ក្នុងឆ្នាំនេះ បញ្ហាអាកាសធាតុចុះត្រជាក់ខ្លាំង រួមផ្សំជាមួយភ្លៀងកក់ខែផងនោះ បាន និងកំពុងជះផលអាក្រក់ដល់ដំណាំស្វាយចន្ទី ដែលរងការខូចខាតទាំងផ្លែ និងក្តិប ហើយអាចនាំឱ្យទិន្នផលឆ្នាំនេះថយចុះ។ ការចុះត្រជាក់ខ្លាំងចាប់ពី ១៨ដល់២០អង្សាសេ នឹងធ្វើឱ្យផ្កាកំពុងលូតលាស់ពុំព្រមរីក និងកាន់ផ្លែទេ។ ចំណែកភ្លៀងកក់ខែវិញ បានជះផលអាក្រក់ខ្លាំងបំផុតដល់ចន្ទី ក្នុងអំឡុងពេលកំពុងចេញផ្កា ពោលគឺធ្វើឲ្យរលាក ហើយរលួយ ព្រោះទឹកភ្លៀងមានសារជាតិអាស៊ីតខ្ពស់។ ក្រៅពីនេះ ភ្លៀងកក់ខែ ក៏ដូចជាមេឃអាប់អួរ នឹងជះផលអាក្រក់ ធ្វើឱ្យសត្វល្អិតកើនឡើងឆាប់រហ័ស ជាពិសេស មមាចសណ្តែក និងដង្កូវស៊ីត្រួយ ដែលនាំគ្នាបឺតជញ្ជក់ទឹកដមផ្កា និងធ្វើឱ្យផ្កាក្រៀមស្វិត។ នេះបើយោងតាមការពន្យល់របស់លោក អួន ស៊ីឡុត ប្រធានសមាគមស្វាយចន្ទីកម្ពុជា។ លោក អួន ស៊ីឡុត បានលើកឡើងថា កត្តាអាកាសធាតុឆ្នាំនេះ ដែលត្រជាក់ខុសពីធម្មតា នឹងជះផលអាក្រក់យ៉ាងខ្លាំងដល់ទិន្នផល។ ស្វាយចន្ទីបានចេញផ្កាច្រើនណាស់ តែដោយសារអាកាសធាតុត្រជាក់អូសបន្លាយពេលយូរ បង្កឱ្យក្តិបគាំងមិនចេញផ្លែ ពោលគឺចេញផ្លែមិនដល់៥%ផង។ ការប៉ះពាល់នេះ គឺមាន២ដំណាក់កាល លើកទីមួយក្នុងដើមខែវិច្ឆិកា និងលើកទី២ នៅចុងខែកុម្ភៈ ឆ្នាំ២០២៦នេះ។ ទោះបីយ៉ាងណា ស្ថានភាពអាក្រក់នេះ គឺប្រែប្រួលទៅតាមតំបន់ផ្សេងៗគ្នា ហើយស្ថានភាពខូចខាតក៏ខុសគ្នាដែរ។ ចំពោះទំហំនៃការប៉ះពាល់លើការផ្គត់ផ្គង់ទីផ្សារ លោកប្រធានសមាគមស្វាយចន្ទីកម្ពុជាមិនទាន់អាចវាយតម្លៃឱ្យបានត្រឹមត្រូវនៅឡើយទេ…

ភ្នំពេញ៖ភ្នាក់ងារស៊ើបអង្កេតសហព័ន្ធអាម៉េរិក (FBI) បានប្រកាសប្រឆាំងនឹងបណ្តាញឆបោកខ្នាតធំ នៅអាស៊ីអាគ្នេយ៍ ដោយអះអាងថា នឹងតាមកម្ទេចឱ្យដល់សំបុក ទោះបីជាក្រុមឧក្រិដ្ឋជនទាំងនោះព្យាយាមប្រើប្រាស់ព្រំដែន សម្រាប់ជ្រក​កោនក៏ដោយ។ យោងតាមសារព័ត៌មាន TRT World លោក Scott Schelble អនុប្រធានផ្នែកប្រតិបត្តិការអន្តរជាតិរបស់ FBI បានបង្ហាញ​ជំហរម៉ឺងម៉ាត់បំផុត បន្ទាប់ពីលោកបានចុះពិនិត្យមជ្ឈមណ្ឌលឆបោកដោយផ្ទាល់នៅក្នុងប្រទេសថៃ កម្ពុជា និងវៀតណាម។ លោកបានបញ្ជាក់ថា