(កំពង់ធំ)៖ ថ្លែងក្នុងឱកាសអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅការងារឆ្នាំ២០២៣ របស់រដ្ឋបាលខេត្តកំពង់ធំ នាព្រឹកថ្ងៃទី២៨ ខែមីនា ឆ្នាំ២០២៣នេះ នៅសាលប្រជុំសាលាខេត្តកំពង់ធំ ឯកឧត្តម ថោង ខុន ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ បានដាក់ចេញកិច្ចការណែនាំសំខាន់ៗ ៧ចំណុចដល់រដ្ឋបាលខេត្ត និងក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ត្រូវខិតខំរួមគ្នាសម្រេចឲ្យបានក្នុងឆ្នាំ២០២៣នេះ ។ ឯកឧត្តម ងួន រតនៈ ឡើងអានរបាយការណ៍រួចមក ឯកឧត្តម ថោង ខុន ក៏បានកោតសរសើរនិងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ និងកងកម្លាំងមានសមត្ថកិច្ចគ្រប់លំដាប់ថ្នាក់របស់រដ្ឋបាលខេត្តកំពង់ធំ និងលោក លោកស្រី ក្នុងសមាសភាព ក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ដែលបានខិតខំរួមគ្នាយ៉ាងសកម្មក្នុងការបំពេញតួនាទីភារកិច្ចបានយ៉ាងល្អប្រសើរប្រកបដោយស្មារតីទទួលខុសត្រូវ សម្រេចបានសមិទ្ធផលនានាជាច្រើនគួរឲ្យកត់សម្គាល់ ។ ឯកឧត្តម ថោង ខុន ក៏បានគូសបញ្ជាក់ដែរថា ក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ប្រទេសកម្ពុជា បានដាក់ចេញនូវវិធានការគ្រប់គ្រងឆ្លើយតបនឹងវិបត្តិនិងបញ្ហាប្រឈមនានាប្រកបដោយប្រសិទ្ធភាព និងទាន់ពេលវេលា ដើម្បីស្តារផលប៉ះពាល់នានាមកលើសេដ្ឋកិច្ច សង្គម និងជីវភាពរស់នៅរបស់ប្រជាពលរដ្ឋ បណ្តាលមកពីការឆ្លងរាតត្បាតជាសកលនៃជំងឺកូវីដ-១៩។ ឯកឧត្តម ថោង ខុន ក៏បានដាក់ចេញកិច្ចការណែនាំសំខាន់ៗ ៧ចំណុច ដល់រដ្ឋបាលខេត្ត និងក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ…

(ភ្នំពេញ)៖ យើងពិតជាមានមោទកភាពដែលប្រទេសកម្ពុជា ជាប្រទេសឈានមុខ ក្នុងការអនុវត្តកម្មវិធីការងារសមរម្យដែលរហូតមកដល់ពេលនេះបានចំនួន៥ ដំណាក់កាលរួចមកហើយ សម្រាប់កម្មវិធីឆ្នាំ២០១៩-២០២៣ ដែលគោលដៅអាទិភាពសំខាន់ៗទាំង ៣ យើងពិតជាសម្រេចបានលទ្ធផលគួរជាទីមោទន ១. ការអភិវឌ្ឍមុខរបរ និងការងារ និងសហគ្រាស គឺ ស្ត្រី បុរស យុវជន និងក្រុមជនងាយរងគ្រោះកម្ពុជាកាន់តែច្រើនទទួលបានការងារសមរម្យប្រកបដោយផលិតភាព ដោយសារការកើនឡើងនូវពិពិធកម្មសេដ្ឋកិច្ច ផលិតភាព ភាពប្រកួតប្រជែង និងការអភិវឌ្ឍសេដ្ឋកិច្ចឌីជីថល, ២. ការពង្រឹង