ភ្នំពេញ៖ ទិវាពិភពលោកប្រយុទ្ធនឹងជំងឺអេដស៍ថ្ងៃទី១ ធ្នូ ក្រោមប្រធានបទ “ធ្វើឱ្យមានសមភាព” ត្រូវបានប្រារព្វធ្វើឡើងនៅរមណីយដ្ឋានប្រវត្តិសាស្ត្រវត្តភ្នំ នាព្រឹកថ្ងៃទី២០ធ្នូ២០២២នេះ ក្រោយពីអាក់ខានមិនបានធ្វើអស់រយៈពេល៣ឆ្នាំដោយការរីករាលដាលជម្ងឺកូវីដ-១៩។ ពិធីនេះធ្វើឡើង ក្រោមអធិបតីភាពលោកជំទាវ កែវសុខពិសី អភិបាលរងរាជធានីភ្នំពេញតំណាងអោយឯកឧត្តម ឃួង ស្រេង អភិបាលរាជធានីភ្នំពេញ និងលោកសុឹម គឹមសាន អនុប្រធានអាជ្ញាធរជាតិប្រយុទ្ធប្រឆាំងជម្ងឺអេដស៏។ លោកបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញបានមានប្រសាសន៍លើកឡើងថា៖ យោងតាមប្រភពទិន្នន័យសង្ខេបឆ្នាំ២០២១ របស់មជ្ឈមណ្ឌលជាតិប្រយុទ្ធនឹងជំងឺអេដស៍ សើ ស្បែក និងកាមរោគ និងអង្គការសហប្រជាជាតិប្រយុទ្ធនឹងជំងឺអេដស៍នៅកម្ពុជា បានឱ្យដឹងថា ចំនួនប៉ាន់ស្មានអ្នកផ្ទុកមេរោគអេដស៍សរុប នៅរាជធានីភ្នំពេញមានចំនួនប្រមាណ ១៩.៥៣៣ នាក់ ក្នុងនោះអ្នកមកទទួលសេវាប្រឆាំងមេរោគអេដស៍ មានចំនួន ២២.៣៨៦ នាក់។ អត្រាប្រេវ៉ាឡង់អ្នកផ្ទុកមេរោគអេដស៍ពី១៥-៤៩ឆ្នាំ មានចំនួន០,៦ %។ រយះពេល៩ខែ ដើមឆ្នាំ ២០២២នេះ បានធ្វើតេស្តរកមេរោគអេដស៏នៅតាមមណ្ឌលសុខភាព មន្ទីរ ពេទ្យបង្អែក និង អង្គការជាដៃគូរបានចំនួន ៦៤ .៩២២ នាក់ HIV + ចំនួន១៣៣០ នាក់…

ភ្នំពេញ៖ ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងកោតសសើរដល់ទឹកចិត្តសប្បុរសធម៌របស់និស្សិត សាស្រ្តាចារ្យ និងអ្នកស្ម័គ្រចិត្តផ្តល់អំណោយឈាមទាំងឡាយដែលមានសណ្តានចិត្តសប្បុរស ក្នុងការបរិច្ចាគឈាមជាទៀងទាត់ ដែលទង្វើនេះបានបង្ហាញយ៉ាងច្បាស់នូវឆន្ទៈ សាមគ្គីភាពរបស់យុវជនខ្មែរជំនាន់ថ្មី ដែលគប្បីបន្តអនុវត្តឲ្យកាន់តែច្រើនក្នុងសង្គមខ្មែរយើង។ ឯកឧត្តមសាស្ត្រាចារ្យ ម៉ម ប៊ុនហេង បានមានប្រសាសន៍បែបនេះនាឱកាសអញ្ជើញចូលរួមកម្មវិធីបរិច្ចាគឈាមដ៏ធំចុងឆ្នាំ២០២២ ក្រោមប្រធានបទ “ចែករំលែកជីវិត គឺបរិច្ចាគឈាមទាំងអស់គ្នា” នៅបរិវេណទី២ នៃសាកលវិទ្យាល័យវិទ្យាសាស្ត្រសុខាភិបាល នៅថ្ងៃទី២០ ខែធ្នូ ឆ្នាំ២០២២។ ជាមួយគ្នានេះ ឯកឧត្តមរដ្ឋមន្រ្តីក៏បានថ្លែងអំណរគុណចំពោះក្រុមហ៊ុនវីតាល់ និងមជ្ឈមណ្ឌលជាតិផ្តល់ឈាម ដែលតែងតែខ្នះខ្នែងផ្សព្វផ្សាយ និងប្រមូលឈាមសប្បុរសគ្រប់ទីកន្លែង ដើម្បីបំពេញបន្ថែមដល់តម្រូវការឈាមជាចាំបាច់។ លោកជំទាវ អ្នកឧកញ៉ា ជឹង សុគន្ធាវី អគ្គនាយិកាក្រុមហ៊ុន វ័ន ហ្វ្រេតធើនីធី (វីតាល់) បានបញ្ជាក់ថា វីតាល់ បានកំណត់អាទិភាពការងាររបស់ខ្លួន មិនត្រឹមតែផ្តល់ជូននូវទឹកពិសាដែលមានគុណភាពខ្ពស់ សុវត្ថិភាព និងអនាម័យ ប៉ុណ្ណោះទេ ការចូលរួមសកម្មភាពសង្គម គឺជាកិច្ចការមួយទៀតដែលវីតាល់បានចាត់ទុកជាអាទិភាពផងដែរ។តួយ៉ាងដូចអ្វីដែលបានកំពុងរៀបចំនាពេលនេះ គឺកើតឡើងបាន ក៏ដោយសារមានការគាំទ្រពីសំណាក់អតិថិជន និងអ្នកប្រើប្រាស់ផលិតផលវីតាល់ ដែលជានិច្ចកាលវីតាល់បានបន្តរក្សាបេសកកម្មក្នុងការកាត់ប្រាក់ចំណេញ២៥រៀលពីវីតាល់ក្នុង១ដប បង្វិលចូលមូលនិធិសម្រាប់ប្រើប្រាស់ក្នុងសកម្មភាពសប្បុរសធម៌ និងការងារសង្គមនានា។ បូរេប្រទាននេះ បានជំរុញទឹកចិត្តឱ្យវីតាល់បន្តចូលរួមឧបត្ថម្ភគាំទ្រដល់ការបង្កើតឲ្យមានគម្រោងថ្មីៗបន្ថែមទៀត…

ខេត្តកំពង់ឆ្នាំង៖ នៅថ្ងៃទី១៩ ខែ ធ្នូ ឆ្នាំ២០២២នេះ ឧត្តមសេនីយ៍ត្រី អ៊ុ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងសហការីក្រុមការងារមនុស្សធម៍និងយោធិននារីរបស់អង្គភាព ដើម្បីពង្រឹងការងារយេនឌ័រ សហការជាមួយអាជ្ញាធរមូលដ្ឋានក្រុងស្រុកទាំង៤អញ្ជើញនាំយកគ្រឿងសម្ភារហូបចុកដោយក្នុង ១គ្រួសារៗទទួលបានអង្ករចំនួន ៣ការ៉ុងស្មើរនិង ៧៥គីឡូក្រាម ស័ង្កសី ៣០សន្លឹក មី ២កេស ទឹកត្រី ១យួរ ទឹកស៊ីអ៉ីវ ១យួរ .ត្រីខ ១យួរ. មុង១.ជែលលាងដៃ ២ដប រួមនិងថវិកាមួយចំនួន ។ អំណោយដែលបាននាំយកមកចែកជូននៅពេលនេះជាអំណោយដ៏ថ្លៃថ្លារបស់ ឯកឧត្ដម ឧត្តមសេនីយ៍ឯកហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ ពេជ ចន្ទមុន្នីហ៊ុន ម៉ាណែត ឧបត្ថម្ភដល់គ្រួសារអតីតយុទ្ធជនដែលកំពង់ជួបការខ្វះខាតមកពីក្រុងកំពង់ឆ្នាំង ស្រុកកំពង់លែង ស្រុករលាប្អៀនិងស្រុកបរិបូរណ៍ ។ នៅបញ្ចប់ពិធីតំណាងអតីតយុទ្ធទាំង ២០គ្រួសារ បានថ្លែងអំណរគុណយ៉ាងជ្រាលជ្រៅចំពោះ ឯកឧត្ដម ហ៊ុន ម៉ាណែត និងលោកជំទាវ លោក មេបញ្ជាការ…

ខេត្តកំពង់ធំ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានអញ្ជើញ បើកកិច្ចប្រជុំផ្សព្វផ្សាយសភាពការណ៍ថ្មីៗ និងអន់អប់រំចិត្តសាស្រ្ត និងពង្រឹងតួនាទីភារកិច្ចរបស់កងយោធពលខេមរភូមិន្ទ នៅថ្ងៃទី១៩ ខែធ្នូ ឆ្នាំ២០២២ ។ ឧត្តមសេនីយ៍ទោ សោម ស៊ុន បានក្រើនរំលឹកដល់យោធិនគ្រប់រូប ត្រូវប្តេជ្ញាចិត្តដាច់ខាត