កំពង់ស្ពឺ ៖ អភិបាលខេត្តកំពង់ស្ពឺ ឯកឧត្តម វ៉ី សំណាង បានថ្លែងថា អ្នកស្ម័គ្រចិត្តគឺជាឆ្អឹងនិងជាប្រតិបត្តិករជួរមុខដ៏សកម្មពុំអាចខ្វះបានឡើយរបស់កាកបាទក្រហមកម្ពុជានិងអង្គការស្ម័គ្រចិត្តនានា។ អ្នកស្ម័គ្រចិត្តគឺជានិមិត្តរូបនៃការលះបង់កម្លាំងកាយចិត្ត ពេលវេលាធ្វើការរួមគ្នាក្នុងសាមគ្គីភាពជាធ្លុងមួយ ដើម្បីជំនះបានរាល់ការលំបាកនិងបញ្ហាប្រឈមនានា។ ឯកឧត្តម ថ្លែងដូច្នេះក្នុងពិធីអបអរសាទរទិវាអន្តរជាតិនៃអ្នកស្មគ្រចិត្តក្រោមប្រធាន៖សាមគ្គី តាមរយៈការស្មគ្រចិត្ត ធ្វើឡើងនៅក្នុងស្រុកឱរ៉ាល់ថ្ងៃទី១៥ ខែធ្នូ ឆ្នាំ២០២២ ។ ឯកឧត្តម វ៉ី សំណាង បានគូសបញ្ជាក់ថា សាមគ្គីភាពដ៏រឹងមាំរបស់កម្លាំងស្មគ្រចិត្តពីគ្រប់មជ្ឈដ្ឋាន នៅក្នុងប្រទេសបានធ្វើឱ្យព្រះរាជាណាចក្រកម្ពុជាយើងកាន់តែរឹងមាំក្នុងការចូលរួមអនុវត្តយុទ្ធសាស្ត្រជាតិទូលំទូលាយគ្រប់ជ្រុងជ្រោយជាមួយរាជរដ្ឋាភិបាល ធ្វើឱ្យប្រទេសជាតិយើងអាចគ្រប់គ្រងបានជំងឺកូវីដ-១៩ ជំងឺឆ្លងរាតត្បាតសកលនានា ហើយបាននិងកំពុងតែស្តារនិងជម្រុញកំណើនសេដ្ឋកិច្ចឡើងវិញក្នុងបរិបទនៃការរស់នៅតាមបែបគន្លងប្រក្រតីភាពថ្មី ក្នុងបរិបទនៃជំងឺកូវីដ-១៩ និងជោគជ័យជាបន្តបន្ទាប់ទៀតដូចជា ការធ្វើជាម្ចាស់ផ្ទះនៃកិច្ចប្រជុំកំពូលអាស៊ានលើកទី៤០ និងលើកទី៤១ និងកិច្ចប្រជុំកំពូលពាក់ពន្ធ័។ ឯកឧត្តម វ៉ី សំណាង ថ្លែងនូវការកោតសរសើរថា ក្នុងតួនាទីជាអ្នកស្មគ្រចិត្តកាកបាទក្រហម ដែលមិនបានទទួលបានប្រាក់កម្រៃ ឬផលប្រយោជន៍ តែអ្នកស្ម័គ្រចិត្តពិតជាបានលះបង់យ៉ាងធំធេងក្នុងការចូលរួមបម្រើយ៉ាងសកម្មលើការងារមនុស្សធម៌ជួយដល់ជនរងគ្រោះនៅក្នុងសហគមន៍។ ការលះបង់ទាំងនេះពិងជាបានបង្ហាញឱ្យសហគមន៍ជាតិ និងអន្តរជាតិបានយល់ពីគុណតម្លៃ និងសារសំខាន់នៃសកម្មភាពចូលរួមការងារសង្គមរបស់អ្នកស្មគ្រចិត្ត។ ទន្ទឹមនិងនោះអភិបាលខេត្តបានជម្រុញឱ្យគណកម្មាធិការសាខា អនុសាខាបន្តលើកទឹកចិត្ត និងផ្តល់ការឧបត្ថម្ភគាំទ្រជាស្មារតី ថវិកា ដល់អ្នកស្ម័គ្រចិត្ត យុវជនកាកបាទក្រហមក្នុងអនុវត្តប្រកបដោយស្មារតីទទួលខុសត្រូវខ្ពស់នូវផែនការសកម្មភាពស្របតាមវិស័យអាទិភាពទាំង៤ នៃយុទ្ធសាស្ត្រ២០២១-២០៣០របស់កាកបាទក្រហមកម្ពុជា(កក្រក)៕ម៉ុន សំអាត

