(ភ្នំពេញ)៖សាលានៅអូស្រ្តាលី AEAS នៅថ្ងៃទី១១ ខែសីហា ឆ្នាំ២០២៥​បានឱ្យ​ដឹងថា ក្រុមគ្រួសារកម្ពុជាទាំងអស់​ដែលមានចំណាប់អារម្មណ៍ទៅលើការអប់រំនៅ​ឯក្រៅប្រទេសនឹងមានឪកាសដ៏មានតម្លៃនាខែកញ្ញានេះ ខណៈដែល​ពិព័រណ៍​ព័ត៌មាន​សាលានៅអូស្រ្តាលី AEAS នឹងត្រលប់មកវិញសារជាថ្មីម្តងទៀតនៅ​រាជធានីភ្នំពេញនៅថ្ងៃទី៧ ខែកញ្ញា ឆ្នាំ២០២៥ ចាប់ពីម៉ោង ១:០០ រសៀលរហូតដល់ម៉ោង ៥:០០ ល្ងាចនៅសណ្ឋាគារ Hyatt Regency ភ្នំពេញ។ ព្រឹត្តិការណ៍ដែលចូលរួមដោយឥតគិតថ្លៃនេះសម្រិតសម្រាំងឡើងដើម្បីជួយទៅដល់ក្រុមគ្រួសារទាំងអស់ក្នុងការស្វែងយល់ពីជម្រើសសាលាចាប់ពីថ្នាក់ទី ១ ដល់ទី ១២ ក្នុងប្រទេសអូស្រ្តាលី និងស្វែងយល់បន្ថែមពីអ្វីដែលការអប់រំបែប​អន្តរជាតិ​កម្រិតពិភពលោកអាចផ្តល់ជូនកូនៗរបស់អស់លោកអ្នក។ មិនថាអ្នកទើបតែគិត​អំពី​គម្រោងសិក្សានៅក្រៅប្រទេស ឬបានរៀបចំផែនការបន្ទាប់រួចរាល់នោះទេ ពិព័ណ៍នេះគឺជា​ពេលវេលា​ដែលជួយអ្នកឱ្យទទួលបានព័ត៌មានកាន់តែច្បាស់ និងជាក់ស្តែង។ គោលដៅមួយក្នុងចំណោមគោលដៅជាច្រើននៃពិព័រណ៍នេះ គឺដើម្បីលើក​ទឹកចិត្តឱ្យក្រុមគ្រួសារទាំងអស់​ពិចារណានូវ​អត្ថប្រយោជន៍ក្នុងការចាប់ផ្តើម​ការសិក្សាបែបអន្តរជាតិឱ្យបានឆាប់ក្នុងអំឡុងពេលសិក្សាថ្នាក់បឋមសិក្សាជាជាងរង់ចាំរហូតដល់ថ្នាក់សាកលវិទ្យាល័យ។ សិស្សានុសិស្សដែលសិក្សា​នៅប្រទេសអូស្រ្តាលីតាំងពីវ័យក្មេងទទួលបានទំនុកចិត្ត ឯករាជ្យភាព និងមូលដ្ឋានគ្រឺះដ៏រឹងមាំមួយក្នុងជីវិតដែលលើសពីក្នុងថ្នាក់រៀន។ ពួកគេក៏អាច​បង្កើតទស្សនៈ​​វិស័យ​ជាសកល និងអភិវឌ្ឍជំនាញដែលរៀបចំខ្លួនពួកគេសម្រាប់ការសិក្សា និងអាជីពនាពេលអនាគតនៅក្នុងពិភព​លោក​ដែលពោរពេញទៅដោយការប្រកួតប្រជែង។ ប្រទេសអូស្រ្តាលីផ្តល់ឱ្យក្រុមគ្រួសារកម្ពុជានូវតុល្យភាពដ៏ល្អឥតខ្ចោះនៃគុណភាព សុវត្ថិភាព និងភាពងាយស្រួល​នៅពេលនិយាយអំពីការអប់រំបែបអន្តរជាតិ។ បើប្រៀបធៀបទៅ សហរដ្ឋអាមេរិក ចក្រភពអង់គ្លេស និងប្រទេស​កាណាដា