កោះកុង៖ ក្រុមការងារអភិរក្សអណ្តើកនៃអង្គការសមាគមអភិរក្ស សត្វព្រៃ(WCS) និងរដ្ឋបាលជលផល បានរកឃើញពង អណ្តើក ហ្លួងដែលជាប្រភេទសត្វកម្រនិងរងគ្រោះចំនួនបួនសម្បុក នៅលើ ឆ្នេរខ្សាច់សិប្បនិម្មិតក្បែរស្រះបង្កាត់ពូជមួយក្នុងមជ្ឈមណ្ឌលអភិរក្សសត្វល្មូនខេត្តកោះកុង។ ប្រភពពីក្រុមការងារអភិរក្សអណ្តើកនៃអង្គការ WCS បានឱ្យដឹងថា ការរកឃើញថ្មីនេះចាប់ពីថ្ងៃទី១៦ ខែមករា ដោយ រកឃើញមួយ សម្បុក និងថ្ងៃទី១៩ ខែមករារកឃើញបួនសម្បុក ដែលមានពងសរុប ចំនួន ៥៤គ្រាប់ នៅលើឆ្នេរខ្សាច់សិប្បនិម្មិតក្បែរស្រះបង្កាត់ពូជ មួយ ក្នុងមជ្ឈមណ្ឌលអភិរក្សសត្វល្មូនខេត្តកោះកុង។ យោងតាមរូបភាពដែលថតបានដោយម៉ាស៊ីនថតស្វ័យប្រវត្តិដែលក្រុមការងារបានដាក់ចាំថតនៅលើឆ្នេរខ្សាច់នោះ បានបង្ហាញថា មាន អណ្តើកមេជាច្រើនក្បាលបានឡើងពីស្រះបង្កាត់ពូជមកកាយខ្សាច់ទម្លាក់ពងនៅវេលាចន្លោះម៉ោង ៩យប់ដល់ពាក់កណ្តាលយប់កាល ពីថ្ងៃទី១៦ និង១៨ ខែមករា ដើមសប្តាហ៍កន្លងទៅ នេះ។ ប្រភពដដែលបន្តថា នេះគឺជាឆ្នាំទី ៣ ហើយដែលអណ្តើកហ្លួងចិញ្ចឹម បានពងនៅក្នុងមជ្ឈមណ្ឌលក្នុងប្រទេសកម្ពុជា។ ក្រុមការងារអភិរក្សអណ្តើក រំពឹងថានឹងរកឃើញពងអណ្តើកហ្លួង នៅក្នុងមជ្ឈមណ្ឌលនេះបន្ថែមទៀតក្នុងរដូវពងកូនឆ្នាំ២០២៣នេះដែលចាប់ផ្តើមពីខែមករា រហូតដល់ខែមីនា។កាលពីឆ្នាំ២០២២ ក្រុមការងារបានរកឃើញពងអណ្តើកហ្លួងនៅ លើឆ្នេរខ្សាច់ដដែលនេះចំនួន៩សម្បុក មានពងសរុបចំនួន៨១គ្រាប់ និងញាស់បាន ៣៣ កូន។ ការបង្កាត់ពូជអណ្តើកហ្លួងនៅក្នុងមជ្ឈមណ្ឌលគឺជាគោលដៅអភិរក្សរបស់អង្គការ WCS និងរដ្ឋបាលជលផល សំដៅស្តារចំនួនប្រភេទ អណ្តើក…

ភ្នំពេញ៖ នៅថ្ងៃទី ២១ ខែមករា ឆ្នាំ ២០២៣នេះ គឺជាថ្ងៃសែនបុណ្យចូលឆ្នាំចិន ហេតុនេះជនជាតិចិន ពិសេសបងប្អូនខ្មែរដែលជាប់សែស្រឡាយចិន តែងត្រៀមរួចជាស្រេចហើយ នូវចំណីចំណុក គ្រឿងភេសជ្ជៈ ជាដើម សម្រាប់ទុកសែនម្ចាស់ទឹកម្ចាស់ដី និង ជីដូនជីតា នៅថ្ងៃបុណ្យចូលឆ្នាំថ្មីរបស់គេ។ តើអាហារសម្រាប់សែនចូលឆ្នាំចិនបែបណា ដែលជួយឱ្យទទួលជោគលាភ និងមានសិរីសួរស្តីបំផុត ៖ ជាទូទៅក្នុងថ្ងៃបុណ្យចូលឆ្នាំឈានចូលមកដល់ជនជាតិចិន និងបងប្អូនកម្ពុជាសែស្រឡាយចិនតែងត្រៀមរៀបចំ ចំណីអាហារ គ្រឿងភេសជ្ជៈ ផ្លែឈើ ជាដើមសម្រាប់ទុកសែនបុណ្យចូលឆ្នាំថ្មីដើម្បីឱ្យមានជោគសំណាង និងសិរីសួរស្តីដល់ក្រុមគ្រួសាររបស់គេ។ សម្រាប់ថ្ងៃសែនបុណ្យចូលឆ្នាំចិននាឆ្នាំនេះនឹងត្រូវធ្វើឡើងនៅថ្ងៃទី ២១ ខែ មករា ឆ្នាំ២០២៣។ចំណែកថ្ងៃបុណ្យចូលឆ្នាំមាន៣ថ្ងៃទៀតពោលគឺ នៅថ្ងៃទី ២២, ២៣និង២៤ខែមករា ឆ្នាំ២០២៣។ ចំណែក ចំណីអាហារដ៏សំខាន់ សម្រាប់សែនក្នុងថ្ងៃបុណ្យចូលឆ្នាំនេះមានដូចជា សាច់សត្វ សម្លរ ផ្លែឈើ បង្អែម ក្នុងមួយមុខ៣ប្រភេទ ឬ៥ប្រភេទ។ក្រៅពីនេះក៏មានគ្រឿងស្រវឹង តែ បាយ និងក្រដាសមាស ក្រដាសប្រាក់ ជាដើម។ *ពេលព្រឹកសែន ម្ចាស់ទឹកម្ចាស់ដី ជំនាងផ្ទះឬចិនហៅថាទីជុយអៀ ។…

