ភ្នំពេញ៖ ក្មេងប្រុសស្រីចំនួន ៦នាក់បានរងរបួសធ្ងន់ស្រាលដោយសារត្រូវគ្រាប់កាំភ្លេីង បន្ទាប់ពីជនសង្ស័យពីរនាក់ ដកកាំភ្លេីងបាញ់ ២គ្រាប់ព្រោះខឹងប្រេីក្មេងប្រុសរងគ្រោះម្នាក់ឲ្យទៅទិញថ្នាំញៀនឲ្យខ្លួនមិនបាន ដោយបង្ករឲ្យមានការភ្ញាក់ផ្អើលកាលពីវេលាម៉ោង៩ យប់ថ្ងៃទី៣ ខែមករា ឆ្នាំ២០២៣ ស្ថិតនៅក្នុងភូមិអណ្ដូង៣ សង្កាត់គោករការ ខណ្ឌព្រែកព្នៅ រាជធានីភ្នំពេញ។ តាមសម្ដីស្ត្រីដែលត្រូវជាម្ដាយក្មេងប្រុសរងគ្រោះម្នាក់មានអាយុ ១៨ឆ្នាំបានប្រាប់ឲ្យដឹងថា មានជនសង្ស័យជាខ្មាន់កាំភ្លើងពីរនាក់បានធ្វើដំណើរដោយស្មើជើង មកប្រើកូនប្រុសគាត់ ឲ្យទៅទិញថ្នាំញៀនឲ្យពួកគេ តែកូនគាត់មិនព្រមទៅ ខណ:នោះជនសង្ស័យជាខ្មាន់កាំភ្លើងខឹងបានវាយទៅលើកូនប្រុសរបស់គាត់ ដោយកូនប្រុសរបស់គាត់បានវាយតប តទៅលើជនសង្ស័យជាខ្មាន់កាំភ្លើងវិញ ធ្វេីឱ្យជនសង្ស័យខឹង បានដកកាំភ្លើងបាញ់ជុចដី ១គ្រាប់បណ្ដាលឲ្យក្បាលគ្រាប់ផ្លាតទៅត្រូវក្មេងប្រុសស្រី ៥នាក់ទៀតរងរបួសធ្ងន់ស្រាល។ ក្រោយមកប្រជាពលរដ្ឋបានរាយការណ៍ជូនទៅសមត្ថកិច្ចមូលដ្ឋានឱ្យចុះមកជួយអន្តរាគមន៍ភ្លាមៗ។ ក្រោយកើតហេតុ សមត្ថកិច្ចចុះមកធ្វើការឃាត់ខ្លួនជនសង្ស័យបានទាំងពីរនាក់រួចបញ្ជូនមកប៉ុស្តិ៍នគរបាលរដ្ឋបាលគោករការ ដេីម្បីសួរនាំ ។ តែមួយសន្ទុះក្រោយមកស្រាប់តែឃើញតែសមត្ថកិច្ចសួរនាំម្នាក់ ចំណែកម្នាក់ទៀត មិនឃើញនៅក្នុងប៉ុស្តិ៍នគរបាល ទេីបធ្វើឲ្យសាច់ញាតិជនរងគ្រោះនិងប្រជាពលរដ្ឋជាច្រើននាក់កំពុងតែមានការងឿងឆ្ងល់? បច្ចុប្បន្ននេះ ជនសង្ស័យជាខ្មាន់កាំភ្លើងម្នាក់ ត្រូវបានសមត្ថកិច្ចកំពុងធ្វើការសួរនាំនិងចាត់ការទៅតាមច្បាប់ ៕ ដោយ ៖ ជីម ភារ៉ា

ភ្នំពេញ៖ បើតាមការសិក្សារបស់ភ្នាក់ជប៉ុនចៃកា( JICA) ដែលធ្វើការនៅកម្ពុជា កាលពីពេលថ្មីៗនេះ បានឱ្យដឹងថា ចាប់ពីឆ្នាំ២០១៨-២០២០ កម្ពុជាត្រូវមានកម្លាំងវិស្វករ និងស្ថាបត្យកម្មប្រមាណ ៣៥ ០០០នាក់ សម្រាប់បម្រើ ការងារក្នុងវិស័យឧស្សាហកម្ម កម្មន្តសាល សំណង់ កសិកម្ម សេវាកម្ម ទេសចរណ៍ និងអចលនទ្រព្យក្នុងប្រទេសរបស់ខ្លួន។ ទន្ទឹមនេះ ស្ថាប័នពាក់ព័ន្ធ បានលើកឡើងថា ដើម្បីឆ្លើតបតម្រូវ ការក ម្លាំងពលកម្ម និងចូលរួមចំណែកអភិវឌ្ឍន៍វិស័យនានា របស់កម្ពុជា ការពង្រឹងសមត្ថភាពលើជំនាញសំខាន់ចំនួនពីរ គឺជំនាញវិស្វករ និងជំនាញស្ថាបត្យកម្មកម្ពុជាគឺជារឿងសំខាន់។ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំ ដែនដី នគរូបនីយកម្ម និងសំណង់ បានឱ្យដឹងថា ការងារ គណៈស្ថាបត្យករកម្ពុជា គិតពីចាប់ផ្តើមអនុវត្តឆ្នាំ២០១៤ រហូតដល់វិច្ឆិកា ឆ្នាំ២០២២ បានចុះបញ្ជីស្ថាបត្យករចំនួន១ ៥៤៦រូប (ស្ត្រី ២២០រូប)។ ក្នុងនោះស្ថាបត្យករចុះបញ្ជីចំនួន១ ៤០៥រូប (ស្រី្ត២០៦រូប) ស្ថាបត្យករគណៈស្ថាបត្យករកម្ពុជា ចំនួន៨៧រូប (ស្រី្ត៩រូប)។ ឯកឧត្តមបន្តថា…

កំពង់ធំ ៖ ប្រធានសមាគមអតីតយុទ្ធជនកម្ពុជាខេត្តកំពង់ធំ និងអាជ្ញាធរដែនដី អញ្ជើញប្រគល់ខ្នងផ្ទះទី២៣៧ អំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន តាមរយៈ ឯកឧត្តមទេសរដ្ឋមន្រ្តី នាយឧត្ដមសេនីយ៍កិត្តិសង្គហបណ្ឌិត គន់ គីម អគ្គលេខាធិការសមាគមអតីតយុទ្ធជនកម្ពុជា ជូនគ្រួសារអតីតយុទ្ធជនពលីនៅភូមិប្រឡាយ ឃុំប្រឡាយ ស្រុកស្ទោង ខេត្តកំពង់ធំ នៅរសៀលថ្ងៃទី០៣ ខែមករា ឆ្នាំ២០២៣ ។ លោកស្រី ឈិន ទី អាយុ ៥៥ឆ្នាំ មានកូនក្នុងបន្ទុកចំនួន ៤នាក់ ជាភរិយាសពលោកពលបាលឯក អាំង វៀន អតីតយុទ្ធជនពលី ចូលបម្រើកងទ័ពនៅឆ្នាំ១៩៨៥ នៅអង្គភាពវរសេនាតូចលេខ៦ យោធាខេត្តកំពង់ធំ ពលីជីវិតនៅឆ្នាំ១៩៩១ នៅសមរភូមិអូរពោធិ៍ ខេត្តព្រះវិហារ មានជីវភាពលំបាកខ្វះខាតពុំមានលទ្ធភាពសាងសង់ផ្ទះថ្មី ថ្ងៃនេះត្រូវបានគណៈកម្មាធិការសមាគមអតីតយុទ្ឋជនកម្ពុជា ខេត្តកំពង់ធំ សាងសង់ផ្ទះជូនសាងសង់ខ្ពស់ផុតពីដី សសរបេតុង ឆ្អឹងដែក រនាបក្តា ជញ្ជាំង ស្មាតបត ដំបូលប្រក់ស័ង្កសីកិនភ្លី និងជណ្ដើរកាច់ ។…