ប្រទេសអូស្រ្តាលីនៅជិតប្រទេសកម្ពុជាជាងគេ ដែលធ្វើឱ្យការធ្វើដំណើរ និងការទំនាក់ទំនងកាន់តែ​ងាយស្រួល ហើយថ្លៃសិក្សា និងថ្លៃស្នាក់នៅក៏មានតម្លៃសមរម្យជាងផងដែរ។ គួបផ្សំជាមួយនឹងបរិយាកាសទិដ្ឋាការដែលមានស្ថិរភាព និងប្រព័ន្ធគាំទ្រសិស្សដ៏រឹងមាំ ប្រទេសអូស្រ្តាលីនៅតែលេច​ធ្លោថាជាជម្រើសដ៏ឆ្លាតវៃ និងសាកសមសម្រាប់ក្រុមគ្រួសារក្នុងការស្វែងរកការអប់រំនាក្រៅប្រទេសដែល​គួរជាទីទុក​ចិត្ត និងមានគុណភាពខ្ពស់។ ក្រុមគ្រួសារដែលចូលរួមពិព័រណ៍នឹងមានឱកាសក្នុងការជួប…

(ភ្នំពេញ)៖ ក្រោមការយកចិត្តទុកដាក់ជាប្រចាំលើអនាគតយុវជន យុវនារី ក្នុងយុគសម័យឌីជីថលរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កម្មវិធី អាហារូបករណ៍ទេពកោសល្យឌីជីថលតេជោ ត្រូវបានបង្កើតឡើង ក្នុងគោលដៅរួមចំណែកបង្កើនធនធានមនុស្សជំនាញឌីជីថល ដែលនឹងក្លាយទៅជាមូលធនមនុស្សឌីជីថល ក្នុងការជំរុញការប្រែក្លាយសេដ្ឋកិច្ចកម្ពុជា ទៅជាសេដ្ឋកិច្ចឌីជីថល។ ក្នុងឆ្នាំសិក្សា ២០២៥-២០២៦ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៥០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅតាមគ្រឹះស្ថានឧត្តមសិក្សាចំនួន ៦ ជាដៃគូរបស់ ក.ប.ទ. ដូចខាងក្រោម៖ ១. គ្រឹះស្ថានឧត្តមសិក្សា និងជំនាញសិក្សា  បណ្ឌិត្យសភាបច្ចេកវិទ្យាឌីជីថលកម្ពុជា (CADT) ចំនួន ២០០ កន្លែង  វិទ្យាស្ថានបច្ចេកវិទ្យាកម្ពុជា ចំនួន ៤០ កន្លែង  សាកលវិទ្យាល័យភូមិន្ទភ្នំពេញ ចំនួន ៣០ កន្លែង  សាកលវិទ្យាល័យជាតិគ្រប់គ្រង ចំនួន ១០ កន្លែង…

សៀមរាប៖ ប្រជាពលរដ្ឋ មានជីវភាពខ្វះខាត ,ចាស់ជរា រួមទាំង​ជនភៀសសឹកចំនួន១០០គ្រួសារកំពុងស្នាក់​នៅក្នុង​សង្កាត់គោកចក ក្រុងសៀមរាប ទទួលបានអំណោយមនុស្សធម៌ពីសមាគមសង្រ្គោះ​ជីវិតនៃប្រទេសសិង្ហបូរី​ដែលផ្តល់​តាមរយៈព្រះគ្រូវិចិត្រវង្សា ហែម គឹមសាន ញាតិធម្មោ ព្រះចៅអធិការវត្តប្រាសាទគោកចក ។ ពិធីផ្តល់អំណោយបានប្រារព្ធនៅក្នុងបរិវេណវត្តប្រាសាទគោកចក កាលពីរសៀលថ្ងៃទី១០ ខែសីហា ឆ្នាំ២០២៥ ក្រោមវត្តមាននិមន្តនិងអញ្ជើញចូលរួមពីព្រះមន្ត្រីសង្ឃខេត្តសៀមរាប និងឯកឧត្តមអ្នកឧកញ៉ា សៀង ណាំ អ្នក​តំណាងរាស្ត្រមណ្ឌលខេត្តសៀមរាប លោក ង៉ូវ សេងកាក់ អភិបាលរងខេត្តសៀមរាប ។ លោក ហ្គោ ទុង ហេង(Goh Tung Heng) ប្រធានសមាគមសង្រ្គោះជីវិតនៃប្រទេសសិង្ហបូរី បានបញ្ជាក់ថា នេះ​ជា​អំណោយដ៏តិចតួចក្នុងការចូលរួមដោះស្រាយ និងជួយសម្រាលនូវការខ្វះខាតរបស់បងប្អូនចំពោះមុខបានមួយរយៈ ហើយសមាគមរបស់លោកនឹងបន្តជួយដល់ប្រជាពលរដ្ឋកម្ពុជា ជួបការខ្វះខាតនៅ​មូលដ្ឋានផ្សេងៗទៀត។ ចំណែកឯកឧត្តមអ្នកឧកញ៉ា សៀង ណាំ បានធ្វើការថ្លែងអំណរគុណដល់សមាគមសង្រ្គោះជីវិតនៃប្រទេសសិង្ហបូរី ដែលមានចិត្តសប្បុរសធម៌ ចំពោះប្រជាជនកម្ពុជា ក្នុងការចូលរួមដោះស្រាយទុក្ខលំបាកជាមួយរាជរដ្ឋា​ភិបាល​កម្ពុជា៕ដោយ៖ប៊ុន រដ្ឋា

កំពង់ឆ្នាំង ៖ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តី និងជាប្រធានក្រុមការងាររាជរដ្ឋាភិបាល ខេត្តកំពង់​ឆ្នាំង រួមដំណើរដោយឯកឧត្តមស៊ុន សុវណ្ណារិទ្ធិ អភិបាលខេត្តនិង ឯកឧត្តម ស៊ីវ រុនប្រធានក្រុមប្រឹក្សាខេត្តកំពង់ឆ្នាំង កាលពីថ្ងៃទី១០ ខែសីហា ឆ្នាំ២០២៥ បានអញ្ជើញសួរសុខទុក្ខ ប្រជាពលរដ្ឋពីរគ្រួសារដែលរងគ្រោះដោយអគ្គិភ័យ ស្ថិតនៅភូមិស្ពករាជ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង ។ ក្នុងឱកាសនោះឯកឧត្តមបណ្ឌិតសភាចារ្យ អ៊ុក រ៉ាប៊ុន បានចូលរួមសំដែងនូវការសោកស្តាយជាពន់​ពេកចំពោះឧប្ប​ត្តិហេតុគ្រោះអគ្គិភ័យ ដែលបានកើតឡើងចំពោះប្រជាពលរដ្ឋទាំងពីរគ្រួសារនេះ បង្កឱ្យខូចខាតផ្ទះសម្បែង​ទ្រព្យសម្បត្តិ។ឯកឧត្តមក៏បាននាំនូវប្រសាសន៍ផ្តាំផ្ញើរសាកសួរសុខទុក្ខពីសំណាក់សម្តេចមហាបវធិបតី ហ៊ុន ម៉ាណែត នាយករដ្ឋមន្រ្តីនិងលោកជំទាវបណ្ឌិត ដែលជានិច្ចកាលតែងតែបានយកចិត្តទុក្ខដាក់ អំពីសុខទុក្ខរបស់ប្រជា​ពលរដ្ឋ​គ្រប់ពេលវេលា ។ ក្នុងឱកាសដដែលនេះឯកឧត្តមទេសរដ្ឋមន្រ្តី ,ឯកឧត្តមអភិបាល ,ឯកឧត្តមប្រធានក្រុមប្រឹក្សាខេត្តបាននាំយក​អំណោយ​គ្រឿងឧបភោគ បរិភោគ ភេសជ្ជៈ ទឹកសុទ្ធនិងថវិកាមួយចំនួន​ជូនដល់គ្រួសាររងគ្រោះដោយ​អគ្គិភ័យ​នេះផងដែរ។ គួរបញ្ជាក់ថា កាលពីល្ងាចថ្ងៃទី៩ ខែសីហានៅផ្សារព្រៃខ្មែរ ភូមិស្ពករាជ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង មានករណីអគ្គិភ័យមួយបានកើតឡើងបណ្ដាលឱ្យផ្ទះមួយខ្នងត្រូវឆេះទាំងស្រុង ។ចំណែកផ្ទះដែលនៅជាប់គ្នាឆេះជញ្ជាំងមួយចំហៀង ៕ដោយ៖ សុខ គឹមសៀន

ថ្ងៃទី១០​ ខែសីហា​ ឆ្នាំ២០២៥នេះ​ យោងតាមសំណូមពររបស់ជនភៀសសឹកឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានណែនាំឱ្យក្រុមការងាររៀបចំរថយន្តដឹកជញ្ជូន ជូនជនភៀសសឹកត្រឡប់ទៅលំនៅឋាននៅខេត្តឧត្តរមានជ័យ បន្ទាយមានជ័យ​ និងបាត់ដំបងចំនួន​ ៤រថយន្ត​ ដេីម្បីដឹកជញ្ជូនបងប្អូនប្រជាពលរដ្ឋចំនួន​ ៣១នាក់​ ស្រី​ ២២នាក់​​ ពីខេត្តសៀមរាបទៅគេដ្ឋានវិញ។ ជាមួយនឹងការដឹកជញ្ជូននេះ​ មានបងប្អូនទៅខេត្តឧត្តមានជ័យ ១៤នាក់​ ស្រី​ ៩នាក់​ ខេត្តដំបង ៦នាក់ ស្រី​ ៤នាក់និងខេត្តបន្ទាយមានជ័យ ១១នាក់ ស្រី​ ៩នាក់។ ជាមួយ​នឹងការត្រឡប់ទៅគេហដ្ឋានវិញបងប្អូនប្រជាជនបានថ្លែងអំណរគុណយ៉ាងជ្រាលជ្រៅបំផុតចំពោះឯកឧត្តម​ ប្រាក់​ សោភ័ណ​ អភិបាល​ នៃគណៈអភិបាល​ រដ្ឋបាលខេត្ត​ ក្រុង​ ស្រុក​ កងកម្លាំងប្រដាប់អាវុធនិងព្រះចៅអធិការវត្តដែលផ្តល់ទីតាំងសុវត្ថិភាព និងយកចិត្តទុកដាក់​ខ្ពស់ក្នុងការៀបចំចាត់ចែងកន្លែងស្នាក់នៅ​ និងការផ្គត់ផ្គង់គ្រឿងឧបភោគបរិភោគ​គ្រប់គ្រាន់​ ព្រមទាំងអនាម័យបរិស្ថានដល់ពួកគាត់ដែលបានជម្លៀសពីតំបន់សមរភូមិ។ រដ្ឋបាលខេត្តក៏សូមការយោគយល់ចំពោះការរៀបចំកន្លែងស្នាក់នៅពុំទាន់បំពេញតម្រូវការ​ និងឆ្លេីយតបតាមសំណូមពរ​របស់បងប្អូនពីសំណាក់ថ្នាក់ដឹកនាំ​ ក៏ដូចជាអាជ្ញាធរ​ មន្ត្រីដែលបានរៀបចំទីតាំងស្នាក់នៅ។ ទន្ទឹមនឹងនេះ​ សូមជូនពរបងប្អូនធ្វេីដំណេីរប្រកបដោយសុវត្ថិភាពទាំងអស់គ្នា។