បន្ទាយមានជ័យ៖ អគ្គិភ័យបានឆាបឆេះយ៉ាងសន្ធោសន្ធៅលើផ្ទះពលរដ្ឋជាប់ៗគ្នានៅផ្លូវជាតិលេខ៥ ខាងត្បូង ឬម្ខាងផ្លូវទល់មុខធនាគារអេស៊ីលីដាក្រុងប៉ោយប៉ែត ក្នុងភូមិអូរជ្រៅសង្កាត់/ក្រុងប៉ោយប៉ែតខេត្តបន្ទាយមានជ័យ ចន្លោះម៉ោងជិត ៧ ដល់ម៉ោង ជិត៨ព្រឹកថ្ងៃទី១៣ខែកុម្ភ:ឆ្នាំ២០២៣នេះ ។ កងកម្លាំងនគរបាល កងរាជអាវុធហត្ថ ទាហាន មន្ត្រីអាជ្ញាធរ ក្រុមសង្គ្រោះនិងរថយន្តពន្លត់អគ្គិភ័យជាង ១០គ្រឿងក៏បាននឹងកំពុងពន្លត់និងបញ្ជូនបន្ថែមពីខេត្តនិងស្រុកក្រុងនានាដើម្បីជួយអន្តរាគមន៍ ។ ប្រភពអ្នកឃើញហេតុការណ៍និងមន្ត្រីអាជ្ញាធរមានសមត្ថកិច្ចថា ភ្លើងបានចាប់ផ្តើមឆេះចេញពីផ្ទះតៀមរបស់ឈ្មោះលី តៀងសេង លក់គ្រឿងអគ្គីសនី អេឡិចត្រូនិក រាលទៅដល់ផ្ទះជិតខាងមួយចំនួនទៀត ដែលជាប្លុកលំនៅឋាននិងហាងអាជីវកម្មដ៏មមាញឹកមួយដែរក្នុងក្រុង ។ ទោះយ៉ាងណា មន្ត្រីថា ព័ត៌មានបឋមនេះនឹងត្រូវផ្ទៀងផ្ទាត់ក្នុងពេលបន្ទាប់ ។ ជាបន្ទាន់នេះ គេឃើញឯកឧត្ដម អ៊ុ រាត្រី អភិបាលខេត្តបន្ទាយមានជ័យ លោកគាត ហ៊ុល អភិបាលក្រុងប៉ោយប៉ែត និងមន្ត្រីកងកម្លាំងទាំង៣ប្រភេទ ក្រុមអ្នកជួយសង្គ្រោះ និងរថយន្តពន្លត់អគ្គីភ័យរបស់ផ្នែកឯកជន ក៏បានទៅដល់និងដឹកនាំប្រតិបត្តិការ ៕ដោយ៖ឃិន គន្ធា

ខេត្តកណ្តាល៖ ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្តីនៃកម្ពុជា និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកកណ្ដាលស្ទឹង ខេត្តកណ្ដាល មានប្រសាសន៍ថា សមិទ្ធផលនានាកើតមានឡើងនាពេលនេះ និងនៅពាសពេញផ្ទៃប្រទេសនៅកម្ពុជាដោយសារកត្តាប្រទេសមានសុខសន្តិភាព។ ឯកឧត្ដម បានថ្លែងដូចនេះ ក្នុងពិធីបុណ្យឆ្លង និងសម្ពោធសមិទ្ធិផលនានាដាក់ឱ្យប្រើប្រាស់ជាផ្លូវការនៅក្នុងវត្តអង្គពណ្ណរាយណ៍ ឃុំជើងកើប ស្រុកកណ្ដាលស្ទឹង នាព្រឹកថ្ងៃទី១២ ខែកុម្ភៈឆ្នាំ២០២២។ ឯកឧត្ដម បន្តថា ប្រទេសជាតិមួយមានឱកាសធ្វើការអភិវឌ្ឍពេញលេញបានស្រួល សេដ្ឋកិច្ចរីកចម្រើនមានអធិប្បតេយ្យភាព ទំនាក់ទំនងល្អជាមួយប្រទេសអភិវឌ្ឍបានល្អ ប្រជាពលរដ្ឋរស់នៅស្រួលដោយគ្មានការភ័យខ្លាចសង្រ្គាម