ភ្នំពេញ ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធាន គណៈកម្មការចំពោះកិច្ច ចាក់វ៉ាក់សាំង កូវីដ-១៩ ក្នុងក្របខណ្ឌទូទាំងប្រទេស នាព្រឹកថ្ងៃចន្ទ ទី៩ ខែមករា ឆ្នាំ២០២៣ បានចុះត្រួតពិនិត្យ ដំណើរការចាក់វ៉ាក់សាំង កូវីដ-១៩ ដូសជំរុញ (ដូសទី៦) ក្នុងរាជធានីភ្នំពេញ ដែលស្ថិតនៅក្នុងទីធ្លា ព្រឹទ្ធសភា នៃព្រះរាជាណាចក្រកម្ពុជា និងមន្ទីរពេទ្យបង្អែក ដង្កោ រាជធានីភ្នំពេញ ។ លោកជំទាវ ឱ វណ្ណឌីន បានឱ្យដឹងថា ថ្ងៃនេះជាការចាប់ផ្ដើម នូវការផ្ដល់ដូសជំរុញទី៦ សម្រាប់អ្នក ដែលបានចាក់ដូសទី៥ ក្នុងរយៈពេល៤ ទៅ៦ខែ ហើយក៏មានការផ្ដល់ នូវការចាក់ដូសទី៤ ទី៥ ដល់កុមារា កុមារី ផងដែរ ។ លោកជំទាវបន្ដថា ដំណើរការចាក់វ៉ាក់សាំង ដូសទី៦ និងដូសជំរុញផ្សេងៗទៀតនោះ គឺធ្វើឡើងនៅក្របខ័ណ្ឌ ទូទាំងប្រទេស មិនធ្វើនៅតែ រាជធានីភ្នំពេញនោះទេ ។…

ភ្នំពេញ៖ កម្លាំងនគរបាលខណ្ឌព្រែកព្នៅ បានស្រាវជ្រាវ និងបង្ក្រាបជនសង្ស័យប្រុសស្រីចំនួន ១២នាក់ ពាក់ព័ន្ធ ករណីជួញដូរ និងប្រើប្រាស់ ដោយខុសច្បាប់នូវសារធាតុញៀន ។ លោកវរសេនីយ៍ឯក សុខ ហេង អធិការនគរបាលខណ្ឌព្រែកព្នៅបានឲ្យដឹងនៅព្រឹកថ្ងៃទី០៩ខែមករាឆ្នាំ២០២៣នេះថា កាលពីថ្ងៃទី០៨ ខែមករា ឆ្នាំ២០២៣ វេលាម៉ោង ១៣និង៣០នាទី លោកបានដឹកនាំបញ្ជាផ្ទាល់ ដោយមានការសម្របសម្រួលពីលោក សឿ ឡងឌី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងលោកវរសេនីយ៍ទោ ទឹម សៅសុភ័ក្រ្ត អធិការរងផ្នែកប្រឆាំងគ្រឿងញៀន សហការណ៍ជាមួយកម្លាំងប៉ុស្តិ៍នគរបាលរដ្ឋបាលធ្វើការស្រាវជ្រាវបង្ក្រាប ករណីជួញដូរ និងប្រើប្រាស់ ដោយខុសច្បាប់នូវសារធាតុញៀន ព្រមទាំងកាន់កាប់អាវុធដោយគ្មានការអនុញ្ញាត ចំនួន០២គោលដៅ។ លោកអធិការនគរបាលខណ្ឌព្រែកព្នៅបានបន្តឲ្យដឹងទៀតថា ករណីទី១នៅចំណុចលើខ្នងទំនប់ ផ្លូវលំ ភូមិធំជើង សង្កាត់ពញាពន់ និងទី២ នៅចំណុចផ្ទះខ្ទមគ្មានលេខ ផ្លូវលំ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ ក្នុងនោះធ្វើការឃាត់ខ្លួនជនសង្ស័យបានចំនួន ១២នាក់ ស្រី ០២នាក់ នឹងវត្ថុតាងចាប់យកមាន ៖១.ក្រាមសថ្លាមានតម្រុយសង្ស័យជាគ្រឿងញៀនចំនួន០២កញ្ចប់ថង់ធំល្មម និង ០១កញ្ចប់ថង់តូច ។២.ទូរសព្ទ…