ភ្នំពេញ៖ អង្គការសហប្រជាជាតិប្រចាំកម្ពុជា(អ.ស.ប) បាន សន្យាថានឹងបន្តការគាំទ្រ ចំពោះគោលដៅមហិច្ឆតារបស់ រាជរដ្ឋាភិបាលកម្ពុជា ដែលចង់ប្រែក្លាយប្រទេសកម្ពុជាឱ្យជា ប្រទេស មានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រាក់ចំណូលខ្ពស់នាឆ្នាំ២០៥០ ហើយកម្ពុជា និងអ.ស.ប ក៏បានប្តេជា្ញរួមគ្នាពង្រឹងកិច្ចសហប្រតិបត្តិការលើវិស័យការងារ និងបណ្តុះបណ្តាលវិជ្ជាជីវៈផងដែរ។ ការសន្យានេះត្រូវបានធ្វើឡើង នាជំនួបសម្តែងការគួរសម និង ពិភាក្សាការងារ រវាងឯកឧត្តម អ៊ិត សំហេង រដ្ឋមន្រ្តីក្រសួង ការងារ និងបណ្តុះបណ្តាលវិជ្ជាជីវៈ និងលោក Joseph Scheuer អ្នកសម្របសម្រួលថ្មីរបស់អ.ស.ប ប្រចាំនៅកម្ពុជា នាព្រឹកថ្ងៃទី១៥ ខែធ្នូ នៅទីស្តីការក្រសួងការងារ។ក្នុងជំនួបនោះឯកឧត្តមរដ្ឋមន្រ្តីបានលើកឡើងដោយបង្ហាញពីក្តីសង្ឃឹមថា ក្នុងបេសកម្មការងាររបស់លោក Joseph និង សហការី នឹងបន្តកិច្ចសហការជាមួយបណ្តាក្រសួងពាក់ព័ន្ធ របស់រដ្ឋាភិបាលកម្ពុជា ជាពិសេសក្រសួងការងារ និង បណ្តុះបណ្តាលវិជ្ជាជីវៈ ដើម្បីចូលរួមចំណែកក្នុងការជំរុញ កំណើន សេដ្ឋកិច្ចកម្ពុជាឱ្យកាន់តែរីកចម្រើនថែមទៀត។បើតាមក្រសួងការងារ និងបណ្តុះបណ្តាលវិជ្ជាជីវៈ លោក Joseph Scheuer ធ្លាប់កាន់តំណែងជានាយកកម្មវិធីអភិវឌ្ឍន៍ អង្គការសហប្រជាជាតិប្រចាំប្រទេសកម្ពុជាឬយូអិនឌីភី(UNDP) នៅក្នុងអំឡុងឆ្នាំ២០០៧ និង២០១០ ហើយទើបត្រឡប់មក កាន់កម្ពុជានៅឆ្នាំ២០២២ សារជាថ្មីម្តងទៀត។…

ខេត្តសៀមរាប ៖ ឯកឧត្តម ឌិត ទីណា រដ្ឋមន្រ្តីក្រសួងសួងកសិកម្ម រុក្ខាប្រមាញ់និងនេសាទ នៅរសៀលថ្ងៃទី១៤ ខែធ្នូ ឆ្នំា២០២២ បានទទួលស្វាគមន៍ក្រុមការងារក្រសួងបរិស្ថាន ដែលអញ្ជើញមកធ្វើបទបង្ហាញអំពីផែនការរបស់រាជរដ្ឋាភិបាល សម្រាប់បងប្អូនប្រជាពលរដ្ឋដែលត្រូវផ្លាស់ទីលំនៅចេញពីតំបន់រមណីយដ្ឋានអង្គរ ទៅនៅភូមិធម្មជាតិរុនតាឯក និងឃុំពាក់ស្នែង ក្នុងស្រុកបន្ទាយស្រី ខេត្តសៀមរាប ។ ក្រៅពីការរៀបចំដីឡូត៍លំនៅដ្ឋានចំនួន ១២ ០០០ឡូត៍ និងផែនការកសាងហេដ្ឋារចនាសម្ព័ន្ធរូបវ័ន្ត ដើម្បីអភិវឌ្ឍតំបន់នេះជាទីក្រុង រាជរដ្ឋាភិបាលមានគម្រោងដាំឈើហូបផ្លែ ដំណាំបន្ទាប់បន្សំ និងសួនបន្លែ នៅតាមដីឡូត៍នីមួយៗ ដើម្បីជួយគាំទ្រជីវភាពគ្រួសារ ព្រមទាំងដាំឈើលម្អនៅសងខាងផ្លូវក្នុងតំបន់នេះ ជូនបងប្អូនផងដែរ។ ការងារនេះបានចាប់ផ្តើមជាបណ្តើរៗ និងគ្រោងបន្តអនុវត្តរហូតចប់សព្វគ្រប់ នៅក្នុងឆមាសទី២ ឆ្នាំ២០២៣ខាងមុខ។ឯកឧត្តមរដ្ឋមន្រ្តី មានប្រសាស្រ្ដថាក្រសួងកសិកម្ម រុក្ខាប្រមាញ់ និងនេសាទ ផ្តល់ការគាំទ្រពេញលេញចំពោះគោលនយោបាយរបស់រាជរដ្ឋាភិបាល និងត្រៀមលក្ខណ:រួចជាស្រេច ដើម្បីចូលរួមសហការអនុវត្ត ។ ឯកឧត្តម ឌិត ទីណា បានជំរុញឱ្យមានកិច្ចសហប្រតិបត្តិការកាន់តែជិតស្និទ្ធ និងល្អប្រសើរថែមទៀត ជាមួយក្រសួងស្ថាប័នពាក់ព័ន្ធ ដូចជា៖ ក្រសួងរៀបចំដែនដី នគរូបនីយកម្ម និងសំណង់ ក្រសួងបរិស្ថាន និងរដ្ឋបាលខេត្តសៀមរាប ទៅតាមសមត្ថភាព និងលទ្ធភាពរបស់ក្រសួងស្ថាប័ននីមួយៗ…

ភ្នំពេញ៖ ម្អមស្រែ (Swam leaf) គឺជាបន្លែដែលមានក្លិនប្រហើរ មានឱជារស់ឆ្ងាញ់ពិសារ និងជាបន្លែពេញនិយមរបស់ប្រជាពលរដ្ឋខ្មែរយូរលង់ណាស់មកហើយ។ តាមរយៈទំព័រហ្វេសប៊ុករបស់ក្រសួងបរិស្ថានបានឱ្យដឹងថា៖ម្អមស្រែ មានកម្ពស់១០-៣០ស.ម។ ស្លឹកឈមពីរៗ គ្មានទងរាងពងក្រពើ ១-៣x ០,៥-១ស.ម គែមស្លឹកមានធ្មេញរណាតិចៗ។ ផ្កា ២-១០ផ្តុំជាចង្កោមនៅចុងមែក ឬនៅគល់ស្លឹក មានទងស្តើងប្រវែង៣-៥ម.ម។ ត្របកផ្កាមានប្រវែង ៣ម.ម ជាប់គ្នានៅផ្នែកក្រោម មានរោមខ្លីៗ។ ស្រទាប់ផ្កាប្រវែង ១០-១៥ម.ម ចែកជា ២ផ្ទាំងពណ៌ក្រហមស្វាយមានរោម។កេសរឈ្មោល ៤ផ្តុំគ្នា ២លើ ២ក្រោម ផ្លែរាងមូលទ្រវែង។ គ្រាប់ច្រើនរាងជ្រុង ពណ៌ត្នោត។ មែកស្លឹកមានក្លិនហាងឆួលលាយក្រអូបតិចៗ។ បន្តពូជដោយគ្រាប់ ដុះនៅលើដីសើមដែលមានទឹករាក់។ ការប្រើប្រាស់បានជាគ្រឿងទេស ឱសថ៖

ភ្នំពេញ៖ ឯកឧត្តម អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ អញ្ជើញបើកសន្និសីទអធិការកិច្ចការងារអាស៊ានលើកទី១១ ក្រោមមូលបទ៖”ការធ្វើទំនើបកម្មអធិការកិច្ចការងារ តាមរយៈបដិវត្តកម្មបច្ចេកវិទ្យា នៅក្រោយជំងឺរាតត្បាតជាសាកល”។ ថ្លែងតាមរយៈប្រព័ន្ធវីដេអូនាព្រឹកថ្ងៃទី១៥ ខែធ្នូ ឆ្នាំ២០២២ នាទីស្តីការក្រសួងការងារ ឯកឧត្តម អ៉ិត សំហេង បានវាយតម្លៃខ្ពស់ចំពោះ មន្រ្តីបង្គោលអធិការកិច្ចការងារអាស៊ាន និងមន្រ្តីបង្គោលសុវត្ថិភាព និងសុខភាពការងារអាស៊ាន ដែលបានសម្រេចគាំទ្រកម្ពុជា