ភ្នំពេញ ៖ សមត្ថកិច្ចជំនាញចរាចរណ៍ កាលពីថ្ងៃទី២១ ខែធ្នូ ឆ្នាំ២០២២ ម្សិលមិញនេះ នៅទូទាំងប្រទេសកម្ពុជា បានដាក់គោលដៅសរុបចំនួន ១៥៦គោលដៅ ដើម្បីធ្វើការត្រួតពិនិត្យការអនុវត្តច្បាប់ចរាចរណ៍ផ្លូវគោក ។ ក្នុងនោះដែរ មាន យានយន្ត ចូល គោលដៅ ចំនួន ៤៩០ គ្រឿង ម៉ូតូ ចំនួន ៣៨៧ គ្រឿង រក ឃើញ យានយន្ត ល្មើស សរុប ចំនួន ៤១៤ គ្រឿង មាន ម៉ូតូ ចំនួន ៣៣៣ គ្រឿង ត្រូវ បាន ផាកពិន័យ តាម អនុក្រឹត្យ លេខ ៣៩. អន ក្រ . បក នៅ ទូ ទាំង ប្រទេស ។ នេះបើយោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ…

ភ្នំពេញ ៖ សូមនិយាយថាទេ ចំពោះគ្រឿងញៀន គ្រឿងញៀន បំផ្លាញអនាគតអ្នក និងក្រុមគ្រួសារអ្នក.! ជនសង្ស័យ ចំនួន ៥៣ នាក់ ( ស្រី ២ នាក់ ) ត្រូវ បាន សមត្ថកិច្ច ឃាត់ខ្លួន ក្នុង ប្រតិបត្តិការ ប ង្ក្រា ទ បទល្មើស គ្រឿងញៀន ចំនួន ២៤ ករណី នៅ ទូ ទាំង ប្រទេស កាលពីថ្ងៃ ទី ២១ ខែធ្នូ ឆ្នាំ២០២២ ម្សិលមិញ នេះ ។ ក្នុង ចំណោម ជនសង្ស័យ ទាំង ចំនួន ៥៣ នាក់ រួម មាន៖ ជួញដូរ ១១ ករណី ឃាត់…

ភ្នំពេញ៖ ឯកឧត្តម បណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡានិងមន្រ្តីជាន់ខ្ពស់ជាច្រើនរូបទៀត បានចុះពិនិត្យដំណើរការនៃការបោះពុម្ពលទ្ធផលប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុប សម័យប្រឡង៖ ០៥ ធ្នូ ២០២២ ដោយក្នុងនេះមានការចូលរួមពិនិត្យដោយអង្គភាពប្រឆាំងអំពើពុករលួយផងដែរ ។ ការចុះត្រួតពិនិត្យ ដើម្បីរបស់រដ្ឋមន្រ្តីក្រសួងអប់រំ និងភាគីពាក់ព័ន្ធដទៃទៀតនេះត្រូវបានក្រសួងអប់រំ ឱ្យដឹងនៅថ្ងៃទី ២៣ ខែធ្នូ ឆ្នាំ ២០២២នេះដែរថាដើម្បីធានាបានថាគ្រប់ដំណាក់កាលជុំវិញការប្រឡងសញ្ញាបត្រមធ្យមសិក្សាទុតិយភូមិ ប្រព្រឹត្តទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។ លទ្ធផលប្រឡងសញ្ញាបត្រមធ្យមសិក្សាទុតិយភូមិ សម្រាប់មណ្ឌលរាជធានីភ្នំពេញ និងខេត្តកណ្ដាលនឹងត្រូវប្រកាសនាថ្ងៃទី២២ ខែធ្នូ ឆ្នាំ២០២២នេះ វេលាម៉ោង ៣រសៀល ។ ដោយឡែកសម្រាប់មណ្ឌលតាមបណ្ដាខេត្តនឹងត្រូវប្រកាសនៅថ្ងៃទី២៣ ខែធ្នូ ឆ្នាំ២០២២ ព្រមទាំងមានផ្សព្វផ្សាយលើទំព័រហ្វេសប៊ុកផ្លូវការក្រសួងអប់រំ យុវជន និងកីឡា៕ ដោយ ម៉ាដេប៉ូ

