ភ្នំពេញ៖ សម្តេចតេជោ ហ៊ុន សែន អំពាវនាវដល់ក្រុមគ្រួសារទាំងឡាយ បើរស់នៅមិនចុះសម្រុងគ្នា ត្រូវដោះស្រាយគ្នា ដោយសន្ដិវិធី ។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងអំពាវនាវដូច្នេះ ក្នុងពិធីអបអរសាទរទិវានារី អន្តរជាតិ ៨ មីនា ខួបលើកទី១១២ នៅវិមានសន្តិភាព នាព្រឹកថ្ងៃទី០៧ ខែមីនា ឆ្នាំ២០២៣ ។ នៅក្នុងឱកាសនេះ សម្តេចតេជោ បានសម្តែងការព្រួយបារម្ភចំពោះទម្រង់នៃអំពើហិង្សា ដែលមានស្ថានភាពធ្ងន់ធ្ងរ រហូតដល់បុរសជាប្តី បាញ់ សម្លាប់ប្រពន្ធ កាលពីពេលថ្មីៗនេះ និងទម្រង់ហិង្សាធ្ងន់ធ្ងរផ្សេងៗទៀត ។ សម្តេចតេជោ ហ៊ុន សែន ក៏បានលើកឡើងពីការហែកហួរគ្នា រវាងប្តី-ប្រពន្ធ លែងលះគ្នា តាមបណ្តាញសង្គម ដែលជារឿងអាម៉ាសបំផុត ហើយមិនត្រឹមតែបុគ្គលទាំងសងខាងនោះទេ វាបានជះឥទ្ធិពលធ្ងន់ធ្ងរដល់កូនៗ និងក្រុមគ្រួសារថែមទៀត ។ ជាមួយគ្នានេះ សម្តេចតេជោ នាយករដ្ឋមន្ត្រី ក៏បានអំពាវនាវដល់ក្រុមគ្រួសារទាំងឡាយ បើសិនជារស់នៅមិនចុះសម្រុងជាមួយគ្នាហើយ ត្រូវដោះស្រាយគ្នាដោយសន្ដិវិធី ដើម្បីរក្សាកិត្តិយសគ្រួសារ និងសីលធម៌នៅក្នុងសង្គម…

ភ្នំពេញ៖ លោកជំទាវ ចម ក្រស្នា អគ្គនាយិកាក្រុមហ៊ុន សោម៉ា គ្រុប មានប្រសាសន៍ថា បុរស និងនារី មានភាពស្មើគ្នាក្នុងការប្រកួតប្រជែងលើគ្រប់ផ្នែក និងគ្រប់វិស័យ ដើម្បីប្រែក្លាយខ្លួនឲ្យកាន់តែរីកចម្រើន ពាក្យថាស្រ្តីវិលចង្ក្រានមិនជុំ លែងជារនាំងក្នុងការឆ្ពោះទៅមុខរបស់ស្រ្តីនាពេលបច្ចុប្បន្ននេះហើយ ។ នេះជាការលើកឡើងក្នុងឱកាសអបអរទិវាអន្តរជាតិសិទ្ធិនារី ដែលរៀបចំឡើងដោយគម្រោង សោម៉ា អ៊ីនីស៊ីអេទីវ នៃក្រុមហ៊ុនសោម៉ា គ្រុប ក្រោមប្រធានបទ៖ ការកសាងអនាគតឱ្យកាន់តភ្លឺស្វាង នារសៀលថ្ងៃទី៦ ខែមីនា ឆ្នាំ២០២៣ នៅអគារ TheCommune ផ្លូវលេខ ៣៤៧ សង្កាត់បឹងកក់១ ខណ្ឌទួលគោក រាជធានីភ្នំពេញ ដោយមានអ្នកចូលរួមជាបុគ្គលិកក្រុមហ៊ុន ក្រុមយុវជន សិស្ស និស្សិតតាមបណ្តាគ្រឹះស្ថាននានាប្រមាណ ២០០នាក់ ។ ក្នុងឱកាសនោះ ឯកឧត្តម សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានក្រុមប្រឹក្សាភិបាលនៃ សាកលវិទ្យាល័យភូមិន្ទភ្នំពេញ មានប្រសាសន៍ថា យុវជនជំនាន់នេះពិតជាមានសំណាងណាស់ក្នុងការសិក្សារៀនសូត្រក្រេបជញ្ជក់ចំណេះដឹងក្រោមម្លប់នៃសុខសន្តិភាព ដូច្នេះត្រូវខិតខំប្រឹងប្រែងរៀនសូត្រ មានគំនិតច្នៃប្រឌិតក្នុងការបង្កើតនូវអ្វីដែលថ្មីៗ មានប្រយោជន៍ដល់សង្គមជាតិ ។…

