(កំពង់ធំ)៖ លោកជំទាវ លំ គន្ធារី អនុប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំនិងសហការី បាននាំយកអំណោយគ្រឿងឧបភោគបរិភោគទៅប្រគល់ជូនគ្រួសារដែលរងគ្រោះដោយការកែច្នៃគ្រាប់បែក បានកើតឡើងនៅវេលាម៉ោង ០៧:២០នាទីព្រឹកថ្ងៃទី២៨ ខែមករា ឆ្នាំ២០២៣ បុរសដែលបាត់បង់ជីវិតឈ្មោះ នឿន វិត អាយុ ៤២ឆ្នាំ ប្រពន្ធឈ្មោះ ទឺ មុំ អាយុ ៣៩ឆ្នាំ មានកូន ០៥នាក់ ស្រី ០១នាក់រស់នៅភូមិគេន្ទាក ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ នៅរសៀលថ្ងៃទី០៣ ខែកុម្ភៈ ឆ្នាំ២០២៣ ។ លោកជំទាវ លំ គន្ធារី បានសំដែងនៅទឹកចិត្តដ៏សោកស្ដាយជាទីបំផុត ដែលបានបាត់បង់ជីវិតមនុស្សដែលជាទីស្រឡាញ់នៅក្នុងក្រុមគ្រួសារ បានបន្សល់ទុកនៅប្រពន្ធ និងកូនរស់នៅលំបាក នៅក្នុងក្រុមគ្រួសារ។ ភាពលំបាកទាំងអស់នេះហើយធ្វើឲ្យសាខាកាកបាទក្រហមកម្ពុជាខេត្តកំពង់ធំ បាននាំយកអំណោយទៅប្រគល់ជូនដល់គ្រួសារសព ដើម្បីផ្ដល់កម្លាំងចិត្តនិងលើកទឹកចិត្តដល់ពួកគាត់ឲ្យមានស្មារតីរឹងមាំឡើងវិញ។ លោកជំទាវក៏បានបន្តទៀតថា ដើម្បីចូលរួមចំណែកនូវមនុស្សធម៌ ត្រូវតែយកចិត្តទុកដាក់ និងជួយគាំទ្រគ្រប់ពេលវេលាដល់បងប្អូនដែលងាយរងគ្រោះ ទីណាមានទុក្ខលំបាកទីនោះ មានសាខាកាកបាទក្រហមកម្ពុជាខេត្តកំពង់ធំចុះជួយដល់មូលដ្ឋាន។ លោកជំទាវ លំ គន្ធារី អនុប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំក៏បានអំពាវនាវដល់បងប្អូនប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់ ប្រសិនបើមានគ្រាប់មិនទាន់ផ្ទុះឬសម្ភារៈផ្សេងៗនៅក្នុងមូលដ្ឋាន ត្រូវរាយការណ៍មកអាជ្ញាធរមានសមត្ថកិច្ច…

ត្បូងឃ្មុំ៖ ផ្កាស្បៃរឿងចំនួនមួយលានដើម នឹងដុះរីកស្គុះស្គាយ ពណ៌ លឿងទុំ ស្វាគមន៍ទេវតាឆ្នាំថ្មី និងភ្ញៀវ ទេសចរនៅក្នុងឱកាស បុណ្យចូលឆ្នាំប្រពៃណីជាតិខ្មែរខាងមុខ ។ដើមផ្កាស្បៃរឿងទាំងនេះ ត្រូវបានដឹកនាំដាំ ដោយឯកឧត្តម អ៊ាង សុផល្លែត រដ្ឋលេខាធិការ ក្រសួងបរិស្ថាននៅជុំវិញទន្លេស្ងួត ក្នុងតំបន់ប្រាសាទ ព្រះធាតុបា ស្រី ស្ថិតនៅក្នុងឃុំព្រះធាតុ ស្រុកអូររាំងឪ ខេត្តត្បូងឃ្មុំ កាលពី ព្រឹក ថ្ងៃទី៤ កុម្ភៈ ។ពិធីនេះក៏មានការចូលរួមពីលោកគ្រូ អ្នកគ្រូ សិស្សានុ សិស្ស ក្រុមយុវជននៃសហភាពសហព័ន្ធយុវជនកម្ពុជាឬ ស.