ក្នុងការជ្រើសរើសយកមូលបទដ៏មានសារ:សំខាន់នេះ ដោយមានអនុមូលបទ ចំនួន ២ មកធ្វើជាមូលដ្ឋានសម្រាប់ការពិភាក្សានៅក្នុងសន្និសីទលើកទី១១ គឺ ទី១-អធិការកិច្ច និងបច្ចេកវិទ្យាដែលជំរុញឱ្យមានការផ្លាស់ប្តូរសម្រាប់ការងារសមរម្យ និងទី២-អធិការកិច្ចការងារ នៅក្នុង ពិភពលោកក្រោយជំងឺរាតត្បាត។ ក្នុងសន្និសីទអធិការកិច្ចការងារអាស៊ានលើកទី១១នេះដែរ មានគោលបំណងមិនត្រឹមតែដើម្បីចែករំលែកបទពិសោធន៍ និងឧត្តមានុវត្តន៍នៃប្រព័ន្ធអធិការកិច្ចការងារក្នុងតំបន់អាស៊ានប៉ុណ្ណោះទេ ប៉ុន្តែថែមទាំងពិភាក្សាលើនវានុវត្តន៍ បញ្ហាប្រឈម និងយុទ្ធសាស្ត្រឆ្ពោះទៅរកការប្រើប្រាស់ប្រព័ន្ធអាយស៊ីធី (ICT) ក្នុងប្រព័ន្ធអធិការកិច្ចការងារផងដែរ ៕ ដោយ៖ ម៉ាដេប៉ូ

ភ្នំពេញ៖ មន្រ្តីជាន់ខ្ពស់នៃក្រសួងសុខាភិបាល បានថ្លែងឱ្យ ដឹងថា ក្នុងការទប់ស្កាត់ និងការប្រយុទ្ធជាមួយនឹងមេរោគ កូវីដ១៩នេះ នឹងមិនទទួលបានជោគជ័យនោះទេ បើ មិនមានការចូលរួមពីអាជ្ញាធរមូលដ្ឋាន និងសហគមន៍ ខណៈដែលមកដល់ពេលនេះអ្នកជំងឺកូវីដ១៩ ប្រមាណ ជិត៤០នាក់ កំពុងសម្រាកព្យាបាលតាមមនី្ទរពេទ្យ។នេះជាការលើកឡើងរបស់លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាលនៅថ្ងៃទី១៥ ខែធ្នូ ក្នុងពិធីបើកសិក្ខាសាលា ស្តីពីការពិនិត្យលទ្ធផលប្រចាំ ឆ្នាំ២០២២ នៃការអនុវត្តម្រោងអាហារូបត្ថម្ភនៅកម្ពុជា។ លោកជំទាវមានប្រសាសន៍ថា ៖ «ការទទួលបានជោគជ័យ លើការទប់ស្កាត់នៃការរីករាលដាលជំងឺកូវីដ១៩ ដោយសារ យើងធ្វើការច្រើន និងធ្វើការផ្ទាល់ជាមួយនឹងអាជ្ញាធរ មូលដ្ឋាន គ្រប់លំដាប់ថ្នាក់ កងកម្លាំងប្រដាប់អាវុធដែលឈរជើងនៅ តាមព្រំដែន ហើយយើងក៏បានធ្វើការជាប់ជាប្រចាំជាមួយ នឹងគ្រប់ក្រសួង ស្ថាប័នដែលពាក់ព័ន្ធ និងការចាក់វ៉ាក់សាំង បានត្រឹមត្រូវផងដែរ»។ លោកជំទាវ យក់ សម្បត្តិ ក៏បានលើកឡើងផងដែរថា មាន ប្រទេស ជាច្រើនមានការភ្ញាក់ផ្អើល ហើយស្គាល់កម្ពុជាកាន់ តែច្បាស់ពីការទប់ស្កាត់ការរីករាលដាលនៃមេរោគកូវីដ១៩។លោកជំទាវបានបញ្ជាក់ថា ៖ «បើទោះបីជាចំនួននៃអ្នកឆ្លង មេរោគកូវីដ១៩មួយរយៈចុងក្រោយនេះមានការសាយភាយឡើងវិញ ហើយធ្វើឱ្យមានចំនួនឆ្លងកើនឡើងឡើងវិញ ប៉ុន្តែ ដោយសារ ចំនួននៃការចាក់វ៉ាក់សាំងបានច្រើន…