ភ្នំពេញ៖ ក្នុងពិធីអបអរសាទរទិវាអន្ដរជាតិនារី ៨មីនា ខួបលើកទី១១២ ឆ្នាំ២០២៣ ក្រោមមូលបទ “ស្រី្ដរួមគ្នារក្សាសុខសន្ដិភាព ដើម្បីកិច្ចអភិវឌ្ឍក្នុងយុគសម័យឌីជីថល” នារសៀលថ្ងៃទី០៦ ខែមីនា ឆ្នាំ២០២៣ ដែលរៀបចំឡើងនៅទីស្តីការក្រសួង ប្រៃសណីយ៍និងទូរគមនាគមន៍ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី ថ្លែងថា ក្រោមម្លប់នៃសន្តិភាព និងកិច្ចអភិវឌ្ឍ ស្រ្តីកម្ពុជា ជាកម្លាំងចលករ ដែលបានរួមចំណែកក្នុងកំណើនសេដ្ឋកិច្ច ហើយបច្ចុប្បន្ន ស្ត្រីមានកាលានុវត្តភាព ក្នុងការអនុវត្តសិទ្ធិ អភិវឌ្ឍចំណេះដឹង ជំនាញ និងបច្ចេកទេស។ លោកជំទាវកិត្តិបណ្ឌិត បន្តថា ឆ្នាំ២០២៣នេះ យើងបានរៀបចំពិធីអបអរសាទរទិវាអន្តរជាតិនារី ៨មីនា ខួបទី១១២ ក្នុងគោលបំណងបន្តរំលេចពី តម្លៃ នៃការចូលរួមរបស់ស្រ្តី ដែលមិនអាចកាត់ថ្លៃបាន ក្នុងការថែរក្សាសុខសន្តិភាព ខណៈពិភពលោកកំពុងជួបប្រទះភាពតានតឹង និងកម្ពុជាកំពុងតែគ្រប់គ្រង ឱ្យបាននូវសណ្តាប់ធ្នាប់ល្អ ក្នុងការបោះឆ្នោតជ្រើសតាំងតំណាងរាស្ត្រនីតិកាលថ្មីប្រកបដោយភាពសេរី និងយុត្តិធម៌ និង រំលេចលើបរិវត្តកម្មសេដ្ឋកិច្ច-សង្គមដែលកើតឡើង ក្នុងពិភពលោក ក៏ដូចនៅកម្ពុជាពន្លឿនដោយវិបត្តិកូវីត១៩ និងបដិវត្តឧស្សាហកម្ម៤.០ ដោយតម្រូវឲ្យធនធានស្ត្រីត្រូវចាប់យក ឱ្យទាន់សភាពការណ៍ដើម្បីបន្ស៊ាំខ្លួន និងឆ្លើយតបទៅតម្រូវការបច្ចុប្បន្ន ។ ឯកឧត្តម…

