ភ្នំពេញ៖ សត្វទន្សោង ជាប្រភេទស្ថិតក្នុងអំបូរគោសារទិស និងជាប្រភេទជិតផុតពូជ (EN) លើពិភពលោក ក្នុងបញ្ជីក្រហម IUCN មានវត្តមានស្ទើរគ្រប់ទីកន្លែងនៅតាមតំបន់ព្រៃដោយរស់នៅជាហ្វូងអាចលាយឡំជាមួយ គោព្រៃ ប្រើស ខ្ទីងជាដើម។ សត្វប្រភេទនេះគឺ ភាគច្រើននៅ តំបន់ព្រៃល្បោះ មានអូរ ស្ទឹង ត្រពាំង ថ្លុកដែលមាន ស្មៅ ស្បូវ ព្រេច ឬស្សី ល្បះរុក្ខជាតិ គម្ពោតព្រៃ ទឹកជប់ ដីច្រាប នៅតាមតំបន់ភូមិភាគឦសាន និរតី និង ភាគខាងជើងប្រទេស ។ បើតាមទំព័រហ្វេសប៊ុករបស់ក្រសួងបរិស្ថានបានឱ្យដឹងនៅថ្ងៃទី១០ ខែមិនា ឆ្នាំ ២០២៣ថា ៖ ទន្សោងមានមាឌ រូបរាង និងក្រចកជើងចំពាម ដូចគោស្រុកដែរ តែខុសត្រង់ វាអត់មានបូកលើខ្នង និងបួរកធ្លាក់ចុះក្រោមដូចគោស្រុកទេ ទន្សោងមានសម្បុរក្រហមត្នោតស្រាល និងប្រែទៅជាពណ៌ក្រហមត្នោត ឬ ក្រហមត្នោតចាស់ នៅពេលវាមានវ័យចំណាស់បន្តិច ហើយជើង ទាំងបួនចាប់ពីជង្គង់ចុះក្រោមមានពណ៌ស ដូចខ្ទីង និងគោព្រៃដែរ ប៉ុន្តែខុសគ្នាត្រង់វាមានពណ៌ស នៅផ្នែកក្រោយត្រង់កំពែងគូទ…

ភ្នំពេញ៖ ក្រុមហ៊ុន អិនវីស៊ី ខបភើរេសិន ខូអិលធីឌី (វីតាល់) បានចូលរួមឧបត្ថម្ភគាំទ្រព្រឹត្តិការណ៍រត់អបអរទិវានារីអន្តរជាតិ ២០២៣ ក្នុងគោលបំណងលើកកម្ពស់ការយល់ដឹងពីសុខភាព និងអបអរថ្ងៃទិវាអន្តរជាតិនារី ជាពិសេសដោយទទួលបានការចូលរួមពីសំណាក់កីឡាករ កីឡាការនី ប្រុស ស្រី និងកុមារប្រមាណជិត ៦០០នាក់ ដែលបានធ្វើឡើងនៅបុរី ប៉េង ហួត បឹងស្នោរ នៅថ្ងៃទី៨ ខែមីនា ឆ្នាំ២០២៣។ កម្មវិធីរត់ប្រណាំងនេះ រៀបចំឡើងដោយ KK Running Club និងសហការរៀបចំដោយ បុរី ប៉េង ហួត បឹងស្នោរ ក្រោមវិញ្ញាសាររត់ចម្ងាយចំនួនពីរ គឺការរត់ចម្ងាយប្រវែង 3km និង ការរត់ចម្ងាយប្រវែង 8km។ ក្នុងព្រឹត្តិការណ៍រត់ប្រណាំងនេះដែរ មានវត្តមានកីឡាករ កីឡាការនី ជាតិ និងអន្តរជាតិ ចូលរួមរត់ប្រកបដោយទឹកមុខស្នាមញញឹមយ៉ាងសប្បាយរីករាយ។ វីតាល់ពិតជាមានសេចក្តីសោមនស្សរីករាយ ដែលបានចូលរួមចំណែកឧបត្ថម្ភគាំទ្រលើវីស័យកីឡារត់ប្រណាំង ពិសេសស្នាមញញឹមនិងទឹកមុខស្រស់ថ្លាប្រកបដោយភាពស្វាហាប់របស់កីឡាករ និងកីឡាការនីគ្រប់រូប។ តាមរយៈកម្មវិធីរត់ប្រណាំងមួយនេះ អ្នកចូលរួមនឹងទទួលបាននូវអារម្មណ៍ថ្មីប្លែក ពិសេសជម្រុញឱ្យអ្នកចូលរួមស្រឡាញ់ និងថែរក្សាសុខភាព តាមរយៈការធ្វើលំហាត់ប្រាណជាប្រចាំ។ គួរបញ្ជាក់ផងដែរថា…

