ភ្នំពេញ៖ មនុស្ស ៣នាក់បានស្លាប់ និង ៤នាក់ទៀតរបួសខណៈរកឃើញយានយន្តល្មើសចំនួន ៣៣៨គ្រឿង ត្រូវបានផាកពិន័យនៅទូទាំងប្រទេសកម្ពុជា កាលពីថ្ងៃទី១៥ ខែមីនា ឆ្នាំ២០២៣ ម្សិលមិញ ។ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាន នគរបាលជាតិ នៅថ្ងៃទី១៥ ខែមីនា បានបញ្ជាក់ថាគ្រោះថ្នាក់ដែលបង្កឲ្យមានមនុស្សស្លាប់ និងរបួសសរុបចំនួន ៧នាក់ គឺកើតឡើងដោយសារការប៉ះទង្គិច គ្នាចំនួន ៤លើក មានល្បឿន ២លើក ប្រជែងគ្រោះថ្នាក់ ១លើក និងកត្តាយាន ១លើក។ ជាមួយគ្នានេះ នៅថ្ងៃដដែល នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក បានឱ្យដឹងថា ចំនួនគោលដៅសរុប ១២៣គោលដៅ មានយានយន្តចូលគោលដៅចំនួន ៣៤៩គ្រឿង ម៉ូតូ ២៤៨គ្រឿង ក្នុងនោះរកឃើញយានយន្តល្មើសសរុបចំនួន ៣៣៨គ្រឿង មានម៉ូតូចំនួន ២៤៨គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ ក្នុងរបាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការ ទៅយ៉ាងល្អប្រសើរទទួលបានការគាំទ្រ…

កំពង់ធំ៖ យោធិនវ័យក្មេងចំនួន ៨៥នាក់ នៅទីបញ្ជាការដ្ឋានតំបន់ប្រតិបត្តិការសឹករងកំពង់ធំ ស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ បានទទួលការផ្សព្វផ្សាយផែនការហ្វឹកហ្វឺនរំលឹកមេរៀនលំហាត់ក្បាច់គុនរបស់កងយោធពលខេមរភូមិន្ទ និងលំហាត់របៀបរយៈពេលខ្លី នៅថ្ងៃទី១៥ មីនា ឆ្នាំ២០២៣ ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានបញ្ជាក់ថា ដោយអនុវត្តតាមបទបញ្ជា និងផែនការរបស់ឯកឧត្តម ឧត្ត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ ដែលតម្រូវឲ្យគ្រប់កងឯកភាពចំណុះយោធភូមិភាគទី៤ ម្ចាស់ការហ្វឹកហ្វឺនរំលឹកមេរៀនលំហាត់ក្បាច់គុនរបស់កងយោធពលខេមរភូមិន្ទ និងលំហាត់របៀបឲ្យបានជាប់ជាប្រចាំ ដើម្បីពង្រឹងកាយសម្បទារបស់កងទ័ពរឹងមាំក្នុងពេលបំពេញភារកិច្ចតាមការចាត់តាំងបញ្ជា និងធ្វើឱ្យវិន័យលំហាត់របៀបរបស់កង យោធពលខេមរភូមិន្ទ កាន់តែប្រសើរឡើង។ ឧត្តមសេនីយ៍ទោ សោម ស៊ុន បានសំណូមពរដល់យោធិនទាំងអស់ដែលត្រូវហ្វឹកហាត់បំប៉ន នៅពេលនេះ ត្រូវយកចិត្តទុកដាក់ខ្ពស់ក្នុងការ រៀនសូត្រ និងអនុវត្តឲ្យបានមុឺងម៉ាត់តាមការ ណែនាំនិងការបង្ហាត់បង្រៀនរបស់ក្រុមគ្រូយោធាចារ្យ និងជាពិសេសអនុវត្តឱ្យបានម៉ត់ចត់បំផុតតាមបទបញ្ជាផ្ទៃក្នុងរបស់វគ្គហ្វឹកហ្វឺននៅក្នុងពេលរៀនសូត្រ។ ជាមួយគ្នានេះ មេបញ្ជាការសឹករងកំពង់ធំ ក៏បានសំណូមពរដល់លោកគ្រូយោធាចារ្យទាំងអស់ ត្រូវបញ្ចេញឲ្យ អស់សមត្ថភាពដើម្បីបង្ហាត់បង្រៀនសិក្ខាកាមយើង ឲ្យទទួលបានលទ្ធផលល្អ ៕ ដោយ ប៊ុន រដ្ឋា

