ភ្នំពេញ៖ មន្ត្រីជាន់ខ្ពស់ក្រសួងសង្គមកិច្ចបង្ហាញថាការសាងសង់ មជ្ឈមណ្ឌលសំចតប៉ោយប៉ែតសម្រេចបានជាង៣០ភាគរយ។មជ្ឈមណ្ឌលនេះសង់ឡើងទុកដើម្បីបម្រើផលប្រយោជន៍ដល់ពលករចំណាកស្រុក ពិសេសជនរងគ្រោះដោយអំពើជួញដូរមនុស្ស ព្រម ទាំង បណ្ដុះបណ្ដាលជំនាញដល់ពលករ។នេះបើតាមការបញ្ជាក់របស់ មន្ត្រីជាន់ខ្ពស់ក្រសួងសង្គមកិច្ចដែលថ្លែងប្រាប់អ្នកកាសែតនៅថ្ងៃទី១៦ខែមករាឆ្នាំ២០២៣។ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ញ៉ឹក វណ្ណារ៉ា បានឱ្យដឹងថា រូបលោកផ្ទាល់ មន្រ្តីជំនាញ របស់ក្រសួង ព្រមទាំងឯកអគ្គរាជទូតថៃប្រចាំកម្ពុជា និងសហការី បានចុះទៅពិនិត្យការដ្ឋានសាងសង់មជ្ឈមណ្ឌលសំចតស្តារនីតិសម្បទាជនរងគ្រោះប៉ោយប៉ែតដោយផ្ទាល់កាលពីសប្ដាហ៍មុន។លោក អះអាងថា ៖«បច្ចុប្បន្នសម្រេចការសាងសង់បានជាង ៣៣ភាគរយហើយ។មជ្ឈមណ្ឌលសំចតប៉ោយប៉ែតនេះ គឺមានអត្ថប្រយោជន៍ដើម្បីសម្រួលដល់ពលករចំណាកស្រុក ជាពិសេសបង្កើននូវផាសុខភាព និងសុវត្ថិភាពបន្ថែមទៀត។ ម្យ៉ាងទៀតក្រុមការងារ បានចុះពិនិត្យទីតាំងសាងសង់ និងពិនិត្យ កន្លែងផលប៉ះពាល់ ដើម្បីសម្របសម្រួលរកដំណោះស្រាយផងដែរ ធ្វើយ៉ាងណាពន្លឿនគម្រោងនេះឱ្យបញ្ចប់តាមផែនការគ្រោងទុក»។ រដ្ឋលេខាធិការក្រសួងសង្គមកិច្ចរូបនេះ បានបញ្ជាក់ដែរថា នៅ ក្នុង ដំណើរចុះពិនិត្យការដ្ឋានសាងសង់នោះដែរ ភាគីថៃក៏បានទទួលយក សំណើរស្នើសុំការបណ្ដុះបណ្ដាលមន្ត្រីជំនាញកម្ពុជាសម្រាប់បម្រើការងារ ខណៈការបណ្ដុះបណ្ដាលនេះនឹងអនុវត្តនៅក្នុងមជ្ឈមណ្ឌលនេះ រយៈពេលប្រាំមួយខែ ដោយគិតចាប់ពីខែមីនា រហូតដល់ខែសីហា ឆ្នាំ២០២៣។ ពាក់ព័ន្ធនឹងការសាងសង់មជ្ឈមណ្ឌលសំចតប៉ោយប៉ែតនេះ លោក ឆឺតកៀត អាត់ថាក័រ (Cherdkiat ATTHAKOR) ឯកអគ្គរាជទូត ថៃប្រចាំកម្ពុជា បានលើកឡើងថា ការសាងសង់មណ្ឌលនេះ…

