ភ្នំពេញ៖ ក្រសួងទេសចរណ៍បើកកិច្ចពិភាក្សាជាមួយអ្នក ពាក់ព័ន្ធ ដើម្បីរកមធ្យោបាយទាក់ទាញទេសចរចិន។ កិច្ចប្រជុំពិគ្រោះយោបល់នេះធ្វើឡើងក្នុងសិក្ខាសាលាមួយក្រោមប្រធានបទ ការលើកកម្ពស់គុណភាពការផ្តល់សេវាកម្ម ទេសចរណ៍ សម្រាប់ភ្ញៀវទេសចរចិន ដែលដឹកនាំដោយតំណាង ក្រសួងទេសចរណ៍កម្ពុជា និងកុងស៊ុលចិនប្រចាំខេត្តសៀមរាប នាព្រឹកថ្ងៃទី១៩ខែធ្នូឆ្នាំ២០២២។ សិក្ខាសាលាពិគ្រោះយោបល់នេះមានការចូលរួមពីសំណាក់ប្រតិបត្តិករទេសចរណ៍ អ្នកជំនាញទេសចរណ៍ សិស្ស និស្សិត ប្រមាណ ២០០ នាក់។ ក្រសួងទេសចរណ៍បញ្ជាក់ក្នុងទំព័រហ្វេសប៊ុកផ្លូវការរបស់ខ្លួនថា សិក្ខាសាលានេះធ្វើឡើង ក្រោមមូលនិធិពិសេសនៃកិច្ច សហប្រតិបត្តិការមេគង្គ-ឡាងឆាង។ ប្រភពដដែលបន្តថា ៖«សិក្ខាសាលា រៀបចំឡើងស្របពេល វេលានឹងកិច្ចខិតខំប្រឹងប្រែងរបស់ក្រសួងទេសចរណ៍នៅក្នុងការជំរុញអភិវឌ្ឍសមត្ថភាពអ្នកជំនាញទេសចរណ៍ និងប្រតិបត្តិករ ទេសចរណ៍ដើម្បីត្រៀមលក្ខណៈទទួលភ្ញៀវទេសចរ ជាពិសេស ភ្ញៀវទេសចរចិនមកកាន់ព្រះរាជាណាចក្រកម្ពុជា»។ ក្រសួងទេសចរណ៍បន្ថែមថា ក្រោមនយោបាយវ៉ាក់សាំង របស់ រាជរដ្ឋាភិបាល កម្ពុជាបានឈានដល់ការបើកសកម្មភាព សេដ្ឋកិច្ច សង្គម និងទេសចរណ៍នៅក្នុងគន្លងប្រក្រតីភាពថ្មី ឡើងវិញ ហើយការបើកដំណើរការសេដ្ឋកិច្ច សង្គមឡើងវិញ នេះ បានជំរុញឱ្យមានការកម្សាន្តទេសចរណ៍នៅតាម គោលដៅ ទេសចរណ៍។ ក្រសួងទេសចរណ៍បញ្ជាក់៖ « តាមរយៈសិក្ខាសាលា នេះ នឹង មិនត្រឹមតែចូលរួមដល់ការបណ្តុះបណ្តាលទេពកោសល្យជំនាញដល់ប្រតិបត្តិករទេសចរណ៍ និងអ្នកបម្រើការក្នុងវិស័យ ទេសចរណ៍ ឱ្យកាន់តែមានសមត្ថភាពនៅក្នុងការផ្តល់សេវាកម្ម…

