កណ្តាល៖ កម្លាំងនគរបាលព្រហ្មទណ្ឌខេត្តកណ្តាល សហការជាមួយកម្លាំងនៃអធិការដ្ឋាននគរបាលស្រុកមុខកំពូលធ្វើការបង្គ្រាប ក្រុមក្មេងទំនើងដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ។ ហេតុការណ៌នេះបានកើតឡើងនៅថ្ងៃទី១៤ ខែធ្នូ ឆ្នាំ២០២២ វេលាម៉ោង២និង០០នាទីរំលងអធ្រាត្រ នៅចំណុចផ្លូវជាតិលេខ៦ ភូមិកោះរកា ឃុំព្រែកអញ្ចាញ ស្រុកមុខកំពូល ខេត្តកណ្ដាល ។ លោកឧត្តមសេនីយ៍ត្រី ឡាក់ ម៉េងធី ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តកណ្តាលបានប្រាប់ឱ្យដឹងថា នៅថ្ងៃទី១៤ ខែធ្នូ ឆ្នាំ២០២២វេលាម៉ោង០១និង៣០នាទី ក្រុមក្មេងទំនើងខាងលើបានប្រមូលផ្តុំគ្នានៅចំណុចផ្លូវជាតិលេខ៦ ភូមិកោះរកា ឃុំព្រែកអញ្ចាញ ក្នុងនោះខ្លះលេងបៀរខ្លះឈររញ៉េរញ៉ៃនៅចិញ្ចើមផ្លូវជាតិ ហើយក៍មានប្រជាពលរដ្ឋបានរាយការណ៍មកសមត្ថកិច្ច ។ បច្ចុប្បន្នក្រុមក្មេងទំនើងទាំងនោះកម្លាំងជំនាញកំពុងធ្វើការសាកសួរ និងបញ្ជូនទៅតុលាការនៅថ្ងៃស្អែកនេះ ៕ ឆ ដា

ភ្នំពេញ៖ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា បញ្ជាទៅរដ្ឋបាលព្រៃឈើពង្រឹង ការអនុវត្តច្បាប់តាមមធ្យោបាយនានាក្នុងកិច្ចការអភិរក្សព្រៃឈើ និងការងារប្រឆាំងការសម្អាតប្រាក់បានមកពីបទល្មើសព្រៃឈើដើម្បីផលប្រយោជន៍ប្រជាជន និងប្រយោជន៍ជាតិ។ បទបញ្ជានិងការណែនាំទៅកាន់ស្ថាប័នចំណុះក្រសួងនេះ ត្រូវបានលើកឡើងនាឱកាសដែលឯកឧត្តមបានដឹកនាំកិច្ចប្រជុំមួយកាលពីថ្ងៃទី ១៣ ខែធ្នូ ឆ្នាំ ២០២២ ដើម្បីអនុញ្ញាតឱ្យ រដ្ឋបាលព្រៃឈើ បានធ្វើបទបង្ហាញជូនដល់ថ្នាក់ដឹកនាំនៃ ក្រសួង អំពីវឌ្ឍនភាពការងារប្រឆាំងការសម្អាតប្រាក់ដែល ក្រសួងសម្រេចបាននាពេលកន្លងមក។ នៅក្នុងជំនួបប្រជុំដដែលនេះឯកឧត្តម ឌិត ទីណា បានណែនាំ ឱ្យរដ្ឋបាលព្រៃឈើពង្រឹងការអនុវត្តច្បាប់តាមមធ្យោបាយនានា ប្រកបដោយយុទ្ធសាស្ត្រ ដោយពិនិត្យដោះស្រាយបញ្ហា តម្រូវ ការឈើប្រើប្រាស់ជាកស្តែង ធៀបនឹងតម្រូវការអភិរក្ស ក្រោម គោលការណ៍អភិវឌ្ឍព្រៃឈើ ដើម្បីបម្រើផលប្រយោជន៍ ប្រជាជន រកចំណូលជូនជាតិប្រកបដោយនិរន្ដរភាព