សហរដ្ឋអាម៉េរិកបានប្តេជ្ញាចិត្តដឹកនាំការប្រយុទ្ធប្រឆាំងនឹងបណ្តាញឧក្រិដ្ឋជនចិន ដែលបង្កើតការ​ចំណេញ​រាប់ពាន់លានដុល្លារពីការបោកប្រាស់ជនជាតិអាម៉េរិកជារៀងរាល់ថ្ងៃ។ ក្នុងសន្និសីទសារព័ត៌មានកាលពីថ្ងៃអង្គារនេះ លោក Schelble លើកឡើងថា ក្រុមឧក្រិដ្ឋជនទាំងនេះប្រតិបត្តិការយ៉ាងទំនើប ដោយឆ្លៀតឱកាសពីចន្លោះប្រហោងនៃច្បាប់បច្ចេកវិទ្យា ដើម្បីកេងប្រវ័ញ្ចលើមនុស្សងាយរងគ្រោះ និងបង្កឱ្យមានការរំលោភ​សិទ្ធិមនុស្សយ៉ាងធ្ងន់ធ្ងរ រួមមានការធ្វើទារុណកម្ម និងការបង្ខំឱ្យធ្វើពលកម្មជាដើម។ ប្រភពដដែលបានគូសបញ្ជាក់ថា បច្ចុប្បន្ន FBI បានដាក់ពង្រាយភ្នាក់ងារឱ្យធ្វើការជាមួយប៉ូលីសថៃ លើក្រុមការងាររួម​ប្រឆាំងនឹង​ការឆបោក ដែលបានបង្អាក់បណ្តាញជាច្រើន កំណត់អត្តសញ្ញាណជនរងគ្រោះ និងកំណត់គោលដៅលើហេដ្ឋារចនាសម្ព័ន្ធ​ហិរញ្ញវត្ថុដែលគាំទ្រសកម្មភាពទាំងនេះ។ លោកបានលើកឡើងថា FBI ក៏ធ្លាប់បានសហការជាមួយប៉ូលីសកម្ពុជានាពេលកន្លងមក ដើម្បីសហការបោសសម្អាតសំបុក​ឆបោក​នៅក្នុងស្រុក ហើយសង្ឃឹមថា នឹងមានកិច្ចពិភាក្សា ដើម្បីពង្រឹងកិច្ចសហការជាមួយប្រទេសវៀតណាមផងដែរ។ យោងតាមរបាយការណ៍របស់អង្គការសហប្រជាជាតិ កម្រិតនៃការរំលោភបំពានក្នុងសំបុកឆបោកទាំងនោះ គឺមានភាពរន្ធត់ខ្លាំង រួមមានទាំងការរំលោភផ្លូវភេទ និងការជួញដូរមនុស្ស ដែលទាមទារឱ្យមានការអន្តរាគមន៍តាមផ្លូវច្បាប់ជាបន្ទាន់ និងម៉ឺងម៉ាត់​បំផុត៕…

លោកជំទាវបណ្ឌិត ពេជ ចន្ទមុន្នី សរសើរអ្នកចូលរួមបេសកកម្មជួយពលរដ្ឋភៀសសឹក គ្រួសារយុទ្ធជនរបួស និងពលីនៅ​ព្រំដែនកម្ពុជា-ថៃ ភ្នំពេញ៖លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានថ្លែងកោតសរសើរដល់មន្ត្រី អ្នកស្ម័គ្រចិត្ត និងយុវជននៃសាខាកាកបាទ​ក្រហមកម្ពុជានៅតាមបណ្តោយព្រំដែនកម្ពុជា-ថៃ ដែលបានខិតខំប្រឹងប្រែងជម្នះរាល់ការលំបាកក្នុងការបំពេញ​បេសកកម្ម​មនុស្ស​ធម៌ជួយប្រជាពលរដ្ឋភៀសសឹក គ្រួសារយុទ្ធជនរបួស និងពលី ។ ថ្លែងក្នុងពិធីបិទកិច្ចប្រជុំបូកសរុបលទ្ធផលការងារយុវជន និងអ្នកស្ម័គ្រចិត្តកាកបាទក្រហមកម្ពុជា ឆ្នាំ២០២៦កាលថ្ងៃទី២៤ ខែកុម្ភៈ ឆ្នាំ២០២៦ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា បានថ្លែងនូវ​ការកោតសរសើរ និងថ្លែងអំណរគុណចំពោះមន្ត្រី បុគ្គលិក អ្នកស្ម័គ្រចិត្ត និងយុវជន នៃសាខាកាកបាទក្រហម​កម្ពុជានៅ​តាម​បណ្តោយព្រំដែនកម្ពុជា-ថៃ មានដូចជា ព្រះវិហារ ឧត្តរមានជ័យ បន្ទាយមានជ័យ បាត់ដំបង ពោធិ៍សាត់ កោះកុង និងខេត្ត​សៀមរាប និងក្រុមប្រតិបត្តិនៅថ្នាក់កណ្តាល ដែលបានខិតខំប្រឹងប្រែងជម្នះរាល់ការលំបាកក្នុងការបំពេញបេសកកម្ម​មនុស្សធម៌​ជួយប្រជាពលរដ្ឋភៀសសឹក គ្រួសារយុទ្ធជនរបួស និងពលី រួមជាមួយការអនុវត្តផែនការក្រៅអាទិភាពជួយផ្នែកបច្ចេកទេស និងការបណ្តុះបណ្តាលកសាងសមត្ថភាព អ្នកស្ម័គ្រចិត្ត យុវជនកាកបាទក្រហមកម្ពុជា ក្នុងតំបន់ប្រឈមខ្ពស់ និងតាមមណ្ឌល​សុវត្ថិភាព។ លោកជំទាវបណ្ឌិត ក៏បានថ្លែងអំណរគុណចំពោះសាខានៃបណ្តាខេត្តផ្សេងៗទៀត ដែលបានកៀរគរមូលនិធិ…

រាជរដ្ឋាភិបាលកម្ពុជាបានប្រកាសដាក់ឱ្យអនុវត្តន៍ជាផ្លូវការនូវកម្មវិធីជាតិគាំពារសង្គម ដើម្បីជំរុញការចាកចេញពីភាពក្រីក្រ កាលពីដើមខែធ្នូ ឆ្នាំ២០២៥កន្លងទៅ ដោយចាប់ផ្តើមអនុវត្តមុនគេ ក្នុងស្រុកទឹកផុស នៃខេត្តកំពង់ឆ្នាំង និង ស្រុករវៀង នៃខេត្តព្រះវិហារ លើគ្រួសារគោលដៅចំនួន ៥ ០០០ គ្រួសារ ដែលមានជីវភាពក្រីក្រ មានបណ្ណសមធម៌។ នេះគឺជាការបោះជំហានថ្មីមួយបន្ថែមទៀត ក្នុងដំណើរនៃការអភិវឌ្ឍប្រព័ន្ធគាំពារសង្គមកម្ពុជា ដោយឈរលើអភិក្រម ៖ «ពង្រឹងប្រព័ន្ធ ដើម្បីពង្រីកការគ្របដណ្តប់» និងឈរលើស្មារតី «មិនបោះបង់ពលរដ្ឋណាម្នាក់»។ គោលដៅសំខាន់នៃកម្មវិធីនេះ គឺបន្តអភិវឌ្ឍមូលធនមនុស្ស, លើកកម្ពស់កម្រិតជីវភាពពលរដ្ឋ, និង កាត់បន្ថយភាពក្រីក្រ ព្រមទាំងកសាងភាពធន់របស់ពលរដ្ឋ ទប់ទល់នឹងការប្រែប្រួលអាកាសធាតុ ក៏ដូចជាស្របតាមចក្ខុវិស័យដ៏ពិសិដ្ឋរបស់សម្តេចមហាបវរធិបតី នាយករដ្ឋមន្ត្រី នោះគឺ៖ «ការបង្រៀនពលរដ្ឋ ស្ទូចត្រី បន្ថែមលើការផ្តល់ត្រីដល់ពួកគាត់» ។ ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម មានប្រសាសន៍កាលពីពេលថ្មីៗកន្លងទៅនេះថា កម្មវិធីជាតិគាំពារសង្គម ដើម្បីជំរុញការចាកចេញពីភាពក្រីក្រ នឹងផ្តល់ជូនគ្រួសារគោលដៅនូវថវិកាសរុបប្រមាណជិត ១,៨លានរៀល បន្ថែមលើប្រាក់ឧបត្ថម្ភប្រចាំខែរបស់រាជរដ្ឋាភិបាល ដែលផ្តល់ជូនពួកគាត់តាមរយៈកម្មវិធីជាតិជំនួយសង្គមក្នុងកញ្ចប់គ្រួសារ។ តាមរយៈកម្មវិធីនេះ, គ្រួសារនីមួយៗនឹងទទួលបានកញ្ចប់អត្ថប្រយោជន៍ដែលមានភាពប្រទាក់ក្រឡា និងបំពេញឱ្យគ្នា ចំនួន…