ព្រះសីហនុ៖ អភិបាលខេត្តព្រះសីហនុផ្អាកចរាចរណ៍ផ្លូវទឹកជា បណ្ដោះអាសន្ននៅចំពោះមុខអាកាសធាតុដ៏អាក្រក់។នេះបើ តាម សារជាសំឡេងរបស់អភិបាលខេត្តព្រះសីហនុឯកឧត្តម គួច ចំរើន ដែលបានផ្សព្វផ្សាយកាលពីថ្ងៃទី១៨ ខែធ្នូ ឆ្នាំ២០២២ ។ ឯកឧត្តមអភិបាលខេត្ត បានបញ្ជាទៅដល់អភិបាលក្រុងកោះរ៉ុង ស្នងការ និងរួមជាមួយអ្នកពាក់ព័ន្ធនឹងទូក កាណូត ទាំងអស់ សូមមេត្តាផ្អាកការធ្វើដំណើរនៅតាមផ្លូវទូកជាបណ្ដោះអាសន្ន ដោយសារស្ថានភាពខ្យល់មានការបក់បោកខ្លាំង។ទោះជាយ៉ាងណាក្ដីបទបញ្ជាឱ្យផ្អាកចរាចរណ៍តាមទឹកនេះនៅជាធរមាននៅឡើយគិតត្រឹមម៉ោង១២ថ្ងៃត្រង់ថ្ងៃទី១៩ខែធ្នូឆ្នាំ២០២២នេះ។ អធិការដ្ឋាននគរបាលក្រុងកោះរ៉ុង គឺលោក ហេង គីមអាន បាន ប្រាប់ថាមកទល់ថ្ងៃត្រង់ថ្ងៃទី១៩ខែធ្នូ ស្ថានភាពខ្យល់នៅ តំបន់កោះរ៉ុង ស្ងប់ស្ងាត់ជាបណ្ដើរៗប៉ុន្តែអាជ្ញាធរនៅមិន អនុញ្ញាត ឱ្យទូកធ្វើចរាចរណ៍នៅឡើយ ដោយមិនទាន់មានទំនុក ចិត្ត។លោកបន្តថា ទោះមានខ្យល់បក់បោកខ្លាំងក៏ដោយ ប៉ុន្តែ មិនទាន់មានអ្នករងគ្រោះ ដោយសារខ្យល់បក់បោកនេះឡើយ នៅតំបន់កោះរ៉ុង។ លោក ហេង គីមអាន បានបញ្ជាក់ថា៖ «យើងរង់ចាំ គោលការណ៍ ពីលោក អភិបាលខេត្ត ទើបអាចចេញទៅក្រៅ នឹងអាចមានការធ្វើដំណើរតាមផ្លូវទឹកបាន គ្រាន់តែយើង តាមដានសិនឲ្យមានភាពល្អប្រសើរ»។ គិតត្រឹមថ្ងៃទី១៩ខែធ្នូអាជ្ញាធររកឃើញថា ខ្យល់កន្ត្រាក់បាន ធ្វើឱ្យខូចខាតផ្នែកខ្លះនៃផ្ទះសម្បែងពលរដ្ឋអស់ប្រមាណ ២០៤៩ខ្នងផ្ទះហើយ ក្នុងនោះខ្យល់បោកផ្ដួលផ្ទះប្រជាពលរដ្ឋ អស់…

ភ្នំពេញ៖​ ក្នុងអំឡុងពេលអាកាសធាតុចុះត្រជាក់នៅចន្លោះពីខែ ធ្នូដល់ខែមករានៃឆ្នាំ ជំងឺផ្លូវដង្ហើមដែលមិនត្រូវនឹងអាកាសធាតុ ត្រជាក់ ឬជាប្រភេទអាល់លែកហ្ស៊ី និងជំងឺផ្លូវដង្ហើមបណ្តាល មកពីវីរុស នឹងកើតមានជាញឹកញាប់ ខណៈក្រសួងសុខាភិបាល នៅតែបន្តឱ្យប្រជាពលរដ្ឋប្រុងប្រយ័ត្នពីជំងឺកូវីដ១៩ដដែល។ យោងតាមសេចក្តីជូនព័ត៌មានរបស់ក្រសួងសុខាភិបាលនៅថ្ងៃទី១៩ ខែធ្នូ ស្តីពីការការពារការចម្លងវីរុសកូវីដ១៩ និងការប្រុង ប្រយ័ត្នការពារសុខភាពក្នុងអំឡុងពេលអាកាសធាតុចុះត្រជាក់ បានលើកឡើងថាស្ថានភាពនៃជំងឺកូវីដ១៩នៅលើសកលលោក មានការងើបឡើងវិញនូវការចម្លងវីរុសកូវីដ១៩នេះ ហើយ កម្ពុជាក៏ជាប្រទេសមួយដែលស្ថិតនៅក្នុងតំបន់ និងនៅលើ សកលលោកដែរ។ ក្រសួងបានលើកឡើងទៀតថា ៖ «នេះបញ្ជាក់ថា វីរុសកូវីដ១៩ មិនទាន់ទៅណាឆ្ងាយពីយើងនៅឡើយទេ ជាពិសេសពពួក អូមីក្រុងនៅតែបន្តការបំប្លែងខ្លួនរបស់វាជាបន្តបន្ទាប់ បណ្តាល ឱ្យលទ្ធភាពនៃការចម្លងគឺកើតមានគ្រប់ពេលវេលា គ្រប់ កាលៈទេសៈ និងគ្រប់កន្លែងទាំងអស់។ ដូច្នេះយើង ត្រូវតែប្រុង ប្រយ័ត្នទាំងអស់គ្នា កុំឱ្យមានការស្ទុះងើបឡើងវិញ និងការឆ្លង រាល ដាលនៃវីរុសកូវីដ១៩ ចូលទៅក្នុងសហគមន៍របស់យើង»។ទន្ទឹមនឹងការការពារពីមេរោគកូវីដ១៩នេះដែរ ឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាល ក៏បានអំពាវនាវផងដែរថា កម្ពុជាបានឈានចូលជាបណ្តើរៗដល់ពេលវេលាដែលអាកាសធាតុ ត្រជាក់នៃរដូវរងារបាននិងកំពុងមកដល់។ ដូច្នេះ ប្រជាពលរដ្ឋ ទាំងអស់ ត្រូវការពារសុខភាពផ្ទាល់ខ្លួន និងក្រុម គ្រួសារឱ្យបានល្អ…

ភ្នំពេញ៖ សត្វក្រៀលគឺជាសត្វដ៏កម្រនៅលើពិភលោក និងសត្វទាំងនេះក៏កំពុងមានវត្តមាននៅកម្ពុជាផងដែរក្នុងនេះគេតែងឃើញវាកំពុងរស់នៅក្នុងទឹកដីខេត្តចំនួន ៣គឺ ខេត្តបន្ទាយមានជ័យ, កំពតនិងតាកែវ។ បើតាមក្រសួងបរិស្ថានបានឱ្យដឹងថាសត្វក្រៀលចំនួន ២៦ក្បាលដែលវា បានមកដល់តំបន់ការពារទេសភាពបឹងព្រែកល្ពៅក្នុងខេត្តតាកែវហើយបានមករស់នៅរហូតមកដល់ពេលនេះ ។ ជាមួយគ្នានេះក្រសួងបរិស្ថានបាននិងកំពុងសហការជាមួយអង្គការជីវិតធម្មជាតិនៅកម្ពុជាក្នុងការតាមដាន និង ការពារទីជម្រកសត្វក្រៀលកំពុងរងគ្រោះជិតផុតពូជនេះ ។ ដោយឡែកបើយោងតាមលទ្ធផលជំរឿនសត្វក្រៀលឆ្នាំ២០២០ កម្ពុជា មានសត្វក្រៀលចំនួន ១៩៤ក្បាល។ នៅឆ្នាំ២០២១ ចំនួនសត្វក្រៀល មានការធ្លាក់ចុះនៅសល់តែ ១៦៤ក្បាល ហើយនៅឆ្នាំ២០២២នេះ របាយការណ៍បណ្តោះអាសន្ន ចំនួនសត្វក្រៀលបា បន្តធ្លាក់ចុះនៅសល់ត្រឹមជាង ១៥០ក្បាលទេ។ យោងតាមការសិក្សារបស់អ្នកជំនាញ ចំនួនសត្វក្រៀលនៅលើពិភពលោកសព្វថ្ងៃនេះ មានចន្លោះពី ១៣០០០ ទៅ ១៥០០០ ក្បាល