ស្វាយរៀង៖រដ្ឋបាលខេត្តស្វាយរៀងប្រារព្ធបើកការដ្ឋានសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ នៅ​ភូមិត្រពាំងផ្លុង​ សង្កាត់បាទី​ ក្រុងបាវិត ក្រោម​អធិបតីភាពឯកឧត្តម ប៉េង​ ពោធិ៍សា​ អភិបាលខេត្តស្វាយរៀង​ និងឯកឧត្តម វង្ស ពិសិដ្ឋ អនុរដ្ឋលេខាធិការតំណាងរដ្ឋមន្ត្រីក្រសួងសាធារណការ និងដឹកជញ្ជូន កាលពីព្រឹកថ្ងៃទី៨ ខែសីហា ឆ្នាំ២០២៥។ ការដ្ឋាននេះមានតម្លៃជិត ៣០លានដុល្លារអាមរិក(២៩,០៨៦,៧៤៨.១១ដុល្លារ)​ក្រោមកម្ចីឥណទាន​ពីធនាគារ​អភិវឌ្ឍន៍អាស៊ី(ADB)។ឯកឧត្តម វង្ស ពិសិដ្ឋ បានបញ្ជាក់ថា ដោយមានការយកចិត្តទុកដាក់ពី​ប្រមុខរាជរដ្ឋាភិបាល ពិសេស​ក្នុងនាមក្រសួងជំនាញតែងបានសហការជាមួយរដ្ឋបាលខេត្តស្វាយរៀង​រហូត​សម្រេចការអនុវត្ត​គម្រោងនេះ​ឡើង​លើទឹកដីក្រុងបាវិត​។ ក្នុងពិធីបើកការដ្ឋាន​ ឯកឧត្តមអភិបាលខេត្តស្វាយរៀងបានថ្លែងថា នេះជា​សមិទ្ធផលដ៏មានតម្លៃ និងផ្តល់សារៈ​ប្រយោជន៍ដល់ប្រជាពលរដ្ឋ។ពិសេស​មូលដ្ឋានក្នុងក្រុងបាវិត​។ឯកឧត្តមក៏ថ្លែងអំណរគុណ​ ចំពោះក្រសួង​សាធារណការ និងដឹកជញ្ជូន និងធនាគារ​អភិវឌ្ឍន៍​អាស៊ី​ដែលបានផ្តល់ជូន​គម្រោងទីក្រុង​គួរឱ្យចង់រស់នៅ​។ក្រុងបាវិត គឺជាក្រុងមួយក្នុងចំណោមក្រុងទាំងបី មាន ក្រុង​បាវិត ក្រុងកំពត និងក្រុងប៉ោយប៉ែត​ ដែលទទួលបាននូវគម្រោង​ដ៏មានតម្លៃនេះ ហើយក្នុងចំណោមអនុគម្រោង៥ មានពីរនៅក្រុងបាវិត គឺអនុគម្រោង​សាងសង់​ទីលានទុកដាក់សំរាម (មានទីតាំងនៅភូមិច្រកម្ទេស សង្កាត់ច្រកម្ទេស)ដែល​បានចូលរួមបើកការដ្ឋានសាងសង់កាលពីថ្ងៃទី៣១ ខែមករា ឆ្នាំ២០២៥ មកដល់ពេលនេះដំណើរការសាងសង់សម្រេចបានប្រមាណ៥៤ភាគរយ ។ ឯកឧត្តមបន្តថា ដោយឡែកថ្ងៃនេះគឺបើកការដ្ឋានសាងសង់អនុគម្រោងទី២ នូវប្រព័ន្ធលូ និងស្ថានីយប្រព្រឹត្តកម្ម​ទឹកកខ្វក់ដែលត្រូវប្រើពេលវេលាសាង​សង់ចំនួន៣៦ខែ នឹងបញ្ចប់នៅឆ្នាំ២០២៨ខាងមុខ ដោយចំណាយថវិកា​សាងសង់ជាង២៩លានដុល្លារអាមេរិក។ ឯកឧត្តមបន្ថែមថា​ គម្រោងនេះ​ គឺពិតជាមានភាពសមស្របឆ្លើយតបទៅ​នឹងតម្រូវការជាក់ស្តែង…

