ភ្នំពេញ ៖ យោងតាមសេចក្ដីជូនដំណឹងរបស់រដ្ឋបាលរាជធានីភ្នំពេញ បានជំរាបដល់សាធារណជនទាំងអស់ឱ្យបានជ្រាបថា ស្ពានអាកាស ឫស្សីកែវ ស្ថិតនៅក្នុងភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ បានបើកការដ្ឋាន សាងសង់កាលពីថ្ងៃទី៣១ ខែមករា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងទទួលការសាងសង់ ដោយក្រុមហ៊ុនវិនិយោគទុនអាណិកជនកម្ពុជា (OCIC) តាមវិធីសាស្ត្រយកទីក្រុងចិញ្ចឹមទីក្រុង ។ បច្ចុប្បន្នស្ពានអាកាសដែលមានបណ្តោយសរុបប្រវែង ៤៨៣ម៉ែត្រ និងមានទទឹង ១៥,៨ម៉ែត្រ ដែល ក្រុមហ៊ុនវិនិយោគទុនអាណិកជនកម្ពុជា (OCIC) ទទួលបានគោលការណ៍សាងសង់ពីរាជរដ្ឋាភិបាល សម្រេច ការសាងសង់បានស្ទើរតែ ១០០ភាគរយហើយ នៅសល់តែការងារក្រាលកៅស៊ូ និងអ៊ុតគំនូសចរាចរ ដែលគ្រោង នឹងបញ្ចប់ការដ្ឋានសាងសង់ទាំងស្រុងនាប៉ុន្មានថ្ងៃខាងមុខនេះ។ ដើម្បីជួយសម្រួលដល់លំហូរចរាចរ និងការធ្វើដំណើររបស់ប្រជាពលរដ្ឋ រដ្ឋបាលរាជធានីភ្នំពេញបានទទួលគោលការណ៍អនុញ្ញតដ៏ខ្ពង់ខ្ពស់របស់ សម្តេចតេជោនាយករដ្ឋមន្ត្រី ដាក់ឱ្យប្រើប្រាស់ជា បណ្ដោះអាសន្នស្ពានអាកាសឫស្សីកែវ ចាប់ពីថ្ងៃទី០១ ខែមីនា ឆ្នាំ២០២៣ នេះតទៅ។ អាស្រ័យហេតុដូចបានជម្រាបជូនខាងលើសូមសាធារណជនមេត្តាជ្រាបជាព័ត៌មាន និងចូលរួមគោរពច្បាប់ចរាចរណ៍ ដើម្បីសុវត្ថិភាពក្នុងការធ្វើដំណើរទាំងអស់គ្នា ។…

ភ្នំពេញ៖អង្គការជីវិតសត្វស្លាបអន្តរជាតិប្រចាំកម្ពុជាសហការជាមួយក្រសួង បរិស្ថាន បានរៀបចំប្រារព្វទិវាសត្វក្រៀលលើកទី៦ ដើម្បីផ្សព្វផ្សាយកិច្ច ការងារ អភិរក្សក្នុងតំបន់ទៅដល់សាធារណជន និងជំរុញឱ្យសហគមន៍ មូលដ្ឋាន រួមនឹងអ្នកពាក់ព័ន្ធទាំងអស់ ចូលរួមក្នុងការអភិរក្សសត្វក្រៀល ដែល កំពុងរងគ្រោះឈានទៅផុតពូជ។ ទិវាសត្វក្រៀលនេះ នឹងត្រូវធ្វើនៅឡើងនៅតំបន់ការពារទេសភាពអន្លង់ព្រីង ឃុំបឹងសាលាខាងត្បូង ស្រុកកំពង់ត្រាច ខេត្តកំពត នាថ្ងៃទី២៨ ខែកុម្ភ: ខាង មុខនេះ ដោយមានការរៀបចំព្រឹត្តិការណ៍សំខាន់រួមមាន កម្មវិធីដាំកូនឈើ ប្រមាណ ៤៥០ដើមដែលនឹងដាំនៅតាមបណ្តោយផ្លូវដែលទើបពង្រីករួច