លុះត្រាប្រទេសជាតិនោះមានសុខសន្តិភាព។ កត្តាសុខសន្តិភាពនេះហើយគឺជាកត្តាចម្បងបំផុតក្នុងការមានឱកាសសម្រាប់ធ្វើការអភិវឌ្ឍរាល់ហេដ្ឋារចនាសម្ព័ន្ធរបស់ប្រជាជាតិឱ្យមានការរីកចម្រើនជាបន្តបន្ទាប់។ តម្លៃនៃសន្តិភាពពិតជាមានសារៈសំខាន់ ខ្លាំងណាស់សម្រាប់សុខដុមនីយកម្ម និងការអភិវឌ្ឍរីកចម្រើន ទាំងផ្នែកអាណាចក្រ និងពុទ្ធចក្រក្នុងប្រទេសកម្ពុជាបច្ចុប្បន្ននេះ។ ដូចនេះយើងត្រូវរួមគ្នាថែរក្សាសុខសន្តិភាពឱ្យបានគង់វង្ស សម្រាប់អនាគតប្រទេសជាតិ និងកូនចៅរបស់យើង។ នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង និងលោកជំទាវ បានប្រគេនដល់វត្តអង្គពណ្ណរាយ នាឱកាសនោះ មានគ្រឿងឧបភោគ-បរិភោគ ស៊ីម៉ង់ ២០តោន និងបច្ច័យ ចំនួន ១ម៉ឺន ៦ពាក់ដុល្លារ សម្រាប់បន្តកសាងសមិទ្ធផលនានាថ្មីៗបន្ថែមទៀត។…

ខេត្តស្ទឹងត្រែង៖ ដោយកិច្ចខិតខំប្រឹងប្រែងរបស់គណបក្សប្រជាជនផងនោះ ក្នុងបុព្វជាតិមាតុភូមិ ជាពិសេសសម្តេចតេជោ បានលះបង់សាច់ស្រស់ ឈាមស្រស់ដឹកនាំប្រទេសចេញពីវាលពិឃាតនៃរបបប្រល័យពូជសាសន៍ ព្រមទាំងបានដឹកនាំកម្ពុជាឲ្យមានការអភិវឌ្ឍន៍ជាបន្តបន្ទាប់ ដោយឈរលើមាគ៌ាសន្តិភាព ប្រជាធិបតេយ្យ និងអភិវឌ្ឍន៍ ដែលកើតចេញពីការដឹកនាំដ៏ត្រឹមត្រូវរបស់គណបក្សប្រជាជនកម្ពុជា ។ នេះជាប្រសាសន៍ លើកឡើងរបស់ លោក ចៅ មុន្នីរ៉ា សមាជិកអចិន្ត្រៃយ៍គណបក្សប្រជាជន និងជាប្រធានក្រុមការងារចុះជួយឃុំព្រះរំកឹល ក្នុងពិធីផ្សព្វផ្សាយនូវខ្លឹមសារសន្និបាតវិសមញ្ញតំណាងទូទាំងប្រទេសរបស់គណបក្សប្រជាជនកម្ពុជា និងខ្លឹមសាររបាយការណ៍ពាក់ព័ន្ធផ្សេងទៀត នៅថ្ងៃទី១២ ខែកុម្ភៈ ឆ្នាំ២០២៣នេះ នៅស្នាក់ការគណបក្សឃុំព្រះរំកឹល ស្រុកបុរីអូរស្វាយសែនជ័យ ខេត្តស្ទឹងត្រែង ។ លោក ចៅ មុន្នីរ៉ា ក៏បានណែនាំដល់ប្រធានគណបក្សស្រុកបុរីអូរស្វាយសែនជ័យ និងគណបក្សឃុំព្រះរំកឹល ត្រូវខិតខំគ្រប់គ្រងសមាជិកបក្សឲ្យបានទាំងអស់នៅក្នុងដៃ និងបន្តចុះផ្សព្វផ្សាយពីការបោះឆ្នោតឲ្យបានញឹកញាប់ដល់មូលដ្ឋានរបស់ប្រជាពលរដ្ឋ ជាមួយនឹងការប្រមូលនូវរាល់បញ្ហាដែលជាសំនូមពររបស់ពលរដ្ឋ និងខិតខំដោះស្រាយជូនឲ្យបានឆាប់រហ័ស