ភ្នំពេញ ៖ ព្រឹកថ្ងៃទី០៩ ខែមករា ឆ្នាំ២០២៣នេះ កម្លាំងកងរាជអាវុធហត្ថរាជធានីភ្នំពេញ បានធ្វើការបញ្ជូនខ្លួនមន្ត្រីយោធាពាក់ផ្កាយ២ ទៅកាន់សាលាដំបូងរាជធានីភ្នំពេញ ដើម្បីប្រគល់ជូនខាងតំណាងអយ្យការ បើកការស៊ើបសួរតាមនីតិវិធី ដើម្បីឈានទៅរកការចោទប្រកាន់តាមច្បាប់ ពាក់ព័ន្ធបទល្មើសប្រើហិង្សាលេីក្រុមគ្រួសារ។ សូមជម្រាប់ថា កម្លាំងកងរាជអាវុធហត្ថរាជធានីភ្នំពេញ កាលពីថ្ងៃទី០៥ ខែមករា ឆ្នាំ២០២៣ បានឃាត់ខ្លួនមន្ត្រីយោធាពាក់ផ្កាយ២ ដែលបានប្រព្រិត្តអំពើហិង្សាលើប្រពន្ធ ប្អូនថ្លៃស្រី និងក្មួយស្រី ស្ថិតនៅផ្លូវ៣១៣ ក្នុងសង្កាត់បឹងកក់ទី១ ខណ្ឌទួលគោក រាជធនីភ្នំពេញ។ ជនរងគ្រោះទាំង៣នាក់ បានរៀបរាប់ឱ្យដឹងថា ពួកគាត់តែងតែត្រូវវាយដំ អស់រយៈពេល៧ ទៅ៨ឆ្នាំហើយ តែគាត់ជនរងគ្រោះចេះតែទ្រាំ មិនប្តឹងអីនោះទេ តែយប់កេីតហេតុមន្ត្រីយោធា ដែលជាប្តីបានរករឿងគាត់ ប្អូនថ្លៃ និងក្មួយតាំងពីយប់រហូតទល់ភ្លឺ ទើបគាត់ទ្រាំមិនបាន និងមានការភ័យខ្លាចគាត់ប្តឹងទៅកម្លាំងកងរាជអាវុធហត្ថរាជធានីភ្នំពេញឱ្យមកជួយអន្តរាគមន៍។ ភ្លាមៗនោះ កម្លាំងកងរាជអាវុធហត្ថ បានមកដល់នាំខ្លួនបុរសជាប្តីយកទៅសួរនាំ និងក្រោយមកបានឆែកយកកាំភ្លើងវែង ២ដេីម និងបង់ជាច្រើន។ សូមបញ្ជាក់ថា មន្ត្រីយោធាពាក់ផ្កាយ២ ខាងលើរូបនេះ មានឈ្មោះ អឿង ប៉ុលភិវឌ្ឍន៍ ថាន្តរសក្តិ ជាឧត្តមសេនីយ៍ទោ មុខងារបច្ចុប្បន្ន ធ្វើការនៅនាយកដ្ឋានសរុប ក្រសួងការពារជាតិ…

ភ្នំពេញ ៖ កាលពីថ្ងៃទី០៨ ខែមករា ឆ្នាំ២០២៣ ក្រសួងសុខាភិបាល សូមបងប្អូនប្រជាពលរដ្ឋបន្តប្រុងប្រយ័ត្នជានិច្ចនូវការចម្លងវីរុសកូវីដ-១៩ ដោយបន្តអនុវត្តន៍វិធានការ៣ការពារ និង៣កុំ ព្រមទាំងនាំគ្នាទៅចាក់វ៉ាក់សាំងកូវីដ-១៩ ដូសជំរុញបន្តបន្ទាប់តាមការណែនាំរបស់ក្រសួងសុខាភិបាល ដេីម្បីការពារការផ្ទុះឡេីងវិញនូវការរាតត្បាតជំងឺកូវីដ-១៩ នៅក្នុងសហគមន៍។ សូមជម្រាប់ថា កំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី០៧ ខែមករា ឆ្នាំ២០២៣-លើប្រជាជនអាយុពី ១៨ឆ្នាំឡើង មាន ១០៣,៨២% ធៀបជាមួយចំនួនប្រជាជនគោលដៅ ១០លាននាក់-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០១,២២% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១១០,៤៦% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់-លើកុមារអាយុ ០៥ឆ្នាំ មាន ១៤០,៩៨% ធៀបជាមួយនឹងប្រជាជនគោលដៅ ៣០៤,៣១៧ នាក់-លើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៧៩,៩៩% ធៀបជាមួយនឹងប្រជាជនគោលដៅ ៦១០,៧៣០…

កំពង់ធំ: អាជ្ញាធរខេត្តកំពង់ធំត្រៀមខ្លួនអនុវត្តការងាររៀបចំព្រះរាជពិធីច្រត់ព្រះនង្គ័លឆ្នាំនេះ។អាជ្ញាធរខេត្តកំពុងបង្កើតគណ:កម្មការនានា ដើម្បីអនុវត្តការងារចំពោះមុខត្រៀមរៀបចំព្រះរាជពិធីច្រត់ព្រះនង្គ័ល ដែលនឹងប្រព្រឹត្តទៅនៅវាលព្រះស្រែ ក្នុងបរិវេណកីឡដ្ឋានថ្មី។នេះបើតាមការបញ្ជាក់របស់លោក សុក ហៃ អភិបាលរងខេត្តកំពង់ធំ។ អភិបាលរងខេត្តកំពង់ធំលោក សុក ហៃ មានប្រសាសន៍ថា អាជ្ញាធរខេត្តបានទទួលគម្រោងផែនការមួយចំនួនដើម្បីណែនាំលើកិច្ចការសំខាន់ៗជាច្រើនដូចជាការរៀបចំផ្លូវចូលទៅកាន់ទីតាំងសម្រាប់ប្រារព្ធព្រះរាជពិធី ការរៀបចំសាងសង់ព្រះពន្លាជ័យ ការរៀបចំតម្កល់តាំងនៅស្តង់ពិព័រណ៍ផលិតកសិកម្មរបស់ក្រសួងពាក់ព័ន្ធ មន្ទីរ ស្រុក ក្រោមឱវាទរបស់ខេត្តកំពង់ធំនិងការងារសន្តិសុខសណ្តាប់ធ្នាប់ជាដើម។ លោកបន្តថា ព្រះរាជពិធីនេះ នឹងត្រូវប្រព្រឹត្តទៅថ្ងៃទី៨ ខែឧសភា ឆ្នាំ២០២៣ ខាងមុខនេះ នៅវាលព្រះស្រែ ក្នុងបរិវេណកីឡដ្ឋានថ្មី ភូមិរូង ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។ អភិបាលរងខេត្តរូបនេះបានបញ្ជាក់ថា ខាងអាជ្ញាធរខេត្ត នឹងមានការរៀបចំសាកល្បងព្រះរាជពិធីច្រត់ព្រះនង្គ័លនៅថ្ងៃទី៣ និងថ្ងៃទី៦ ខែឧសភា មុនថ្ងៃប្រារព្ធនូវព្រះរាជពិធី ដើម្បីធ្វើឲ្យព្រះរាជពិធីនេះ មានដំណើរការទៅយ៉ាងល្អប្រសើរ និងទទួបានភាពជោគជ័យខ្ពង់ខ្ពស់បំផុត។ លោក សុក ហៃ ថា៖ «ក្រោយពីមានការប្រជុំមក បច្ចុប្បន្ននេះ អាជ្ញាធរខេត្ត កំពុងរៀបចំបង្កើតគណៈកម្មការនានា ដើម្បីអនុវត្ត និងបំពេញតួនាទីលើកិច្ចការងាររៀបចំព្រះរាជពិធីច្រត់ព្រះនង្គ័ល»។ ទាក់ទិននឹងរឿងនេះ សាស្ត្រាចារ្យប្រវត្តិ សាស្ត្រ គឺលោក សំបូរ ម៉ាណារ៉ា…