ភ្នំពេញ៖ លោកវរៈសេនីយ៍ឯក ហ៊ាង ថារ៉េត អធិការនគរបាលខណ្ឌឬស្សីកែវ បានប្រាប់អ្នកយកព័ត៌មានឲ្យដឹងថា កម្លាំងនគរបាលខណ្ឌ បានបង្ក្រាបករណីលួចរថយន្តម៉ាកសាំយ៉ុង ឃាត់ខ្លួនជនសង្ស័យម្នាក់ រួមនឹងវត្ថុតាង នៅថ្ងៃទី០៤ ខែ មករា ឆ្នាំ ២០២៣ វេលាម៉ោង ១៤ និង ៣០នាទី ត្រង់ចំណុចមុខផ្ទះលាងម៉ូតូ ផ្លូវជាតិលេខ៥ ក្រុមទី៥ ភូមិ លូ សង្កាត់ស្វាយប៉ាក ខណ្ឌឫស្សីកែវ ។ សមត្ថកិច្ចបានឲ្យដឹងថា ជនរងគ្រោះឈ្មោះ លាង សុខា ភេទប្រុស អាយុ៣៥ឆ្នាំ ជនជាតិខ្មែរ មានទីលំនៅ កន្លែងកើតហេតុ មុខរបរលក់ដូរ។ ចំណែកជនសង្ស័យ ឈ្មោះ មឿន ចំរើន ភេទប្រុស អាយុ ៣៩ឆ្នាំ ជនជាតិខ្មែរ ទីលំនៅនិង មុខរបរមិនពិតប្រាកដ(មានសារធាតុញៀន) ឃាត់ខ្លួន។ សម្ភារដកហូតរួមមាន៖ រថយន្ត ០១គ្រឿង ម៉ាកសាំយ៉ុងពណ៌ ស ពាក់ស្លាកលេខភ្នំពេញ ២BN៩៧៩៤…

ភ្នំពេញ៖ បើទោះបីច្រើនឆ្នាំកន្លងផុតទៅក្តី ប៉ុន្តែប្រជាពលពលរដ្ឋកម្ពុជានៅតែចងចាំពីរបបអាវខ្មៅប៉ុលពតដែលបានកាប់សម្លាប់ពលរដ្ឋកម្ពុជា អស់ជាង ៣លាននាក់ ដ៏សែនឃោឃៅ និង ទារុណកម្មនាកន្លងមក។ តាមរយៈការបានឆ្លងកាត់របបដែលមិនអាចបំភ្លេចបានទាំងនេះត្រូវបានប្រជាពលរដ្ឋកម្ពុជាមួយចំនួនបង្ហាញការដឹងគុណថ្ងៃ ៧ ខែ មករា ឆ្នាំ ១៩៧៩មិនអាចបំភ្លេចបានសោះឡើយ ហើយព្រមជាមួយគ្នាបានអំពាវនាវឱ្យមានការទប់ស្កាត់របបបែបនេះកុំឱ្យកើតមាននៅកម្ពុជា ព្រមជាមួយរួមគ្នាការពារសុខសន្តិភាពដែលមានក្នុងពេលបច្ចុប្បន្ន ។ ពលរដ្ឋបានលើកឡើងថាសច្ចធម៌ប្រវត្តិសាស្រ្តមួយនេះមិនអាចបំភ្លៃបានទេ ការពលីជីវិតរបស់កងទ័ពរណស្សិរំដោះជាតិកម្ពុជា និងកងទ័ពវៀតណាម ដែលមករំដោះជីវិតប្រជាជនកម្ពុជាពីរបបវាលពិឃាតខ្មែរក្រហម។ សម្រាប់ថ្ងៃ៧ មករា មិនត្រឹមតែកំណើតទី២ របស់ប្រជាពលរដ្ឋនោះទេ តែ ៧ មករា ក៏ជាជីវិតថ្មីដែលទទួលបានសុខសន្តិភាពនិងការរីកចម្រើនរបស់ពលរដ្ឋកម្ពុជាដូចបច្ចុប្បន្នផងដែរ។ ក្នុងការចូលរួមអបអរសាទរខួបអនុស្សាវរីយ៍លើកទី៤៤ ទិវាជ័យជម្នះ ៧ មករា (១៩៧៩-២០២៣)នេះដែរ លោកស្រី វ៉ា លាន ដែលជាអ្នកបានឆ្លងកាត់វាលពិឃាតនៃរបបប្រល័យពូជសាសន៍ ហើយបច្ចុប្បន្នរស់នៅរាជធានីភ្នំពេញ បានលើកឡើងថា៖នៅពេលនឹកឃើញរបប ប៉ុលពតពេលណា លោក ស្រី តែងឈឺចាប់ និងខ្លោចផ្សាចំពោះក្រុមពួកអាវខ្មៅមិនអាចបំភ្លេចបានសោះឡើយ។ក្នុងរយៈពេលរស់នៅជាមួយរបបនេះជាង៣ឆ្នាំអ្នកស្រីទទួលរងការបាត់បងប្អូន ឪពុកម្តាយស្ទើរអស់។ ស្រ្តីវ័យជាង៦០ឆ្នាំរូបនេះបានរៀបរាប់ប្រាប់ថា៖”ខ្ញុំជាអ្នកដែលបានឆ្លងកាត់រស់នៅរបបនេះគឺមិនអាចបំភ្លេចបានពីភាពឃោរឃៅដែលកាប់សម្លាប់ បង្ខំឱ្យធ្វើការទាំងយប់ទាំងថ្ងៃ និងបង្អត់អាហារធ្វើឱ្យពលរដ្ឋបាត់បង់ជីវិតគ្មានសល់នេះសោះឡើយ។នឹកឃើញកាលណាខ្ញុំខ្លោចផ្សាណាស់។ហេតុនេះខ្ញុំសុំឱ្យយុវជនជំនាន់ក្រោយរួមគ្នាទប់ស្កាត់របបនេះ ហើយមានតែសុខសន្តិភាពទេដែលទប់ស្កាត់របបមួយនេះមិនឱ្យវិលមកវិញបាន”។ ជុំវិញថ្ងៃ ៧មករានេះដែរ អ្នកស្រី ជុំ មករា…

