ខេត្តកំពង់ឆ្នាំង៖ ឯកឧត្តម បណ្ឌិត ជា វ៉ាន់ដេត បានលើកឡើងថា សិទ្ធសេរីភាពនិងមាននៅពេលមានសន្តិភាព មានអង្ករច្រកឆ្នាំង មានការងារធ្វើមានផ្ទះនៅសមរម្យ។ បច្ចុប្បន្ននេះប្រជាពលរដ្ឋយើងដែលទទួលបាននូវសុខសន្តិភាព បាននិងកំពុងមានទីលំនៅសមរម្យ មានហូបចុកគ្រប់គ្រាន់ និងមានការធ្វើទៅតាមសមត្ថភាពរបស់ខ្លួន ដោយមិនមានអ្នកណាមករារាំងយើង រំលោភលើសិទ្ធរបស់យើងនោះទេ ។ ឯកឧត្តម បានបញ្ចាក់បន្ថែមថា កាលពីមុនស្រ្តីមិនមានការងារធ្វើ តាមពាក្យបុរាណកាលពោលថា «ស្រ្តីវិលចង្រ្កានមិនជុំ» ខណៈដែលបុរសជាប្តីទៅធ្វើការរកស៊ីចិញ្ចឹមប្រពន្ធ ឯស្រ្តីជាភរិយា នៅផ្ទះចិញ្ចឹមកូន ។ សម័យមុនយើងចង់ទៅធ្វើការ មិនដឹងទៅធ្វើការនៅទីណា មកដល់សម័យបច្ចុប្បន្ននេះ ការងារច្រើនគឺស្រ្តីបាននិងកំពុងមានវត្តមាននៅទីនោះ ពិសេសនៅតាមបណ្តារោងចក្រសហគ្រាស ជាមួយនិងការទទួលបាននូវអត្ថប្រយោជន៍យ៉ាងច្រើនទៅលើការងារ បានទាំងប្រាក់ខែ ប្រាក់ឧបត្ថម្ភ ធានារ៉ាប់រងលើសុខភាព និងប្រាប់ឧបត្ថម្ភទៅលើកាពរពោះឆ្លងទន្លេផងដែរ។ ការលើកឡើងបែបនេះ របស់ឯកឧត្តម បណ្ឌិត ជា វ៉ាន់ដេត ប្រធានក្រុមការងារគណបក្សចុះមូលដ្ឋានស្រុកទឹកផុង ខេត្តកំពង់ឆ្នាំង ធ្វើឡើងនៅរសៀលថ្ងៃទី១៨ ខែមីនា ឆ្នាំ២០២៣ ក្នុងឱកាសអញ្ជើញ ចុះជួបសំណេះសំណាលជាមួយបង ប្អូន អ៊ុ ពូ ម៉ីង លោកយាយ លោកតា មេគ្រួសារគណបក្សប្រជាជនកម្ពុជា សរុបប្រមាណ…

ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំឬ ក.ប.ប. បានរកឃើញថា ម្ចាស់ផលិតផលទឹកពិសាមួយចំនួនដែលកំពុងចរាចរលក់នៅលើទីផ្សារបានផ្សព្វផ្សាយលក់ផលិតផលរបស់ខ្លួនដោយភ្ជាប់នូវសេចក្តីបរិយាយពាណិជ្ជកម្មមិនពិត ដែលធ្វើឱ្យអ្នកប្រើប្រាស់មានការភាន់ច្រឡំ ហើយទង្វើនេះបានប៉ះពាល់ដល់ទារកដែលបានប្រើប្រាស់ទឹកនោះផងដែរ។ សេចក្តីជូនដំណឹងរបស់«ក.ប.ប.» នៃក្រសួងពាណិជ្ជកម្ម ចុះថ្ងៃទី១៦ ខែមីនាឆ្នាំ២០២៣ បានឱ្យដឹងថា តាមរយៈការស្រាវជ្រាវ និងស៊ើបអង្កេតរបស់មន្ត្រីនៃអគ្គនាយកដ្ឋាន ក.ប.ប. បានពិនិត្យឃើញថា មានម្ចាស់ផលិតផលទឹកពិសាមួយចំនួន ដែលកំពុងចរាចរលក់នៅលើទីផ្សារ បានផ្សព្វផ្សាយលក់ផលិតផលរបស់ខ្លួនដោយភ្ជាប់នូវសេចក្តីបរិយាយពាណិជ្ជកម្មមិនពិត ដែលធ្វើឱ្យអ្នកប្រើប្រាស់មានការភាន់ច្រឡំ។ ជាក់ស្ដែង ក្រុមហ៊ុនផលិតទឹកពិសាមួយចំនួន បានប្រើប្រាស់រូបភាព ស្ត្រីបំបៅទារក រូបទារក និងដបទឹកដោះគោ ក៏ដូចជាខ្លឹមសារដែលមានអត្ថន័យថា “ទឹកពិសារបស់ខ្លួន មានមុខងារសម្រាប់ឆុងជាមួយ ម្សៅដោះគោ ដើម្បីបំបៅទារក ឬរូបភាពបង្កប់ន័យផ្សេងទៀត។ ក.