និងផ្ដល់ ជាជម្រកដ៏កក់ក្ដៅដល់សត្វព្រៃ និងប្រព័ន្ធជីវ:ចម្រុះទាំងអស់ ដែល រស់នៅក្នុងព្រៃ។ ឯកឧត្តមបានគូសបញ្ជាក់ថា ៖«ចំពោះខ្ញុំ ការងារប្រឆាំងនឹង ការលាងសម្អាតប្រាក់ក្នុងវិស័យព្រៃឈើ និងជលផលជា ការងារសំខាន់ដែលមន្ដ្រីពង្រឹងច្បាប់ ត្រូវយកចិត្តទុកដាក់ ស្រាវជ្រាវរកឫសគល់ឱ្យដល់ប្រភពដើម។ បទល្មើសលាង សម្អាតប្រាក់ ជាឧបសគ្គដល់ការអភិវឌ្ឍរបស់កម្ពុជា»។ លោកបន្តទៀតថា…

បាងកក ៖ អ្នកជំនាញខាងមេរោគរបស់ថៃបានជំរុញឱ្យក្រសួងសុខភាពសាធារណៈ ដាក់ឱ្យដំណើរការ ការព្យាបាលតាមអង្គបដិប្រាណយូរអង្វែង ឬ long-acting antibody (LAAB) ដើម្បីការពារមនុស្សដែលងាយរងគ្រោះដោយសារ Covid-19 នៅពេលកម្រិតនៃការឆ្លងកើនឡើង។ នាយកដ្ឋានគ្រប់គ្រងជំងឺរាយការណ៍ថា គ្រែមន្ទីរពេទ្យដែលកាន់កាប់ដោយអ្នកជំងឺ Covid បានកើនឡើងពី ៥% កាលពីខែមុន ដល់ ៨.៥% ក្នុងខែនេះ។ ដោយសរសេរនៅលើ Facebook លោកវេជ្ជបណ្ឌិត Yong Poovorawan បាននិយាយថា ការព្យាបាល LAAB ដូចជា Evushield របស់ AstraZeneca គួរតែត្រូវបានគ្រប់គ្រងទៅក្រុមដែលមានហានិភ័យ ដើម្បីការពារប្រឆាំងនឹង Omicron BA.2.75 ដែលជំរុញរលក Covid-19 ចុងក្រោយបង្អស់ របស់ប្រទេសថៃ។ លោកវេជ្ជបណ្ឌិត បានបន្ថែមថា LAAB អាចត្រូវបានប្រើដើម្បីការពារការឆ្លងមេរោគធ្ងន់ធ្ងរ និងការស្លាប់ក្នុងចំណោមមនុស្សដែលមិនអាចចាក់វ៉ាក់សាំងបានពេញលេញ ដោយសារតែស្ថានភាពសុខភាព រួមទាំងជំងឺមហារីក និងជំងឺតម្រងនោម ៕ ប្រភពពី The Nation , ដោយ៖…

ភ្នំពេញ៖ នៅកម្ពុជាស័យភាពយន្ដមិនមែនជាជំនួញ ពេញនិយម ដែលធ្វើឱ្យអ្នកផលិតអាចមានជីវភាពសម្បូរបែបនោះទេ បើ ធៀប ទៅនឹងប្រទេសជឿនលឿនមួយចំនួន។ មិនពេញនិយមក៏ ដោយសារតែ វិស័យភាពយន្ដនៅកម្ពុជា ប្រៀបបីដូចជាក្មេង ដែល ទើបតែរៀនដើរ ខណៈដែលប្រទេសជិតខាងអាច រត់បាន ទៅហើយនោះ។ ទាំងគុណភាព ទាំងការគាំទ្រ ទាំងការនិយម របស់ប្រជាជន និងដើមទុនក្នុងការផលិត សុទ្ធតែជាមូលហេតុ ដែលរួមចំណែកធ្វើឱ្យវិស័យនេះទៅមុខមិនទាន់បានឆ្ងាយនៅឡើយ។ ដូច្នេះ គេត្រូវការពេលបន្តទៀត ដើម្បីរុញវិស័យ ឧស្សាហ កម្មគ្មានផ្សែងនេះ ឱ្យដើរទន្ទឹមនឹងវិស័យដែល មាន ឥទ្ធិពលផ្សេងៗ។ ដោយឡែករហូតមកដល់បច្ចុប្បន្ននេះ ថ្វីដ្បិតតែវិស័យភាពយន្ដ កម្ពុជាមិនទាន់លេចធ្លោ តែក៏មិនមែនមានន័យថា មិនមានភាព ប្រសើរឡើងដែរ។ វិស័យនេះជារួមបានស្គាល់ភាពប្រសើរ បន្តិច ម្ដងៗ ហើយដោយសារតែការខិតខំប្រឹងប្រែងរបស់ អ្នក ពាក់ព័ន្ធ។ ស៉្បតពាណិជ្ជកម្មជាផ្នែកមួយដែលស្ថិតនៅក្នុងឧស្សាហកម្មភាពយន្ដ និងដែលផ្ដោតលើការផលិតមាតិកាដើម្បីផ្សព្វផ្សាយ ផលិតផលនានា។ តាមពិតទៅ វាក៏មិនស្រួលពេកដែរ ថ្វីត្បិតថា ការផលិតមាតិកាវីដេអូស៉្បតពាណិជ្ជកម្មទាមទារការច្នៃប្រឌិតខ្ពស់ ក្នុងការទាក់ទាញចិត្តអតិថិជនឱ្យចាប់អារម្មណ៍ទៅ នឹង ផលិតផល ឬសេវាកម្មណាមួយ។ មិនមែនជាសិស្សផ្នែកភាពយន្ដនោះទេ…

ភ្នំពេញ៖ ឯកឧត្ដមបណ្ឌិត ទូច វិសាលសុខ រដ្ឋលេខាធិការក្រសួងអប់រំយុវជន និងកីឡា បានអនុញ្ញាតឱ្យគណៈប្រតិភូក្រសួងអប់រំនៃសាធារណរដ្ឋកូរ៉េ បានចូលជួបសម្ដែងការគួរសម និងសំណេះសំណាល នៅទីស្ដីការក្រសួងអប់រំ យុវជន និងកីឡា ដើម្បីរាយការណ៍ពីសមិទ្ធផល ដែលសម្រេចបាន និងស្នើសុំអនុសាសន៍នានា លើកិច្ចសហប្រតិបត្តិការភាពជាដៃគូ ក្នុងការលើកម្ពស់ការអប់រំបែបឌីជីថលនៅកម្ពុជា ដោយផ្តោតលើវឌ្ឍនភាពការងារបណ្ដុះបណ្ដាលគ្រូបង្រៀនកម្ពុជា និងបានពិភាក្សាសម្រាប់អនុវត្តសកម្មភាពបន្ត ។ ក្នុងដំណើរទស្សនកិច្ច គណៈប្រតិភូក្រសួងអប់រំនៃសាធារណរដ្ឋកូរ៉េ បានជួបប្រជុំពិភាក្សាជាមួយនាយកដ្ឋានជំនាញ និងគ្រឹះស្ថានសាធារណដែលមានគ្រូបង្រៀនធ្លាប់បានចូលរួមវគ្គបណ្ដុះបណ្ដាល នៅទីក្រុងប៊ូសានដោយផ្ទាល់ និងតាមអនឡាញ ដើម្បីស្វែងយល់អំពីការអនុវត្តការប្រើប្រាស់ ICT នៅក្នុងវិស័យអប់រំ ។ គួររំលឹកផងដែរថា ក្រសួងអប់រំ យុវជន និងកីឡា បានចុះអនុស្សរណៈយោគយល់ជាមួយក្រសួងអប់រំនៃសាធារណរដ្ឋកូរ៉េ ចាប់ពីឆ្នាំ២០០៥ និងបានចុះហត្ថលេខាជាថ្មី ដើម្បីបន្តកិច្ចសហប្រតិបត្តិការលើផ្នែកបច្ចេកវិទ្យាព័ត៌មាន និងសារគមនាគមន៍ (ICT) ក្នុងវិស័យអប់រំ ក្នុងឆ្នាំ២០២១៧ ដែលផ្ដោតសំខាន់លើគោលបំណង៖