ដែលឆ្លងកាត់ក្នុងតំបន់ការពារនេះ។ មានកម្មវីធីការរត់ប្រណាំង ជិះកង់ ការប្រកួតប្រជែងគំនូរ ព្រមទាំងមានការសម្ដែងរបស់កុមារដែលមានការ ប្រឡងសួរសំណួរ-ចម្លើយទាក់ទងនឹងការងារអភិរក្សសត្វក្រៀលផងដែរ។ បើតាម លោក ប៊ូ វរសក្ស នាយកកម្មវិធីនៃអង្គការជីវិតសត្វស្លាប អន្តរជាតិ ប្រចាំកម្ពុជា (BirdLife International Cambodia Programme) បានប្រាប់ឲ្យដឹងថា កម្មវិធីទិវាសត្វក្រៀលនេះ គឺត្រូវបានធ្វើជារៀងរាល់ឆ្នាំ នៅតំបន់អន្លង់ព្រីងក្នុងខេត្តកំពត និងតំបន់បឹងព្រែកល្ពៅក្នុងខេត្តតាកែវ ហើយនេះជាលើកទី៦ហើយ ដែលមានការប្រារព្វទិវានេះឡើង។លោកបានបន្តថា ចំពោះការប្រារព្វទិវាសត្វក្រៀលដែលតែងតែធ្វើ នៅតំបន់ ទាំងពីរនោះ ដោយសារទីតាំងទាំងនេះ មានវត្តមានសត្វក្រៀល មកចុះរក…

ខេត្តព្រះសីហនុ៖ ឯកឧត្តម នាយឧត្តមសេនីយ៍ មាស សុភា ទេសរដ្ឋមន្ត្រីទទួលបន្ទុកកិច្ចការមីនគ្រាប់មិនទាន់ផ្ទុះ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីក្នុងពិធីប្រកាសខេត្តព្រះសីហនុ អស់បញ្ហាគ្រាប់មីន នាព្រឹកថ្ងៃទី២៤ ខែកុម្ភៈ ឆ្នាំ២០២៣ ។ ឯកឧត្តម នាយឧត្តមសេនីយ៍ មាស សុភា បញ្ជាក់ថា ឆ្នាំ២០២២ រាជធានី/ខេត្តអស់គ្រាប់មីន មានដូចជា៖ខេត្តស្ទឹងត្រែង កែប ព្រៃវែង ត្បូងឃ្មុំ រាជធានីភ្នំពេញ និងខេត្តព្រះសីហនុ។នៅឆ្នាំ២០២៣ គ្រោងប្រកាសខេត្តអស់មីនចំនួន១២បន្ថែមទៀត គឺខេត្តកំពង់ចាម ស្វាយរៀង កណ្តាល តាកែវ កំពង់ឆ្នាំង កំពត កំពង់ស្ពឺ ក្រចេះ កំពង់ធំ សៀមរាប រតនគីរី និងខេត្តមណ្ឌលគីរី។ ក្រោយឆ្នាំ២០២៣ ខេត្តចំនួន ៧បន្ថែមទៀត ត្រូវប្រកាសថា អស់មីននិងបានដាក់ផែនការបោសសម្អាតមីនឱ្យអស់ត្រឹមឆ្នាំ២០២៥ រួមមានខេត្ត កោះកុង ពោធិសាត់ បាត់ដំបង ប៉ៃលិន បន្ទាយមានជ័យ ឧត្តមានជ័យ និងខេត្តព្រះវិហារ។…