ភ្នំពេញ៖ នៅថ្ងៃទី១៧ ខែកុម្ភៈ ឆ្នាំ២០២៦ លោកជំទាវ ប្រាក់ ច័ន្ទណយ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានដឹកនាំក្រុមការងារសុវត្ថិភាពលើប្រព័ន្ធអនឡាញក្រសួងប្រៃសណីយ៍និងទូរគមនាគមន៍ ចូលរួមយុទ្ធនាការគាំទ្រទិវាសុវត្ថិភាពអ៉ីនធឺណិតឆ្នាំ២០២៦ ក្រោមប្រធានបទ “ ការប្រើប្រាស់ AI ប្រកបដោយសុវត្ថិភាព ក្រមសីលធម៌ និងទំនួលខុសត្រូវ” ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណ:កម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) នៅសាកលវិទ្យាល័យភូមិន្ទកសិកម្មចំការដូង ដោយមានសមាសភាពចូលរួមពី ឯកឧត្តម លោកជំទាវ តំណាងក្រសួង ស្ថាប័ន ក្រុមហ៊ុនផ្តល់សេវាកម្មឌីជីថល គណ:គ្រប់គ្រងសាលា គ្រូបង្រៀន សិស្ស និស្សិត ស.ស.យ.ក កាយរឹទ្ធិ និងកាកបាទក្រហម សរុបប្រមាណ ២,៥០០ នាក់។ នៅក្នុងឱកាសនោះ លោកជំទាវរដ្ឋលេខាធិការ ប្រាក់ ច័ន្ទណយ ក៏បានទទួលលិខិតសរសើរពី ឯកឧត្តមអភិសន្តិបណ្ឌិត ស សុខា ជូនចំពោះក្រសួងប្រៃសណីយ៍និងទូរគមនាគមន៍ ដែលបានចូលរួមសហការក្នុងយុទ្ធនាការគាំទ្រទិវាសុវត្ថិភាពអ៊ីនធឺណិតផងដែរ។យុទ្ធនាការសុវត្ថិភាពអ៊ីនធឺណិត ឆ្នាំ២០២៦ រៀបចំឡើងក្នុងគោលបំណងដើម្បីលើកកម្ពស់ការប្រើប្រាស់បច្ចេកវិទ្យាឌីជីថលប្រកបដោយសុវត្ថិភាព និងការទទួលខុសត្រូវជាងមុន…

🔎 គណៈបញ្ជាការឯកភាពរដ្ឋបាលរាជធានីភ្នំពេញបានបន្តយុទ្ធនាការបោសសម្អាតទីតាំងសង្ស័យលួចលាក់ប្រព្រឹត្តិបទល្មើសឆបោកតាមប្រព័ន្ធបច្ចេកវិទ្យា (Online Scams) ដោយចុះត្រួតពិនិត្យទីតាំងសរុបចំនួន ២ ៧០៩ ទីតាំង ពីថ្ងៃទី០៣ ដល់ថ្ងៃទី១៨ ខែកុម្ភៈ ឆ្នាំ២០២៦ ដោយរកឃើញជនបរទេសស្នាក់នៅចំនួន ២១ ១០៤ នាក់ ក្នុងនោះមានស្ត្រី ៦ ៦៨៣ នាក់។ ក្នុងប្រតិបត្តិការទាំងនេះ អាជ្ញាធរបានបង្ក្រាបករណីឆបោកអនឡាញចំនួន៤០ករណី ឃាត់ខ្លួនជនសង្ស័យ ២៨៤នាក់ មាន ១៣សញ្ជាតិ (វៀតណាម ចិន