ភ្នំពេញ៖ ចាប់តាំងពីឆ្នាំ១៩៩៤ អូស្រ្តាលី បានចូលរួមដល់ ការងារបោសសម្អាតមីនមនុស្សធម៌នៅកម្ពុជាយ៉ាងសកម្ម និងបានផ្តល់ជំនួយជាង ១០០ លានដុល្លារអាមេរិក ដោយ រំដោះបាននូវផ្ទៃដីជាច្រើនរយគីឡូម៉ែត្រក្រឡា សម្រាប់ផ្តល់ សុខសុវត្ថិភាព និងលើកកម្ពស់ជីវភាពរបស់នៅជូនដល់ ប្រជាជនកម្ពុជានៅតាមមូលដ្ឋានប្រមាណជាង មួយលាន នាក់។ នេះជាការលើកឡើងរបស់ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន កម្ពុជា កាលពីថ្ងៃទី៣ ខែមករា ក្នុងជំនួបពិភាក្សាការងារជាមួយ លោក ប៉ាប្លូ កាង(Pablo Kang) ឯកអគ្គរាជទូតអូស្រា្តលីប្រចាំកម្ពុជា មុននឹងចប់ អាណត្តិនៅកម្ពុជា។ ក្នុងនាមរាជរដ្ឋាភិបាលកម្ពុជាឯកឧត្តម លី ធុជ បានវាយតម្លៃ ខ្ពស់ចំពោះទំនាក់ទំនងយ៉ាងជិតស្និទ្ធរវាងប្រទេស និងប្រជាជន ទាំងពីរ ព្រមទាំងថ្លែងអំណរគុណយ៉ាងជ្រាលជ្រៅជូនចំពោះ រដ្ឋាភិបាល និងប្រជាជនអូស្រ្តាលី ដែលបានចូលរួមក្នុង ការ ស្វែង រកសុខសន្តិភាព និងការអភិវឌ្ឍនៅកម្ពុជា ចាប់តាំងពី ឆ្នាំ១៩៩២ ក៏ដូចជាចូលរួមដល់ការងារបោសសម្អាតមីន មនុស្សធម៌នៅកម្ពុជាចាប់តាំងពីឆ្នាំ១៩៩៤។ ឯកឧត្តមបានមានប្រសាសន៍ថា ៖ «ចាប់តាំងពីឆ្នាំ១៩៩៤ អូស្រ្តាលី…

ភ្នំពេញ៖ នាយកប្រតិបត្តិការអង្គការចលនាដើម្បីសុខភាពកម្ពុជា លោក មុំ គង់ បានស្នើឱ្យស្ថាប័នមានសមត្ថកិច្ច ត្រូវចាត់ វិធានការ ឱ្យបានតឹងរ៉ឹង ចំពោះអ្នកដែលកំពុងផ្សព្វផ្សាយលក់ បារី អេឡិចត្រូនិកតាមរយៈបណ្ដាញសង្គម បើទោះបីជាអាជ្ញាធរ បានរឹបអូស និងប្រមូលដុតកម្ទេចបារីនេះចោលជាច្រើន យ៉ាង ណា ក៏ដោយ។ ការលើកឡើងដូចនេះបន្ទាប់ពីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប) នៃក្រសួងពាណិជ្ជកម្ម បានសហការជាមួយអាជ្ញាធរជាតិប្រយុទ្ធ ប្រឆាំង គ្រឿងញៀន ស្នងការនគរបាលរាជធានីភ្នំពេញ និង មន្រ្តីពាក់ព័ន្ធ បានរឹបអូស និងនាំយកផលិតផលបារីអេឡិច ត្រូនិក(E-Cigarette) ចំនួន២៨៨កាតុង ស្មើនឹង ៧ ២០០ប្រអប់ ទៅធ្វើការបំផ្លាញចោលនៅទីលានចាក់សម្រាម កាលពីថ្ងៃទី៣០ ខែធ្នូ ឆ្នាំ២០២២ កន្លងមកនេះ។ លោក មុំ គង់ បានប្រាប់ឱ្យដឹងថា ការដកហូតបារីអេឡិចត្រូនិក និងការដុតកម្ទេចបារីអេឡិចត្រូនិកនេះ វាជាការរួមចំណែកមួយ ក្នុងការបង្ការដើម្បីកុំឱ្យយុវជន កុមារ ប្រើប្រាស់បារីអេឡិច ត្រូនិក នេះបន្តទៀត។ ដូច្នេះការដុតចោលនេះ វាជាផ្នែក មួយក្នុងកាត់បន្ថយកុំឲ្យយុវជន…