ភ្នំពេញ៖ សាលាភាសាអន្តរជាតិនៅស្រុកកងមាស ខេត្តកំពង់ចាម មួយដែលផ្ទុះការចាប់អារម្មណ៍ពីសំណាក់ អ្នកប្រើប្រាស់បណ្ដាញ សង្គមនាពេលថ្មីៗនេះគឺជាស្នាដៃរបស់អតីតសាស្ត្រាចារ្យផ្នែកសារព័ត៌មានមួយរូប ដែលប្រឡូកក្នុងវិស័យសារព័ត៌មានតាំងតែពីឆ្នាំ ១៩៩២ នោះគឺលោក មឿន ឈានណារិទ្ធ។ ជារឿយៗលោកសាស្ត្រាចារ្យតែងបង្ហោះនូវរូបភាពក្មេងៗនៅទីជនបទដែលបានចូលរៀននៅសាលា ដែលលោកបានដាក់ឈ្មោះថា «សាលាភាសាអន្តរជាតិបូរ៉ុមបូរាណ (Borom Borann International Language School –BBILS)»។តាមរយៈរូបភាពដែលលោកបានបង្ហោះ គេអាចឃើញក្មេងៗ ដែល រស់នៅក្នុងស្រុកកងមាស សប្បាយចិត្តឥតឧបមា ក្នុងការបានរៀន ភាសាបរទេស ដោយអស់ប្រាក់តិចតួច ខណៈពេលដែលពួកគេ ភាគច្រើន មិនមានលទ្ធភាពក្នុងការបង់ប្រាក់ច្រើន សម្រាប់រៀន នោះឡើយ។ បើតាមលោកសាស្ត្រាចារ្យ មឿន ឈានណារិទ្ធ ដែលជា នាយក សាលាភាសាអន្តរជាតិបូរ៉ុមបូរាណ បានឱ្យដឹងថា សាលាតូច មួយ នេះទើបតែត្រូវបានបង្កើតឡើងប្រមាណជិត៣សប្ដាហ៍កន្លងទៅប៉ុណ្ណោះ ពោលគឺនៅថ្ងៃទី១២ ខែធ្នូ ឆ្នាំ២០២២។ ត្រឹមតែរយៈពេលខ្លីនេះ លោកគ្រូបានទទួលសិស្សចំនួន៤០នាក់ ហើយលោកក៏ រំពឹងថានឹងអាចកើនដល់១០០នាក់ នៅរយៈពេល បីខែខាងមុខ។ចំពោះមូលហេតុនៃការបង្កើតសាលាភាសានេះឡើង លោក សាស្ត្រាចារ្យ បានប្រាប់ឱ្យដឹងថា ៖…

ភ្នំពេញ៖ ក្រសួងសុខាភិបាល នឹងដាក់បន្ថែមនូវម៉ាស៊ីនវាស់ កម្តៅ ចំនួនបីគ្រឿងទៀត នៅតាមច្រកអាកាសយានដ្ឋានអន្តរជាតិភ្នំពេញ នៅមុនឆ្លងឆ្នាំសាកល ដើម្បីពិនិត្យសុខភាពអ្នកដំណើរទាំងភ្ញៀវជាតិ និងអន្តរជាតិ ដែលចូលមកតាមច្រកទ្វារនេះ ក្នុងន័យធានា សុខភាព សម្រាប់ភ្ញៀវទាំងអស់។ រដ្ឋលេខាធិការក្រសួងសុខាភិបាលលោកជំទាវ យក់ សម្បត្ដិ កាល ពីថ្ងៃទី២៩ ខែធ្នូ ឆ្នាំ២០២២ បានដឹកនាំក្រុមការងារសុខាភិបាល ដែលមានអគ្គនាយកបច្ចេកទេស អគ្គនាយករដ្ឋបាលហិរញ្ញវត្ថុ ដោយ មានការចូលរួមពីមន្ដ្រីអាកាសដ្ឋានអន្ដរជាតិភ្នំពេញ មន្ដ្រីចត្ដាឡីស័ក និងអាជ្ញាធរទាំងអស់ ចុះពិនិត្យស្ថានភាពអ្នកដំណើរចូល មកប្រទេស កម្ពុជា តាមអាកាសដ្ឋានអន្ដរជាតិភ្នំពេញ ដែលជាទីតាំងមួយ ទទួល អ្នកដំណើរយ៉ាងច្រើនកុះករ។ លោកជំទាវ យក់ សម្បត្ដិ បានថ្លែងថា បន្ទាប់ពីបានពិនិត្យទីតាំង ក្រសួងសុខាភិបាល នឹងដាក់បន្ថែមនូវម៉ាស៊ីនវាស់កម្តៅចំនួនបី គ្រឿងទៀត ក្នុងនោះមួយគ្រឿងសម្រាប់ដាក់នៅច្រក VIP និងពីរ គ្រឿងទៀតដាក់នៅច្រកធម្មតា។លោកជំទាវបានថ្លែងថា ៖ «យើងអត់មានអីប្លែកទេ ក្រៅពីធ្វើការតាម ដានសុខភាពរបស់អ្នកដំណើរដែលចូលមកប្រទេសកម្ពុជាយើង។ យើងបានឯកភាពគ្នាជាមួយក្រុមការងារ ថាយើងនឹងដាក់នូវម៉ាស៊ីន វាស់ កម្តៅនៅកន្លែងដែលភ្ញៀវអញ្ជើញមកដល់ចំនួនពីរគ្រឿង ហើយនៅទីតាំង…

ភ្នំពេញ៖ ប្រជាការពារត្រូវបានយកចិត្តទុកដាក់ពីថ្នាក់ដឹកនាំ មិនថាថ្នាក់ដឹកនាំនៅពេលនេះឬថ្នាក់ដាក់នាំនៅជំនន់ក្រោយៗទៀតនោះទេ ដោយសារតែប្រជាការពារទាំង១៤ខណ្ឌបានលះបង់ទាំងកម្លាំងកាយចិត្ត ដើម្បីការពារសន្តិសុខសណ្ដាប់ធ្នាប់ សុវត្ថិភាព ជូនបងប្អូនប្រជាពលរដ្ឋ ផ្តល់ឱកាសឱ្យប្រជាពលរដ្ឋអាចរកស៊ីទទួលទានបាន និងដើរលេងកំសាន្តដោយសប្បាយរីករាយ មិនមានការព្រួយបារម្ភ។ នេះជាការលើកឡើងរបស់ឯកឧត្តម ហ៊ុន ម៉ានី សមាជិករដ្ឋសភា និងជាប្រធានសហភាពសហព័ន្ធយុវជនកម្ពុជា ក្នុងពិធីសំណេះសំណាល សួរសុខទុក្ខនិងចែកអំណោយជូនកងកម្លាំងប្រជាការពាររបស់រាជធានីភ្នំពេញចំនួនជាង ៧០០នាក់នៅកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន នាព្រឹកថ្ងៃទី៣០ធ្នូឆ្នាំ២០២២នេះ។ ឯកឧត្តម ហ៊ុន ម៉ានី បានមានប្រសាសន៍លើកឡើងថា ប្រជាការពារនៅរាជធានីភ្នំពេញ បានលះបង់នូវកម្លាំងកាយចិត្តមិនខ្លាចនឿយហត់ឡើយ ដើម្បីរក្សាសន្តិសុខសណ្ដាប់ធ្នាប់របៀបរៀបរយជូនប្រជាពលរដ្ឋ នៅក្នុងរាជធានីភ្នំពេញ ។ ជាក់ស្តែង ខណៈរាជធានីភ្នំពេញកំពុងប្រឈមមុខនិងការរីករាលជាលជម្ងឺកូវីដ-១៩ កិច្ចប្រជុំអាស៊ាននិងកិច្ចប្រជុំធំៗមួយចំនួនទៀត នាពេលកន្លងមកនេះ បងៗនិងពូៗ ជាប្រជាការពារ បានលះបង់អស់កម្លាំងកាតចិត្ត ដើម្បីការពារ សុខមាលភាពជូនប្រជាពលរដ្ឋនិងការពារសន្តិសុខសណ្តាប់ធ្នាប់ជូនប្រតិភូ ។ ឯកឧត្តម ឃួង ស្រេងអភិបាលនៃគណៈអភិបាលរាជធានីភ្នំពេញ ថ្លែងថា អំណោយដែលផ្តល់ជូនប្រជាការពារទាំងជាង ៧០០នាក់នេះ ជាអំណោយរបស់សម្តេចតេជោ ហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន…

