ភ្នំពេញ៖ កូរ៉េខាងត្បូង-កម្ពុជា បានចុះហត្ថលេខាលើកិច្ចព្រមព្រៀងដែលផ្តល់ជំនួយពីរលានដុល្លារ លើផែនការអនុវត្តគម្រោងលើ​កកម្ពស់សមត្ថភាពវិទ្យាស្ថានសម្រាប់បណ្តុះបណ្តាលសុវត្ថិភាព និងសុខភាពការងារនៅកម្ពុជា ផ្ដោតលើគោលន​យោ​បាយ បទដ្ឋានគតិយុត្តិ ដែលត្រូវរៀបចំឲ្យមានច្បាប់ស្ដីពីសុវត្ថិភាពនិងសុខភាពការងារ ដើម្បីការពារកម្មករនិ​យោ​​ជិត តាមរយៈការបណ្តុះបណ្តាលមន្ត្រីជំនាញ។ គម្រោងនេះស្ថិតក្នុងផែនការរយៈពេល ៣ឆ្នាំ គ្រោងនឹងបញ្ចប់នៅឆ្នាំ២០២៤។ ការចុះហត្ថលេខាលើកិច្ចព្រមព្រៀងនេះធ្វើឡើងដោយភាគីកម្ពុជាតំណាងដោយឯកឧត្តម ហ៊ុយ ហានសុង រដ្ឋលេ​ខាធិកា​រក្រសួងការងារ និងបណ្តុះបណ្តាលវិជ្ជាជីវៈ និងភាគីកូរ៉េខាងងត្បូងតំណាងដោយលោក LEE Jaewang ប្រធាន​មជ្ឈមណ្ឌល​សហប្រតិបត្តិការអន្តរជាតិ នៃទីភ្នាក់ងារសុវត្ថិភាព និងសុខភាពការងារកូរ៉េខាងត្បូងកាលពីថ្ងៃទី២១ មីនា ឆ្នាំ២០២៣​ នៅទីស្តីការក្រសួងការងារ។ លោក ឡេង តុង ​ប្រធាននាយកដ្ឋានពេទ្យការងារនៃក្រសួង​ការងារ និងបណ្តុះបណ្តាលវិជ្ជាជីវៈ បាន​ឱ្យដឹងថា ការចុះ​ហត្ថលេខាលើកិច្ចព្រមព្រៀងនេះ ជាការអនុវត្តគម្រោងជំនួយអភិវឌ្ឍផ្លូវការពីរដ្ឋាភិបាលកូរ៉េខាងត្បូងដល់ក្រសួងការងារកម្ពុជា ដើម្បីរៀបចំច្បាប់ស្តីពីសុវត្ថិភាព និងសុខភាពការងារ និងជួយដល់វិទ្យាស្ថានជាតិសុវត្ថិភាព និងសុខភាពការងារ។ លោក ឡេង តុង បន្តថា ៖ «ស្របពេលដែលកម្ពុជា មានការអភិវឌ្ឍរីកចម្រើនលើគ្រប់វិស័យ ជាពិ​សេ​សវិស័យការងារកំពុងមានកំណើនគួរឱ្យកត់សម្គាល់នោះ ឱកាសនៃគ្រោះថ្នាក់នៅកន្លែងធ្វើការក៏អាចនឹងមានខ្ពស់ ដែ​លចាំបាច់ត្រូវមានវិធានការក្នុងការបង្ការ ហើយវិធានការទាំងនេះ ផ្ដោតលើគោលនយោបាយ បទដ្ឋានគតិយុត្តិ ដែ​លត្រូវរៀបចំឲ្យមានច្បាប់ស្ដីពីសុវត្ថិភាព និងសុខភាពការងារ ដើម្បីការពារកម្មករនិយោជិករបស់យើង»។​…