និងល្អប្រសើរបំផុត ដើម្បីបង្កើនទំនុកចិត្តផ្តល់ឲ្យប្រជាពលរដ្ឋ ក្នុងការចូលរួមបោះឆ្នោតជូនគណបក្សប្រជាជន ។ ទន្ទឹមនោះលោក ប្រធានក្រុមការងារខេត្តចុះជួយឃុំ ក៏បានណែនាំឲ្យប្រធានបក្សស្រុក/ឃុំ បន្តគិតគូរឲ្យបានចប់សព្វគ្រប់ ក្នុងការត្រៀមធ្វើយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ អាណត្តិទី៧ ដែលនឹងឈានចូលមកដល់ក្នុងពេលដ៏ឆាប់ខាងមុខ ៕ ដោយ ៖ ដេង ម៉ាវិន

ភ្នំពេញ ៖ គណៈកម្មាធិការនាយកក្លិបអ្នក កាសែតកម្ពុជា បានបើកកិច្ចប្រជុំពិនិត្យ និងពិភាក្សាអំពីការរៀបចំបង្កើតក្រុមប្រឹក្សាក្រមសីលធម៌សារព័ត៌មាន កម្ពុជា។ នេះបើយោងតាមសេចក្ដីប្រកាសព័ត៌មាន របស់ក្លិបអ្នកកាសែតកម្ពុជា។ សូមជម្រាប់ថា តាមសេចក្ដីថ្លែងការណ៍រួមវេទិកា និពន្ធនាយកសារព័ត៌មាន កម្ពុជា លើកទី១៩ និងអនុសាសន៍របស់ឯកឧត្តម ខៀវ កាញារឹទ្ធ រដ្ឋមន្ត្រីក្រសួងព័ត៌មាន នៅថ្ងៃទី១០ ខែកុម្ភៈ ឆ្នាំ២០២៣ គណៈកម្មាធិការនាយកក្លិបអ្នក កាសែតកម្ពុជា បានបើកកិច្ចប្រជុំពិនិត្យ និងពិភាក្សាអំពីការរៀបចំបង្កើតក្រុមប្រឹក្សាក្រមសីលធម៌សារព័ត៌មាន កម្ពុជា។ គណៈកម្មាធិការនាយក កអ.ក យល់ឃើញថា ការបង្កើតក្រុមប្រឹក្សាក្រមសីលធម៌សារព័ត៌មានពិតជា សំខាន់ណាស់ ក្នុងការតម្រង់ទិស ដាក់ពិន័យ ក៏ដូចជាកែលម្អវិជ្ជាជីវៈសារព័ត៌មាន ជាពិសេស សម្រាប់ស្ថានភាព សារព័ត៌មានបច្ចុប្បន្ននៅកម្ពុជា។ កិច្ចប្រជុំថ្ងៃនេះ គណៈកម្មាធិការនាយក ក.អ.ក សម្រេចបង្កើតគណៈកម្មការចំពោះកិច្ចមួយ ដើម្បីពិនិត្យសិក្សាស្រាវជ្រាវក្រមសីលធម៌ពីបណ្តាប្រទេសផ្សេងៗទៀត ក្នុងតំបន់អាស៊ាន និងប្រទេសជាច្រើនទៀត ដើម្បីបំពេញបន្ថែមលើក្រមសីលធម៌របស់ក្លិបអ្នកកាសែតកម្ពុជា ឱ្យកាន់តែប្រសើរជាងបច្ចុប្បន្ន និងឱ្យស្របតាមកា រវិវត្តន៍នៃយុគ្គសម័យឌីជីថល។ ដើម្បីបន្តការងារនេះ និងឱ្យមានប្រសិទ្ធភាព គណៈកម្មាធិការនាយកក៏នឹងបង្កើតគណៈកម្មការមួយទៀត ដែលនឹងមានសមាសភាពចម្រុះមកពីស្ថាប័នពាក់ព័ន្ធនិងអ្នកជំនាញជាច្រើន រួមទាំងផ្នែកច្បាប់ សិក្សាលម្អិត និងស៊ីជម្រៅមុននឹងឈានទៅបង្កើតឱ្យចេញជារូបរាងនូវក្រុមប្រឹក្សាក្រុមសីលធម៌សារព័ត៌មាន។…