(ភ្នំពេញ)៖ ព្រះសង្ឃ និង ប្រជាពុទ្ធបរិស័ទប្រជាង ១ពាន់អង្គ/នាក់ នៅព្រឹកថ្ងៃទី៨ ខែសីហា ឆ្នាំ២០២៥នេះ បានរៀបចំពិធីបុណ្យទក្ខិណានុប្បទាន បង្សុកូល និងប្រគេនចង្ហាន់ ព្រះសង្ឃ សមណសិស្ស ដើម្បីឧទ្ទិសមហាកុសលជូនវីរកងទ័ពខ្មែរដែលបានពលីជីវិត ដើម្បីបូរណភាពទឹកដីខ្មែរ។ ពិធីនេះ ប្រារព្ធធ្វើឡើងនៅវត្តបទុមវតីរាជវរារាម រាជធានីភ្នំពេញ ដោយមានការអញ្ជើញចូលរួមពីសំណាក់ លោកជំទាវ ញ៉ែម សាខន ស ខេង និងលោកជំទាវ កែ សួនសុភី ស សុខា។ ពិធីនេះក៏មានការធ្វើមស្ការព្រះរតនត្រ័យ និងសមាធិ សមាទានសីល និងវេរភត្តាហារប្រគេនព្រះសង្ឃ សមណសិស្ស ,ព្រះសង្ឃ បានធ្វើភត្តានុមោទនា បង្សុកូលប្រមូលបុណ្យកុសលឧទ្ទិសដល់វិញ្ញាណក្ខន្ធវីរកងទ័ពខ្មែរ ដែលបានពលីជីវិតក្នុងការការពារបូរណភាពទឹកដី ដើម្បីសេចក្តីសុខសន្តិភាព ស្ថេរភាព និងភាពសុខសាន្តរបស់ប្រជាពលរដ្ឋខ្មែរជាយូរអង្វែងតរៀងទៅ ។ ព្រះតេជគុណ ព្រីង ឆាង នៅវត្តបទុមវតីរាជវរារាម បានលើកឡើងពីកាតព្វកិច្ចរបស់ព្រះសង្ឃ ក៏ដូចជាប្រជាពុទ្ធបរិស័ទ មានកាតព្វកិច្ចសំខាន់ណាស់នៅក្នុងការចូលរួមរក្សានូវសុខសន្តិភាព ពីការឈ្លានពាននានា ។ តាមរយៈការមើលឃើញពីការលះបង់របស់រាជរដ្ឋាភិបាល ព្រះសង្ឃ ក៏ខិតខំចេញធ្វើសកម្មភាពដើម្បីឱ្យមានសុខសន្តិភាពពិសេសនៅតាមវត្តអារាម នៅពេលធ្វើកិច្ចថ្វាយបង្គុំព្រឹកល្ងាចដើម្បីថ្វាយមេត្តាធម៌ដើម្បីឱ្យបានដឹងថា…

(ខេត្តកណ្តាល)៖ បន្ទាប់ពីមានជម្លោះព្រំដែន កម្ពុជ ថៃ ដែលបង្កឡើងដោយភាគីថៃកន្លងមកនេះ បច្ចុប្បន្នបានធូស្រាលជាបណ្តើរហើយនោះ សូមសិស្សានុសិស្សទាំងអស់ត្រូវយកចិត្តទុកដាក់ខិតខំរៀនសូត្រ និងត្រូវធ្វើខ្លួនឲ្យទៅជាទំពាំងដ៏ល្អ សម្រាប់ស្នងឫស្សី ដើម្បីផលិតនូវធនធានមនុស្សប្រកបដោយគុណភាព ឆ្លើយតបទៅនឹងទីផ្សារការងារ និងការឆ្លើយតបទៅនឹងបរិការណ៍ នៃសកលភាវូបនីយកម្មរីកចម្រើន។ សិស្សានុសិស្សទាំងអស់ មិនត្រូវធ្វើឱ្យខ្លួនធ្លាក់ចុះក្នុងអបាយមុខ និងចៀសវាងពីគ្រឿងញៀន ដែលបង្ករអស្ថេរភាពក្នុងគ្រួសារនិងសង្គម ជាហេតុធ្វើឲ្យវិនាសអន្តរាយដល់ខ្លួនឯង និងអ្នកដទៃ ដែលសង្គមជាតិកំពុងស្អប់ខ្ពើម ពោលគឺត្រូវធ្វើជាឫស្សីដ៏រឹងមាំ ត្រង់ល្អ បរិសុទ្ធ មិនវៀចវេរ ធ្វើឲ្យសង្គមគ្រួសារ និងសង្គមជាតិ ពឹងពាក់ទៅអនាគត។ នេះជាប្រសាសន៍លើកឡើងរបស់ ឯកឧត្តម ជាប ដាវុធ អនុប្រធានក្រុមការងារាជរដ្ឋាភិបាលចុះមូលដ្ឋានស្រុកល្វាឯម និងក្រុងអរិយក្សត្រ និងជាប្រធានចលនាយុវជនក្រុងអរិក្សត្រនិងស្រុកល្វាឯមជាតំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល  ក្នុងពិធីសំណេះសំណាល ជាមួយសិស្សានុសិស្ស ១១៦៤នាក់ ជាបេក្ខជនត្រៀមប្រឡងសញ្ញាបត្រមធ្យមសិក្សាទុតិយភូមិ និង លោគ្រូអ្នកគ្រូ ៧៧នាក់ ស្ថិតក្នុងស្រុកល្វាឯម និងក្រុងអរិយក្សត្រ ខេត្តកណ្តាល នាថ្ងៃទី ០៨ ខែសីហាឆ្នាំ២០២៥នេះ ។ ឯកឧត្តម ជាប ដាវុធ…

(ភ្នំពេញ)៖ លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការក្រសួងការងារ និងបណ្តុះបណ្តាលវិជ្ជាជីវៈ បានអនុញ្ញាតឱ្យនិស្សិតជ័យលាភីអាហារូបករណ៍របស់រដ្ឋាភិបាលសាធារណរដ្ឋអៀរឡង់ (The Ireland Fellowship Programme) សម្រាប់ឆ្នាំ២០២៥-២០២៦ ចូលជួបសំណះសំណាល និងសម្តែងការគួរសម នាព្រឹកថ្ងៃទី៧ ខែសីហា ឆ្នាំ២០២៥ នៅទីស្តីការក្រសួង។ ក្នុងនាមក្រសួងការងារ និងបណ្តុះបណ្តាលវិជ្ជាជីវៈដែលជាសេនាធិការឱ្យរាជរដ្ឋាភិបាលក្នុងការអភិវឌ្ឍវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ លោកជំទាវរដ្ឋលេខាធិការប្រចាំការ បានបញ្ជាក់ជូននិស្សិតជ័យលាភីអាហារូបករណ៍របស់រដ្ឋាភិបាលសាធារណរដ្ឋអៀរឡង់ អំពីបេសកកម្មរបស់ក្រសួង តាមរយៈសកម្មភាពចម្បងរបស់ក្រសួងក្នុងការអនុវត្តគោលនយោបាយពាក់ព័ន្ធនឹងបេឡាជាតិសន្តិសុខសង្គម និងការអប់រំបណ្ដុះបណ្ដាលបច្ចេកទេសនិងវីជ្ជាជីវៈ ដោយស្របតាមយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា។ លោកជំទាវក៏បានផ្ដាំផ្ញើដល់និស្សិតជ័យលាភីឱ្យយកចិត្តទុកដាក់លើការសិក្សា