សៀមរាប៖ ស្ថាប័នពាក់ព័ន្ធបានចាត់ទុកថា ក្នុងបរិបទនៃវិស័យ សេដ្ឋកិច្ច និងទេសចរណ៍មានការរីកចម្រើន ការគ្រប់គ្រងសំរាម និង សំណល់រឹង គឺជាបញ្ហាប្រឈមដ៏សំខាន់មួយ ។ទន្ទឹមគ្នានេះ ភាគី ពាក់ព័ន្ធ ក៏បានបង្ហាញការប្តេជ្ញារួមគ្នា លើកកម្ពស់ការគ្រប់ គ្រង សំរាម សំណង់រឹងនៅតាមទីប្រជុំជន និងទីជនបទក្នុងប្រទេសកម្ពុជាឱ្យកាន់ តែប្រសើរឡើង។ ការប្តេជ្ញានេះ ត្រូវបានបង្ហាញឡើងនៅក្នុងសិក្ខាសាលានាសប្តាហ៍មុន ស្តីពីការរៀបចំផែនការសម្រាប់គម្រោង ការលើកកម្ពស់ការគ្រប់គ្រង សំរាម សំណង់រឹងទីប្រជនក្នុងទីក្រុង នៃបណ្តាប្រទេសនៅអាស៊ាន (AMUSE) ក្រោមការចូលរួមពីក្រសួងបរិស្ថាន ទីភ្នាក់ងារសហ ប្រតិបត្តិ ការអាល្លឺម៉ង់ រដ្ឋបាលខេត្តសៀមរាប និងក្រសួងពាក់ព័ន្ធ ស្ថាប័នថ្នាក់ខេត្ត ប្រតិបត្តករទេសចរ សមាគមចុងភៅ និងអង្គការ ដៃគូរអភិវឌ្ឍន៍នានា។ អគ្គនាយករងនៃអគ្គនាយករដ្ឋានគាំពារបរិស្ថាននៃក្រសួងបរិស្ថាន ឯកឧត្តម កែ វង្សវឌ្ឍនា បានលើកឡើងថា បញ្ហាសំរាមសំណល់រឹង បញ្ហាអនាម័យ បញ្ហាគុណភាពទឹក និងបញ្ហាខ្យល់បរិយាកាស គឺជា បញ្ហាប្រឈមដ៏សំខាន់មួយដល់បរិស្ថាន។ លោកថា ក្នុងក្របខ័ណ្ឌ នៃការអនុវត្តគោលនយោបាយ របស់រាជរដ្ឋាភិបាល ការគ្រប់គ្រង សំរាម…

ភ្នំពេញ៖ យោងតាមសេចក្ដីប្រកាសរបស់ក្រសួង ធនធាន ទឹក និង ឧតុនិយម នៅព្រឹក ថ្ងៃ អង្គារ ទី ២៤ ខែមករា ឆ្នាំ ២០២៣នេះ បានឱ្យដឹងថា ធាតុអាកាសអាចចុះត្រជាក់ពីមធ្យមទៅខ្លាំង ចាប់ពីថ្ងៃទី ២៥-៣១ខែ មករា ឆ្នាំ ២០២៣ ស្អែកនេះតទៅ ។ ក្រសួង ធនធាន ទឹក និង ឧតុនិយម បានគូសបញ្ជាក់ថា នៅក្នុងអំឡុងសប្តាហ៌ទី៤ នៃខែមករា នេះ ព្រះរាជាណាចក្រកម្ពុជាទទួលឥទ្ធិពលពីទ្រនុងសម្ពាធខ្ពស់(ចិន) និងខ្យល់មូសុងឦសានបក់ក្នុងល្បឿនពីមធ្យមទៅខ្លាំង ។ ស្ថានភាពបែបនេះធ្វើឲ្យ៖១-តំបន់វាលទំនាប-សីតុណ្ហភាពអប្បបរមា មានពី១៨-២២° C-សីតុណ្ហភាពអប្បបរមា មានពី ២៨-៣៣°C-ធាតុអាកាសអាចចុះត្រជាក់ក្នុងកម្រិតមធ្យម។ ២-តំបន់ខ្ពង់រាប-សីតុណ្ហភាព អប្បបរមា មានពី ១៥-២០°Cសីតុណ្ហភាពអតិបរមា មានពី ២៨-៣១°C-ធាតុអាកាសអាចចុះត្រជាក់ពីមធ្យមទៅខ្លាំង។ ជាពិសេសខេត្តរតនៈគិរី មណ្ឌលគិរី ព្រះវិហារ និងឧត្តរមានជ័យ សីតុណ្ហភាពអប្បបរមា អាចធ្លាក់ចុះមកនៅ ១៥-១៧°C នៅពេលព្រឹកនិងនៅពេលយប់។ ៣-តំបន់មាត់សមុទ្រ…

ភ្នំពេញ ៖ ស្ត្រីម្នាក់បានធ្លាក់ពីលើរុឺម៉កដឹកបន្លែបែកក្បាលសន្លប់ស្ដូកស្ដឹង បន្ទាប់ពីមានជនសង្ស័យមួយក្រុមជិះម៉ូតូមកពីក្រោយធ្វើសកម្មភាពឆក់កាបូបស្ពាយមិនបានសម្រេច បង្កការភ្ញាក់ផ្អេីលកាលពីវេលាម៉ោង៧ និង១០នាទីយប់ថ្ងៃចន្ទ ទី២៣ ខែមករា ឆ្នាំ២០២៣ ត្រង់ចំណុចខាងជើងស្ពានអាកាសស្ទឹងមានជ័យ ប្រហែល៦០ម៉ែត្រ តាមបណ្តោយផ្លូវព្រះមុន្នីរ៉េត(២១៧)ក្នុងសង្កាត់បឹងសាឡាង ខណ្ឌទួលគោករាជធានីភ្នំពេញ ។ ជនរងគ្រោះមានឈ្មោះ មុី រ៉ូ ភេទស្រី អាយុ ៣៥ឆ្នាំ ជនជាតិខ្មែរ មុខរបរលក់បន្លែ ស្នាក់នៅក្នុងសង្កាត់បឹងសាឡាង ខណ្ឌទួលគោក និងមានស្រុកកំណើតនៅឯខេត្តស្វាយរៀង។ តាមសម្ដីអ្នកបើករុឺម៉ករងគ្រោះបានប្រាប់ឲ្យដឹងថា មុនពេលកើតហេតុពួកគាត់បានទិញបន្លែពីផ្សារដើមគរដឹកយកទៅលក់នៅផ្សារជម្ពូវ័ន ខណៈមកដល់ចំណុចកើតហេតុខាងលើក៏ស្រាប់តែលិចមុខជនសង្ស័យមួយក្រុមមានគ្នា ៦នាក់ ជិះម៉ូតូ ៣គ្រឿង មិនចាំស្លាកលេខ បានមកពីក្រោយធ្វើសកម្មភាពឆក់កាបូបលុយស្ពាយចំហៀងខ្លួន ដែលអង្គុយលើរុឺម៉ក បណ្ដាលឲ្យស្ត្រីរងគ្រោះធ្លាក់ពីលើរុឺម៉កបែកក្បាលសន្លប់ស្ដូកស្ដឹង ក្រោយពីឆក់មិនបានសម្រេចជនសង្ស័យទាំងអស់នោះបានជិះម៉ូតូទៅមុខគេចខ្លួនបាត់ស្រមោល។ ក្រោយពីកើតហេតុ ប្រជាពលរដ្ឋបានទាក់ទងហៅរថយន្តសាម៉ុយមកដឹកជនរងគ្រោះទៅមន្ទីពេទ្យយកទៅសង្គ្រោះភ្លាមៗ ។ គួររំលឹកផងដែរករណីឆក់នៅជិតស្ពានអាកាសស្ទឹងមានជ័យតែងតែកើតមានសឹងរាល់ថ្ងៃ ដោយប្រជាពរដ្ឋសំណូមពរដល់កម្លាំងសមត្ថកិច្ចមេត្តាជួយល្បាតក្នុងភូមិសាស្ត្ររបស់ខ្លួនផង ដេីម្បីការពារភូមិ សង្កាត់ ខណ្ឌ មានសុវត្ថិភាព ៕ ដោយ ៖ ជីម ភារ៉ា