ភ្នំពេញ៖ ការបំពេញកិច្ចការក្នុងវិស័យតែងនិពន្ធក៏ដូចជាវិស័យ ដទៃទៀត ដែលមនុស្សភាគច្រើនតែងតែមានគោលដៅចង់បាន ភាពល្អប្រសើរក្នុងជីវភាពរស់នៅប្រចាំថ្ងៃពិសេសភាពរីកចម្រើនខាងហិរញ្ញវត្ថុ។ចំណែកមនុស្សមួយចំនួនតូចមិនបានគិតពីកត្តាទាំងពីរ ខាងលើនោះឡើយ គេអាចគិតលើកត្តាផ្សេងៗជាច្រើនដោយមិនបាន គិតពីវត្ថុបំណងទាំងពីរនេះ។ លោក ប៊ិន រ៉ាត់ ជាអ្នកនិពន្ធម្នាក់ដែលមិនបានគិតលើជីវភាព របស់ ខ្លួនឡើយ ទោះបីលោកត្រូវចំណាយពេលវេលា លុយកាក់លើការ និពន្ធនិងចែកចាយចំណេះដឹងនេះឡើង ហើយក្នុងការតែងនិពន្ធ លោកមានគោលបំណងមួយ និងគោលដៅពីរ។ គោលបំណង របស់លោកគឺ ដើម្បីបញ្ជ្រាបការអាននៅកម្ពុជាក៏ដូចជាចូល រួម បណ្ដុះធនធានមនុស្សក្នុងវិស័យអប់រំតាមដែលអាចធ្វើទៅបាន ជាពិសេស នៅតំបន់ដាច់ស្រយាល និងអ្នកខ្វះលទ្ធភាព ខណៈ គោលបំណងសំខាន់មួយទៀត គឺលោកសំដៅទៅលើមនុស្ស សំខាន់ពីរក្រុម។ គឺក្រុមដែលមិនធ្លាប់ឣានសៀវភៅ ឬមិនចូល ចិត្តអានសៀវភៅ និងក្រុមដែលកំពុងមានបំណងបោះបង់ការសិក្សា។ អ្នកនិពន្ធច្រើនណាស់សរសេរសៀវភៅសម្រាប់ឱ្យអ្នកចូលចិត្តអានសៀវភៅអាន ដោយឡែកលោក ប៊ិន រ៉ាត់ បែរជាសរសេរសៀវភៅ សម្រាប់ឱ្យអ្នកមិនចូលចិត្តអាន ឬមិនធ្លាប់អានសៀវភៅទៅវិញ។ លោកបានអះអាងថា ៖ «នេះអាចសន្មតថា ជារឿងខុសគេ មួយរបស់ខ្ញុំ។ ខ្ញុំដឹងថាបេសកកម្មនេះមិនងាយស្រួលពេកនោះទេ ប៉ុន្តែខ្ញុំបានធ្វើវា កំពុងធ្វើ និងបន្តធ្វើដោយក្ដីសង្ឃឹម។ ការណ៍ ដែលចង់ឱ្យអ្នកមិនមានទម្លាប់អានសៀវភៅងាកមកអាន និងអ្នក…

ភ្នំពេញ ៖ ជំនន់ទឹកស្ទឹងព្រែកត្នោត ដែលកើតមាននៅក្នុងភូមិសាស្ត្រ រាជធានីភ្នំពេញ នៅព្រឹកថ្ងៃទី១៦ ខែមករា ឆ្នំា២០២៣ គឺបានចាប់ផ្តើមស្រកចុះទៅវិញជាបន្តបន្ទាប់ ក្រោយពីនៅភាគខាងលើ នៃស្ទឹងព្រែកត្នោត ក្នុងខេត្តកំពង់ស្ពឺ អស់ភ្លៀង ហើយទ្វារទឹករលាំងជ្រៃ ត្រូវបានទម្លាក់ចុះជាបន្តបន្ទាប់ ទៅតាមបច្ចេកទេស នៃការគ្រប់ គ្រងទឹករួចមក។ លោក ម៉ៅ ប៊ុនធឿន ប្រធានមន្ទីរធនធានទឹក និងឧតុ និយមរាជធានីភ្នំពេញបានឱ្យដឹងថា ទឹកលិចជន់ចូលផ្ទះប្រជាពលរដ្ឋនៅសង្កាត់គងនយ ខណ្ឌដង្កោ រាជធានីភ្នំពេញ បានស្រកចុះបណ្តើរៗហើយ មកទល់ព្រឹកថ្ងៃ ទី១៦ ខែមករា ឆ្នាំ២០២៣នេះ ហើយប្រជាពលរដ្ឋអាចទៅកាន់លំនៅឋានវិញបានខ្លះៗហើយដែរ។ បេីតាមស្ថានភាពទឹកនៅល្ងាចថ្ងៃទី១៥ ខែមករានៅពាមឃ្លាំង ទឹកនៅសល់កម្ពស់ ៥,៥០ ម៉ែត្រ (កម្ពស់ប្រុងប្រយ័ត្ន ៧,៨០ ម៉ែត្រ) នៅទ្វារទឹករលាំងជ្រៃទឹកស្រកមកនៅកម្ពស់ ៧,៧៤ ម៉ែត្រ (កម្ពស់ត្រូវប្រុងប្រយ័ត្ន ៧,៥០ ម៉ែត្រ) បន្ទាប់ពីបានឡើងដល់ កម្ពស់ ៧,៧៨ ម៉ែត្រ។ បន្ទាប់ពីមានភ្លៀងធ្លាក់ជាបន្តបន្ទាប់ពីថ្ងៃទី៩ ដល់ថ្ងៃទី១២ ខែមករា មានកម្រិតដល់ពីជិតដល់…

ភ្នំពេញ ៖ អនុវត្តតាមបទបញ្ជា និងការណែនាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាល រាជធានីភ្នំពេញ នៅយប់ថ្ងៃទី១៥ ខែមករា ឆ្នាំ២០២៣ កម្លាំងអន្តរាគមន៍ពិសេស នៃស្នងការដ្ឋាននគរបាល រាជធានីភ្នំពេញ ដឹកនាំដោយលោកឧត្តមសេនីយ៍ត្រី តឹង សុធី ស្នងការរង ទទួលការងារការិយាល័យ អន្តរាគមន៍ និងតម្រួតបទបញ្ជា បានដឹកនាំកម្លាំង ដើម្បីចេញជួយសង្គ្រោះបងប្អួនប្រជាពលរដ្ឋ ដែលរងគ្រោះដោយសារជំនន់ទឹកភ្លៀង សណ្តស្ទឹងព្រែកត្នោត ក្នុងភូមិសាស្រ្តខណ្ឌដង្កោ រាជធានីភ្នំពេញ។ តាមប្រភពព័ត៌មានពីអាជ្ញាធរខណ្ឌដង្កោ បានឱ្យដឹងថា ស្ថានភាពទឹកស្ទឹងព្រែកត្នោត បានចាប់ផ្តើមឡើងបន្តិចម្តងៗ ត្រឹមតែរយៈពេលបីទៅបួនថ្ងៃ ពាក់ព័ន្ធបញ្ហានេះ អាជ្ញាធរកំពុងតែមមាញឹក ក្នុងការដកស្រង់ស្ថិតិអំពីការលិចលង់នេះ។ អាជ្ញាធរខណ្ឌដង្កោ ក៏បានបញ្ជាក់ឱ្យដឹងថា ក្នុងភូមិសាស្រ្តខណ្ឌដង្កោ មានសង្កាត់ចំនួន៦ ដែលបានកំពុងរងផលប៉ះពាល់ ដោយសារជំនន់ទឹកភ្លៀង នៅសណ្តស្ទឹងព្រែកត្នោតមាន សង្កាត់ដង្កោ, សង្កាត់សាក់សំពៅ, សង្កាត់គងនយ, សង្កាត់ជើងឯក, សង្កាត់ព្រៃស, និងសង្កាត់ស្ពានថ្ម៕ ដោយ៖ ឆៃហួត និងប៊ុនធី

ខេត្តកណ្តាល ៖ ឯកឧត្តម នូវប៉េង ច័ន្ទតារា អភិបាលរងខេត្តកណ្ដាល តំណាងឯកឧត្តម គង់ សោភ័ណ្ឌ អភិបាលខេត្តកណ្ដាល បាននាំយកជំនួយសង្គ្រោះឧបត្ថម្ភជូនប្រជាពលរដ្ឋចំនួន ៣២គ្រួសារ ដែលរងផលប៉ះពាល់ដោយជំនន់ទឹកភ្លៀង នៅស្រុកកណ្ដាលស្ទឹង ខេត្តកណ្ដាលនារសៀលថ្ងៃទី១៥ ខែកមរា ឆ្នាំ២០២៣ ។ ឯកឧត្តម នូវប៉េង ច័ន្ទតារា បានធ្វើការផ្ដាំផ្ញើសាកសួរសុខទុក្ខ ដោយក្ដីនឹករលឹក និងអាណិតអាសូរ ពីសំណាក់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចគតិព្រឹទ្ធបណ្ឌិត ប៊ុនរ៉ានី ហ៊ុន សែន ដែលសម្ដេចទាំងទ្វារតែងតែគិតគូរសុខទុក្ខប្រជាពលរដ្ឋនៅគ្រប់ទីកន្លែង គ្រប់ពេលវេលា គ្រប់កាលៈទេសៈ និងបានណែនាំដល់អាជ្ញាធរគ្រប់លំដាប់ថ្នាក់ ត្រូវយកចិត្តទុកដាក់ជួយសង្គ្រោះប្រជាពលរដ្ឋឱ្យបានទាន់ពេលវេលា ដោយមិនទុកឱ្យប្រជាពលរដ្ឋណាម្នាក់រងគ្រោះ ឬស្លាប់បាត់បង់ជីវិតដោយខ្វះការយកចិត្តទុកដាក់ពីអាជ្ញាធរមូលដ្ឋានឡើយ ពិសេសពាក់ព័ន្ធបញ្ហាគ្រោះមហន្តរាយដោយជំនន់ទឹកភ្លៀង នៅពេលនេះផងដែរ។ ឯកឧត្តមអភិបាលរងខេត្ត បានសំណូមពរដល់ប្រជាពលរដ្ឋដែលរស់នៅតាមមាត់ស្ទឹង ឬព្រែក សូមមានការប្រុងប្រយ័ត្នខ្ពស់ជាមួយ សត្វអសិរពិសនានា ពិសេសចាស់ជរា កុមារតូចៗ មិនត្រូវឱ្យពួកគាត់នៅក្បែរមាត់ទឹក ឬលេងទឹកឡើយ ដែលអាចបង្កឱ្យកើតមានគ្រោះថ្នាក់ណាមួយកើតឡើងជាយថាហេតុ។ ទន្ទឹមនឹងនោះផងដែរ ឯកឧត្តមអភិបាលរងខេត្ត…

ភ្នំពេញ ៖ ជនសង្ស័យ ចំនួន ២៤នាក់ ត្រូវ បាន សមត្ថកិច្ច ឃាត់ខ្លួន ក្នុង ប្រតិបត្តិការ ប ង្ក្រា ទ បទល្មើស គ្រឿងញៀន ចំនួន ១០ករណី នៅទូ ទាំង ប្រទេស កម្ពុជា កាលពីថ្ងៃ ទី ១៦ ខែមករា ឆ្នាំ២០២៣ ម្សិលមិញ។ នេះបើយោងតាមប្រភពព័ត៌មានពីសមត្ថកិច្ចជំនាញ អគ្គនាយកដ្ឋាននគរបាលជាតិ បានឱ្យដឹងនៅព្រឹកថ្ងៃទី១៦ ខែមករា ឆ្នាំ២០២៣នេះ។ ក្នុងចំណោមជនសង្ស័យចំនួន ២៤នាក់ រួមមាន៖ ជួញដូរ ២ករណី ឃាត់ ៥នាក់, ដឹកជញ្ជូន រក្សាទុក ៣ករណី ឃាត់ ៥នាក់, ប្រើប្រាស់ ៥ករណី ឃាត់ ១៤នាក់, រួមទាំងវត្ថុតាងមួយចំនួន ត្រូវបានប្រមូលទុកជាភស្តុតាង។ សូមបញ្ជាក់ថា សកម្មភាពខាងលើ បានធ្វើនៅបួនខេត្ត រួមមាន៖…