សៀមរាប៖ នៅព្រឹកថ្ងៃទី១៧ ខែមីនា ឆ្នាំ២០២៣នេះ អាជ្ញាធរខេត្តសៀមរាប សហភាពសហព័ន្ធយុវជនកម្ពុជា និងក្រុមហ៊ុននានា បានចូលរួមសម្អាតបរិស្ថាននៅក្នុងក្រុងសៀមរាបមុនពេលដង្ហែគប់ភ្លើងជិតចូលមកដល់ហើយ កាយវិការរបស់អាជ្ញាធរខេត្ត និងបងប្អូនប្រជាពលរដ្ឋនាពេលនេះ ដែលបានចូលរួមស្រឡាញ់ ការពារ និងថែរក្សាបរិស្ថាន ដែលនេះជាមូលដ្ឋានគ្រឹះនៃវប្បធម៌ចែករំលែក ចូលរួមសាមគ្គីជាកម្លាំង ដើម្បីអភិវឌ្ឍន៍ខេត្ត ក្រុងរបស់យើងរួមគ្នាផងដែរ។ លោក ឃឹម ហ្វីណង់ អភិបាលរងខេត្តសៀមរាប បានលើកឡើងថា “សៀមរាបផ្ទះខ្ញុំ” សូមជួយថែរក្សាផ្ទះរបស់យើងទាំងអស់គ្នា ដើម្បីសុខមាភាពរបស់ក្រុមគ្រួសារយើង សំរាមគឺជាកាកសំណល់ ដែលផ្ទុកដោយមេរោគជាច្រើនប្រភេទ ចាំបាច់ណាស់យើងត្រូវមានឧបករណ៍គ្រប់គ្រាន់សម្រាប់ប្រមូលនូវសំណល់រឹង និងរាវនេះ លោកបានសំណូមពរ ដល់ម្ចាស់ក្រុមហ៊ុន អាជ្ញាធរមូលដ្ឋានទាំងអស់បន្តយកចិត្តទុកដាក់ និងស្វាគមន៍ក្នុងការចូលរួមគ្រប់សកម្មភាពល្អៗរបស់បងប្អូនប្រជាពលរដ្ឋ នេះជាកត្តាដ៏សំខាន់មួយដែលយើងអាចធ្វើការងាររួមគ្នារវាងអជ្ញាធរមូលដ្ឋាន និង បងប្អូនប្រជាពលរដ្ឋដែលមានចិត្តស្រឡាញ់បរិស្ថាន។ លោក បានអំពាវនាវដល់អាជ្ញាធរមូលដ្ឋាន កងកម្លាំង និងមន្ត្រីជំនាញទាំងអស់ ដែលទទួលខុសត្រូវលើបញ្ហារបរិស្ថាន ត្រូវបង្កើនការទទួលខុសត្រូវ នូវរាល់កិច្ចការរបស់ខ្លួន ត្រូវណែនាំនិងហាមបងប្អូនប្រជាពលរដ្ឋ ឲ្យពួកគាត់ចួលរួមសម្អាតបរិស្ថាន និងត្រូវរៀបចំផែនការថែរក្សាបរិស្ថានក្នុងមូលដ្ឋានរបស់ខ្លួនឲ្យបានច្បាស់លាស់ទាំងពេលវេលា និងសម្ភារប្រើប្រាស់ ដែលប្រាកដថាគ្មានហានិភ័យដល់សុខភាព ហើយត្រូវផ្សព្វផ្សាយ និងស្វាគមន៍រាល់បណ្តាសហគ្រាសក្នុងវិស័យឯកជន ដែលមានបំណងស្ម័គ្រចិត្តចូលរួមដើម្បីរួមគ្នាធ្វើគ្រប់បែបយ៉ាង ឲ្យក្រុងសៀមរាបយើង កាន់តែមានសោភ័ណភាព អនាម័យ និងបរិស្ថានល្អ។…