ភ្នំពេញ៖ កម្លាំង នគរបាលខណ្ឌ ព្រែកព្នៅ បានឃាត់ខ្លួន ជនដៃដល់ ចំនួន ៣នាក់ ដែលពាក់ពន្ធ័ ករណីបាញ់ប្រហារ នៅខណ្ឌព្រែកព្នៅ បណ្ដាលឱ្យមនុស្ស៣នាក់រងរបួស កាលពីយប់ថ្ងៃទី០៣ ខែមករា ឆ្នាំ២០២៣ នៅចំណុចលើផ្លូវបេតុង ភូមិអណ្តូង៣ សង្កាត់គោករកា ខណ្ឌព្រែកព្នៅ រាជធានីភ្នំពេញ។ យោងតាមរបាយការណ៍ របស់មន្ដ្រីនគរបាលនគរបាលខណ្ឌព្រែកព្នៅ បាន បញ្ជាក់ថា ជនសង្ស័យទាំង៣នាក់នេះ រួមមាន ១៖ ឈ្មោះ សួង សៀម ភេទប្រុស អាយុ២១ឆ្នាំ ជនជាតិខ្មែរ មុខរបរយោធា ស្នាក់នៅផ្ទះលេខ៦២ ផ្លូវ៤៧ សង្កាត់បឹងកក់ ខណ្ឌទួលគោក រាជធានីភ្នំពេញ ។ ២៖ ឈ្មោះ សុខ ទិត្យ ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅផ្ទះគ្មានលេខ ផ្លូវបេតុង ភូមិអណ្តូង៣ ស់ង្កាត់គោករកា ខណ្ឌព្រែកព្នៅ រាជធានីភ្នំពេញ។ ៣៖…

ភ្នំពេញ ៖ យោង តាមប្រភពព័ត៍មានពី ក្រសួង សុខាភិបាល នៅព្រឹក ថ្ងៃ ព្រហស្បតិ៍ ទី ០៥ ខែមករា ឆ្នាំ ២០២២នេះ បានចេញ សេចក្តី ជូន ព័ត៌មាន ស្តីពីការ ហាមឃាត់ ការចែកចាយ ឬលក់ផលិតផលគ្រឿងសម្អាងឈ្មោះ Hiruscar Post Acne ដែលគ្មានលេខប្រវេទន៍ និងគ្មានការទទួលស្គាល់ពីក្រសួងសុខាភិបាលកម្ពុជា។ នៅក្នុង សេចក្តីជូនដំណឹងរបស់ក្រសួង សុខាភិបាល បញ្ជាក់ថា៖ ក្រសួងសុខាភិបាលពិនិត្យឃើញមានការចែកចាយ និងលក់ផលិតផលគ្រឿងសម្អាង Hiruscar”. POST ACNE – គ្មានលេខ ប្រវេទន៍ពីក្រសួងសុខាភិបាល ដែលស្រដៀងនឹងផលិតផលគ្រឿងសម្អាងឈ្មោះ Hinuscar” POST ACNE មានលេខ ប្រវេទន៍ CAM(6822CN-21 ដែលចែកចាយ ដោយក្រុមហ៊ុន DKSH (Cambodia) Ltd។ អនុលោមតាមច្បាប់ ស្តីពីការគ្រប់គ្រងឱសថ និងច្បាប់ស្តីពីវិសោធនកម្មច្បាប់ ស្តីពីការគ្រប់គ្រងឱសថតម្រូវឱ្យ…