ភ្នំពេញ ៖ កម្លាំងនគរបាលនាយកដ្ឋានព្រហ្មទណ្ឌក្រសួងមហាផ្ទៃ បានឃាត់ខ្លួននិងបញ្ជូនស្ត្រីម្នាក់ទៅកាន់អយ្យការអមសាលាដំបូងរាជធានីភ្នំពេញ ដេីម្បីអនុវត្តន៍តាមច្បាប់ ពាក់ព័ន្ធបទល្មើសចេញសែកអត់លុយ ៣០មុឺនដុល្លារសងទៅម្ចាស់បំណុល ។ សមត្ថកិច្ចបានឱ្យដឹងថា ជនសង្ស័យឈ្មោះ សិទ្ធិគុណ សក្តិនិតា ភេទស្រី អាយុ២៧ឆ្នាំ មុខរបរលក់ដូរ ស្នាក់នៅបុរី ពិភពថ្មីចំការដូង១ ផ្ទះលេខ៧៩E០ និង E១ ផ្លូវលេខ៧ ភូមិសំបួរ សង្កាត់ដង្កោ ខណ្ឌដង្កោ រាជធានី ភ្នំពេញ ។ ដោយការចាប់ខ្លួនស្ត្រីអាជីវករខាងលើនេះ គឺជាការអនុវត្តតាមដីកាបញ្ជាឱ្យចូលខ្លួនរបស់លោកច្រឹង ខ្មៅ ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ និង យោងទៅលើពាក្យបណ្តឹងរបស់ជនរងគ្រោះជាម្ចាស់បំណុល ។ ជនឈ្មោះ សិទ្ធិគុណ សក្តិនិតា ដែលជាមនុស្សរាប់អានជាមួយដើមបណ្តឹងហើយបានទៅពឹងពាក់រកខ្ចីលុយចំនួន ៣០ម៉ឺនដុល្លារអាមេរិកដើម្បីយកទៅពង្រីកមុខរបររកស៊ី ហើយឈ្មោះ សិទ្ធិគុណ សក្តិនិតា និយាយបញ្ជាក់ប្រាប់ដើមបណ្តឹងថា ឆក់លុយបងឯងតែរយៈពេល២០ថ្ងៃប៉ុណ្ណោះ គេនឹងបង្វិលសងវិញហើយ ។ លុះមកដល់ថ្ងៃទី២១ ខែកញ្ញា ឆ្នាំ២០២២ ឈ្មោះ សិទ្ធិគុណ សក្តិនិតា បានចេញមូលប្បទានប័ត្រ ( សែក…

ភ្នំពេញ៖ នៅថ្ងៃទី៩ ខែកុម្ភៈ ឆ្នាំ២០២៣ នៅមជ្ឈមណ្ឌលការងារ រាជធានីភ្នំពេញ បានសហការជាមួយក្រុមហ៊ុន សហគ្រាស ចំនួន៩ ដោយផ្តល់ឱកាស ការងារ ចំនួនប្រមាណ ៨៥០កន្លែង ជូនដល់សិស្ស និស្សិត និងអ្នកកំពុងស្វែងរកការងារ ធ្វើនៅក្នុងកម្មវិធីវេទិកាការងារ។ មន្រ្តីទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាល វិជ្ជាជីវៈ បានឲ្យដឹងថាៈ ក្រុមហ៊ុន សហគ្រាស ចំនួន៩ ដែលចូលរួមក្នុងវេទិកានេះ រួមមាន៖ ម៉ាស្ទ័រ ស៊ុគីស៊ុប, សហគ្រាស ហ្គូដហៀល កម្ពុជា (GOODHILL), ក្រុមហ៊ុនជប៉ុន MinebeaMitsumi, ក្រុមហ៊ុន Construction Co.Ltd (CMED), ផ្សារម៉ាក្រូ (Makro), ក្រុមហ៊ុន Training and Josb Center, ក្រុមហ៊ុន Luxelite Group, ក្រុមហ៊ុន VE (Cambodia) Ltd…