ភ្នំពេញ ៖ ជនសង្ស័យចំនួន ៤៧នាក់ ត្រូវបានសមត្ថកិច្ចឃាត់ខ្លួនក្នុងបទល្មើសព្រហ្មទណ្ឌ និងបទល្មើសគ្រឿងញៀននៅទូទាំងប្រទេសកម្ពុជា នាថ្ងៃទី១៦ ខែមីនា ឆ្នាំ២០២៣ ម្សិលមិញនេះ។ នេះបើតាមការបញ្ជាក់របស់នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បានឱ្យដឹងនៅថ្ងៃទី១៧ ខែមីនា ឆ្នាំ២០២៣ ។ អ្នកនាំពាក្យក្រសួងមហាផ្ទៃ បានបញ្ជាក់បន្ថែមថា ក្នុងចំណោមជនសង្ស័យទាំង ៤៧នាក់នោះ មាន ២៣នាក់ ត្រូវបានឃាត់ខ្លួននៅក្នបទល្មើសព្រហ្មទណ្ឌ ១៥ករណី និងជនសង្ស័យ ២៤នាក់ ត្រូវបានឃាត់ខ្លួនក្នុងបទល្មេីសគ្រឿងញៀន ០៧ករណី ។ នាយឧត្តមសេនីយ៍ ខៀវ សុភ័គ ក៏បានកោតសរសើរនិងថ្លែងអំណរគុណចំពោះកងកម្លាំងសមត្ថកិច្ចទាំងអស់ ដែលបានខិតខំបំពេញភារកិច្ចបង្ក្រាបបទល្មើស និងបម្រើប្រជាពលរដ្ឋ។ ជាមួយគ្នានេះ លោកបានអំពាវនាវដល់ប្រជាពលរដ្ឋទាំងអស់អនុវត្តនូវពាក្យស្លោក «៣កុំ ១រាយការណ៍» ដែលមានន័យថា «កុំពាក់ព័ន្ធ កុំអន្តរាគមន៍ កុំលើកលែងក្នុងបទល្មើសនានា និងជួយរាយការណ៍ពីបទល្មើសគ្រឿងញៀន និងបទល្មើសផ្សេងៗទៀត» ដែលកើតមាននៅមូលដ្ឋានរបស់ខ្លួន ជូនដល់សមត្ថកិច្ច ៕ ដោយ ៖ ភារ៉ា និងប៊ុនធី

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី១៦ ខែមីនា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៦លើក បណ្ដាលឲ្យមនុស្សស្លាប់ ២នាក់ និងរបួសធ្ងន់ស្រាល ៩នាក់។ ប្រភពព័ត៌មានដដែលបញ្ជាក់ថា មូលហេតុដែលបណ្ដាលឲ្យកើតមានគ្រោះថ្នាក់ចរាចរណ៍ រួមមាន៖ ល្បឿន, ប្រជែង, មិនប្រកាន់ស្ដាំ, បត់មិនប្រយ័ត្ន និងស្រវឹង ៕ ដោយ ៖ ភារ៉ា និងប៊ុនធី

ភ្នំពេញ ៖ កម្លាំងចំណុះអធិការដ្ឋានខណ្ឌបានបញ្ចេញកម្លាំងម៉ូតូ និងរថយន្តរបស់អង្គភាព ដើម្បីល្បាតតាមដងផ្លូវបានឃាត់រថយន្តប្រមូលផ្ដុំគ្នានៅស្ថានីយប្រេង១កន្លែងចំនួន ១៦គ្រឿងសង្ស័យកែច្នែរថយន្ត និង សំឡេងឮខ្លាំង ខុសបច្ចេកទេស (ស៊ីម៉ាំងប៉្រែន) តែខាងអ្នកបើកបររថយន្តមិនព្រមសហការ កងកម្លាំងបានស្ទួចយករថយន្ត ទៅពិនិត្យតាមស្ដង់ដារ កាលវេលាម៉ោង៩នង០០នាទីយប់ថ្ងៃទី១៦ ខែមីនា ឆ្នាំ២០២៣ នៅចំណុចក្បែរក្រសួងរៀបចំដែនដីនគរូបនីយកម្ម និងសំណង់ ស្ថិតនៅភូមិលូ សង្កាត់ ស្វាយប៉ាក ខណ្ឌឬស្សីកែវ ។ លោក ហ៊ាង ថារ៉េត អធិការខណ្ឌឬស្សីកែវបានបញ្ជាក់ដែរថា សកម្មភាពនឬ ធ្វើឡើង តាមបទបញ្ញា ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ហើយវេលាម៉ោង៩និង០០នាទីយប់ថ្ងៃទី១៦ ខែមីនា ឆ្នាំ២០២៣ មានប្រជាពលរដ្ឋល្អបានរាយការណ៍មកសមត្ថកិច្ចយើង ថាមានរថយន្តកែច្នៃបំពង់ស៊ីម៉ាំង ប្រមូលផ្ដុំនៅស្ថានីយប្រេង១កន្លែង ហើយ កម្លាំងយើងចុះទៅដល់ទីកន្លែង ក៏បានឃើញរថយន្តចំនួន ១៦គ្រឿង រួចបានណែនាំឱ្យម្ចាស់រថយន្តធ្វើការសហការការតែរថយន្តទាំង ១៦គ្រឿង មុនដំបូងមិនព្រមសហការ និងបំណងបើករថយន្តចេញពីស្ថានីយប្រេងខាងលើតែត្រូវកងកម្លាំងអធិការដ្ឋានខណ្ឌឬស្សីកែវប្រើធម៍ក្ដៅ ទើបអ្នកបើកបររថយន្តទាំង ១៦គ្រឿងបានមកសុំទោសសមត្ថកិច្ចនិងព្រមបើករថយន្តទៅតាមសមត្ថកិច្ចតាមសម្រួល ។ ដោយបានសហការជាមួយកម្លាំងសមត្ថកិច្ចការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ…