ខេត្តស្វាយរៀង ៖ ក្នុងពិធីបើកសន្និបាតបូកសរុបលទ្ធផលការងារប្រចាំឆ្នាំ ២០២២ និងទិសដៅការងារឆ្នាំ ២០២៣ របស់រដ្ឋបាលខេត្តស្វាយរៀងនាព្រឹកថ្ងៃទី២៣ខែមីនាឆ្នាំ២០២៣ ឯកឧត្តម អភិបាលខេត្តស្វាយរៀង ណែនាំឲ្យអាជ្ញាធរមូលដ្ឋាន និងកងកម្លាំងទាំងអស់ត្រូវខិតខំធ្វើអំពើល្អ បង្ការទប់ស្កាត់រាល់សកម្មភាព បង្កឲ្យមានភាពចលាចលក្នុងសង្គម និងខិតខំដោះស្រាយ សម្របសម្រួលទំនាស់ និងសកម្មភាពទាមទារតវ៉ានានានៅតាមមូលដ្ឋានដោយសន្តិវិធី ព្រមទាំងខិតខំបញ្ចៀសឲ្យបានរាល់អំពើហិង្សាតាមគ្រប់រូបភាព ។ ឯកឧត្តម ម៉ែន វិបុល បានដាក់ទិសដៅឲ្យអាជ្ញាធរពាក់ពន្ធ័ទាំងអស់ត្រូវបន្តថែរក្សាការពារនូវស្ថិរភាពនយោបាយ សន្តិសុខ សណ្ដាប់ធ្នាប់សាធារណៈ និងរបៀបរៀបរយសង្គម ការបង្ការ ទប់ស្កាត់ និងបង្រ្កាបបទល្មើសនានាឲ្យបានជាអតិបរមា តាមរយៈការជំរុញ និងលើកកម្ពស់ការអនុវត្តគោលនយោបាយភូមិ ឃុំ សង្កាត់មានសុវត្ថិភាព ។ ឯកឧត្តម បញ្ជាក់ថា អាជ្ញាធរ កងកម្លាំងគ្រប់លំដាប់ថ្នាក់ ត្រូវរួមគ្នាការពារសន្តិភាព ពង្រឹងនូវគុណតម្លៃនៃសន្តិភាព និងរួមគ្នាប្រឆាំងឲ្យបានដាច់ខាតទប់ស្កាត់ការប៉ុនប៉ងទាំងឡាយណា ដែលមានបំណងបំផ្លាញសន្តិភាព ជាពិសេសគម្រោងគាំទ្រនានាដែលនាំទៅដល់ការធ្វើបដិវត្តន៍តាមគ្រប់រូបភាព ។ យោងតាមរបាយការណ៍នៅ បានឲ្យដឹងថា បទល្មើសព្រហ្មទណ្ឌ នៅខេត្តស្វាយរៀង កើតឡើងក្នុងឆ្នាំ២០២២ មានចំនួន ៦១លើក បើប្រៀបធៀបនឹងឆ្នាំ២០២១ មាន ៣៤លើក កើនឡើងចំនួន២៧លើក។ បទល្មើសឧក្រិដ្ឋ…

ខេត្តកណ្តាល ៖ ក្នុងពិធីបើកការដ្ឋានស្ថាបនាផ្លូវចាក់បេតុងមួយខ្សែប្រវែង ៤០០ម៉ែត្រ ទទឹង ៦ម៉ែត្រ នៅក្នុងឃុំថ្មគរ ស្រុកល្វាឯម ខេត្តកណ្តាល ថ្ងៃទី២៣ ខែមិនា ឆ្នាំ២០២៣ ឯកឧត្តម ជាប ដាវុធ អនុប្រធានក្រុមការងារថ្នាក់ជាតិចុះជួយស្រុកល្វាឯម ទទួលបន្ទុកយុវជន មានប្រសាសន៍ថា នេះ គឺជាសមិទ្ធផលថ្មីមួយបន្ថែមទៀត ជាមួយនឹងសមិទ្ធផលនានាជាច្រើន របស់ស្រុកខ្សាច់កណ្ដាល ដែលត្រូវបានសាងសង់ជាបន្តបន្ទាប់ សំដៅលើកកម្ពស់សោភ័ណ្ឌភាព, ផាសុខភាព និង ជីវភាពរស់នៅរបស់ប្រជាពលរដ្ឋដែល ។ ឯកឧត្តម ជាប ដាវុធ បន្តថា ស្របតាមទិសស្លោករបស់ សម្តេចតេជោនាយករដ្ឋមន្រ្តី តែងតែលើកឡើងជារើយៗថា «មានផ្លូវ, មានស្ពាន, គឺមាន ក្ដីសង្ឃឹម និង មានការអភិវឌ្ឍលើគ្រប់វិស័យ» ។ ដោយសារកិច្ចខិតខំប្រឹងប្រែងរបស់រាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃ និង ចក្ខុវិស័យវែងឆ្ងាយ របស់ សម្តេចតេជោ ហ៊ុន សែន កម្ពុជាអាចគ្រប់គ្រងស្ថានការណ៍នៃជំងឺកូវីដ-១៩ និងផលប៉ះពាល់នៃវិបត្តិនៃជំងឺដ៏កាចសាហាវនេះ មកលើសង្គម-សេដ្ឋកិច្ច បានយ៉ាងល្អប្រសើរ និង…

ខេត្តបាត់ដំបង ៖ ក្នុងសិក្ខាសាលាផ្សព្វផ្សាយពីលទ្ធផលការងារសម្រេចបាននៅខេត្តបាត់ដំបង របស់គម្រោងធ្វើឱ្យប្រសើរឡើង សុវត្ថិភាពចរាចរណ៍ផ្លូវគោក លើផ្លូវជាតិសំខាន់ៗ នៅកម្ពុជា និងរៀបចំយុទ្ធនាការផ្សព្វផ្សាយអំពីសុវត្ថិភាពចរាចរណ៍ផ្លូវគោក ដោយការដង្ហែក្បួន នៅលើដងផ្លូវសំខាន់ៗក្នុងក្រុងបាត់ដំបង លោក ជំទាវ មឹន មាណវី បានថ្លែងអំណរគុណដល់ រដ្ឋាភិបាល និងប្រជាជនជប៉ុនដែលបានជួយដល់ការអភិវឌ្ឍ និងថែរក្សាការពារអាយុជីវិតរបស់ប្រជាជនកម្ពុជានៅលើដងផ្លូវ ក្នុងខណៈរាជរដ្ឋាភិបាលប្រកាសស្វាគមន៍គ្រប់ដៃគូអភិវឌ្ឍន៍ទាំងអស់ ដែលមានបំណងជួយលើគ្រប់វិស័យ។ លោក ជំទាវ មឹន មាណវី អគ្គលេខាធិការ នៃគណៈកម្មាធិការជាតិសុវត្ថិភាពចរាចរណ៍ផ្លូវគោក ក៏បានស្នើដល់អ្នកជំនាញការជប៉ុន ឲ្យបន្តជួយការចែករំលកនូវបទពិសោធន៍ និងរិះរកវិធីសាស្រ្ត ធ្វើយ៉ាងណាដើម្បីអប់រំណែនាំដល់ប្រជាពលរដ្ឋកម្ពុជាឱ្យឆាប់យល់ដឹងនិងកែប្រែឥរិយាបថរបស់ខ្លួនពីការមិនគោរពច្បាប់ចរាចរណ៍ ឱ្យទៅជាការគោរពច្បាប់ដោយម៉ឺងម៉ាត់វិញ។ លោកជំទាវ បានស្នើដល់អ្នកជំនាញការជប៉ុន ឱ្យជួយបំពាក់ភ្លើងស្តុប ផ្លាកសញ្ញាចរាចរណ៍ និង ផ្លាកសញ្ញាអប់រំពីច្បាប់ចរាចរណ៍ នៅតាមដងផ្លូវសំខាន់ៗបន្ថែមទៀត ដើម្បីបញ្ជ្រាបពីការយល់ដឹងបន្ថែមដល់ប្រជាពលរដ្ឋ ក្នុងការសំដៅការកាត់បន្ថយនូវអត្រាគ្រោះថ្នាក់ចរាចរណ៍ ខណៈដែលបច្ចុប្បន្ននេះគ្រោះថ្នាក់ចរាចរណ៍ នៅតែជាបញ្ហាចម្បងក្នុងការគម្រាមកំហែងសម្លាប់ជីវិតមនុស្សនិងរបួសជាបន្តបន្ទាប់ រៀងរាល់ថ្ងៃ ដែលជាការបង្កការរាំងស្ទះដល់កិច្ចអភិវឌ្ឍសេដ្ឋកិច្ចនិងសង្គមកម្ពុជា ។ ឯកឧត្តម សឿម ប៊ុនរិទ្ធិ អភិបាលរងខេត្តបាត់ដំបង បានអំពាវនាវដល់បណ្ដាមន្ទីរ អង្គភាពពាក់ព័ន្ធ អាជ្ញាធរគ្រប់លំដាប់ថ្នាក់ រួមទាំងវិស័យឯកជន អង្គការមិនមែនរដ្ឋាភិបាល និងប្រជាពលរដ្ឋទាំងអស់ក្នុងខេត្តបាត់ដំបង…

ព្រៃវែង៖ លោក ឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង នៅយប់ថ្ងៃទី ២១ ខែ មីនា ឆ្នាំ ២០២៣ បានដាក់បទបញ្ជាឱ្យគ្រប់អធិការដ្ឋាននគរបាលក្រុង-ស្រុក និងប៉ុស្តិ៍នគរបាលរដ្ឋបាលទាំងអស់ នៅពេលចាប់ឃាត់ខ្លួនក្មេងទំនើងដែលបង្កហិង្សាបាន គឺមិនត្រូវប្រើវិធានការអប់រំណែនាំទៀតនោះទេ ដាច់ខាតត្រូវកសាងសំណុំរឿងបញ្ជូនទៅតុលាការតាមនីតិវិធី ដោយអនុវត្តចាប់ពីថ្ងៃនេះតទៅ ។ ជាមួយគ្នានោះ លោក ឧត្តមសេនីយ៍ទោ ស្នងការ ក៏បានណែនាំដល់គ្រប់អធិការដ្ឋានក្រុង-ស្រុក និងគ្រប់ប៉ុស្តិ៍រដ្ឋបាលនគរបាល ត្រូវប្រកាសព័ត៌មាននេះ ដល់គ្រប់ច្រកល្ហកទូទាំងខេត្តព្រៃវែង ដើម្បីឱ្យយុវជនទាំងអស់បានដឹង ភ្ញាក់ខ្លួន និងខិតខំប្រឹងប្រែងរៀនសូត្រឡើងវិញ ហើយឈប់ឱ្យមានអំពើហិង្សា ការប្រើប្រាស់គ្រឿងញៀន ឬ ប្រព្រឹត្តិអំពើល្មើសច្បាប់ផ្សេងៗបន្តទៅទៀត ។ សូមបញ្ជាក់ថា ចាប់តាំងពីលោកឈឿន ប៊ុនឆនឡើងកាន់តំណែងជាស្នងការនគរបាលខេត្តព្រៃវែងប្រមាណ១០ថ្ងៃមកនេះ បានបង្ក្រាបក្មេងទំនើងគប់កញ្ចក់រថយន្តចំនួន ៣នាក់នៅស្រុកកំពង់ត្របែក ខេត្តព្រៃវែងនិងចំនួន ១០នាក់ទៀតដែលធ្វើសកម្មភាព ជិះម៉ូតូដេញជេរគ្នាបង្កភាពអាណាធិបតេយ្យនៅក្រុងព្រៃវែងហើយក៏បានប្រើវិធានការធ្វើការអប់រំឱ្យបញ្ឈប់សកម្មភាពគប់កញ្ចក់រថយន្តក៏ដូចជាជេរគ្នាតាមផ្លូវដែលដែលនាំឲ្យបាត់បង់នូវសណ្ដាប់ធ្នាប់សាធារណៈ។តែចាប់ពីពេលនេះតទៅវិធានការអប់រំ នឹងមិនប្រើទៅលើក្មេងជំនើងទៀតទេ គឺត្រូវតែចាប់បញ្ជូនទៅតុលាការដើម្បីចាត់ការតាមនីតិវិធីច្បាប់៕ នុត នាង