ភ្នំពេញ៖ តម្លៃមុខម្ហូប និងទំនិញប្រើប្រាស់ហាក់មានការឡើងថ្លៃ ក្នុងផ្សារអូឬស្សី សង្កាត់អូឬស្សី២ ខណ្ឌ៧មករា នៃរាជធានីភ្នំពេញ សម្រាប់នៅព្រឹកថ្ងៃទី២០ ខែមករា ឆ្នាំ២០២៣នេះ ក្នុងនោះ រួមមាន៖ តម្លៃជ្រូកខ្វៃ-ជ្រូកខ្វៃតូច ១ក្បាល តម្លៃ ៥០០០០០៛-ជ្រូកខ្វៃធំល្មម ១ក្បាល តម្លៃ ៧៥០០០០៛-ជ្រូកខ្វៃធំ ១ក្បាល តម្លៃ ១០០០០០០៛-ជ្រូកកណ្តុលតូច ១ក្បាល ៤គីឡូក្រាម ៦០០០០០៛-ជ្រូកកណ្តុលធំ ១ក្បាល ៤គីឡូក្រាម ៨០០០០០៛ តម្លៃសាច់ជ្រូក-សាច់សុទ្ធ ១គីឡូក្រាម ២៧០០០៛-ឆ្អឹងជំនី ១គីឡូក្រាម ៣០០០០៛-សាច់បីជាន់ ១គីឡូក្រាម ៣០០០០៛-សាច់ក្រកជ្រូក ១គីឡូក្រាម ២៦០០០៛ តម្លៃសាច់គោ-សាច់ភ្លៅ ១គីឡូក្រាម ៤០០០០៛-សាច់ចម្លក ១គីឡូក្រាម ៤៥០០០៛-សាច់ស្លម្ជូរ ១គីឡូក្រាម ២៥០០០៛-សាច់កំភួនជើង ១គីឡូក្រាម ៣៨០០០៛ តម្លៃចង្កៀងគោម-គោមតូច ១គូ ៤០០០០៛-គោមធំ ១គូ ៦០០០០៛-អាំងបាវ ១ដុំ ១៥០០៛-ដើមអង្គាសីល ១ដើម ២៨០០០០៛-យ័ន្តបិទផ្ទះ…