ក្នុងការការពារជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់ នឹងត្រូវអនុវត្តឱ្យបានម៉ឺងម៉ាត់តាមច្បាប់លក្ខន្តិកៈ និងបទវិន័យទូទៅរបស់កងយោធពលខេមរភូមិន្ទ នឹងត្រូវបន្តសិក្សារៀនសូត្រអំពីសេចក្តីណែនាំលេខ០០៣ របស់ក្រសួងការពារជាតិ ឲ្យបានជាប់ជាប្រចាំ។ ក្នុងនោះបានប្រគល់ភារកិច្ចសំខាន់ៗ ជូនដល់យោធិនគ្រប់រូប ត្រូវបន្តហ្វឹកហ្វឺនរៀនសូត្រ ការងារអប់រំចិត្តសាស្ត្រ ជូនដល់កងកម្លាំង ឲ្យបានជាប្រចាំនិងយកចិត្តទុកដាក់ភារកិច្ច កាងារកសាងអង្គភាពរឹងមាំ លេីគ្រប់វិស័យ តាមផែនការ ដែលថ្នាក់លើបានប្រគល់ជូន នឹងត្រូវបន្តសកម្មភាពទៅបម្រើ និងជួយដោះស្រាយនៅរាល់ការលំបាកខ្វះខាត ជូនប្រជាជន និងបងប្អូនអតីតយុទ្ធជននៅតាមមូលដ្ឋាននានាក្នុងភូមិសាស្ត្រទទួលខុសត្រូវ ដោយអនុវត្តតាមទិសស្លោកកងទ័ពជាកូនចៅរបស់ប្រជាជន អ្វីៗដើម្បីប្រជាជន ត្រូវបន្តសហការជាមួយអាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ ដើម្បីចូលរួមអនុវត្តឱ្យបានជោគជ័យនូវគោលនយោបាយភូមិឃុំមានសុវត្ថិភាពផងដែរ ៕ ដោយ ប៊ុន រដ្ឋា

ភ្នំពេញ ៖ បុរសម្នាក់ត្រូវខ្មាន់កាំភ្លេីងបាញ់ចំនួន ១គ្រាប់បណ្ដាលឱ្យរងរបួសធ្ងន់ ហេីយត្រូវពលរដ្ឋល្អដឹកបញ្ជូនទៅសង្គ្រោះនៅឯមន្ទីរពេទ្យរុស្សុី បន្ទាប់ពីជិះម៉ូតូប៉ះគ្នាបន្តិចបន្ទួចកាលវេលាម៉ោង៩ និង៣០នាទីយប់ថ្ងៃចន្ទ ទី១៩ ខែធ្នូ ឆ្នាំ២០២២ ស្ថិតតាមបណ្ដោយផ្លូវបេតុងជាប់របងវត្តសន្សំកុសល ក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ។ បេីតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុនោះគេឃើញបុរសរងគ្រោះជិះម៉ូតូមួយគ្រឿងតាមបណ្ដោយផ្លូវបេតុង ទិសដៅពីត្បូងទៅជើង ខណៈមកដល់ចំណុចកើតហេតុខាងលើស្រាប់តែឃើញជនដៃដល់ជិះម៉ូតូមួយគ្រឿងមិនចាំស្លាកលេខ ធ្វើដំណើរបញ្ច្រាស់គ្នាពីជើងទៅត្បូង និងបានទាក់ដៃចង្កូតគ្នាតែមិនបណ្ដាលឲ្យដួលនោះទេ ស្រាប់តែជនដៃដល់ដកកាំភ្លើងបាញ់ ១គ្រាប់ចំលើដោះធ្លាយមកខាងក្រោយស្មារងរបួសធ្ងន់ ចំណែកជនដៃដល់ក្រោយពីបាញ់រួចក៏ជិះម៉ូតូគេចខ្លួនដោយសុវត្តិភាព ដោយឡែកជនរងគ្រោះត្រូវបានប្រជាពលរដ្ឋដឹកតាមម៉ូតូទៅសង្គ្រោះនៅមន្ទីរពេទ្យរុស្សុី ។ ក្រោយកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុ និងយកវត្ថុតាងសំបកកាទុះទុកស្រាវជ្រាវរកជនដៃដល់ចាប់មកផ្ដន្ទាទោសតាមច្បាប់ ៕ ដោយ ៖ ជីម ភារ៉ា