បន្ទាយមានជ័យ៖ ក្រុមអាជីវករទិញស្រូវនៅស្រុកមង្គលបុរី និងម្ចាស់រោងម៉ាស៊ីនកិនស្រូវដឹកនាំដោយលោកឧកញ៉ា អុឹង វណ្ណម៉ៅ ម្ចាស់ផ្សាធំថ្មីបូរីជ័យ២ (ផ្សាចំការតាដោក) ភូមិចំការតាដោក ឃុំឬស្សីក្រោក បាននាំយក គ្រឿងឧបភោគ បរិភោគ និងថវិកាប្រមាណ ៧,០០០ដុល្លារ (ប្រាំពីរពាន់ដុល្លារ) ផ្ដល់ជូនដល់សមាគមន៍ចាស់ជរា និងប្រជាពលរដ្ឋរង្គ្រោះធម្មជាតិលន្លងមក នៅស្រុកមង្គលបុរី ខេត្តបន្ទាយមានជ័យ នាថ្ងៃទី ១៤ ធ្នូ ២០២២នេះ ។ ការផ្ដល់ជូននេះបែងចែកជាពីរទីតាំងទី១-នៅសាលាស្រុកមង្គលបុរី ផ្ដល់ជូនដល់សមាគមន៍ចាស់ជរា និងទី២-ផ្សាធំថ្មីបូរីជ័យ២ (ផ្សាចំការតាដោក) ភូមិចំការតាដោក ឃុំឬស្សីក្រោក ជួយជនរងគ្រោះដោយគ្រោះធម្មជាតិផ្សេងៗ រួមទាំងទឹកជំនន់ ខ្យល់ព្យុះ ជាដើម ។ លោកឧកញ៉ា អុឹង វណ្ណម៉ៅ ម្ចាស់ផ្សាធំថ្មីបូរីជ័យ២ (ផ្សាចំការតាដោក)មានប្រសាសន៍ថា៖ ដើម្បីចូលរួមការងារសប្បរសធម៏ ជួយដល់សង្គមជាតិរួមចំណែកជាមួយអាជ្ញាធម៌ដ្ឋាន លោកឧកញ៉ា រួមជាមួយអាជីវករក្នុងស្រុកមង្គលបុរី តែងគៀងគរនូវទ្រព្យធន់ គ្រឿងឧបភោគ បរិភោគ និងថវិការ ផ្ដល់ជូន ពលរដ្ឋរងគ្រោះធម្មជាតិ ផ្សេងៗ។ លោក រ័ត្ន ដាស៉ីណង អភិបាលស្រុកមង្គលបុរី…

ភ្នំពេញ៖ គោលនយោបាយអាទិភាពលើវិស័យធនធានមនុស្ស បានបង្កើនការវិនិយោគលើវិស័យធនធានមនុស្ស អប់រំ និងការបណ្តុះបណ្តាលជំនាញ ធ្វើឲ្យមានការរីកចម្រើនទាំងបរិមាណ និងគុណភាព។នេះជាការបញ្ជាក់ពីសំណាក់ ឯកឧត្តមបណ្ឌិត អ៉ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ។ ការថ្លែងរបស់ ឯកឧត្តមបណ្ឌិត អ៊ិត សំហេង បែបនេះក្នុងឱកាសសំណេះសំណាលជាមួយ និស្សិតជ័យលាភីអាហារូបករណ៍របស់រដ្ឋាភិបាលប្រទេសនូវែលសេឡង់ សម្រាប់ឆ្នាំសិក្សា២០២៣-២០២៤ ចំនួន ១៦រូប នៅទីស្តីការក្រសួងការងារ នាព្រឹកថ្ងៃទី១៤ ខែធ្នូ ឆ្នាំ២០២២។ ឯកឧត្តមបណ្ឌិត អ៊ិត សំហេង បានចូលរួមអបអរសាទរចំពោះនិស្សិតជ័យលាភីអាហារូបករណ៍ដែលត្រូវទៅសិក្សានៅប្រទេសនូវែលសេឡង់ ព្រមទាំងបានកោតសរសើរនូវសមត្ថភាពរបស់មន្ត្រីវ័យក្មេង ដែលបានប្រលងជាប់អាហារូបករណ៍ទាំងនេះ ចាត់ទុកជាសក្តានុពលដ៏ធំក្នុងការចូលរួមអភិវឌ្ឍន៍ប្រទេសជាតិ ស្របទៅនឹងគោលនយោបាយរបស់រាជរដ្ឋាភិបាលកម្ពុជា ដែលផ្តោតទៅលើការអភិវឌ្ឍធនធានមនុស្ស។ តំណាងក្រុមនិស្សិត ឱ្យដឹងថា បន្ទាប់ពីមានការថមថយនូវការរីករាលដាលនៃជម្ងឺវីរុសកូវីដ-១៩ រាជរដ្ឋាភិបាលប្រទេសនូវែលសេឡង់ បានសម្រេចអនុញ្ញាតឱ្យនិស្សិតជ័យលាភីទាំង ១៦រូប ចេញដំណើរទៅបន្តការសិក្សាថ្នាក់បរិញ្ញាបត្រជាន់ខ្ពស់រយៈពេល ១-២ឆ្នាំ នៅដើមឆ្នាំ២០២៣ ដោយផ្តោតលើជំនាញអាទិភាព ចំនួន ៩ រួមមាន៖ អាជីវកម្មប្រកបដោយចីរភាព, វិជ្ជាជីវៈគណនេយ្យ, វិទ្យាសាស្រ្តកសិកម្ម, គោលនយោបាយសាធារណៈ, ទំនាក់ទំនងអន្តរជាតិ, សុខភាពសាធារណៈ, សិក្សាច្បាប់, គ្រប់គ្រងសំណង់…

សៀមរាប៖ ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច លោកជំទាវ កិត្តិសង្គហបណ្ឌិត ម៉ែន សំអន បានថ្លែងថា ក្នុងនាមជា អ្នកជំនាន់ក្រោយ ត្រូវបង្កើនការខិតខំប្រឹងប្រែងទ្វេឡើង ដើម្បីអភិវឌ្ឍប្រទេស ការពារឱ្យបានដាច់ខាតនូវនាវាសន្តិភាព ស្ថិរភាពសង្គម និងផ្តល់ឱ្យជាតិនូវកិត្តិនាមរបស់ខ្លួនឡើងវិញ។លោកជំទាវបានថ្លែងដូចនេះ ក្នុងពិធីបើកព្រឹត្តិការណ៍ បុណ្យ រំលឹកគុណអង្គរ និងរាប់បាត្រព្រះសង្ឃចំនួន ១៣០អង្គ នៅខេត្ត សៀមរាប នាព្រឹកថ្ងៃទី១៤ ខែធ្នូ ដែលពិធីនេះ ត្រូវបាន ប្រារព្ធឡើងមានរយៈពេលចំនួន៣ថ្ងៃ ចាប់ពីថ្ងៃទី១៤ ដល់ ទី១៦ ដោយមានកម្មវិធីសាសនា ស្ដង់ពិព័រណ៍ និងការសម្ដែង សិល្បៈបុរាណនៅពេលរាត្រី និងកម្មវធីកម្សាន្តជាច្រើនទៀត។លោកជំទាវមានប្រសាសន៍ថា ៖ «ថ្ងៃនេះ គឺជាខួប ៣០ឆ្នាំ នៃការដាក់រមណីយដ្ឋានអង្គរ ទៅក្នុងបេតិកភណ្ឌពិភពលោក។ ព្រឹត្តិការណ៍នេះ រៀបចំឡើងក្នុងគោលបំណងដើម្បីរំលឹកគុណ អង្គព្រះមហាក្សត្រគ្រប់ព្រះអង្គ និងបុព្វការីជនដែលបានកសាង ថែរក្សាប្រាសាទទាំងអស់នៅក្នុងរមណីយដ្ឋានអង្គរ ដោយបាន ផ្តល់អត្ថប្រយោជន៍ជាច្រើនដល់ជាតិមាតុភូមិតាំងពីដើមរហូតដល់បច្ចុប្បន្ននេះ»។ «ក្នុងនាមជាអ្នកជំនាន់ក្រោយ យើងត្រូវបង្កើនការខិតខំប្រឹង ប្រែងទ្វេរឡើង ដើម្បីអភិវឌ្ឍប្រទេសយើង ការពារឱ្យបាន…