ខេត្តកណ្តាល៖ ឯកឧត្តម នុត ពុធដារ៉ា អភិបាលរងខេត្តកណ្តាល បានអញ្ជើញជាអធិបតីក្នុងពិធីប្រកាសជ័យលាភីពានរង្វាន់សេវាសង្គម សម្រាប់រដ្ឋបាលថ្នាក់ក្រោមជាតិ ឆ្នាំ២០២០-២០២១ ជូនដល់រដ្ឋបាល ស្រុក និងរដ្ឋបាលឃុំ នៃស្រុកល្វាឯម ខេត្តកណ្តាលកាលពីថ្ងៃទី២១ ខែកុម្ភៈ ឆ្នាំ២០២៣។ ថ្លែងក្នុងពិធីប្រកាសជ័យលាភីពានរង្វាន់សេវាសង្គម សម្រាប់រដ្ឋបាលថ្នាក់ក្រោមជាតិ ឆ្នាំ២០២០-២០២១ ឯកឧត្តម នុត ពុធតារា មានប្រសាសន៍ថា ជ័យលាភីពានរង្វាន់សេវាសង្គមសម្រាប់រដ្ឋបាលក្រុង-ស្រុក និងរដ្ឋបាលឃុំ-សង្កាត់ ឆ្នាំ២០២០-២០២១ នៃខេត្តកណ្ដាល ដែលបានទទួលជ័យលាភីពានរង្វាន់កម្រិតផ្កាយ ទោះបីជាមិនបានពានរង្វាន់ជើងឯកសេវាសង្គមក៏ពិតមែន ប៉ុន្តែឆ្លងកាត់លទ្ធផលដែលទទួលបានពេលនេះ សរបញ្ជាក់ឱ្យឃើញថា រដ្ឋបាលថ្នាក់ក្រោមជាតិ ជាពិសេស រដ្ឋបាលក្រុង-ស្រុក និងរដ្ឋបាលឃុំ-សង្កាត់ ក្នុងមូលដ្ឋាននៃខេត្តកណ្តាល ចំនួន ១៣៨ បានចូលរួមប្រឡងប្រណាំងប្រកួតប្រជែង លើកម្មវិធីពានរង្វាន់សេវាសង្គមសម្រាប់រដ្ឋបាលថ្នាក់ក្រោមជាតិ គឺយើងបានធ្វើទាំងរដ្ឋបាល ១១ក្រុងស្រុក និង១២៧ឃុំសង្កាត់ នៃខេត្តកណ្តាល ពោលគឺស្មើនឹង១០០% ដែលបានស្នើសុំចូលរួមប្រកួត ចំពោះលទ្ធផលដែលទទួលបានវិញ មានចំនួន ១២៨ នៃរដ្ឋបាលក្រុងស្រុកនិងឃុំសង្កាត់ គឺ ស្មើនឹង ៩២,៧៥% ដែលទទួលបានជ័យលាភីពានរង្វាន់ ដូចពេលនោះ។ ឯកឧត្តម…

ភ្នំពេញ៖ ឯកឧត្តម ឃួង ស្រេងអភិបាលនៃគណៈអភិបាលរាជធានីភ្នំពេញ បានធ្វើការក្រើនរំលឹកឲ្យអាជ្ញាធរខណ្ឌទាំង១៤ ពិសេស ប្រធានគណៈកម្មការផ្សាររដ្ឋទាំង២៥នៅរាជធានីភ្នំពេញ ត្រូវពិនិត្យឡើងវិញ ជុំវិញការមិនយកលុយពីបងប្អូនអាជីវករ លក់តាមកញ្ច្រែងល្អី និងការបញ្ចុះតម្លៃទឹក ភ្លើង នៅតាមទីផ្សារនានានៅក្នុងរាជរាជធានីភ្នំពេញ ទៅតាមកំណត់របស់រាជរដ្ឋាភិបាល។ ការក្រើនរំលឹកបែបនេះរបស់ឯកឧត្តម ឃួង ស្រេង បានធ្វើឡើងនាពីរសៀលថ្ងៃទី២១ ខែកុម្ភៈ ឆ្នាំ២០២៣នេះ ខណៈដឹកនាំកិច្ចប្រជុំស្តីពីការប្រើប្រាស់ទឹក-ភ្លើងក្នុងផ្សាររដ្ឋក្នុងរាជធានីភ្នំពេញ ជាមួយអាជ្ញាធរខណ្ឌទាំង១៤ និងប្រធានគណៈកម្មការផ្សាររដ្ឋទាំង២៥ នៅសាលារាជធានីភ្នំពេញ។ ឯកឧត្តម ឃួង ស្រេង បានមានប្រសាសន៍លើកឡើងថាក្នុងនាមអាជ្ញាធរខណ្ឌ សង្កាត់ ពិសេសប្រធានគណៈកម្មការផ្សារ ត្រូវមើលឲ្យគ្រប់ជ្រុងជ្រោយទាំងអស់ ទាំងគុណភាពបន្លែ ត្រីសាច់ ទាំងជីវភាពរស់នៅរបស់បងប្អូនអាជីវករ ទាំងអ្នកលក់ដូរតាមតូប និងអ្នកលក់ដូរតាមកញ្ជ្រែងជាដើម ពោលគឺ នៅពេលពួកគាត់មានបញ្ហាលំបាកអ្វីមួយ យើងត្រូវជួយពួកគាត់ ដោយមិនត្រូវទុកពួកគាត់ ណាម្នាក់ ស្លាប់ដោយការអត់បាយនោះទេ។ ឯកឧត្តម ឃួង ស្រេង បានបន្ថែមថា ការរៀបចំសណ្តាប់ធ្នាប់ នៅតាមទីផ្សារទាំងអស់ដាច់ខាត មិនត្រូវប្រើអំពើហិង្សា ជាមួយបងប្អូន អាជីវករនោះទេប៉ុន្តែជុំវិញផ្សារត្រូវតែស្អាតនិងមានសណ្ដាប់ធ្នាប់ល្អ។ បងប្អូនអាជីវករ លក់តាមកញ្ច្រែងល្អី ត្រូវបានយកចិត្តទុកដាក់ដោយរាជរដ្ឋាភិបាល ហើយកន្លងមកយើងក៏ធ្លាប់បានប្រគល់អំណោយជូនពួកគាត់ជារឿយៗថែមទៀតផង…

ភ្នំពេញ៖ អគ្គនាយកដ្ឋានអត្តសញ្ញាណកម្ម នៃក្រសួងមហាផ្ទៃ នៅថ្ងៃទី២១ ខែកុម្ភៈ ឆ្នាំ២០២៣នេះ បានចេញសេចក្តីអំពាវនាវដលបងប្អូនប្រជាពលរដ្ឋ ដែលអត្តសញ្ញាណប័ណ្ណសញ្ជាតិខ្មែរផុតសុពលភាព ឬសល់៩០ថ្ងៃផុតសុពលភាព សូមប្រញាប់ទៅស្នើសុំប្តូរយកថ្មី។ អគ្គនាយកដ្ឋានអត្តសញ្ញាណកម្ម បានបញ្ជាក់ឲ្យដឹងថា អត្តសញ្ញាណប័ណ្ណសញ្ជាតិខ្មែរ មានសុពលភាពរយៈពេល ១០ឆ្នាំ គិតចាប់ពីថ្ងៃផ្តល់, ដូច្នេះអត្តសញ្ញាណប័ណ្ណដែលបានផ្តល់ ជូនតាំងពីខែមិថុនា ឆ្នាំ២០១២ បានអស់សុពលភាពប្រើប្រាស់ជាបណ្តើរៗ ចាប់ពីខែមិថុនា ឆ្នាំ២០២២ នេះតទៅ។ គិតចាប់ពីខែមិថុនា ឆ្នាំ២០២២ ដល់ខែកក្កដា ឆ្នាំ២០២៣ មានអត្តសញ្ញាណប័ណ្ណសញ្ជាតិខ្មែរចំនួន ១ ៧២៧ ០៩៤នាក់ ត្រូវអស់សុពលភាព។ គិតត្រឹមខែកុម្ភៈ ឆ្នាំ២០២៣ មានបងប្អូនប្រជាពលរដ្ឋ ៦៩៤ ១៤២នាក់ បានទៅបំពេញបែបបទ ស្នើសុំប្ដូរយកអត្តសញ្ញាណប័ណ្ណសញ្ជាតិខ្មែរថ្មីរួចហើយ។ សេចក្តីអំពាវនាវបានលើកឡើងថា «ដើម្បីធានានូវសិទ្ធិក្នុងការទទួលបានសេវាផ្សេងៗ ជាពិសេសសិទ្ធិនយោបាយក្នុងការប្រើប្រាស់ អត្តសញ្ញាណប័ណ្ណសម្រាប់កាន់ទៅបោះឆ្នោត ជ្រើសតាំងតំណាងរាស្ត្រនីតិកាលទី៧ ក្នុងខែកក្កដា ឆ្នាំ២០២៣ខាងមុខនេះ អគ្គនាយកដ្ឋានអត្តសញ្ញាណកម្ម សូមអំពាវនាវដល់ប្រជាពលរដ្ឋ ដែលមានអត្តសញ្ញាណប័ណ្ណ អស់សុពលភាព ឬសុពលភាពនៅសល់តិចជាង ឬត្រឹម៩០ថ្ងៃ សូមអញ្ជើញមកបំពេញបែបបទសុំប្ដូរយកអត្តសញ្ញាណប័ណ្ណសញ្ជាតិខ្មែរថ្មី (ទុតិយតា)»។ ការសុំប្តូរយកអត្តសញ្ញាណប័ណ្ណសញ្ជាតិថ្មី…