ភ្នំពេញ ៖ ជាទំនៀមទំលាប់សម្រាប់បងប្អូនប្រជាពលរដ្ឋខ្មែរដែលកាត់ខ្សែស្រឡាយចិន និងវៀតណាម បាននាំគ្នាសម្រុកទិញគ្រឿងរណ្ដាប់សែន ម្ហូបអាហារ និងសម្ភារៈ ដេីម្បីទុកសម្រាប់ប្រារព្ធពិធីបុណ្យចូលឆ្នាំចិន និងវៀតណាម នៅថ្ងៃទី២១ មករា ២០២៣ ស្អែកនេះ ។ ជាក់ស្ដែងនៅតាមផ្សារនានា ក្នុងរាជធានីភ្នំពេញ នាព្រឹកថ្ងៃទី២០ ខែមករា ឆ្នាំ ២០២៣នេះ បងប្អូនប្រជាពលរដ្ឋទាំងអ្នកលក់ និងអ្នកទិញ ដែលភាគច្រើនផ្ដោតលើការទិញគ្រឿងដង្វាយផ្សេងៗសម្រាប់ការសែនព្រេន ជាពិសេស ការតុបតែងផ្ទះសំបែង នាឱកាសពិធីបុណ្យចូលឆ្នាំថ្មីប្រពៃណីជាតិចិន និងវៀតណាម ដែលនឹងប្រព្រឹត្តទៅនៅថ្ងៃទី២១-២២-២៣-២៤ ខែមករា ឆ្នាំ២០២៣ ខណៈនៅថ្ងៃសៅរ៍ ទី២១ គឺជាថ្ងៃសែន ធំតែម្ដង ។ គួរបញ្ជាក់ថា ពិធីបុណ្យចូលឆ្នាំចិន និងវៀតណាម គឺជាជំនឿរបស់បងប្អូនប្រជាពលរដ្ឋខ្មែរ ដែលជាប់ជាខ្សែស្រឡាយ និងគោរពប្រតិបត្តិនូវជំនឿផ្សេងៗជាច្រើន ក្នុងនោះរួមមាន៖ បិទយ័ន្តមុខផ្ទះ លោតម៉ុងសាយ ការសែនព្រេនមានម្ហូបអាហារ នំចំណី ផ្លែឈើតាមចំណង់ចំណូលចិត្ត ដុតក្រដាស អុជធូប នៅព្រះវិហារ យកអំពៅខ្មៅ ស្លឹកមានចូលផ្ទះ និងដាក់តាំងដើមអង្គាសីលនៅក្នុងផ្ទះ ជាពិសេសនោះ គឺមានដំណមជាច្រើន…

កំពង់ឆ្នាំង៖ លោកឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង កាលពីថ្ងៃទី១៩ ខែមករាឆ្នាំ២០២៣ បានដឹកនាំក្រុមការងារមនុស្សធម៌ និងក្រុមការងារយោធិននារីរបស់អង្គភាព បានសហការជាមួយអាជ្ញាធរក្រុង/ស្រុក កងកម្លាំងទាំង ៣ប្រភេទ នាំយក អំណោយដ៏ថ្លៃថ្លារបស់ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ ឧបត្ថម្ភដល់សមាជិកសមាគមអតីតយុទ្ធជន ចំនួន ១៥គ្រួសារ នៅក្នុងស្រុកសាមគ្គីមានជ័យ ដែលរងគ្រោះដោយជំនន់ទឹកភ្លៀង ។ អំណោយដែលត្រូវផ្តល់ជូនសមាជិកសមាគមអតីតយុទ្ធជន ទាំង ១៥គ្រួសារ រួមមាន អង្ករចំនួន ៧៥០គីឡូក្រាម ស័ង្កសី ៣០០សន្លឹក. ស៊ីម៉ងត៍ ៣០បេ. មី ១៥កេស ទឹកត្រី ១៥យួរ ទឹកស៊ីអ៉ីវ ១៥យួរ ត្រីខ ១៥យួរ មុង ១៥ ជែល ១៥ដបធំ រួមនឹងថវិកាមួយចំនួន ៕ សុខ គឹមសៀន

ខេត្តកំពត ៖ ឯកឧត្តមបណ្ឌិត ម៉ៅធនិន អភិបាលខេត្ត ថ្លែងថា របស់ លុយកាក់ ដីធ្លី មិនមានតម្លៃទេ អ្វីដែល មានតម្លៃបំផុតនោះគឹ ទឹកចិត្ត និងស្នាមញញឹម ការគោរព ការសណ្តោសគ្នា មនុស្សដែលមានការសណ្តោសច្រើន យោគយល់ច្រើន មនុស្សនោះហើយដែលមានតម្លៃ គ្រប់គ្រាន់ ថាជាមនុស្ស ។ សម័យមហានគ ៥រយឆ្នាំ យើងមិនដែលបានសុខទេ ប៉ុន្តែពេលនេះ ក្រោមគោលនយោបាយឈ្នះៗ របស់សម្តេចតេជោ ហ៊ុន សែន ដោយសម្តេចបានយកជីវិត ទៅប្តូរយ៉ាងលំបាក នោះយើងទទួលបាននូវភាពសុខសាន្តបំផុត គឺសុខសន្តិភាពយ៉ាងពេញលេញ ទូទាំងបនរទេស និងការអភិវឌ្ឍន៍ ផងដែរ ។ ចំណែក ពុកម៉ែ បងប្អូនយើងវិញ មានការលះបង់តិចតួច មានទំនាស់តិចតួចក្នុងគ្រួសារ ឬក៍នៅភូមិផង របងជាមួយ យើងត្រូវតែមានការលើកលែង ឲ្យគ្នាទៅវិញ ទៅមក នេះហើយដែលជាបញ្ហាសំខាន់ណាស់សម្រាប់យើង ដែលយើងកំពុងតែជ្រកក្រោមឆ័ត្រ ក្រោមម្លប់ នៃសន្តិភាព ។ ឯកឧត្តម អភិបាលខេត្តបានបន្តថាយន្តការដែលត្រូវប្រើ…