និងពង្រីកកិច្ចគាំពារសង្គម គឺ ស្ត្រី បុរស យុវជន និងក្រុមជនងាយរងគ្រោះកម្ពុជាកាន់តែច្រើន មានការងារធ្វើប្រកបដោយសុខភាព និងសុវត្ថិភាព និងទទួលបានប្រយោជន៍ពីសេវាគាំពារសង្គមប្រកប ដោយចីរភាព តម្លាភាព និងសមធម៌ និង៣. ការធ្វើឱ្យប្រសើរឡើងទំនាក់ទំនងវិជ្ជាជីវៈ និងសិទ្ធិការងារ គឺ សំវាទសង្គម ទំនាក់ទំនងវិជ្ជាជីវៈ និងសិទ្ធិការងារ ត្រូវបានធ្វើឱ្យប្រសើរឡើង ស្របទៅតាមបទដ្ឋានអន្តរជាតិខាងការងារ រាប់បញ្ចូលទាំងសម្រាប់ពលករទេសន្តរប្រវេសន៍។ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ លើកឡើងបែបនេះ ក្នុងពិធីបើកសិក្ខាសាលាត្រីភាគីស្ដីពីការត្រួតពិនិត្យប្រចាំឆ្នាំលើកម្មវិធីការងារសមរម្យសម្រាប់ប្រទេសកម្ពុជាឆ្នាំ២០១៩-២០២៣ នៅសណ្ឋាគារភ្នំពេញ នាព្រឹកថ្ងៃទី២៩…

ភ្នំពេញ ៖ សត្វខ្សិប ( Bengal Florican )ដែល មានឈ្មោះវិទ្យាសាស្ត្រថា Houbaropsis Bengalensisជាប្រភេទសត្វជិតផុតពូជបំផុត (CR) លើពិភពលោក នៅក្នុងបញ្ជីក្រហមរបស់អង្គការ IUCN ។ បើយោងតាមទំព័រហ្វេសប៊ុករបស់ក្រសួងបរិស្ថានបានឲ្យដឹងនៅថ្ងៃទី ២៩ ខែមិនា ឆ្នាំ២០២៣ថា សត្វប្រភេទនេះវាមានវត្តមានពេញមួយឆ្នាំ នៅប្រទេសកម្ពុជា ភាគច្រើនរស់នៅតាមតំបន់វាលស្មៅ វាលស្រែ តាមតំបន់វាលស្មៅក្នុងព្រៃល្បោះ និង ជាពិសេសនៅតាម តំបន់វាលស្រែ និងវាលស្មៅជុំវិញបឹងទន្លេសាប (ខេត្តសៀមរាប កំពង់ឆ្នាំង កំពង់ធំ ពោធិ៍សាត់ និងខេត្តបន្ទាយមានជ័យ)។ សត្វប្រភេទនេះវាមានមាឌប្រហាក់ប្រហែលនឹងមាន់ស្រុកដែរ មានម្រាមជើង បីសណ្តូកទៅមុខ មានពណ៌សម្បុរខុសគ្នារវាងសត្វឈ្មោល និងញី ដោយឈ្មោលមាន ក្បាល និងផ្នែក ពោះពណ៌ខ្មៅ ចុងស្លាបស និងខ្នងពណ៌ត្រសក់ រឺឯញីមានដងខ្លួនពណ៌ត្រសក់ ក្បាលឆ្នូតខ្មៅ និងពោះ ពណ៌ស។ វាជាប្រភេទសត្វស្លាបដែលមិនអាចទុំលើមែកឈើបាន ហើយតែងហើរបង្អួតទាក់ទាញគ្នានៅ រដូវបន្តពូជ ជាពិសេសខ្សិបឈ្មោល និងមានពងតែ១-២ប៉ុណ្ណោះ។ ខ្សិប មានវត្ដមានតែបីប្រទេសប៉ុណ្ណោះ…