ដែលរស់នៅក្នុងប្រទេសឥណ្ឌា អូស្ត្រាលី វៀតណាម ឡាវ និងកម្ពុជា។ សត្វក្រៀលមានវត្តមាននៅក្នុងប្រទេសកម្ពុជាតាំងពីយូរលង់ណាស់មកហើយ។ ប្រសិនបើសិនយើងបានទស្សនាប្រាសាទបាយ័ននៅ ខេត្តសៀមរាប យើងនឹងឃើញរូបចំលាក់សត្វក្រៀលដែលត្រូវបានឆ្លាក់ជាប់នឹងផ្ទាំងថ្ម។ នៅក្នុងទ្វីបអាស៊ី សត្វក្រៀល គឺជានិមិត្តរូបនៃជោគវាសនាល្អ និងអាយុយឺនយូរ។ ពួកវាក៏ត្រូវបានគេគិតថាជានិមិត្តរូបនៃមនោសញ្ចេតនាស្នេហាស្ម័គ្រស្មោះដោយយោងទៅតាមការភ្ជាប់ចំណងមេត្រីភាពរបស់ពួកវា។ នៅក្នុងប្រទេសភូមា សត្វក្រៀលត្រូវបានគេឃើញមានក្នុងពុទ្ធសាសនា។ ក្រសួងបរិស្ថានបានឱ្យដឹងដែរថា៖ សត្វក្រៀលតែងតែបង្ហាញវត្តមាននៅទីតាំង ៣ សំខាន់ គឺអាងត្រពាំងថ្មក្នុងខេត្តបន្ទាយមានជ័យ…

ភ្នំពេញ៖ ធនាគារពិភពលោក (World Bank) បានបញ្ជាក់ថា កំណើនសេដ្ឋកិច្ចដ៏ឆាប់រហ័សរបស់កម្ពុជាពីឆ្នាំ២០០៩ ដល់ឆ្នាំ២០១៩ គួបផ្សំជាមួយនឹងការផ្លាស់ប្តូរជារចនាសម្ព័ន្ធផង បានជួយធ្វើ ឱ្យ ប្រាក់ចំណូលរបស់ ពលរដ្ឋមានការកើន ឡើងជាលំដាប់ ហើយបានកាត់បន្ថយអត្រាភាពក្រីក្រកាន់តែធ្លាក់ចុះ និងកម្រិតជីវភាពមានភាពប្រសើរឡើងជាងមុន ។ ឆ្លើយតបនឹងរបាយការណ៍ខាងលើនេះ ក្រុមហ៊ុន ជីប ម៉ុង លែន និង ក្រុមហ៊ុន ជីប ម៉ុង រីថែល ដែលជាការបណ្តាក់ទុនរបស់វិនិយោគិនក្នុងស្រុក នៅថ្ងៃទី១៨ ខែធ្នូនេះ បានរួមគ្នាប្រារព្ធកម្មវិធីបញ្ចុះបឋមសិលាបើកការដ្ឋានសាងសង់ គម្រោង ផាកលែន 50M ទី III និងផ្សារទំនើប ជីប ម៉ុង 50M ដែលមានទីតាំងស្ថិតនៅលើផ្លូវព្រៃសចំងាយត្រឹមតែ១០នាទី ពីច្រមុះជ្រូកស្ទឹងមានជ័យ បត់ស្តាំតាមស្តុបផ្សារចំការដូង។ កម្មវិធីបញ្ចុះបឋមសិលាបើកការដ្ឋានសាងសង់រួមគ្នានេះ ធ្វើឡើងដើម្បីប្រកាសពីការមកដល់ និងដំណើរការសាងសង់ផ្សារទំនើបធំជាងគេក្នុងតំបន់ ជីប ម៉ុង 50M ម៉ល ក៏ដូចជាត្រៀមប្រកាសកម្មវិធីបើកលក់ជាផ្លូវការគម្រោងថ្មីផាកលែន 50M ទី III នៅដើមឆ្នាំ២០២៣ ខាងមុខនេះផងដែរ។…