ភ្នំពេញ៖ គិតត្រឹមថ្ងៃទី ២៤ ខែកុម្ភៈ ឆ្នាំ ២០២៣ រាជរដ្ឋាភិបាលកម្ពុជាបានចំណាយថវិកា ជាង ៩៦០លានដុល្លារ អាមេរិក សម្រាប់ឧបត្ថម្ភសាច់ប្រាក់ជូនគ្រួសារក្រីក្រ និងជន ងាយរងគ្រោះអំឡុងពេលប្រយុទ្ធនឹងជំងឺកូវីដ១៩ ដែលក្នុងនោះមានប្រជាពលរដ្ឋជិត ២,៨ លាននាក់ បានទទួលពីការឧបត្ថម្ភនេះ ។សេចក្តីជូនដំណឹងរបស់ក្រសួងសង្គមកិច្ចអតីតយុទ្ធជន និងយុវនីតិសម្បទា បានឱ្យដឹងថាគិតចាប់ពីថ្ងៃទី២៥ ខែមិថុនា ឆ្នាំ២០២០ ដល់ថ្ងៃទី២៤ ខែកុម្ភៈ ឆ្នាំ២០២៣ រដ្ឋាភិបាលកម្ពុជាបានអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងជនងាយ រងគ្រោះក្នុងអំឡុងពេលប្រយុទ្ធជាមួយកូវីដ១៩ មានចំនួន១២ជុំ មាន៣២ លើកដោយ ក្នុងនោះរដ្ឋបានចំណាយទឹកប្រាក់ចំនួន ៩៦២,៩៧ លានដុល្លារ ។ក្រសួងបន្តថា ក្នុងនោះចំនួនសមាជិកគ្រួសារសរុបដែលទទួលបានពីការឧបត្ថម្ភនេះ មានចំនួន ២ ៧៨៣ ៥៩១ នាក់នៃចំនួន៧០៥ ៦១៣ គ្រួសារ ។ ពលរដ្ឋដែលទទួលផល ក្នុងនោះកុមារចាប់ពីអាយុ ០-៥ ឆ្នាំ មានចំនួន១១០ ០២៥ នាក់ មនុស្សវ័យចាស់អាយុពី ៦០ ឆ្នាំឡើងទៅចំនួន ៣៨៧…

ភ្នំពេញ ៖ នៅទីបញ្ជាការដ្ឋានទ័ពពិសេស នាព្រឹកថ្ងៃទី២៤ ខែគុម្ភៈ ឆ្នាំ២០២៣នេះ មានរៀបចំពិធីប្រគល់ និងទទួលសម្ភារសង្គ្រោះ លើផ្ទៃទឹក និងក្រោមផ្ទៃទឹក រួមមាន៖សំបកអូប័រពោងចំនួន២០គ្រឿង ម៉ាស៊ីនអូប័រម៉ាកYAMAHA កម្លាំងម៉ាស៊ីន ៤០សេះ ចំនួន ២០គ្រឿង សម្ភារសង្គ្រោះក្រោមផ្ទៃទឹកចំនួន ១៤ឈុត និងថវិកាមួយចំនួន ដែលជាអំណោយដ៏ថ្លៃថ្លា របស់សម្តេចតេជោ នាយករដ្ឋាមន្ត្រី ជូនដល់បញ្ជាការដ្ឋានទ័ពពិសេសកងទ័ពជើងគោក ។ ឯកឧត្តម ឧត្តមសេនីយ៍ឯក ចាប ភក្តី មេបញ្ជាការរងកងទ័ពជើងគោក មេបញ្ជាការបញ្ជាការដ្ឋានទ័ពពិសេស បានថ្លែងអំណរគុណចំពោះសម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី និងជាប្រធានណៈកម្មាធិការជាតិ គ្រប់គ្រងគ្រោះមហន្តរាយ និងឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គិម ទេសរដ្ឋមន្ត្រី ទទួលបន្ទុកបេសកកម្មពិសេសអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ដែលតែងតែយកចិត្តទុកដាក់ គិតគូរ និងផ្តល់សម្ភារសង្គ្រោះដល់បញ្ជាការដ្ឋានទ័ពពិសេសជារៀងរហូតមក ។ ឯកឧត្ត ចាប ភក្តី ក៏បានស្នើសុំបំពង់អុកស៊ីស៊ែន សម្លៀកបំពាក់ ស្បែកជើងអគ្គិសភ័យ-ស្នើសុំសម្ភារស្រាវជ្រាវជីវិតមនុស្សក្នងអគារបាក់បែក-ស្នើសុំ…