ភ្នំពេញ៖ បន្ទាប់ពីទទួលដំណឹងដ៏តក់ស្លុតចំពោះរមណភាពរបស់ស្ត្រីឈ្មោះ សៀង ស្រីអូន (រងគ្រោះដោយ ពេទ្យគ្លីនិកដើមអង្ក្រង បានកាយយកសពទារករំលូតក្នុងផ្ទៃ ដោយទាំងពោះវៀនចេញមកក្រៅកាលពីខែវិច្ឆិកា ឆ្នាំ២០២២កន្លងទៅ ) នៅថ្ងៃទី ១៦ ខែមីនា ឆ្នាំ២០២៣ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចូលរួមរំលែកទុក្ខដ៏ក្រៀមក្រំ និងចាត់មន្ត្រីចូលរួមបុណ្យសពអ្នកស្រី សៀង ស្រីអូន អាយុ២២ឆ្នាំ ដែលបានទទួលមរណភាព កាលពីវេលា ម៉ោង ៤ទៀបភ្លឺ ថ្ងៃទី១៦ ខែមីនាបន្ទាប់ពីគ្រូពេទ្យកាល់ម៉ែត បានបញ្ជូនគាត់តាមរថយន្ដគិលានសង្គ្រោះទៅដល់គេហដ្ឋានគាត់ នៅភូមិ ពងទឹក ឃុំស្រែចែង ស្រុកជុំគិរី ខេត្ត កំពត ។ ស្ថិតក្នុងក្តីដ៏សោកសង្រេងនេះ លោកជំទាវ ម៉ែន នារីសោភ័គ អគ្គលេខាធិការរងទី ១ កាកបាទក្រហមកម្ពុជា បានពាំនាំនូវការរំលែកទុក្ខដ៏ក្រៀមក្រំ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលអ្នកម្តាយមនុស្សធម៌ មានក្តីក្តុកក្តួល រន្ធត់ចិត្តក្រៃលែង និងតែងតែយកចិត្តទុកដាក់គិតគូរ…

រាជធានីភ្នំពេញ ៖ សត្វរមាំង ឬ ល្មាំង ( Eld’s Deer ) ដែលមានឈ្មោះវិទ្យាសាស្ត្រ Cervus eldii សត្វប្រភេទនេះគេកំពុងឃើញមានវត្តមាននៅកម្ពុជា។ យោងតាមទំព័រហ្វេសប៊ុករបស់ក្រសួងបរិស្ថានបានឱ្យដឹងនៅថ្ងៃទី ១៥ ខែមិនា ឆ្នាំ២០២៣នេះថារមាំងជាប្រភេទសត្វជិតផុតពូជ (EN) លើពិភពលោក ក្នុងបញ្ជីក្រហម IUCN មានវត្តមានពេញមួយឆ្នាំនៅប្រទេសកម្ពុជាយើង ភាគច្រើនរស់នៅជាហ្វូង តាមតំបន់ទំនាបក្នុងព្រៃល្បះ ដែលសម្បូដោយ ស្មៅ ស្បូវ ព្រេច ល្បះរុក្ខជាតិ រួមជាមួយ ថ្លុក បឹង ត្រពាំង និងវាលស្រែ នៃបណ្តាខេត្តមួយចំនួនរួមមាន ខេត្តបន្ទាយមានជ័យ ឧត្តរមានជ័យ ព្រះវិហារ ក្រចេះ ស្ទឹងត្រែង មណ្ឌលគិរី និងរតនគិរី ។ រមាំងជាថនិកសត្វ តិណាសី និងមិនសូវផ្អើល មានមាឌតូចជាងប្រើស តែធំជាងឈ្លូសបន្តិច រមាំងឈ្មោលមាឌធំជាង រមាំងញី និងមានសម្បុរលឿងស្រអាប់ ឬ លឿងក្រម៉ៅ មានអុចៗស នៅចំហៀងខ្លួន…