មីយ៉ាន់ម៉ា កូរ៉េខាងត្បូង ម៉ាឡេស៊ី នេប៉ាល់ បង់ក្លាដេស ឥណ្ឌា ស្រីលង្កា ហ្វីលីពីន ឥណ្ឌូណេស៊ី ប៉ាគីស្ថាន និងសិង្ហបុរី)។ ទីតាំងដែលត្រូវបានចុះត្រួតពិនិត្យ និងបង្ក្រាប រួមមាន អគារ ខុនដូរ អាផាតមិន បុរី ផ្ទះសំណាក់ និងសណ្ឋាគារ នៅក្នុងភូមិសាស្ត្រខណ្ឌទាំង ១៤ នៃរាជធានីភ្នំពេញ។ ប្រតិបត្តិការនេះដឹកនាំដោយ ឯកឧត្តម ឃួង ស្រេង…

កំពង់ធំ៖មិនយូរប៉ុន្មានវិទ្យាល័យថ្មីសន្លាងមួយនឹងលេចចេញជារូបរាង លើទឹកដីស្រុកសន្ទុក ខេត្តកំពង់ធំ ។វិទ្យាល័យ ជា ចាន់តូ មានបេសកកម្ម ចម្បងដើម្បីផ្ដល់ឱកាសដល់សិស្សានុសិស្សទទួលបានការអប់រំបែបស្តង់ដារអន្តរជាតិ បើទោះបីមកពី​គ្រួសារ​ក្រីក្រ ឬស្ថិតនៅក្នុងតំបន់ដាច់ស្រយាល យ៉ាងណាក្តី ។ វិទ្យាល័យ ជា ចាន់តូ នឹងសាងសង់លើផ្ទៃដីជាង ១០ហិកតា ស្ថិតក្នុងស្រុក សន្ទុក ខេត្តកំពង់ធំ ។ជាវិទ្យាល័យថ្មី បន្ថែមលើ​វិទ្យាល័យដែលមានស្រាប់ នៅក្នុងស្រុកនេះ។​ជាវិទ្យាល័យដែលចំណតយានយន្ត អគាររដ្ឋបាល អាហារដ្ឋាន បណ្ណាល័យ អគារ ពិសោធន៍ អគារថ្នាក់រៀន តារាងលេងកីឡា អគារស្នាក់នៅរបស់សិស្ស និងអគារស្នាក់នៅរបស់គ្រូ។ វិទ្យាល័យនេះ នឹងផ្ដល់ជូននូវកម្មវិធីសិក្សាសម្បូរបែបដល់សិស្ស ដើម្បី អភិវឌ្ឍន៍ចំណេះដឹង ជំនាញ និងគុណតម្លៃ ជាពិសេស ត្រូវបានទទួល ស្គាល់ដោយអន្តរជាតិ ខណៈវិទ្យាល័យមួយនេះក៏នឹងផ្ដល់នូវការអប់រំ តាមបែបព្រះពុទ្ធសាសនា ផងដែរ ។ ក្នុងពិធីបញ្ចុះបឋមសិលាសាងសង់អគារ វិទ្យាល័យ ជា ចាន់តូ កាលពី ថ្ងៃទី១៩ ខែកុម្ភៈ ឆ្នាំ២០២៦ ដោយមានការចូលរួមពី លោកជំទាវ…

ភ្នំពេញ៖ក្រសួងកសិកម្មរុក្ខាប្រមាញ់ និងនេសាទបានបង្ហាញនូវការ រកឃើញកូនផ្សោតកើតថ្មីមួយក្បាល​ទៀតដែលកើត​ចំថ្ងៃទី១៤ ខែកុម្ភៈ ឆ្នាំ២០២៦ជាទិវានៃក្តីស្រឡាញ់។វត្តមានកូនផ្សោតកើត​ថ្មីនេះ​នាំឱ្យចំនួនសត្វផ្សោត​ទន្លេមេគង្គកម្ពុជាកើនដល់ចំនួន១១៣ក្បាល ។ ក្រសួងកសិកម្មបានឱ្យដឹងនៅថ្ងៃទី១៧ ខែកុម្ភៈ នេះថា ការរកឃើញកូនផ្សោតទើបកើតថ្មីនេះធ្វើឡើង​ដោយក្រុម​ស្រាវជ្រាវនៃរដ្ឋបាលជលផលនិងអង្គការ WWF។រូបភាពកូនផ្សោតដែលទើបរកឃើញថ្មី​ត្រូវបានគេថតរូបភាព​បាននៅ​តំបន់អភិរក្សអន្លង់ផ្សោតកាំពី ស្រុកចិត្របុរី