រតនគិរី ៖ ក្នុងកិច្ចប្រជុំបូកសរុបលទ្ធផលសកម្មភាពការងារឆ្នាំ២០២២ និងលើកទិសដៅការងារឆ្នាំ២០២៣របស់គណៈកម្មាធិការសាខាកាកបាទក្រហមកម្ពុជា ខេត្តរតនគិរី នៅរសៀលថ្ងៃទី២៣ ខែមករា ឆ្នាំ២០២៣ ឯកឧត្តម ញ៉ែម សំអឿន ប្រធានគណៈកម្មាធិការសាខាកាកបាទក្រហមកម្ពុជា ខេត្តរតនគិរី ថ្លែងថា ក្នុងតួនាទីជាជំនួយការឲ្យអាជ្ញាធរសាធារណៈ ជាស្ថាប័ននាំមុខគេក្នុងវិស័យមនុស្សធម៌ ត្រូវបន្តខិតខំពង្រឹក ពង្រីកសម្មភាពនៃចលនាកាកបាទក្រហម សំដៅជួយសង្គ្រោះជនរងគ្រោះ និង ងាយរងគ្រោះបំផុត។ ឯកឧត្តមក៏បានលើកផងដែរពីផែនការសកម្មភាព និងផែនការថវិកា ត្រូវគិតគូរឱ្យបានហ្មត់ចត់ ដោយផ្អែកលើការអនុវត្តតាមបណ្ដាឆ្នាំកន្លងមក និងត្រូវគិតពីស្ថានភាព ។ ម៉្យាងទៀត រាល់ថវិកាដែលទទួលបានពីសប្បុរជននានា ក៏ត្រូវយកទៅ ធ្វើឲ្យចំគោលដៅ នៃចលនាមនុស្សធម៌ និងទាន់ពេលវេលា ដើមី្បឲ្យម្ចាស់សប្បុរសជន មានទឹកចិត្តចូលរួមក្នុងការឧបត្ថម្ភ ដល់ចលនាកាកបាទក្រហមកម្ពុជា នៅខេត្តរតនគិរី ។ ឯកឧត្តម ប្រធានគណកម្មាធិការបានចាត់ទុកកិច្ចប្រជុំនេះជាឱកាសដ៏មានតម្លៃ និងជាវេទិកាដ៏គាប់ប្រសើរ ដើម្បីឲ្យសមាជិក សមាជិកានៃអង្គប្រជុំអាចធ្វើការ វាយតម្លៃ ដកស្រង់បទពិសោធន៍ការងារល្អៗ និងបំពេញបន្ថែមនូវចំណុចខ្វះខាត ដែលសាខាបានអនុវត្តរយៈពេល១ឆ្នាំកន្លងទៅ ហើយអាចឲ្យយើងត្រួតពិនិត្យឡើងវិញនូវវឌ្ឍនភាពការងារ និងបញ្ហាប្រឈមនានា ក្នុងការអនុវត្តផែនការអភិវឌ្ឍន៍សាខាស្របតាមផែនការយុទ្ធសាស្ត្រ ២០២១-២០៣០ របស់ កាកបាទក្រហមកម្ពុជា ដែលបានផ្តោតលើវិស័យអាទិភាពទាំង៤ ក្នុងន័យបង្កើនប្រសិទ្ធិភាព…