ខេត្តបាត់ដំបង៖ នៅក្នុងកិច្ចប្រជុំប្រចាំខែកុម្ភៈ ឆ្នាំ២០២៣ របស់គណៈបញ្ជាការឯកភាពរដ្ឋបាលខេត្តបាត់ដំបង កាលពីថ្ងៃទី០៦ ខែមិនា ឆ្នំា២០២៣ ឯកឧត្តម សុខ លូ អភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្ត បានដាក់បទបញ្ជាឲ្យគ្រប់កងកម្លាំងទាំងបី គ្រប់សមត្ថកិច្ចជំនាញ និងអាជ្ញាធរពាក់ព័ន្ធទាំងអស់ ត្រូវចាត់វិធានការបង្ក្រាបនូវរាល់បទល្មើសគ្រប់ប្រភេទ ក្នុងស្រុក-ក្រុង របស់ខ្លួន និងនៅតាមបន្ទាត់ព្រំដែន ក្នុងភូមិសាស្ត្រខេត្ត នូវរាល់បទល្មើសឆ្លងដែនខុសច្បាប់ អំពើជួញដូរមនុស្ស ការដឹកទំនិញគេចពន្ធ ការបង់ពន្ធមិនត្រឹមត្រូវ ដែលជាប្រភពធ្វើឲ្យបាត់ចំណូលជាតិ ។ ឯកឧត្តម ក៏បានណែនាំដល់ មន្ត្រី ច្រកទ្វារព្រំដែនខ្មែរ-ថៃ នៅក្នុងភូមិសាស្ត្រខេត្តបាត់ដំបង ទាំងច្រកទ្វារតំបន់ ទាំងច្រកទ្វារអន្តរជាតិ គឺត្រូវពង្រឹងធ្វើការត្រួតពិនិត្យឲ្យម៉ត់ចត់បន្ថែមទៀតពាក់ព័ន្ធនូវបទល្មើសការគេចវេសពន្ធ និងការបង់ពន្ធមិនត្រឹមត្រូវជាដើម បើរកឃើញត្រូវរាយការណ៍មករដ្ឋបាលខេត្ត ដើម្បមានវិធានការជាក់ស្តែង។ ឯកឧត្តម ក៏បានជំរុញឲ្យគ្រប់កងកម្លាំងនិងសមត្ថកិច្ចឈរជើងតាមបន្ទាត់ព្រំដែន ទាំងអស់ ត្រូវពង្រឹង និងចាត់វិធានការតឹងរឹង ម៉ឺងម៉ាត់ក្នុងការទប់ស្កាត់ និងបង្ក្រាបឲ្យបានបទល្មើសឆ្លងដែនខុសច្បាប់ និងវែកមុខចាប់មេក្លោង មេខ្យល់ ដែលនាំពលករខុសច្បាប់ទៅប្រទេសថៃ ឲ្យបាន ដើម្បីយកមកផ្តន្ទាទោសតាមច្បាប់ ៕ ( អត្ថបទ-រូបភាព៖ អ៊ុក សំអាន បប…

ភ្នំពេញ៖ នៅព្រឹក ថ្ងៃ អង្គារ ទី ០៧ ខែមីនា ឆ្នាំ ២០២៣នេះ ក្រសួងធនធានទឹក និងឧតុនិយម បានចេញ សេចក្តីជូនដំណឹង ស្តីពី ស្ថានភាពធាតុអាកាស ( ចាប់ពីថ្ងៃទី៨ – ១៥ ខែមីនា ឆ្នាំ២០២៣ )។ ក្រសួង ធនធាន ទឹក បានគូសបញ្ជាក់ថា ស្ថានភាពធាតុអាកាសនៃព្រះរាជាណាចក្រកម្ពុជាមានការប្រែប្រួលដូចតទៅ ៖ ១-តំបន់ទំនាបកណ្តាល ៖ ២-តំបន់ខ្ពង់រាប ៖ អាស្រ័យដូចបានជម្រាបជូនខាងលើ សូមសាធារណជនទទួលជ្រាបជាព័ត៍មាន ៕ ដោយ ៖ ជីម ភារ៉ា

ភ្នំពេញ៖ តាមការបញ្ជាក់ពី ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានថ្លែង ឱ្យដឹងថា៖ កម្លាំងនគរបាលទូទាំងប្រទេស បានត្រួតពិនិត្យ និងផាកពិន័យ យានយន្តសរុបចំនួន ២៤១គ្រឿងទៀត នៅថ្ងៃទី០៥ ខែមីនា ឆ្នាំ២០២៣ម្សិលមិញ ក្នុងនោះមានម៉ូតូ ១៧៨គ្រឿង និងរថយន្ត ៦៣គ្រឿង ខណៈ មនុស្ស ៦នាក់ស្លាប់ និងរបួសធ្ងន់ស្រាល ១៩នាក់ ក្នុង ករណី គ្រោះថ្នាក់ ចរាចរណ៍ នៅទូទាំងប្រទេស នាថ្ងៃទី ០៥ មីនានេះដែរ ។ ឯកឧត្តមឧត្តមសេនីយ៍ឯក ឆាយ គឹមខឿន បានថ្លែង បញ្ជាក់ថា ៖ សម្រាប់ថ្ងៃទី០៥ ខែមីនា ឆ្នាំ២០២៣ម្សិលមិញ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន ១៩,៨៧៣គ្រឿង ក្នុងនោះមានម៉ូតូ ១៦,៥៣៨គ្រឿង និងរថយន្តគ្រប់ប្រភេទ ៣,៣៣៥គ្រឿង។ បទល្មើសដែលត្រូវបានកត់សម្គាល់សម្រាប់ម៉ូតូរួមមាន៖ មួក ស្រវឹង…