ខេត្តបាត់ដំបង ៖ ឯកឧត្តម សុខ លូ អភិបាលខេត្តបាត់ដំបង បានដឹកនាំអភិបាលរងខេត្តទទួលបន្ទុកក្រុមការងារតាមបណ្តាស្រុក មន្ទីរជំនាញពាក់ព័ន្ធ ចុះត្រួតពិនិត្យមើល និងធ្វើការផ្ទៀងផ្ទាត់ នូវចំណុចភូមិសាស្ត្រមួយចំនួន ដែលស្ថិតនៅក្នុងដីតំបន់២និងតំបន់៣ មុននិងធ្វើការសម្រេចចិត្ត ដើម្បីពាំនាំសំណូមពររបស់ប្រជាពលរដ្ឋរស់នៅពាក់ព័ន្ធតំបន់ជាក់ស្តែង ដើម្បីជួយជំរុញការស្នើសុំដល់ថ្នាក់ដឹកនាំក្រសួងនិងរាជរដ្ឋាភិបាលធ្វើការពិនិត្យពិចារណាសម្រេច។ ឯកឧត្តម សុខ លូ បន្តថា យើងក៏ត្រូវមានវិធានម៉ឺងម៉ាត់ទប់ស្កាត់ពីភាពមិនច្បាស់លាស់ក្នុងការផ្តល់ការគាំទ្រ លើកទឹកចិត្ត និងមិនត្រូវធ្វើការសម្រេចចិត្តដោយខុសឆ្គងនិងប្រាសចាកពីវិធានច្បាប់ដែលរាជរដ្ឋាភិបាលបានកំណត់ និងបានដាក់ចេញនូវបទបញ្ជាណែនាំដល់គ្រប់កងកម្លាំងនិងអាជ្ញាធរមានសមត្ថកិច្ចគ្រប់ថ្នាក់ក្នុងខេត្ត និងគ្រប់អ្នកពាក់ព័ន្ធកន្លងមក ដែលបាន និង កំពុងកាន់កាប់អាស្រ័យផលនៅក្នុងដីតំបន់២និងតំបន់៣ នេះ ។ ឯកឧត្តម សុខ លូ បានពន្យល់ដល់គ្រប់មន្ត្រីពាក់ព័ន្ធក្នុងមូលដ្ឋានទាំងអស់ នៅក្នុងស្រុកទាំង៣ខាងលើ ជាពិសេស លោកមេភូមិ មេឃុំ ភូមិបាល និងអាជ្ញាធររដ្ឋបាលស្រុក ដោយផ្សារភ្ជាប់ពីទិដ្ឋភាពជាក់ស្តែងដែលបងប្អូនប្រជាពលរដ្ឋក្នុងមូលដ្ឋានទាំងនោះ បានស្នើសុំ តាមរយៈអាជ្ញាធរឃុំ និងស្រុករបស់ខ្លួននីមួយៗ។ ទីតាំងខ្លះស្ថិតក្នុងតំបន់ហាមឃាត់តែផ្អែកលើមូលដ្ឋានភូមិសាស្ត្រ និង កត្តាប្រជាសាស្ត្រការរស់នៅយូរអង្វែងជាក់ស្តែង។ ក្នុងនោះឯកឧត្តមនិងទទួលយកសំណើរធ្វើការពិចារណា ដើម្បីស្នើសុំគោលការណ៍ និង ការអនុញ្ញាតិ ពីថ្នាក់ដឹកនាំក្រសួង និងពីប្រមុខរាជរដ្ឋាភិបាលកម្ពុជា ៕( អត្ថបទ-រូបភាព៖ អ៊ុក…

សៀមរាប៖ មជ្ឈមណ្ឌលសកម្មភាពកម្ចាត់មីនកម្ពុជា (CMAC) កាលពីថ្ងៃទី ២០ ខែមករា បានរៀបចំពិធីបិទវគ្គហ្វឹកហ្វឺនបច្ចេកវិទ្យាឧបករណ៍បោសសម្អាតមីនដល់មន្រ្តីជំនាញសកម្មភាពមីនរបស់ប្រទេសអ៊ុយក្រែន បន្ទាប់ពីហ្វឹកហ្វឺននៅកម្ពុជាអស់រយៈពេលមួយសប្តាហ៍។ក្នុងពិធីបិទបញ្ចប់នោះ អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជាឯកឧត្តម ហេង រតនា សង្ឃឹមថាអ្នកជំនាញទាំងអស់មកពីប្រទេសអ៊ុយក្រែនដែលទទួលបានការហ្វឹកហ្វឺននេះ នឹងប្រើប្រាស់ឧបករ ណ៍ ដោះមីនដែលសមស្របស្ថានភាពជាក់ស្តែង និងមានសុវត្ថិភាព ដើម្បីអនុវត្តនៅក្នុងប្រទេសអ៊ុយក្រែន។ ប្រភព CMAC បានឱ្យដឹងថា រយៈពេលពេញ១សប្តាហ៍នេះ សិក្ខាកាមរបស់អ៊ុយក្រែនទទួលបានការហ្វឹកហ្វឺនប្រកបដោយវិជ្ជាជីវៈ និងបទពិសោធន៍លើទីលានចម្ការមីនជាក់ស្តែង ក្រោមការសហការរវាងគ្រូជំនាញបច្ចេកទេសរបស់អង្គភាពស៊ីម៉ាក់ រួមជាមួយនឹងការបង្ហាញបន្ថែមលើឧបករណ៍បច្ចេកវិទ្យាម៉ាស៊ីនរាវមីន។ CMAC បន្តថា៖‍« ក្នុងវគ្គហ្វឹកហ្វឺននេះដែរ សិក្ខាកាមរបស់អ៊ុយក្រែនបានចាប់អារម្មណ៍យ៉ាងខ្លាំង