បាត់ដំបង៖ រដ្ឋបាលខេត្តបាត់ដំបង នឹងរៀបចំការបង្ហាញពិព័រណ៍ មុខម្ហូបខ្មែរ នៅថ្ងៃឆ្លងឆ្នាំសកល ដើម្បីជាការទាក់ទាញភ្ញៀវទេសច រ ជាតិ និងអន្តរជាតិ ចូលមកកម្សាន្តក្នុងខេត្តបាត់ដំបង់។ នេះបើ តាមមន្ត្រីជំនាញនៃមន្ទីរទេសចរណ៍ខេត្តបាត់ដំបងបញ្ជាក់កាលពីថ្ងៃទី២១ខែធ្នូកន្លងទៅនេះ។ អនុប្រធានមន្ទីរទេសចរណ៍ខេត្តបាត់ដំបងលោក នូ ថា មាន ប្រសាសន៍ ថា ការរៀបចំបង្ហាញពិព័រណ៍មុខម្ហូបខ្មែរ នៅថ្ងៃឆ្លង ឆ្នាំសកលនេះ គឺដោយសារខេត្តបាត់ដំបង គឺជាខេត្តមួយ ដែល មានប្រវត្តិសាស្ត្រ វប្បធម៌ ទំនៀមទំលាប់ យ៉ាងសម្បូរបែប តាំងពីដើមមក។ លោកបន្ថែមថា៖« អ្វីដែលជាការកត់សម្គាល់មួយ គឺភ្ញៀវ ទេសចរ ភាគច្រើន ជាពិសេសភ្ញៀវទេសចរក្នុងស្រុក ពេលដែល លឺឈ្មោះ បាត់ដំបង គេតែងតែនឹកឃើញដល់បទចម្រៀងរបស់អធិរាជ សំឡេងមាស ស៊ីន ស៊ីសាមុត ដែលបានរៀបរាប់ពីមុខម្ហូបចំណី អាហារ ដ៏ឈ្ងុយឆ្ងាញ់ ដែលអ្នកនិពន្ធបានចងក្រង នូវប្រវត្តិនៃមុខ ម្ហូប ដ៏ពេញនិយមនិងឈ្ងុយឆ្ងាញ់ដូចជា៖ អាម៉ុកត្រី ផ្អកត្រីប្រៃ ណែមត្រី ក្រូចពោធិ៍សាត់ ដូងខ្ទិះជាដើម»។ លោកបញ្ជាក់ថា…

ភ្នំពេញ៖ នគរបាលខណ្ឌកំបូលដោយមានការចូលរួមសហការពីកម្លាំងនគរបាលនាយកដ្ឋានព្រហ្មទណ្ឌនិងកម្លាំងការិយាល័យនគរបាលកម្រិតធ្ងន់នៃស្នងការដ្ឋាននគរបាលរាជធានីភ្នំពេញបានស្រាវជ្រាវឈានដល់បំបែកសំណុំរឿងអំពើប្លន់ប្រដាប់អាវុធយ៉ាងកក្រើកទៅលើម៉ូតូជនរងគ្រោះ០៤ករណីនៅខណ្ឌកំបូល រាជធានីភ្នំពេញ ដោយបានបង្រ្កាបចាប់ខ្លួនជនសង្ស័យ ០៩នាក់ជាបន្តបន្ទាប់ ដកហូតវត្ថុតាងមធ្យោបាយប្រព្រឹត្តបទល្មើសម៉ូតូ០៣គ្រឿង និងកាំភ្លើងខ្លី០១ដើមម៉ាកកា៥៩។ ការបង្រ្កាបចាប់ខ្លួនជនសង្ស័យចោរប្លន់ទាំងនេះកម្លាំងនគរបាលធ្វើឡើងរយៈពេល០៣ថ្ងៃចាប់ពីថ្ងៃទី១៩រហូតដល់ថ្ងៃទី២១ ខែធ្នូ ឆ្នាំ២០២២ នៅក្នុងភូមិសាស្រ្តខណ្ឌកំបូល