graeme Buckley បានលើកឡើងពីគំនិតផ្តួចផ្តើមចង់បង្កើតឱ្យមានគម្រោងជួយដល់ការអភិវឌ្ឍជំនាញ ក្រោមកិច្ចសហការផ្តល់ហិរញ្ញប្បទានដោយធនាគារអភិវឌ្ឍន៍អាស៊ី (ADB) និងទីភ្នាក់ងារបារាំងសម្រាប់ការអភិវឌ្ឍន៍ (AFD) ឱ្យអង្គការ ILO ធ្វើជាអ្នកសម្របសម្រួលគម្រោងនេះដោយមានអ្នកបច្ចេកទេស…