ភ្នំពេញ៖ ឯកឧត្ដម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួង រៀបចំដែនដី នគរូបនីយកម្ម និង សំណង់ និងជាប្រធានក្រុមការងារ រាជរដ្ឋាភិបាល ចុះមូលដ្ឋានខេត្តត្បូងឃ្មុំ មានប្រសាសន៍លើកឡើងថា ប្រវត្តិសាស្ត្រក្នុងរយៈពេល ៤៤ឆ្នាំមកនេះដែលកម្ពុជាបានពុះពារឆ្លងកាត់ជាច្រើនដំណាក់កាលមកហើយនោះក៏ជាព្រឹត្តិការណ៍ត្រូវចងចាំនិងទុកជាបទពិសោធន៍នាពេលអនាគត។ ជាក់ស្តែង ទិវាជ័យជំនះ ៧ មករា ១៩៧៩- ៧ មករា ២០២៣មានរយៈពេល ៤៤ឆ្នាំហើយ ដែលកម្ពុជាត្រូវបានរំដោះរួចចាកផុតពីរបបដ៏ខ្មៅងងឹតកម្ពុជាប្រជាធិបតេយ្យ ដែលមានតែឈាមនិងទឹកភ្នែក និងការកាប់សម្លាប់យ៉ាងអយុត្តិធម៌ មកលើប្រជាពលរដ្ឋ ហើយទទួលបានពន្លឺនៃសុខសន្តិភាព ការបង្រួបបង្រួមជាតិនិងការអភិវឌ្ឍន៍ជាថ្មីឡើងវិញក្រោមការដឹកនាំ របស់ សម្ដេចអគ្គមហាសេនាបតីតេជោ ហ៊ុន សែន ។ ការថ្លែងបែបនេះធ្វើឡើងកាលពីព្រឹកថ្ងៃទី៥ ខែមករា ឆ្នាំ២០២៣ នៅក្នុងឱកាស ដែលឯកឧត្តម ឧបនាយករដ្ឋមន្រ្តី អញ្ជើញជួបសំណេះសំណាលជាមួយសិស្ស ប្រឡងជាប់សញ្ញាបត្រមធ្យមសិក្សាទុតិយភូមិ ឆ្នាំសិក្សា២០២១-២០២២ សរុប ២១៣៥នាក់ ដែលបានចូលរួមនាពេលនេះ និងឪពុកម្ដាយអាណាព្យាបាលសិស្ស ក្នុងស្រុកក្រូចឆ្មារ ស្រុកត្បូងឃ្មុំ ស្រុកមេមត់ និងក្រុងសួង ខេត្តត្បូងឃ្មុំ ។…

ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានក្រុមប្រឹក្សាកីឡាក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងពិធីសំណេះសំណាលជាមួយ ថ្នាក់ដឹកនាំ ប្រតិភូ ប្រតិភូរង គ្រូបង្វឹក និងកីឡាករ-កីឡាការិនី នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ សរុបចំនួន ៥០០នាក់ ដែលប្រព្រឹត្តិទៅនៅសាលមជ្ឈមណ្ឌលជាតិហ្វឹកហ្វឹនកីឡាការ៉ាតេ ក្នុងបរិវេណសកលវិទ្យាល័យភូមិន្ទភ្នំពេញនៅព្រឹកថ្ងៃទី៥ខែមករាឆ្នាំ២០២៣។ ឯកឧត្តម សរ សិទ្ធិ អនុរដ្ឋលេខាធិការក្រសួងមហាផ្ទៃ ទទួលជួយការងារដឹកនាំអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ ថ្លែងថា ការចូលរួមប្រកួតរបស់ក្រុមប្រឹក្សាកីឡាក្រសួងមហាផ្ទៃ ក្នុងព្រឹត្តិការណ៍កីឡាថ្នាក់ជាតិ លើកទី១ កាលពីឆ្នាំ២០១៦ ទទួលបានមេដាយសរុប ៥៣គ្រឿង (មាស២៧ ប្រាក់១២ និងសំរឹទ្ធ១៤), លើកទី២ កាលពីឆ្នាំ២០១៨ ទទួលបានមេដាយសរុប ១៤៩គ្រឿង (មាស៨៣ ប្រាក់៤៣ និងសំរឹទ្ធ២៣), លើកទី៣ កាលពីឆ្នាំ២០២២ ទទួលបានមេដាយសរុប ២១១គ្រឿង (មាស១០៣ ប្រាក់៥៨ និងសំរឹទ្ធ៥០)។ ឯកឧត្តម បន្ដថា លទ្ធផលនេះ បាននាំឱ្យក្រសួងមហាផ្ទៃ ឈរនៅលំដាប់ទី១ ទូទាំងប្រទេស…