ស.យ.ក និងប្រជាពលរដ្ឋជាង ៥០០នាក់។ ក្នុងពិធីបាចគ្រាប់ស្បៃរឿងនេះ ឯកឧត្តម អ៊ាង សុផល្លែត មាន ប្រសាសន៍ថា ផ្កាស្បៃរឿងមានគុណ ប្រយោជន៍ចំពោះបរិស្ថាន ដោយវាអាចកំចាត់សត្វល្អិតចង្រៃ ធ្វើឱ្យដំណាំផ្សេងៗដែលនៅ ជុំវិញវាមាន ដំណាំស្រូវជាដើមមិនត្រូវបានបំផ្លាញដោយ សត្វ ល្អិតឡើយ។ ឯកឧត្តមរដ្ឋលេខាធិការបាន បំផុសឱ្យសិស្សានុសិស្ស ប្រជាពលរដ្ឋស្រឡាញ់បរិស្ថាន ដោយត្រូវចូលរួមក្នុងការការពារ បរិស្ថានដែល ជាអាយុជីវិតរបស់យើងទាំងអស់គ្នា។ ការបំផ្លាញ…

កំពង់ស្ពឺ៖ រដ្ឋបាលខេត្តកំពង់ស្ពឺបានផ្តល់អំណោយដល់គ្រួសាររងគ្រោះដោយទឹកជំនន់ចំនួន ១៧១គ្រួសារ មកពីឃុំទាំង៧ នៃស្រុកភ្នំស្រួច ដែលការផ្តល់ជូននេះធ្វើឡើងនៅថ្ងៃទី៣ ខែកុម្ភៈ ឆ្នាំ២០២៣ ។ លោក ហន ពិសិដ្ឋ អភិបាលស្រុកភ្នំស្រួច បានឱ្យដឹងថា ស្រុកភ្នំស្រួចគឺជាស្រុកមួយក្នុងចំណោមស្រុកទាំង៥នៃខេត្តកំពង់ស្ពឺ ដែលបានរងគ្រោះដោយជំនន់ទឹកភ្លៀងកាលពីខែមករាកន្លងទៅ ។ ជំនន់ទឹកភ្លៀងនេះបានប៉ះពាល់ដល់ឃុំចំនួន៧គឺ៖ ឃុំយាយម៉ៅពេជ្រនិល ,ឃុំតាំងសំរោង, ឃុំក្រាំងដីវ៉ាយ, ឃុំអូរ ,ឃុំត្រែងត្រយឹង ឃុំមហាសាំង,និងឃុំតាំងស្យា ដែលជំនន់នេះបានបង្កផលប៉ះពាល់ដល់បងប្អូនប្រជាពលរដ្ឋចំនួន១៧១ គ្រួសារ។ក្រៅពីនោះ ជំនន់ទឹកភ្លៀងក៏បានបង្កផលប៉ះពាល់ដល់សាលារៀនចំនួន០៣កន្លែង នៅឃុំតាំងសំរោង១កន្លែង និងឃុំយាយពេជ្រនិលចំនួន០២កន្លែង ស្រែប្រាំង២ហិកតា ដំណាំផ្សេងៗ៣២ហិកតា និងហេដ្ឋារចនាសម្ពន្ធ័ផ្លូវថ្នល់ប្រមាណជា៣៧៥២ម៉ែត្រផងដែរ។ ឯកឧត្តម វ៉ី សំណាង អភិបាលខេត្តកំពង់ស្ពឺ បានលើកឡើងថា ការបម្រែបម្រួលនៃអាកាសធាតុបានធ្វើឱ្យមានភ្លៀងធ្លាក់ជាប់គ្នា៤ថ្ងៃគឺចាប់ពីថ្ងៃទី១០ដល់ថ្ងៃទី១៤ខែមករា ដែលជាខែស្ថិតក្នុងរដូវប្រាំង។ ភ្លៀងក្នុងខែនេះវាពិតជាមិនដែលមានទេពីដើមមក ហើយក៏មិនដែលមានជំនន់ក្នុងខែនេះដែរ។ នេះគឺបណ្តាលមកពីកត្តាមនុស្ស មនុស្សបានបំផ្លាញធម្មជាតិ កាប់អស់ព្រៃឈើ ទើបធ្វើឱ្យធម្មជាតិមានការប្រែប្រួលដូច្នេះ ហើយដោយសារតែការប្រែប្រួលនេះទើបធ្វើបងប្អូនប្រជាពលរដ្ឋត្រូវទទួលរងគ្រោះនិងបាត់បង់ទ្រព្យសម្បត្តិ។ តែដើម្បីឆ្លើយតបទៅនិងផលប៉ះពាល់ដែលបងប្អូនជួបប្រទះ រដ្ឋបាលខេត្តក្រោមការឧបត្ថម្ភគាំទ្រពីអង្គការជីវិតថ្លៃថ្នូរបានផ្តល់នូវអំណោយសង្គ្រោះបឋមដើម្បីដោះស្រាយជីវភាពប្រចាំថ្ងៃ។ ឯកឧត្តម វ៉ី សំណាង បានជំរុញឱ្យបងប្អូនត្រូវគិតគូរដល់សុខភាព រស់នៅត្រូវមានអនាម័យ ហូបស្អាតផឹកស្អាត ដើម្បីជៀសផុតពីជំងឺផ្សេងៗ…

ខេត្តបាត់ដំបង ៖ ថ្លែងក្នុងកិច្ចប្រជុំពិភាក្សា ដើម្បីផ្តោតការតាមដាននិងវាយតម្លៃ ពីកិច្ចដំណើរការសាងសង់ប្រព័ន្ធលូរំដោះទឹកកខ្វក់នៅក្នុងក្រុងបាត់ដំបង ឯកឧត្តម សុខ លូ អភិបាលខេត្តបាត់ដំបង បានជំរុញដល់ក្រុមការងារវិស្វកម្មដែលអនុវត្តគម្រោង ត្រូវតែខិតខំពន្លឿនការសាងសង់ប្រព័ន្ធលូ ឱ្យបានកាន់តែឆាប់រហ័សតាមដែលអាចធ្វើទៅបាន ដើម្បីឲ្យអាជ្ញាធរឆាប់បានសាងសង់ផ្លូវឱ្យស្អាតឡើងវិញ ក្នុងការសម្រួលដល់ប្រជាពលរដ្ឋបានធ្វើដំណើរ និងចរាចរយានជំនិះបានស្រួលឡើងវិញ។ ព្រោះបច្ចុប្បន្ននេះដោយសារការកាយផ្លូវ ដើម្បីរៀបចំប្រព័ន្ធលូនេះ វាបានបង្កនូវផលលំបាកនិងជាឧបសគ្គ រំខានដល់ការធ្វើចរាចរចេញចូល ទៅមក របស់ ប្រជាពលរដ្ឋទូទៅ ។ តាមរយៈការបង្ហាញពីវឌ្ឍនភាពការងារ នៃផែនការសាងសង់ និងអនុវត្តគម្រោងពីក្រុមវិស្វកម្មបច្ចេកទេស បានបង្ហាញឲ្យដឹងថា៖ ការសាងសង់នៅប៉ែកខាងកើតស្ទឹងសង្កែ ក្រុមការងារគ្រោងនិងបញ្ចប់ការសាងសង់ប្រព័ន្ធលូរំដោះទឹកកខ្វក់ មុនថ្ងៃបុណ្យចូលឆ្នាំខ្មែរខាងមុខឆាប់ៗនេះ ខណៈនៅផ្នែកប៉ែកខាងលិចស្ទឹងសង្កែនឹងសាងសង់រួចរាល់នៅចុងឆ្នាំ២០២៤ ។ ឯកឧត្តម សុខ លូ ក៏បានជំរុញឲ្យក្រុមការងារអនុវត្តសាងសង់ ត្រូវបន្តយកចិត្តទុកដាក់ ដើម្បីធ្វើឱ្យដំណើរការសាងសង់បានរលូន ហើយក្នុងនោះក៏ត្រូវបន្តកិច្ចសហការជាមួយ និងអាជ្ញាធរពាក់ព័ន្ធជាមួយទីតាំងគម្រោងត្រូវធ្វើការផ្សព្វផ្សាយពន្យល់ដល់ប្រជាពលរដ្ឋនៅទីនោះ ឱ្យមានការយល់ដឹង អំពីគម្រោងមួយនេះ ។ ព្រមជាមួយគ្នាចាប់ពីដើមឆ្នាំ២០២៣ រដ្ឋបាលខេត្ត បាននិងកំពុងតែធ្វើការពន្លឿនក្នុងការកែលម្អសោភ័ណភាពនៅក្នុងទីក្រុង ដែលជាបេះដូងរបស់ខេត្ត ដោយបានធ្វើការសាងសង់នូវច្រាំងស្ទឹងសង្កែ ដើម្បីការពារមិនឱ្យបាក់ស្រុតដីនិងធានានិរន្តរភាពដល់ផ្លូវក្នុងការប្រើប្រាស់ ព្រមទាំងដើម្បីលើកកម្ពស់សោភ័ណភាព សណ្តាប់ធ្នាប់ អនាម័យបរិស្ថាននៅតាមបណ្ដោយដងស្ទឹងសង្កែ ដើម្បីបង្កើនដល់ការទាក់ទាញភ្ញៀវទេសចរ ដែលបានមកកម្សាន្តផងដែរ។ គួរបញ្ជាក់ដែរថា៖កន្លងទៅនេះ…