ខេត្តកំពង់ចាម៖ ក្នុងពិធីបិទ សន្និបាតបូកសរុបការងារឆ្នាំ២០២២ និងលើកទិសដៅអនុវត្តបន្តឆ្នាំ២០២៣ របស់រដ្ឋបាលខេត្តកំពង់ចាម រសៀលថ្ងៃទី១៤ ខែមីនា ឆ្នាំ២០២៣ ឯកឧត្តមឧបនាយករដ្ឋមន្រ្តី យឹម ឆៃលី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម ក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រី ប្រទេសយើងបានដាក់ចេញនូវវិធានការគ្រប់គ្រង និងឆ្លើយតបនឹងវិបត្តិ និងបញ្ហាប្រឈមនានាប្រកបដោយប្រសិទ្ឋភាព និងទាន់ពេលវេលាដើម្បីស្តារផលប៉ះពាល់នានាមកលើសេដ្ឋកិច្ច សង្គម និងជីវភាពរស់នៅរបស់ប្រជាជន ដែលបណ្តាលមកពីការឆ្លងរីករាលដាលជាសកលនៃជម្ងឺកូវីដ១៩, ការប្រែប្រួលអាកាសធាតុដែលបណ្តាលឲ្យកើតមានគ្រោះជំនន់ទឹកភ្លៀង និងវិបត្តិនានាជាសកល ធ្វើឲ្យសេដ្ឋកិច្ចជាតិយើងស្ទុះងើបឡើងវិញយ៉ាងឆាប់រហ័សក្នុងអត្រាកំណើរប្រមាណ ៥,២% ក្នុងឆ្នាំ២០២២ និងរំពឹងទុកថា នឹងមានកំណើន ៥,៦% នៅឆ្នាំ២០២៣នេះ ។ ឯកឧត្តមឧបនាយករដ្ឋមន្រ្តី យឹម ឆៃលី បានកោតសរសើរ និងវាយតម្លៃខ្ពស់ចំពោះមន្ត្រីរាជការ នៃមន្ទីរស្ថាប័ននានា និងកងកម្លាំងប្រដាប់អាវុធគ្រប់ប្រភេទ និងនៃខេត្តកំពង់ចាម ដែលបានខិតខំបំពេញភារកិច្ចបានយ៉ាងល្អ ប្រកបដោយប្រសិទ្ឋភាពក្នុងការរក្សាបាននូវសុខសន្តិភាព សុវត្ថិភាព សណ្តាប់ធ្នាប់សង្គម និងបម្រើសេវាសាធារណៈជូនប្រជាពលរដ្ឋបានទាន់ពេលវេលា ព្រមទាំងដោះស្រាយបានយ៉ាងច្រើននូវសំណូមពរ និងទុក្ខកង្វល់របស់ប្រជាពលរដ្ឋ រួមចំណែកដល់ការកែលំអជីវភាពរស់នៅ និងគុណភាពជីវិតរបស់ពួកគាត់ ។ ឯកឧត្តមឧបនាយករដ្ឋមន្រ្តីបន្តថា លទ្ធផលទាំងនេះ បង្ហាញឲ្យឃើញពីសមត្ថភាពរបស់រាជរដ្ឋភិបាល ក្រសួងស្ថាប័ននានា…

រដ្ឋមន្រ្តីក្រសួងមហាផ្ទៃ លោក ស ខេង បានលើកទឹកចិត្តដល់អាជ្ញាធរ ជំរុញសកម្មភាពត្រួតពិនិត្យ និងផ្សព្វផ្សាយអប់រំដល់យុវជនអំពី​ ការជួញដូរ និងប្រើប្រាស់គ្រឿងញៀន តាមគោលការណ៍ «បីកុំ មួយរាយការណ៍»។​ ការជំរុញដូចនេះ​ បានធ្វើឡើងនៅក្នុងពិធីបុណ្យបញ្ចុះខណ្ឌសីមាព្រះវិហារ និងសមិទ្ធផលនានា នៅវត្តមេលប់ ស្ថិតនៅភូមិមេលប់ ឃុំរកា ស្រុកពារាំង ខេត្តព្រៃវែង​ កាលថ្ងៃទី១៤ ខែមីនា ឆ្នាំ ២០២៣។ រដ្ឋមន្រ្តីក្រសួងមហាផ្ទៃ លោក ស ខេង បានជំរុញទៅកាន់សមត្ថកិច្ចពាក់ព័ន្ធទាំងអស់ ត្រូវអនុវត្តច្បាប់ដោយម៉ឺងម៉ាត់ និងស្មោះត្រង់វិជ្ជាជីវៈរបស់ខ្លួន ដើម្បីឱ្យការអនុវត្តន៍ច្បាប់មានប្រសិទ្ធភាពខ្ពស់។ លោកក៏បានពន្យល់ពីគោលការណ៍«បីកុំ មួយរាយការណ៍» ដូច្នេះថា៖«​ ៣កុំគឺ កុំពាក់ព័ន្ធគឺ​ កុំជួញដូរ កុំចែកចាយ កុំធ្វើខ្នងបង្អែក កុំឃុបឃិត​ និងកុំប្រើប្រាស់គ្រឿងញៀន,​ កុំអន្តរាគមន៍គឺ​ រារាំងការអនុវត្តច្បាប់ចំពោះឧក្រិដ្ឋជនគ្រឿងញៀន ទោះបីជាក្រុមគ្រួសារ សាច់ញាតិ ឬមិត្តភក្តិក៏ដោយ,​ កុំលើកលែងគឺ​ កុំបន្ធូរបន្ថយការអនុវត្តច្បាប់ចំពោះឧក្រិដ្ឋជនគ្រឿងញៀន សមត្ថកិច្ចពាក់ព័ន្ធទាំងអស់ ត្រូវអនុវត្តច្បាប់ដោយម៉ឺងម៉ាត់ និងស្មោះត្រង់វិជ្ជាជីវៈរបស់ខ្លួន ហើយជនគ្រប់រូប ត្រូវគោរព និងអនុវត្តច្បាប់…

ភ្នំពេញ ៖ ក្នុងឱកាសទទួលជួបសម្តែងការគួរសម និងពិភាក្សាការងារជាមួយលោកបណ្ឌិត Park Chongho នាយកប្រតិបត្តិនៃអង្គការសហប្រតិបត្តិការព្រៃឈើអាស៊ី (AFoCO) នៅទីស្ដីការក្រសួងកសិកម្ម នារសៀលថ្ងៃទី១៤ ខែមីនា ឆ្នាំ២០២៣ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ បានសម្តែងនូវការស្វាគមន៍ និងបន្តគាំទ្រចំពោះគម្រោងថ្មីមួយទៀតរបស់អង្គការ AFoCO ដែលផ្តោតទៅលើ Forest Garden ក្នុងខេត្តសៀមរាប។ ជាមួយគ្នានេះដែរ ឯកឧត្តម បានណែនាំឱ្យមានស្មារតីទទួលខុសត្រូវខ្ពស់ក្នុងកិច្ចការគម្រោងនេះ ពាក់ព័ន្ធនឹងការដាំព្រៃឡើងវិញ និងការស្តុកកាបូនជាប្រការចាំបាច់ ព្រមទាំងការគ្រប់គ្រងបង្ការបញ្ហាភ្លើងឆេះព្រៃជាដើម ដើម្បីថែរក្សាព្រៃឱ្យបានល្អ ឱ្យមាននិរន្តរភាព។ នារសៀលថ្ងៃដដែល ឯកឧត្តម ឌិត ទីណា រដ្ឋមន្ត្រីក្រសួងកសិកម្ម បានអញ្ជើញដឹកនាំកិច្ចប្រជុំត្រៀមរៀបចំសន្និបាតបូកសរុបលទ្ធផលការងារកសិកម្ម រុក្ខាប្រមាញ់ និងនេសាទឆ្នាំ២០២២ និងលើកទិសដៅឆ្នាំ២០២៣ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ ឯកឧត្តមរដ្ឋមន្ត្រី បានពិនិត្យសេចក្តីព្រាងសុន្ទរកថា សម្រាប់សម្តេចតេជោនាយករដ្ឋមន្ដ្រី ដោយបានណែនាំគណៈកម្មាធិការរៀបចំសន្និបាត ពិនិត្យនិងផ្ទៀងផ្ទាត់ឱ្យបានល្អិតល្អន់លើរបាយការណ៍។ ទន្ទឹមគ្នានេះ ឯកឧត្តមរដ្ឋមន្ដ្រីបានណែនាំដល់អគ្គនាយកដ្ឋានទាំង៥ ត្រូវលើកពីការងារតាមអនុវិស័យនីមួយៗឱ្យបានច្បាស់លាស់ ដោយត្រូវពិនិត្យលើការងារជំរុញស្វាយចន្ទី ដែលសម្តេចនាយករដ្ឋមន្ត្រីបានប្រកាស…