ខណ្ឌពោធិ៍សែនជ័យនិងខណ្ឌដង្កោ រាជធានីភ្នំពេញ ក្រោយពីក្រុមជនសង្ស័យបានធ្វើសកម្មភាពអំពើប្លន់ម៉ូតូបានសម្រេចជាបន្តបន្ទាប់រហូត០៤ករណីនៅក្នុងភូមិសាស្រ្តខណ្ឌកំបូល។ លោកវរសេនីយ៍ឯក ហង្ស មុនី អធិការនគរបាលខណ្ឌកំបូល ប្រាប់ឱ្យដឹងថា៖ ជនសង្ស័យទាំង០៩នាក់រាល់ធ្វើសកម្មភាពប្លន់ម៉ូតូបានសម្រេចទាំង០៤ករណីនៅក្នុងភូមិសាស្រ្តខណ្ឌកំបូលកន្លងមកគឺពួកវាបានធ្វើសកម្មភាពដោយជិះម៉ូតូដេញតាមម៉ូតូជនរងគ្រោះនៅតាមផ្លូវសាធារណៈមានសភាពស្ងាត់ជ្រងំហើយពួកវាយកកាំភ្លើងខ្លីភ្ជង់ជនរងគ្រោះឱ្យឈប់ម៉ូតូហើយធាក់ផ្តួលម៉ូតូក៏វាយជនរងគ្រោះដោយកាំភ្លើង ប្លន់យកម៉ូតូជិះគេចខ្លួនបាត់តែម្តង។ លោកវរសេនីយ៍ឯក ហង្ស មុនី ប្រាប់ឱ្យដឹងទៀតថា៖ក្រោយពីការបង្រ្កាប ចាប់ខ្លួនជនសង្ស័យគឺពួកគេបានឆ្លើយសារភាពទទួលកំហុសដែលខ្លួនបានប្រព្រឹត្តពិតប្រាកក្នុងអំពើប្លន់ម៉ូតូ០៤ករណី ដោយម៉ូតូប្លន់បានសម្រេចយកទៅលក់បានប្រាក់ចែក គ្នាក្នុងម្នាក់ៗពី៣០ដុល្លារ ទៅ៥០ដុល្លារ យកទៅផឹកស៊ីចាយវាយអស់។បច្ចុប្បន្នជនសង្ស័យនិងវត្ថុតាងកម្លាំងជំនាញព្រហ្មទណ្ឌអធិការដ្ឋាននគរបាលខណ្ឌកំបូលកំពុងកសាងសំណុំរឿងចាប់បញ្ជូនទៅតុលាការចាត់ការតាមផ្លូវច្បាប់៕ ដោយ / គ្រី សម្បត្តិ

ភ្នំពេញ ៖ មកដល់ពេលនេះក្រសួងអប់រំយុវជន និងកីឡាបានបញ្ជាក់ពីការដំណើរការស្រង់ បូក និងផ្ទៀងផ្ទាត់ពិន្ទុ នៃការប្រឡងសញ្ញាបត្រមធ្យមសិក្សាទុតិយភូមិឬហៅបាក់ឌុប នៃចំណេះទូទៅ និងបំពេញវិជ្ជា សម័យប្រឡង៖ ០៥ ធ្នូ ២០២២ ត្រូវបានបញ្ចប់ទាំងស្រុងហើយនាថ្ងៃទី ២១ ខែធ្នូ ឆ្នាំ ២០២២។ បើយោងតាមរយៈទំព័រហ្វេសប៊ុករបស់ក្រសួងអប់រំបានឱ្យដឹងថា៖ការទទួលបានជោគជ័យនេះបន្ទាប់ពីបានបំពេញភារកិច្ចយ៉ាងសកម្ម និងប្រកបដោយទំនួលខុសត្រូវខ្ពស់ពីសមាជិកអនុគណៈកម្មការគ្រប់គ្រងសន្លឹក MCS អនុគណៈកម្មការស្រង់ បូកពិន្ទុដោយកុំព្យូទ័រ និងគណៈកម្មការទាំងអស់ ព្រមទាំងការចូលរួមសង្កេតការណ៍ជាប្រចាំពីមន្ត្រីអង្គភាពប្រឆាំងអំពើពុករលួយផងដែរ ដែលអាចធានាបាននូវការប្រឡងស្របតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។ ទន្ទឹមជាមួយគ្នានៅថ្ងៃដដែលនេះក្រសួងអប់រំក៏បានចេញសេចក្តីប្រកាសព័ត៌មានពីការការប្រកាសលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិឬហៅថាបាក់ឌុប សម័យប្រឡង ៖ ០៥ ធ្នូ ២០២២ នឹងប្រកាសនៅថ្ងៃទី២២ ខែធ្នូ ឆ្នាំ២០២២ វេលាម៉ោង៣រសៀលសម្រាប់រាជធានីភ្នំពេញ-កណ្ដាល និងថ្ងៃទី២៣ ខែធ្នូ ឆ្នាំ២០២២ សម្រាប់បណ្ដាខេត្តផ្សេងទៀត។ គួរបញ្ជាក់ថាបើតាមការគ្រោងទុកការប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិឬហៅថាបាកឌុប ក្រសួងបានកំណត់ យកថ្ងៃទី២៧ ខែធ្នូ ឆ្នាំ២០២២ ពេលរសៀល សម្រាប់ប្រកាសលទ្ធផលប្រឡងនៅ រាជធានីភ្នំពេញ និងខេត្តកណ្តាល និងនៅថ្ងៃទី២៨ ខែធ្នូ ឆ្នាំ២០២២…

ភ្នំពេញ៖ ក្រសួងប្រៃសណីយ៍ និងទូគមនាគមន៍បានចេញសេចក្តីជូនដំណឹងមួយដោយបញ្ជាក់ពីការយកចិត្តទុកដាក់ជាប្រចាំលើការកសាងធនធានមនុស្សឆ្នើម និងអនាគតយុវជន យុវនារី ក្នុងយុគសម័យឌីជីថល សម្តេចតេជោ ហ៊ុន សែន បានសម្រេចផ្តល់ “អាហារូបករណ៍ទេពកោសល្យឌីជីថលតេជោ ( Techo Digital Talent Scholarship)” តាមរយៈក្រសួងប្រៃសណីយ៍និងទូរគមនាគមន៍ សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល តាំងពីឆ្នាំ២០២០មក។ បើយោងតាមសេចក្តីជូនដំណឹងចេញកាលពីថ្ងៃទី ២០ ខែធ្នូ ឆ្នាំ ២០២២បានបញ្ជាក់ថា៖ កម្មវិធីអាហារូបករណ៍នេះ បានប្រព្រឹត្តទៅយ៉ាងល្អប្រសើរ ដោយទទួលបានសិស្សចំនួន ២៥០នាក់ ជ្រើសរើសចេញពីសិស្សឆ្នើមទូទាំងប្រទេស។ ដោយមើលឃើញអំពីភាពជោគជ័យនៃកម្មវិធី អាហារូបករណ៍ទេពកោសល្យឌីជីថលតេជោ បានសម្រេចផ្តល់អាហារូបករណ៍សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល រហូតដល់ ៥០០កន្លែង នៅគ្រឹះស្ថានឧត្តមសិក្សារដ្ឋ និងឯកជនចំនួន៤ រួមមាន៖ បណ្ឌិត្យសភាបច្ចេកវិទ្យាឌីជីថលកម្ពុជា (CADT) សាកលវិទ្យាល័យភូមិន្ទភ្នំពេញ (RUPP) វិទ្យាស្ថានបច្ចេកវិទ្យាកម្ពុជា (ITC) និងសាកលវិទ្យាល័យអាមេរិកាំងភ្នំពេញ (AUPP) ជាដើម ៕ ដោយ ៖ ម៉ាដេប៉ូ