ប.ប. សង្កត់ធ្ងន់ថា៖«ការផ្សព្វផ្សាយទាំងនេះ បង្កឱ្យមានការភាន់ច្រឡំដល់អ្នកប្រើប្រាស់ ដែលផ្ទុយពីបទប្បញ្ញត្តិ ពិសេសខ្លឹមសារនៃអនុក្រឹត្យលេខ១៣៣ អនក្រ.បក ចុះថ្ងៃទី១៨ ខែវិច្ឆិកា ឆ្នាំ២០០៥ ស្តីពីការផ្សព្វផ្សាយលក់ផលិតផលសម្រាប់ចិញ្ចឹមទារកនិងកុមារ និងគោលការណ៍ណែនាំ របស់អង្គការសុខភាពពិភពលោក ដែលអាចបង្កហានិភ័យដល់សុខភាព អ្នកប្រើប្រាស់ដែលជាទារក»។ ប្រភពដដែលបន្តថា ដើម្បីការពារផលប៉ះពាល់ដល់អត្ថប្រយោជន៍របស់មាតាបីតា ឬអាណាព្យាបាល និងសុខភាពរបស់ ទារកដែលជាទំពាំងស្នងឬស្សី ក្នុងរយៈពេលកន្លងមកនេះ អគ្គនាយកដ្ឋាន…

ភ្នំពេញ៖ ទីភ្នាក់ងារជាតិមុខរបរនិងការងារ (NEA)នៃក្រសួងការងារនិងបណ្តុះបណ្តុះវិជ្ជាជីវៈ នៅថ្ងៃទី១៧ខែមីនាឆ្នាំ២០២៣នេះ បានរៀបចំនូវព្រឹត្តិការណ៍ជ្រើសរើសកម្មករនិយោជិតនៅក្នុងទីតាំង «បុរីកម្មករ ក្រុងច្បារមន ខេត្តកំពង់ស្ពឺ»ដោយមានរោងចក្រ សហគ្រាសធំៗចំនួនប្រាំចូលរួមជ្រើសរើសកម្មករ កម្មការិនីជាងប្រាំពាន់នាក់ ។ កម្មវិធីនេះត្រូវបានរៀបចំឡើង ដើម្បីឆ្លើយតបទៅនឹងតម្រូវការស្វែងរកឱកាសការងារថ្មីរបស់បងប្អូនកម្មករ កម្មការិនី រោងចក្រដែលបានបាត់បង់ការងារ ឬត្រូវព្យួរកិច្ចសន្យាការងារ នាពេលកន្លងមកនេះ ក៏ដូចជាដើម្បីរក្សាលំនឹងជីវភាព និងប្រាក់ចំណូលរបស់បងប្អូនកម្មករ បន្ថែមពីលើការទទួលបាននូវការគាំពារតាមរយៈការឧបត្ថម្ភសាច់ប្រាក់ពីសំណាក់រាជរដ្ឋាភិបាល។ កម្មការិនី លាង សូនីត ដែលបានចូលរួមព្រឹត្តិការណ៍នោះបានថ្លែងថា ៖«សម្រាប់ខ្ញុំផ្ទាល់សប្បាយចិត្ត ដោយសារតែគេរៀបចំកម្មវិធីនេះឡើង ដើម្បីឱ្យអ្នកដែលអត់មានការងារធ្វើមកដាក់ពាក្យ ចឹងព្រឹត្តិ​ការណ៍នេះគឺជាឱកាសសម្រាប់ខ្ញុំផ្ទាល់ និងកម្មករ​ និយោជិតផ្សេងទៀតមានឱកាសរកការងារធ្វើ»។ ជាមួយគ្នានេះដែរកម្មករនិយោជិតលោក វី វុត្ថា រស់នៅខេត្តកំពង់ស្ពឺ បាននិយាយថា ៖«ខ្ញុំមកចូលរួមក្នុងវេទិកានេះ ដើម្បីស្វែងរកការងារធ្វើ ដែលនៅក្នុងនេះឃើញមានការចូលរួមពីមន្រ្តីការងារ ដែលគាត់បានដឹកនាំជួយតម្រង់ទិសដល់កម្មករនិយោជិតដែលព្យួរការងារផងដែរ»។ ការរៀបចំព្រឹត្តិការណ៍ជ្រើសរើសកម្មករ និយោជិតនេះ ត្រូវរៀបចំឡើងដោយទីភ្នាក់ងារជាតិមុខរបរ និងការងារ (NEA) ដោយសហការជាមួយសហភាពសហព័ន្ធយុវជនកម្ពុជាវិស័យការងារ  មន្ទីរការងារខេត្តកំពង់ស្ពឺ និងអជ្ញាធរមូលដ្ឋាន ដើម្បីជួយផ្សព្វផ្សាយឱ្យបានទូលំទូលាយដល់បងប្អូនប្រជាពលរដ្ឋទូទៅនៅក្នុងខេត្ត ពិសេសបងប្អូនកម្មករ កម្មការិនី ដែលរស់នៅក្នុងខេត្តកំពង់ស្ពឺទាំងមូល។ NEA នឹងបន្តរៀបចំព្រឹត្តិការណ៍ដូចគ្នានេះ នៅតាមបណ្តាខេត្តដទៃទៀត ពិសេសខេត្តដែលមានតម្រូវការកម្លាំងពលកម្មច្រើនៗ…

ភ្នំពេញ ៖ គ្រោះអគ្គិភ័យមួយបានឆាបឆេះឃ្លាំងស្តុកគ្រឿងបន្លាស់រថយន្តមួយកន្លែងជាប់ផ្លូវឧកញ៉ាម៉ុង ឫទ្ធី ក្នុងភូមិបាយ៉ាប សង្កាត់ភ្នំពេញថ្មី ខណ្ឌសែនសុខ បណ្ដាលឱ្យឆេះអស់ទាំងស្រុង ដែលបង្កឡេីងកាលពីវេលាម៉ោង០៨ និង២០ នាទីព្រឹកថ្ងៃទី១៧ ខែមីនា ឆ្នាំ ២០២៣ ។ សមត្ថកិច្ច ឱ្យដឹងថា ម្ចាស់ទីតាំងឈ្មោះគីម ហួត ភេទប្រុស អាយុ៤២ឆ្នាំ ជនជាតិខ្មែរ មុខរបរលក់គ្រឿងបន្លាស់រថយន្ត។ទីតាំងខាងលេីគឺជាប្រភេទសំណង់ ថ្មបេតុងប្រក់ស័ង្កសី មានទំហំ១៦ម៉ែត្រគុណនឹង២០ម៉ែត្រ (ជាឃ្លាំង) និងបានឆេះរាលដាលដល់រថយន្តCamery(បាឡែន) ពណ៌ស្ករ ពាក់ស្លាកលេខ ភ្នំពេញ 2AE-5389 រួមទាំងឆេះគ្រឿងបន្លាស់រថយន្ត និងប្រេងម៉ាស៊ីនអស់ទាំងស្រុង តែពុំបណ្ដាលឱ្យឆេះរាលដាលដល់ផ្ទះអ្នកក្បែរខាងឡើយ ហេីយក៏មិនបង្កឱ្យមនុស្សរងរបួសនោះដែរ ។ ចំពោះមូលហេតុ គឺបណ្ដាលមកពីឆ្លងចរន្តអគ្គិសនី ។ ក្នុងប្រតិបត្តិការ បង្ការ សង្គ្រោះអគ្គិភ័យនេះ មានរថយន្តការិយាល័យពន្លត់អគ្គិភ័យ ចំនួន២៥គ្រឿង ប្រេីប្រាស់ទឹកអស់ចំនួន៦០ឡាន និងរថយន្តជំនួយអន្តរាគមន៍ពន្លត់រួមមាន រថយន្តក្រុមហ៊ុនOCICទីក្រុងរកោះពេជ្រ ចំនួន៤គ្រឿង,រថយន្តក្រុមហ៊ុនOCICទីក្រុងជ្រោយចង្វារ ចំនួន៥គ្រឿង,រថយន្តកងពលតូចលេខ70ចំនួន៣គ្រឿង ហើយពន្លត់ចប់ នៅម៉ោង១០ព្រឹក នាថ្ងៃខែឆ្នាំដដែល៕ ដោយ ៖ ភារ៉ា…

ភ្នំពេញ ៖ ស្របពេលដែលពិធីបុណ្យចូលឆ្នាំប្រពៃណីខ្មែរ កាន់តែជិតឈានមកដល់ និងព្រមជាមួយគ្នាតម្រូវការប្រើប្រាស់ប្រេឥន្ធនៈក៏មានកម្រិតមួយខ្ពស់ដោយសារពលរដ្ឋត្រូវធ្វើដំណើរចាកចេញទៅស្រុកកំណើត និងក៏ដូចជាដំណើរកម្សាន្តច្រើននោះ ត្រូវបានមន្រ្តីនាំពាក្យក្រសួងពាណិជ្ជកម្មលើកឡើងថា រាជរដ្ឋាភិបាលកំពុងគិតគូពីតម្លៃប្រេងឥន្ធនៈ ដើម្បីឱ្យមានកម្រិតមួយ សមរម្យ និងអាចប្រើប្រាស់គ្រប់គ្រាន់តាមតម្រូវការ ។ ទាក់ទិនក្នុងរឿងនេះ ឯកឧត្តម ប៉ែន សុវិជាតិ រដ្ឋលេខធិការ និង ជាមន្រ្តីនាំពាក្យក្រសួងពាណិជ្ជកម្មបានថ្លែងឱ្យដឹងថា៖ ចាប់តាំងតែពីដើមឆ្នាំនេះ និងពិសេសចាប់តាំងតែពីត្រីមាសទី៣ នៃដើមឆ្នាំ ២០២២មក តម្លៃប្រេងដែលក្រសួងខិតខំធ្វើការជាមួយវិស័យឯកជន និងស្ថាប័នពាក់ព័ន្ធនោះឃើញថា មានការធ្លាក់ចុះ ។ សម្រាប់ប្រេងធ្លាក់ចុះនេះ គឺស្របពេលតម្លៃប្រេងទីផ្សារអន្តរជាតិ ធ្លាក់ចុះផងដែរ។ មន្រ្តីនាំពាក្យរូបនេះ បន្តថា ”ទាក់ទិនទៅនឹងតម្លៃ ប្រេង ម៉ាស៊ូត កន្លងមកបានឡើងថ្លៃខ្ពស់ ប៉ុន្តែចាប់ពីខែកុម្ភៈ និង មីនា ឆ្នាំ២០២៣នេះ មាននិន្នាការធ្លាក់ថ្លៃវិញ ដែលធ្វើឱ្យពលរដ្ឋដែលប្រើប្រាស់ រថយន្ត ប្រេងម៉ាស៊ូត មានភាពងាយស្រួល ។ កាលពីមុនប្រេងម៉ាស៊ូតថ្លៃជាងប្រេងសាំង តែពេលនេះប្រេងម៉ាស៊ូតធ្លាក់ចុះជាងប្រេងសាំងវិញ។ យើងគួរសរសើររាជរដ្ឋាភិបាលយើងត្រង់ហ្នឹង!”។ ឯកឧត្តមបានពន្យល់ថា ការដែលក្រសួងពាណិជ្ជកម្មបានគណនាតម្លៃប្រេងរយៈ ១០ថ្ងៃម្តងនេះដើម្បីឱ្យទាន់តម្លៃប្រេងទីផ្សារពោលគឺ កុំឱ្យអ្នកលក់ខាត ឬក៏មានបញ្ហាអ្វីដែលទាក់ទងនឹងតម្លៃនេះ។យើងមិនអាចឱ្យអ្នកលក់គាត់រកស៊ីខាត ដែលធ្វើឱ្យគាត់លែងមានអ្វីលក់។…

ភ្នំពេញ ៖ យោងតាមសេចក្ដីប្រកាសរដ្ឋមន្ត្រីក្រសួងព័ត៌មាន បានបញ្ចាក់នៅថ្ងៃទី១៦ ខែមីនា ឆ្នាំ ២០២៣ម្សិលមិញ មានអង្គភាព គេហទំព័រ កាសែត និងសមាគម ចំនួន ៣ ត្រូវបានក្រសួងព័ត៌មាន លុបអាជ្ញាបណ្ណ ដោយមូលហេតុ ម្ចាស់ អាជ្ញាបណ្ណបានប្រព្រឹត្តិកំហុសខាងក្រមសីលធម៌វិជ្ជាជីវៈសារព័ត៌មានយ៉ាងធ្ងន់ធ្ងរ និងមិនព្រមអនុវត្តតាមការ អប់រំណែនាំរបស់ក្រសួងជាអាណាព្យាបាល ដែលផ្ទុយនឹងកិច្ចសន្យាអាជីវកម្មរបស់សាមីខ្លួនបានតម្កល់ទុកនៅក្រសួងព័ត៌មាន។ អង្គភាពគេហទំព័រ កាសែត និងសមាគម ចំនួន ៣ រួមមានទី១/-“(អ្នកសារព័ត៌មានកម្ពុជា-អាស៊ាន(ស.អ.ក.អ) របស់ឈ្មោះ ជា លីហ៊ាង ។ទី២/ (កាសែត ដំណឹងក្នុងស្រុក) របស់ លោក ជា សារ៉េន ។និងទី៣/ (គេហទំព័រ រស្មីកំពង់ចាម) របស់លោកស្រី ស៊ី មុយឡេង ។ យោងតាមប្រកាស របស់ក្រសួងព័ត៌មាន បានបញ្ជាក់ថា, សម្រេច-ត្រូវលុបប្រកាសលេខ ៦២៣ ព.ម ប្រក ចុះថ្ងៃទី២៣ ខែវិច្ឆិកា ឆ្នាំ២០១២ របស់ក្រសួងព័ត៌មាន…