ឆ្លៀតពេលបង្កើតទំនាក់ទំនងល្អជាមួយមិត្តភក្តិ ស្វែងយល់បន្ថែមពីបណ្ដាប្រទេសផ្សេងៗក្នុងតំបន់អឺរ៉ុបឱ្យបានច្រើន ដើម្បីទទួលបានចំណេះដឹងឱ្យកាន់តែទូលំទូលាយបន្ថែមទៀត។ បន្ថែមលើនេះផងដែរ លោកជំទាវលើកទឹកចិត្តឱ្យនិស្សិតជ័យលាភីអាហារូបករណ៍ទាំងអស់ បន្តលើកស្ទួយមុខមាត់កម្ពុជាយើងឱ្យបានកាន់តែល្អលើឆាកអន្តរជាតិតាមនូវអ្វីដែលអាចធ្វើបាន ។ លោកជំទាវបានលើកទឹកចិត្តដល់និស្សិតជ័យលាភីអាហារូបករណ៍ទាំងអស់ ត្រូវនាំយកនូវចំណេះជំនាញ និងបទពិសោធ ដែលទទួលបានពីការសិក្សានៅទីនោះត្រឡប់មកបម្រើការងារនៅមាតុប្រទេសវិញ ក្នុងនាមជាមូលធនមនុស្សប្រកបដោយថាមពល និងថាមវន្ត ដើម្បីចូលរួមអភិវឌ្ឍន៍ប្រទេសជាតិជាមួយរាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ៕ ដោយ ៖ ង៉ាន់…

(បន្ទាយមានជ័យ)៖ ប្រជាពលរដ្ឋដែលជា ជនភាសឹក មករស់នៅទីទួលសុវត្ថិភាព សរុបចំនួន ៦៧១គ្រួសារ ស្ថិតនៅក្នុងស្រុកអូរជ្រៅខេត្តបន្ទាយមានជ័យ ក្នុងនោះក៏បានធ្វើការចែកអំណោយ ជាវគ្គៗ ដោយឡែក។ក្នុងនោះបងប្អូនដែលជាជនភៀសសឹកចំនួន ២៩៤គ្រួសារ ដែលកំពុងស្នាក់នៅបណ្ដោះអាសន្ន ក្នុងបរិវេណ វត្តចាន់សុី ក្នុងស្រុកអូរជ្រៅ កាលពីថ្ងៃទី៧ ខែសីហា ឆ្នាំ២០២៥ រដ្ឋបាលខេត្តបន្ទាយមានជ័យ បានសហការជាមួយ ប្រធានក្រុមការងារ រាជរដ្ឋាភិបាលចុះមូលដ្ឋាន ស្រុកអូរជ្រៅ ដែលដឹកនាំដោយ ឯកឧត្តម អ៊ុ រាត្រី អភិបាលខេត្ត រួមដំណើរដោយ លោកជំទាវ លោក នួម សុភ័ណ្ឌ អ្នកតំណាងរាស្ត្រមណ្ឌលខេត្តបន្ទាយមានជ័យ បានអញ្ជើញចុះសួរសុខទុក្ខនិងផ្តល់ជូននូវអំណោយជូន ដោយក្នុងមួយគ្រួសារ ទទួលបានអង្ករ ២៥គីឡូក្រាម មីជាតិ ១កេស ទឹកបរិសុទ្ធ ១កេស ត្រីខ ១យួរ ទឹកស៊ីអ៊ីវ ១យួរ និងទឹកត្រី ១យួរ។ ឯកឧត្តម អ៊ុ រាត្រី បានមានប្រសាសន៍ថា នាពេលបច្ចុប្បន្ននេះ សភាពការណ៍តាមខ្សែបន្ទាត់ព្រំដែនគឺមានសភាពស្ងប់ស្ងាត់ជាធម្មតាប៉ុន្តែបងប្អូនដែលរស់នៅជិត ព្រំដែនសុំឲ្យរក្សាការរស់នៅក្នុងទីសុវត្ថិភាពសិន…