ខេត្តក្រចេះ នៅថ្ងៃអង្គារទី១៧ ខែកុម្ភៈ ខណៈអ្នកជំនាញអះអាងថា វាបានកើតកាលពីថ្ងៃទី១៤ ខែកុម្ភៈ ។ តាមរយៈកូនផ្សោតកើតថ្មីនេះ ក្រសួងកសិកម្មបង្ហាញថា ចំនួនសត្វផ្សោតទន្លេមេគង្គបានកើនដល់ ១១៣ក្បាល។ដោយឡែកគិតចាប់ពីឆ្នាំ២០២៥ដល់ថ្ងៃទី១៧ ខែកុម្ភៈឆ្នាំ ២០២៦កំណត់ត្រាទាក់ទងនឹងសត្វផ្សោត​ពុំមានករណី​សត្វផ្សោតស្លាប់ទេ ៕ ដោយ៖ម៉ាដេប៉ូ

ភ្នំពេញ៖កម្មវិធីស្បៀងអាហារពិភពលោក (WFP)នៃអង្គការសហប្រជា​ជាតិ(អ.ស.ប.)បានឱ្យដឹងថា ក្នុងខែមករា ឆ្នាំ​២០២៦ជនភៀសសឹក​ចំនួន៧៩.០៣៣នាក់ ទទួលបានជំនួយបន្ទាន់សម្រាប់គាំទ្រជីវភាព​ប្រចាំថ្ងៃរបស់ពួកគេ។ជនភៀសសឹកទាំងជិត៨ម៉ឺន​នាក់នេះស្ថិតក្នុង​ចំណោមជនភៀសសឹកជាង១១ម៉ឺននាក់ដែលមិនទាន់អាចត្រឡប់ទៅលំនៅឋានវិញ។ ជំនួយទាំងនោះមានការចូលរួមរួមគ្នាពីដៃគូមនុស្សធម៌រវាងប្រទេសកម្ពុជា និងប្រទេសជប៉ុន,កយកា​នៃប្រទេស​កូរ៉េ​(KOICA), ជំនួយពីប្រទេស​បារំាង រុស្ស៊ី អាម៉េរិក និងពីអ្នកផ្តល់ជំនួយនៃវិស័យឯកជន។ តាមរបាយការណ៍ដដែលបានឱ្យដឹងថា គិតត្រឹមខែមករា ឆ្នាំ២០២៦ ពលរដ្ឋជនភៀសសឹក​ជាង២៣ម៉ឺន​នាក់ទទួល​បានជំនួយជាស្បៀង អាហារូបត្ថម្ភ និងជម្រកស្នាក់នៅបណ្តោះអាសន្ន ក្រោមការឧបត្ថម្ភពីដៃ​គូមនុស្សធម៌នានា​ជាមួយរាជរដ្ឋាភិបាលកម្ពុជា។ ចាប់តាំងពីខែមិថុនាមក ពលរដ្ឋភៀសសឹកប្រមាណជាង១០ម៉ឺននាក់ក្នុង​ខេត្តចំនួន៧ បានទទួលការគាំទ្រ​ពីវេទិការឆ្លើយ​តបមនុស្សធម៌ (HRF) និងអង្គការសហប្រជាជាតិ ផ្នែកអនាម័យ ទឹកស្អាត សុខភាព ការអប់រំ ស្បៀងអាហារ និងជម្រក​ស្នាក់​នៅ។ជំនួយទាំងនេះ ស្របពេលដែលរាជរដ្ឋាភិបាលកំពុងយកចិត្ត​ទុកដាក់​លើការសាងសង់ជម្រកបណ្តោះអាសន្នចំនួន​៣.០០០​ខ្នងសម្រាប់​ជនភៀសសឹក ក្នុងខេត្តជាប់ព្រំដែនចំនួន៣ គឺខេត្តបន្ទាយមានជ័យ ឧត្តរមានជ័យ និងខេត្តព្រះវិហារ។ លំនៅឋានរបស់ពួកគេរាប់រាយខ្នងត្រូវយោធាថៃវាតយកទៅកាន់កាប់ក្រោយពីបទឈប់បាញ់កាលពីថ្ងៃទី២៧ ខែធ្នូ ឆ្នាំ២០២៥។ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជាបាន​លើកឡើងថា រាជរដ្ឋាភិបាលកម្ពុជា បាន និងកំពុងប្រើ​គ្រប់យន្តការ ទាំងការទូត និងផ្លូវច្បាប់ ដើម្បីទាមទារយក ទឹកដី និងផ្ទះសម្បែងពលរដ្ឋ​ត្រឡប់មកវិញ។ ប៉ុន្តែ​ឯកឧត្តមគូសបញ្ជាក់ថា ការទាមទារនេះ នឹងត្រូវការពេលវេលាយូរតទៅទៀត។ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលបានថ្លែងនៅក្នុង​សន្និសីទកាលពីថ្ងៃអង្គារថា…