ភ្នំពេញ ៖ មូលនិធិព្រីនស៍ ដែលជាដៃមនុស្សធម៌នៃសម្ព័ន្ធ ក្រុមហ៊ុនព្រីនស៍ ហូលឌីង គ្រុប មានមោទកភាពក្នុងការក្លាយជាអ្នកឧបត្ថម្ភ (Diamond Sponsor) ក្នុងកម្មវិធី «Charity Gala Dinner» រៀបចំដោយសភាពាណិជ្ជកម្មអាមេរិកនៅកម្ពុជាដើម្បីប្រមូលថវិកាសម្រាប់ Cambodian Treasures Foundation។ កម្មវិធីនេះប្រព្រឹត្តទៅក្រោមអធិបតីភាពឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក ហើយបាននាំមកក្រុមហ៊ុនសហការឧបត្ថម្ភចំនួន ២២ និងអ្នកចូលរួមចំនួន ៤៨០ នាក់ ។ គោលបំណងនៃកម្មវិធីនេះគឺដើម្បីលើកកម្ពស់ការយល់ដឹងអំពីការធ្វើមាតុភូមិនិវត្តន៍នៃវត្ថុបុរាណរបស់កម្ពុជា និងផ្តល់ការគាំទ្រផ្នែកហិរញ្ញវត្ថុសម្រាប់គាំទ្រដល់ការដឹកជញ្ជូនមកវិញនូវសម្បត្តិជាតិរបស់ប្រទេសជាតិនាពេលខាងមុខ។ លោក Anthony Galliano ប្រធាន សភាពាណិជ្ជកម្មអាមេរិកនៅកម្ពុជា បានលើកឡើងថា « ការប្រគល់មកវិញនូវសម្បត្តិជាតិរបស់កម្ពុជា គឺជាជំហានដ៏សំខាន់មួយក្នុងការអភិរក្សបេតិកភណ្ឌវប្បធម៌ដ៏សម្បូរបែបរបស់ប្រទេស។ យើង សូមថ្លែង អំណរគុណ ចំពោះ ការ គាំទ្រ ពី មូលនិធិព្រីនស៍និង ការ ប្តេជ្ញា ចិត្ត របស់ ពួកគេ ក្នុងការជួយ សហគមន៍។»…

ភ្នំពេញ ៖ ជនសង្ស័យចំនួន ៤៥នាក់ ត្រូវបានសមត្ថកិច្ចឃាត់ខ្លួន ក្នុងបទល្មើសព្រហ្មទណ្ឌ និងបទល្មើសគ្រឿងញៀន នៅទូទាំងប្រទេសកម្ពុជា កាលពីថ្ងៃទី០៨ ខែមីនា ឆ្នាំ២០២៣ ម្សិលមិញ។ នេះបើតាមការបញ្ជាក់របស់នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ ប្រាប់ដល់បណ្តាញព័ត៌មាន ឱ្យដឹងនៅថ្ងៃទី០៩ ខែមីនា ឆ្នាំ២០២៣នេះ។ អ្នកនាំពាក្យក្រសួងមហាផ្ទៃ រូបនេះ បានបញ្ជាក់បថា ក្នុងចំណោមជនសង្ស័យទាំង ៤៥នាក់នោះ មាន ២៧នាក់ ត្រូវបានឃាត់ខ្លួននៅក្នុងបទល្មើសព្រហ្មទណ្ឌ ១៦ករណី និងជនសង្ស័យ ១៨នាក់ ត្រូវបានឃាត់ខ្លួន ក្នុងបទល្មេីសគ្រឿងញៀន ១៣ករណី។ នាយឧត្តមសេនីយ៍ ខៀវ សុភ័គ បានកោតសរសើរនិងថ្លែងអំណរគុណចំពោះកងកម្លាំងសមត្ថកិច្ចទាំងអស់ ដែលបានខិតខំបំពេញភារកិច្ចបង្ក្រាបបទល្មើស និងបម្រើប្រជាពលរដ្ឋ ។ ឯកឧត្តម ក៏បានអំពាវនាវដល់ប្រជាពលរដ្ឋទាំងអស់អនុវត្តនូវពាក្យស្លោក “៣កុំ ១រាយការណ៍” មានន័យថា “កុំពាក់ព័ន្ធ កុំអន្តរាគមន៍ កុំលើកលែងក្នុងបទល្មើសនានា និងជួយរាយការណ៍ពីបទល្មើសគ្រឿងញៀន និងបទល្មើសផ្សេងៗទៀត” ដែលកើតមាននៅមូលដ្ឋានរបស់ខ្លួន ជូនដល់សមត្ថកិច្ច៕ ដោយ៖ ឆៃហូត…

ភ្នំពេញ៖ រាជរដ្ឋាភិបាលកម្ពុជា នៅថ្ងៃទី៣ ខែមិនា ឆ្នាំ២០២៣បានចេញអនុក្រឹត្យមួយ ស្តីពីការចុះបញ្ជីអត្តសញ្ញាណឧបករណ៍ទូរគមនាគមន៍ប្រើស៊ីម ។ ក្នុងអនុក្រឹត្យនេះដែរគេឃើញមានចំនួន ១៥ជំពូក និង៤៣មាត្រា ។ ក្រសួងប្រៃសណីយ៍បានធ្វើការចេញផ្សាយពីអុនុក្រិត្យនេះនៅថ្ងៃទី ០៩ ខែមិនា ឆ្នាំ២០២៣ ដោយបានបញ្ជាក់ថា ៖ រាជរដ្ឋាភិបាលកម្ពុជា បានចេញអនុក្រឹត្យ លេខ៤១ អនក្រ.បក ចុះថ្ងៃទី៣ ខែកុម្ភៈ ឆ្នាំ២០២៣ ស្តីពីការចុះបញ្ជីអត្តសញ្ញាណឧបករណ៍ទូរគមនាគមន៍ប្រើស៊ីម ដែលអនុក្រឹត្យនេះកំណត់អំពីការចុះបញ្ជីអត្តសញ្ញាណឧបករណ៍ទូរគមនាគមន៍ប្រើស៊ីម តាមរយៈការប្រើប្រាស់ប្រព័ន្ធចុះបញ្ជីអត្តសញ្ញាណឧបករណ៍ទូរគមនាគមន៍ប្រើស៊ីម ដើម្បី៖