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានរៀបចំ សិក្ខាសាលាផ្សព្វផ្សាយមូលដ្ឋានគ្រឹះសុវត្ថិភាពនិងសុខភាពការងារ ដល់ក្រុមការងារសុវត្ថិភាព និងសុខភាពការងារប្រចាំរោង ចក្រ សហគ្រាស និងបានណែនាំឱ្យ សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា សហព័ន្ធនិយោជក និងសមាគមពាណិជ្ជកម្មនៅកម្ពុជាគិតគូរឡើងវិញពីសុវត្ថិភាព កម្មករនិយោជិតនៅកន្លែងការងារ ជាពិសេសពាក់ព័ន្ធបញ្ហាអគ្គិភ័យ។ ក្នុងសិក្ខាសាលាកាលពីថ្ងៃទី២៧ ខែមីនា ឯកឧត្តម ហ៊ុយ ហានសុង រដ្ឋលេខាធិការក្រសួងការងារនិង បណ្ដុះ បណ្ដាលវិជ្ជាជីវៈ មាន ប្រសាសន៍ថា ដើម្បីសម្រេចបាននូវការកសាងវប្បធម៌ នៃការ បង្ការ សុវត្ថិភាពនិងសុខភាពការងារនៅ កន្លែងធ្វើការ វាជាទស្សនៈ វិស័យ ដ៏វែងឆ្ងាយ ដែលទាមទារការចូលរួមយ៉ាងសកម្មភាព និង ការ បេ្តជ្ញាចិត្ត របស់គ្រប់ភាគីទាំងអស់ រួមមាន រាជរដ្ឋាភិបាល អង្គការ និយោជក អង្គការកម្មករនិយោជិត អ្នកជំនាញផ្នែកសុវត្ថិភាព និង សុខភាពការងារ។ប្រការនេះដើម្បីប្រែក្លាយការបង្ការសុវត្ថិភាព និង សុខភាពការងារឱ្យទៅជាវប្បធម៌នៅកន្លែងធ្វើការ និងការរស់នៅ ប្រចាំថ្ងៃ។ ឯកឧត្តមរដ្ឋលេខាធិការ បានណែនាំដល់ម្ចាស់រោងចក្រ…

ភ្នំពេញ៖វគ្គបណ្តុះបណ្តាលជំនាញវិជ្ជាជីវៈអធិការកិច្ចបឋមជំនាន់៥ វគ្គ ១+២ ដែលរៀបចំឡើងដោយក្រសួងក្រសួងទំនាក់ទំនង ជាមួយ រដ្ឋសភា-ព្រឹទ្ធសភានិងអធិការកិច្ច ត្រូវបានបិទបញ្ចប់កាល ពីព្រឹក ថ្ងៃទី២៧ ខែមីនា ឆ្នាំ២០២៣ក្រោមអធិបតីភាពលោកជំទាវ កិត្តិ សង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួង ទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច។ មានប្រសាសន៍ក្នុងឱកាសនេះលោកជំទាវឧបនាយករដ្ឋមន្រ្តី បានបញ្ជាក់ថា ការបណ្តុះបណ្តាលជំនាញអធិការកិច្ច ពិតជាមាន សារៈសំខាន់ ដែលមិនត្រឹមតែផ្តល់ចំណេះដឹង និងលើកកម្ពស់ ជំនាញមួយកម្រិតថែមទៀត ដល់មន្រ្តីរាជការអធិការកិច្ច ដើម្បី យកទៅបំពេញការងារឱ្យកាន់តែមាន គុណភាព ប្រសិទ្ធភាព គណនេយ្យភាព និងសុចរិតភាព ស្របតាម ក្រមសីល ធម៌វិជ្ជាជីវៈ អធិការកិច្ច ដើម្បីរួមចំណែកលើកកម្ពស់អភិបាលកិច្ចល្អ នៅ កម្ពុជា ប៉ុណ្ណោះទប៉ុន្តែវាជាការផ្សាភ្ជាប់នូវទំនាក់ទំនងយ៉ាង ជិតស្និទ្ធ រវាង មន្រ្តី រាជការអធិការកិច្ចគ្រប់កម្រិត និងគ្រប់លំដាប់ថ្នាក់ ទាំងនៅ ថ្នាក់ជាតិ និងថ្នាក់ក្រោមជាតិ។ លោកជំទាវបន្តថា ការបណ្តុះបណ្តាលជំនាញអធិការកិច្ច នឹង បង្កើននូវការទទួលស្គាល់ពីមជ្ឈដ្ឋាននានាអំពីការចូលរួមរបស់វិស័យ អធិការកិច្ចក្នុងការបង្ការទប់ស្កាត់…