ភ្នំពេញ៖កម្មវិធីរាត្រីសមោសរ ចូលឆ្នាំថ្មីប្រពៃណីចិនឆ្នាំមមី ២០២៦ ត្រូវបាន​រៀបចំឡើងនៅសមាគមមិត្តភាពកម្ពុជា-ចិន រាជ​ធានីភ្នំពេញ នាថ្ងៃទី១៦ ខែកុម្ភៈ ឆ្នាំ២០២៦ ក្រោមវត្តមានអញ្ជើញចូលរួមពីឯកឧត្តម ឯក សំអុល ឧត្តមប្រឹក្សាព្រះមហាក្សត្រ និងជាប្រធានសមាគមមិត្តភាព​កម្ពុជា-ចិន ព្រមទាំងយុវជនប្រទេសទាំងពីរ និង ភ្ញៀវកិត្តិយសយ៉ាង​ច្រើនកុះករ។ លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានឱ្យដឹងថា ពិធីបុណ្យចូលឆ្នាំចិនត្រូវបាន​ចុះបញ្ជី​ជាបេតិកភណ្ឌ​វប្បធម៌​អរូបីនៃមនុស្សជាតិដោយអង្គការយូណេស្កូ នាថ្ងៃទី៤ ខែធ្នូ ឆ្នាំ២០២៤ ។ក្រោយការចុះបញ្ជីបានធ្វើ​ឱ្យ​ពិធីបុណ្យ​ដែលមាន​អាយុកាល​ជិត៤ពាន់ឆ្នាំនេះកាន់តែមានវិសាលភាពសកល និងរួមចំណែកបង្កើន​កម្លាំងដល់កិច្ចកសាង​សហគមន៍​ជោគវាសនារួមនៃមនុស្សជាតិ។ កញ្ញា ចាង យ៉ានពីង(Zhang Yanping) តំណាងវិទ្យុមិត្តកម្ពុជា-ចិន បានលើកឡើងថា រាត្រីសមោសរនេះ បានបញ្ជាក់ពីលើស​ពីបរិយាកាស​រីករាយ និងក្តីសង្ឃឹមសម្រាប់ឆ្នាំថ្មី ដោយភ្ញៀវចូលរួមទាំងអស់​បានប្តេជ្ញា​ចិត្តបន្តរួមដៃគ្នា ក្នុងការកសាងសហគមន៍​វាសនារួមកម្ពុជា-ចិន គ្រប់រដូវ​កាល ក្នុងយុគសម័យថ្មី ឱ្យកាន់តែរីកចម្រើន និងស្ថិតស្ថេរជាយូរអង្វែង។ ឯកឧត្តម ឯក សំអុល ចាត់ទុកការជួបជុំគ្នានេះ មិនត្រឹមតែជាការអបអរ​សាទរពិធីបុណ្យវប្បធម៌ដ៏សំខាន់មួយរបស់​ប្រជាជន​ចិនប៉ុណ្ណោះទេ ថែមទាំងជាសញ្ញានៃមិត្តភាពជ្រាលជ្រៅ និងការតភ្ជាប់បេះដូងរវាងប្រជា​ជននិងប្រជាជន កម្ពុជា-ចិនទៀតផង។ឯកឧត្តមបន្តថា ក្រោមការ​ដឹកនាំ​របស់​ថ្នាក់ដឹកនាំកំពូលនៃប្រទេសទាំងពីរ ទំនាក់ទំនងកម្ពុជា–ចិនត្រូវបានលើកកម្ពស់​ទៅជា​សហគមន៍វាសនា​រួម​កម្ពុជា-ចិន គ្រប់រដូវកាល ក្នុងយុគសម័យថ្មី ។កម្មវិធីនេះបាន​រំលេច​កាន់តែច្បាស់ពីការតភ្ជាប់បេះ​ដូងរវាងប្រជាជននៃប្រទេសយើងទាំងពីរ។…