ភ្នំពេញ៖ មន្រ្តីជាន់ខ្ពស់ក្រសួងបរិស្ថាន បានជំរុញដល់ ប្រធានមន្ទីរបរិស្ថានថ្មីដែលទើបត្រូវបានប្រកាសមុខតំណែងនិងមន្ត្រីនៃមន្ទីរបរិស្ថានខេត្តកែបត្រូវបន្តខិតខំប្រឹងប្រែងរក្សាឱ្យបានរឹងមាំបន្ថែមទៀតនូវសាមគ្គីភាព និងឯកភាពផ្ទៃក្នុង ជាមួយថ្នាក់ដឹកនាំ និងមន្ត្រីរាជការគ្រប់ជាន់ថ្នាក់ក្នុងមន្ទីរឱ្យបានល្អប្រសើរ បង្កើនប្រសិទ្ធភាពលើកិច្ចការពារនិងអភិរក្សធនធានធម្មជាតិ កិច្ចគាំពារបរិស្ថាន ការអប់រំផ្សព្វផ្សាយ ចំណេះដឹងនិងព័ត៌មានបរិស្ថាន និងការលើកស្ទួយជីវភាព សហគមន៍មូលដ្ឋាន ដែលជាប្រយោជន៍សង្គម និងមនុស្សជាតិ»។ នេះគឺជាគូសបញ្ជាក់របស់ឯកឧត្តមរដ្ឋលេខាធិការក្រសួងបរិស្ថាន នេត្រ ភក្ត្រា ក្នុងឱកាសចូលរួមជាគណៈអធិបតីពិធីប្រកាសមុខតំណែងប្រធានមន្ទីរបរិស្ថានខេត្តកែប កាលពីរសៀលថ្ងៃទី២៩ ខែធ្នូ ឆ្នាំ២០២២ នៅសាលប្រជុំរដ្ឋបាលខេត្តកែប។ ឯកឧត្តម បន្ថែមថា «ខ្ញុំសូមស្នើដល់លោកប្រធានមន្ទីរបរិស្ថានខេត្តកែប ដែលទើបទទួលបានការតែងតាំងថ្មីនេះ សូមបន្តយកចិត្តទុកដាក់ជំរុញលើកទឹកចិត្ត អប់រំណែនាំ ជួយបង្កលក្ខណៈ និងផ្តល់ឱកាសការងារដល់មន្ត្រី វ័យក្មេងដែលជាធនធានមនុស្សសម្រាប់បន្តវេននៅថ្ងៃ អនាគត»។ ឯកឧត្តម ដ្ឋលេខាធិការ នេត្រ ភក្ត្រា បន្ថែមថា រាជរដ្ឋាភិបាលកម្ពុជា បានកំណត់ជាយុទ្ធសាស្ត្រក្នុងការអភិវឌ្ឍវិស័យទេសចរណ៍ខេត្តតំបន់ឆ្នេរដោយក្នុងនោះខេត្តកែប ត្រូវបានកំណត់ជាគោលដៅទីក្រុងទេសចរណ៍លំដាប់ខ្ពស់ និងប្រណីត។ ដើម្បីសម្រេចគោលដៅយុទ្ធសាស្ត្រនេះមន្ត្រីជំនាញបច្ចេកទេសចាំបាច់ត្រូវបំពេញការងារប្រកបដោយវិជ្ជាជីវៈ បុរេសកម្ម និងការទទួលខុសត្រូវខ្ពស់៕ ង៉ាន់ ទិត្យ