(ភ្នំពេញ)៖ ក្រសួងមហាផ្ទៃ បានបន្តអំពាវនាវយ៉ាងទទូចសូមឱ្យប្រជាពលរដ្ឋ ដែលមានអត្តសញ្ញាណប័ណ្ណសញ្ជាតិខ្មែរអស់សុពលភាព រួសរាន់ទៅបំពេញបែបបទដើម្បីទទួលបានអត្តសញ្ញាណប័ណ្ណសញ្ជាតិខ្មែរទុតិយតា ដោយហេតុថា អត្តសញ្ញាណប័ណ្ណអស់សុពលភាព នឹងគ្មានតម្លៃប្រើប្រាស់ សម្រាប់ការទទួលយកសេវារដ្ឋបាលផ្សេងៗ ជាពិសេសមិនអាចបំពេញសិទ្ធិក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ដែលបានចេញនៅថ្ងៃទី០៣ ខែកុម្ភៈ ឆ្នាំ២០២៣នេះ បានឱ្យដឹងទៀតថា ចាប់ពីឆ្នាំ២០១២ ក្រសួងមហាផ្ទៃបានចាប់ផ្តើមផលិតផ្ដល់អត្តសញ្ញាណប័ណ្ណ សញ្ជាតិខ្មែរឌីជីថល ជូនដល់ប្រជាពលរដ្ឋកម្ពុជាទាំងអស់ ដែលមានអាយុចាប់ពី១៥ឆ្នាំឡើង គិតមកដល់ខែធ្នូឆ្នាំ២០២២ ក្រសួងបានផលិតផ្តល់អត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋបានចំនួន ១២.៣០៩.១៣១នាក់ ក្នុងនោះអ្នកដែល មានអាយុពី១៨ឆ្នាំឡើង មានចំនួន ១១.០៩៧.៨៦៧នាក់។ យោងតាមទិន្នន័យដែលស្រង់ចេញពីប្រព័ន្ធគ្រប់គ្រងអត្តសញ្ញាណប័ណ្ណសញ្ជាតិខ្មែរ ដែលបានផ្តល់ជូនចាប់ពីឆ្នាំ២០១២ និងក្នុងអំឡុងខែកក្កដា ឆ្នាំ២០១៣ (គិតដល់ខែកក្កដា ឆ្នាំ២០២៣ ខាងមុខនេះ អត្តសញ្ញាណប័ណ្ណសញ្ជាតិខ្មែរត្រូវអស់សុពលភាពប្រើប្រាស់មានចំនួន ១.៧២៧.០៩៤នាក់ ។ ដើម្បីដោះស្រាយបញ្ហានេះក្រសួងមហាផ្ទៃ បានរៀបចំផែនការយុទ្ធនាការជំរុញការផលិត ផ្តល់អត្តសញ្ញាណប័ណ្ណសញ្ជាតិខ្មែរ ដល់អ្នកដែលកាន់អត្តសញ្ញាណប័ណ្ណអស់សុពលភាពទុតិយតា ចាប់ពីខែវិច្ឆិកា ឆ្នាំ២០២២មក ដោយបានស្រង់យកទិន្នន័យអ្នកដែលមានអត្តសញ្ញណប័ណ្ណសញ្ជាតិខ្មែរអស់សុពលភាព បញ្ជូនទៅឃុំ សង្កាត់នៅទូទាំងប្រទេស ដើម្បីរៀបចំកម្មវិធីប្រតិទិនក្នុងការអញ្ជើញប្រជាពលរដ្ឋ តាមភូមិ ឃុំ សង្កាត់ មកបំពេញបែបបទសុំផ្ដល់អត្តសញ្ញាណប័ណ្ណសញ្ជាតិខ្មែរទុតិយតា។ ក្រសួងមហាផ្ទៃ បានបង្កើតក្រុមការងារអន្តរអគ្គនាយកដ្ឋាន…