ព្រមទាំងបានសិក្សាស្វែងយល់បន្ថែមទៀតពីកម្លាំងជំនាញរបស់អង្គភាព CMAC ដែលកំពុងបំពេញប្រតិបត្តិការនៅចម្ការមីន ដែលអាចឆ្លើយតបទៅនឹងស្ថានភាពនៅប្រទេសអ៊ុយក្រែនផងដែរ ដូចជាកម្លាំងជំនាញបោសសម្អាតមីនដោយគ្រឿងចក្រ និងកម្លាំងជំនាញបោសសម្អាតមីនដោយការបញ្ជាសុនខ»។ ការបណ្តុះបណ្តាលនេះ គឺមានគាំទ្រដោយទីភ្នាក់ងារសហប្រតិបត្តិការអន្តរជាតិជប៉ុន (JICA)។កាលពីថ្ងៃទី ១៩ ខែមករា សិក្ខាកាមអ៊ុយក្រែនបានធ្វើទស្សនកិច្ចនៅចំការមីនBS/13959(A2’2) ស្ថិតនៅភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង ផងដែរ។ លោក ព្រីង បញ្ញារិទ្ធ ប្រធានកងឯកភាពកំចាត់មីនទី២ បានស្វាគមន៍សិក្ខាកាមអ្នកដោះមីនមកពីរដ្ឋក្នុងគ្រាអាសន្ននៃប្រទេសអ៊ុយក្រែន SESU និងគណៈប្រតិភូ ព្រមទាំងបានធ្វើបទបង្ហាញពីសមិទ្ធផលនិងសកម្មភាពប្រតិបត្តិការនៃកម្លាំងបោសសម្អាតមីននៅតំបន់កំពុងឈរជើងផងដែរ។ សូមជម្រាបថា…

ភ្នំពេញ:ក្រសួងក្រសួងសង្គមកិច្ច អតីតយុទ្ធជន និងយុវនីតិសម្បទា បានណែនាំដល់មន្ត្រីប្រតិបត្តិករផ្នែកកម្មវិធីជំនួយសង្គមរបស់រដ្ឋាភិបាល ត្រូវពង្រឹងការអនុវត្តកម្មវីធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆាំ្ន និងកម្មវិធីឧបត្ថម្ភសាច់ប្រាក់ផ្សេងទៀត ឱ្យមានប្រសិទ្ធភាពបន្ទាប់ពីរកឃើញនូវភាពខ្វះខាតមួយចំនួន។ សេចក្តីណែនាំរបស់ក្រសួងសង្គមកិច្ច ចុះថ្ងៃទី ១៩ ខែមករា ឆ្នាំ ២០២៣ បានលើកឡើងថា ផ្អែកតាមការវាយតម្លៃជារួមលើការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុ ក្រោម២ឆ្នាំ និងកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ១៩ ក្នុងរយៈពេលកន្លងមក ក្រសួងពិនិត្យឃើញថា ដំណើរការអនុវត្តកម្មវិធីក៏ដូចជាការប្រើប្រាស់អែប(APP) សម្រាប់ការចុះឈ្មោះ និងការអនុវត្តលក្ខខណ្ឌប្រព្រឹត្តទៅដោយរលូន ស្របតាមសុឆន្ទៈរបស់រាជរដ្ឋាភិបាលកម្ពុជា។ សេចក្តីណែនាំបញ្ជាក់ថា៖«ទោះជាយ៉ាងនេះក្តី ក៏នៅមានចំណុចខ្វះខាតមួយចំនួន ដែលតម្រូវឱ្យមានការពង្រឹងបន្ថែមទៀត ដើម្បីឱ្យការអនុវត្តកម្មវិធីកាន់តែមានប្រសិទ្ធភាព»។អាស្រ័យហេតុនេះ ក្រសួងក្រសួងសង្គមកិច្ច អតីតយុទ្ធជន និង យុវនីតិសម្បទា ធ្វើការណែនាំដល់មន្ត្រីប្រតិបត្តិករកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆាំ្ន សម្រាប់រដ្ឋបាលឃុំ សង្កាត់ ។ ក្នុងនោះ រដ្ឋបាលឃុំ សង្កាត់ បន្តពង្រឹងការអនុវត្តកម្មវិធីឧបត្ថម្ភសាច់ប្រាក់ជូនអ្នកទទួលផលដោយអ្នកទទួលបន្ទុកកម្មវិធីនៅឃុំ សង្កាត់មិនត្រូវធ្វើការអនុម័តជំនួសមេឃុំ ចៅសង្កាត់។មេឃុំ ចៅសង្កាត់ ត្រូវផ្តល់ការអនុម័តការចុះឈ្មោះអ្នកទទួលផល ដោយប្រើប្រាស់ឈ្មោះអ្នកប្រើប្រាស់របស់ខ្លួន។ ការចុះឈ្មោះចូលកម្មវិធីសម្រាប់ស្រ្តីមានផ្ទៃពោះ អ្នកទទួលផលអាយុលើសពី១៦ឆ្នាំ ត្រូវដាក់ឈ្មោះ ស្ត្រីមានផ្ទៃពោះ និងថតរូបស្ត្រីមានផ្ទៃពោះ(មិនត្រូវដាក់ឈ្មោះប្តី ឬ អាណាព្យាបាលឡើយ)…