ភ្នំពេញ៖ កម្ពុជាទទួលជំនួយជាង២៥ម៉ឺនដុល្លារពីប្រទេសន័រវែសន ដើម្បីបោសសម្អាតមីននៅខេត្តបន្ទាយមានជ័យ។នេះបើតាមសេចក្ដី ប្រកាសព័ត៌មានរបស់មជ្ឈមណ្ឌលសកម្មភាពបោសសម្អាតមីនកម្ពុជាស៊ីម៉ាក់ដែលចេញផ្សាយនៅថ្ងៃទី២៩ខែធ្នូ។ ស៊ីម៉ាក់បញ្ជាក់ថាកិច្ចកិច្ចព្រមព្រៀងទទួលជំនួយក្នុងទំហំទឹកប្រាក់២៥ ៣៦០៨ ដុល្លារពីប្រទេសន័រវែសនោះត្រូវធ្វើឡើងនៅស្នាក់ការ កណ្ដាលស៊ីម៉ាក់ ក្រោមធិបតីភាពរបស់អគ្គនាយកស៊ីម៉ាក់ឯកឧត្តម ហេងរតនានិង ប្រធានទីភ្នាក់ងារផ្តល់ជំនួយន័រវែសNowegian People’s Aidប្រចាំប្រទេសកម្ពុជាលោកRuneKristian Dele Anderson។ សេចក្ដីប្រកាសព័ត៌មានបានបញ្ជាក់៖«ជំនួយឥតសំណងនេះនឹងត្រូវយកទៅប្រើប្រាស់លើសកម្មភាពបោសសម្អាតគ្រាប់មីននិងគ្រាប់មិនទាន់ផ្ទះនៅខេត្តបន្ទាយមានជ័យ»។ ស៊ីម៉ាក់ឱ្យដឹងបន្ថែមទៀតថា ស៊ីម៉ាក់បានប្រើប្រាស់ជំនួយក្រោម គម្រោងដែលគាំទ្រដោយក្រសួងការបរទេសន័រវេសដើម្បីសកម្មភាពបោសសម្អាតមីនចាប់ពីខែមករាឆ្នាំ២០២៣លើផ្ទៃប្រមាណ២ ៥២០ ០០០ម៉ែត្រការ៉េក្នុងខេត្តបន្ទាយមានជ័យ។គ្រាប់មីនកប់ដី និង សំណល់ អាវុធជាតិផ្ទុះបន្សល់ពីសង្គ្រាម បានធ្វើឱ្យមានបញ្ហាប្រឈមជាច្រើនដល់ការអភិវឌ្ឍកម្ពុជា។មីនរាំងស្ទះលទ្ធភាពទទួលបានដីធ្លី ហេដ្ឋារចនាសម្ព័ន្ធ សេវា សង្គមជាមូលដ្ឋាន ប្រព័ន្ធធារាសាស្ត្រ និងទឹកពិសាសុវត្ថិភាព។ក្រៅពីនេះ អ្នករស់រានមានជីវិតពីគ្រាប់មីន និងសំណល់អាវុធជាតិ ផ្ទុះបន្សល់ពីសង្គ្រាម ទទួលបានការគាំទ្រតិចតួច បើទោះបីរដ្ឋាភិបាល កំពុងតែព្យាយាមកែរលម្អសេវាសម្រាប់ជនរងគ្រោះក៏ដោយ។ ជាញឹកញយ ជនរងគ្រោះច្រើនតែជាអនក្ខរជន និងអ្នកគ្មានដីធ្លី ហើយស្ត្រីទំនងជាជួបប្រទះច្រើនពីផលប៉ះពាល់អវិជ្ជមាន ដូចជា សុខភាពខ្សោយ ការរងរបួស និងការបាត់បង់ជីវិត។ស៊ីម៉ាក់ថ្លែងអំណរគុណចំពោះប្រទេសន័រវេសដែលបានផ្ដល់ជំនួយមកដល់គម្រោងបោសសម្អាតមីនលើកនេះ។ ស៊ីម៉ាក់អះអាងទៀតការផ្ដល់ជំនួយហិរញ្ញវត្ថុដល់ស៊ីម៉ាក់ ជាការគាំទ្រ សកម្មភាពយ៉ាងខ្លាំងក្លាដើម្បីកម្ចាត់ឃាតករលាក់ខ្លួន(គ្រាប់មីន)ជួយសង្គ្រោះពលរដ្ឋពីគ្រោះថ្នាក់ដោយសារមីន ។ម្យ៉ាងទៀត ជំនួយនេះនឹងជួយឱ្យពលរដ្ឋមានដីធ្លីសម្រាប់ធ្វើកសិកម្មចិញ្ចឹមជីវិតទៀតផង៕ដោយ៖វណ្ណ ស័ក្ដិ