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា ក្រិត្យក្រមធម្មជាតិ ឆ្នាំមុនបាត់បង់បងប្រុស ឆ្នាំនេះបាត់បង់ប្អូនថ្លៃស្រី ។ សំណេររបស់សម្ដេចតេជោ ហ៊ុន សែន អមជាមួយរូបថតប្អូនថ្លៃស្រីរបស់សម្ដេច លោកជំទាវ ប៊ុន សុថា ចំនួន ៣សន្លឹក តាមរយៈទំព័រហ្វេសប៊ុកផ្លូវការ នៅយប់ថ្ងៃទី៣ ខែកុម្ភៈ ឆ្នាំ២០២៣ ។ តាមសេចក្ដីជូនដំណឹងមរណភាព នៅល្ងាចថ្ងៃទី០៣ ខែកុម្ភៈ ឆ្នាំ២០២៣ បានឱ្យដឹងថា លោកជំទាវ ប៊ុន សុថា ហៅ ប៊ុន សាមហ៊ឹង បានទទួលមរណភាព នាថ្ងៃសុក ១៣កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៣ ខែកុម្ភៈ ឆ្នាំ២០២៣ វេលាម៉ោង ១៨:១៣នាទី ក្នុងជន្មាយុ ៦៧ឆ្នាំ ដោយរោគាពាធ ។ សពតម្កល់ទុកធ្វើបុណ្យតាមប្រពៃណី នៅផ្ទះលេខ៦៦ ផ្លូវលេខ៥២៨ កែងនឹងផ្លូវលេខ២៨៥…

ខេត្តកំពង់ឆ្នាំង ៖ កំណាត់ផ្លូវមួយខ្សែមានប្រវែង ២៦៥៥ម៉ែត្រ ទទឹង ៦ម៉ែត្រ និងលូកាត់ទទឹងចំនួន ៧កន្លែង ត្រូវបានធ្វើពិធីបើកការដ្ឋានជួសជុលឲ្យទៅជាផ្លូវកៅស៊ូ DBST ស្ថិតនៅក្នុងភូមិទ្រាជើង ឃុំស្រែថ្មី ស្រុករលាប្អៀរ ក្រោមអធិបតីភាព លោកជំទាវ កែ ច័ន្ទមុន្នី អ្នកតំណាងរាស្ត្រមណ្ឌលកំពង់ឆ្នាំង ។ ឯកឧត្តមស៊ុន សុវណ្ណារិទ្ធិ អភិបាល ខេត្តកំពង់ឆ្នាំង មានប្រសាសន៍ថា ផ្លូវកៅស៊ូ DBST ដែលបើកការដ្ឋានជួសជុលនៅពេលនេះ គឺជាគម្រោងអភិវឌ្ឍន៍របស់រដ្ឋបាលខេត្តកំពង់ឆ្នាំង សម្រាប់អភិវឌ្ឍន៍ហេដ្ឋារចនាសម្ព័ន្ធរូបវ័ន្ធ ឲ្យកាន់តែប្រសើរឡើង ដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ កម្មករ កម្មការិនី សិក្សានុសិស្ស និងការប្រកបមុខរបរដឹកជញ្ជូនកសិផលផ្សេងៗ សំដៅរួមកាត់បន្ថយភាពក្រីក្រ ស្របតាមកម្មវិធីនយោបាយនិងយុទ្ធសាស្ត្រចតុកោណរបស់រាជរដ្ឋាភិបាល ដែលមានសម្ដេចអគ្គមហាសេនាបតីតេជោ ហ៊ុន សែន ជាប្រមុខដឹកនាំប្រកបដោយគតិបណ្ឌិត ។ ផ្លូវមួយខ្សែនេះនឹងបំពាក់អំពូលភ្លើង និងអំពូលសឡាចំនួនប្រមាណ ១០០ ដើមដើម្បីជួយសម្រួលកាធ្វើដំណើររបស់បងប្អូននៅពេលយប់ នឹងលើកកម្ពស់សោភណ្ឌភាពក្នុងតំបន់នោះឲ្យកាន់តែប្រសើរឡើងថែមទៀត។ ឯកឧត្តម ស៊ុន សុវណ្ណារិទ្ធិក៏បានឧបត្ថម្ភជាអំណោយជា សារ៉ុង និងថវិកា ដល់បងប្អូនប្រជាពលរដ្ឋ ៣០០គ្រួសារ ក្នុងឱកាសនោះផងដែរ៕…