ខេត្តបន្ទាយមានជ័យ ៖ អាជ្ញាធរស្រុក បា ធ្វើពិធីក្រុងពាលី ចាក់គ្រឹះ សាងសង់ស្ពានថ្មមួយឆ្លងកាត់ស្ទឹង ភ្ជាប់ស្រុកចំនួនពីរនៃព្រំប្រទល់រវាង ខេត្តព្រំដែន និងខេត្តទេសចរណ៍ ។ អាជ្ញាធរស្រុក បានធ្វើពិធីក្រុងពាលី ចាក់គ្រឹះ សាងសង់ស្ពានថ្មមួយឆ្លងកាត់ស្ទឹង ភ្ជាប់ស្រុក ចំនួនពីរនៃ ព្រំប្រទល់រវាង ខេត្តព្រំដែន និងខេត្តទេសចរណ៍ ។ លោក មាស ហ៊ឹក ប្រធានក្រុមប្រឹក្សា ឃុំប្រាសាទ បា បានឲ្យដឹង ថ្នាក់ដឹកនាំស្រុក ព្រះនេតព្រះ ក៏ដូចជា ស្រុកក្រឡាញ់ បានឯកភាព គ្នា ធ្វើស្ពានថ្ម ឬស្ពាន បេតុងមួយកន្លែង មានទំហំ ៨ម៉ែត្រ និង ៤៦ ម៉ែត្រ ស្ថិតត្រង់ចំនុច ភូមិ ទន្លាប់ ក្នុងឃុំប្រាសាទ ស្រុកព្រះនេត្រព្រះខេតបន្ទាយមានជ័យ ដោយស្ពាននេះ ឆ្លងកាត់ដងស្ទឹងភ្ជាប់ទៅភូមិ ឃុំសំបួរ ស្រុកក្រឡាញ់ ខេត្តសៀមរាប ។ លោក ឃូ…

ភ្នំពេញ៖ ឯកឧត្តម ឃួង ស្រេង អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំង១៤និងមន្ទីរពាក់ព័ន្ធយកចិត្តទុកដាក់ខ្ពស់ ក្នុងការរៀបចំសណ្តាប់ធ្នាប់របៀបរៀបរយ ការតុបតែងនានា ដើម្បីលើកសោភណ្ឌភាពរាជធានីភ្នំពេញអោយកាន់តែរីកស្រស់បំព្រង ជាមួយនិងការរក្សាសន្តិសុខអោយកាន់តែល្អប្រសើរផងដែរ ខណៈដែលកម្ពុជានឹងត្រូវធ្វើជាម្ចាស់ផ្ទះនៃការប្រកួតកីឡា ស៊ីហ្គេមលើកទី៣២ និងប៉ារ៉ាហ្គេមលើកទី១២ នាខែឧសភា ឆ្នាំ២០២៣ខាងមុខនេះ។ ឯកឧត្តម ឃួង ស្រេង លើកឡើង បែបនេះ ក្នុងកិច្ចប្រជុំពិនិត្យ និងកែលម្អប្រព័ន្ធភ្លើងបំភ្លឺតាមដងផ្លូវសាធារណៈក្នុងរាជធានីភ្នំពេញ សម្រាប់ព្រឹត្តិការណ៍កីទ្បាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ជាមួយអាជ្ញាធរខណ្ឌទាំង១៤និងមន្ទីរពាក់ព័ន្ធនារសៀលថ្ងៃទី២០ ខែកុម្ភៈ ឆ្នាំ២០២៣ នៅសាលារាជធានីភ្នំពេញ។ ឯកឧត្តម ឃួង ស្រេង បន្តថា៖ កិច្ចប្រជុំនេះធ្វើឡើងដើម្បីត្រួតពិនិត្យវឌ្ឍនភាពការងារមួយចំនួនឡើងវិញ ដែលរដ្ឋបាលរាជធានីភ្នំពេញបាននិងកំពុងអនុវត្តធ្វើយ៉ាងណាឱ្យរាជធានីភ្នំពេញមានភាពស្រស់បំព្រង ជាមួយនិងការរក្សាសន្តិសុខ សណ្តាប់ធ្នាប់ ល្អប្រសើរ ក្នងព្រឹត្តិការណ៍កីទ្បាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ឯកឧត្តម ឃួង ស្រេង បន្តទៀតថា៖ ក្នងព្រឹត្តិការណ៍កីទ្បាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ដែលកម្ពុជាត្រូវធ្វើជាម្ចាស់ផ្ទះ នៅដើមខែឧសភា ខាងមុខនេះ យើងត្រូវរួមគ្នាធ្វើគ្រប់ការងារពាក់ព័ន្ធទាំងអស់ ពិសេសធ្វើយ៉ាងណាអោយប្រជាពលរដ្ឋចូលរួមជាមួយយើង នោះយើងនឹងទទួលបានជោគជ័យនិងមានមោទនភាពទាំងអស់គ្នា។ ឯកឧត្តម ឃួង ស្រេង…