ភ្នំពេញ ៖ សូមនិយាយថា ទេចំពោះគ្រឿងញៀន គ្រឿងញៀន បំផ្លាញអនាគតអ្នក និងក្រុមគ្រួសារអ្នក.! ជនសង្ស័យចំនួន ២៨នាក់ ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀន ចំនួន ១២ករណី នៅទូទាំងប្រទេស កាលពីថ្ងៃទី១៣ ខែធ្នូ ឆ្នាំ២០២២ ម្សិលមិញ នេះ។ ក្នុងចំណោមជនសង្ស័យចំនួន ២៨នាក់ រួមមាន៖ ជួញដូរ ៣ករណី ឃាត់ ៩នាក់ ដឹកជញ្ជូន រក្សាទុក ៦ករណី ឃាត់ ៧នាក់(ស្រី ០១នាក់) បើកបរក្រោមឥទ្ឋិពល ០ករណី ឃាត់ នាក់ ប្រើប្រាស់ ០៣ករណី ឃាត់ ១២នាក់ (ស្រី០ ៤នាក់)។ វត្ថុតាងដែលចាប់យកសរុបក្នុងថ្ងៃទី១៣ ខែធ្នូ រួមមាន៖ មេតំហ្វេតាមីន(Ice) ស្មើរ ១៦៦,៨៦ក្រាម, Ke ១៤,២៦ក្រាម និង២កញ្ចប់តូច ៕ ដោយ៖ ឆៃហួត និងប៊ុនធី

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាន នគរបាលជាតិ នៅព្រឹកថ្ងៃ ពុធ ទី ១៤ ខែធ្នូ ឆ្នាំ ២០២២នេះថា មាននារីវ័យ ២២ឆ្នាំ ម្នាក់ បានធ្វេីសកម្មភាព លួចម៉ូតូ និងទូរស័ព្ទដៃពីខេត្តកំពត បានសម្រេច ប៉ុន្តែ ព្យាយាម ជិះរត់គេចខ្លួន មកដល់ក្រុងភ្នំពេញ ក៏ត្រូវ កម្លាំង សមត្ថកិច្ច ស្រាវជ្រាវ តាមចាប់ឃាត់ខ្លួន យកមកសាកសួរ ដេីម្បីចាត់ការតាមច្បាប់ ។ ជនសង្ស័យ ឈ្មោះ សូ ស្រីនិច ភេទ ស្រី អាយុ ២២ឆ្នាំ ។ ចំណែក ជនរងគ្រោះឈ្មោះ ស៊ុត សាវរី ភេទស្រី ស្នាក់នៅបណ្តោះអាសន្ន នៅភូមិសុវណ្ណសគរ សង្កាត់កំពង់កណ្តាល ក្រុងកំពត ខេត្ត កំពតសម្ភារៈបាត់បង់រួមមាន៖ ម៉ូតូម៉ាកហុងដា ស៊ូមមើអ៊ិច (zoomer x )…

ខេត្តសៀមរាប ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីក្នុងបើកព្រឹត្តិការណ៍ បុណ្យរំលឹកគុណអង្គរ និងរាប់បាត្រព្រះសង្ឃចំនួន ១៣០អង្គ នៅខេត្តសៀមរាប នាព្រឹកថ្ងៃពុធ ៦រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែធ្នូ ឆ្នាំ២០២២ ។ លោកជំទាវកិត្តិសង្គហបណ្ឌិត ថ្លែងថា ៖ ១៤ ធ្នូ ១៩៩២-១៤ ធ្នូ ២០២២ គឺជាខួប ៣០ឆ្នាំ នៃការដាក់រមណីយដ្ឋានអង្គរ ទៅក្នុងបេតិកភណ្ឌពិភពលោក ។ ព្រឹត្តិការណ៍នេះ រៀបចំឡើងក្នុងគោលបំណងដើម្បីរំលឹកគុណអង្គព្រះមហាក្សត្រគ្រប់ព្រះអង្គ និងបុព្វការីជនដែលបានកសាង ថែរក្សាប្រាសាទទាំងអស់នៅក្នុងរមណីយដ្ឋានអង្គរ ដោយបានផ្តល់អត្ថប្រយោជន៍ជាច្រើនដល់ជាតិមាតុភូមិតាំងពីដើមរហូតដល់បច្ចុប្បន្ននេះ ។ ជាពិសេស បានបង្ហាញអំពីសក្តានុពលទេសចរណ៍របស់កម្ពុជាទៅកាន់ឆាកអន្តរជាតិ ក្នុងការលើកស្ទួយពាក្យស្លោក កម្ពុជា ព្រះរាជាណាចក្រអច្ឆរិយៈ និងធ្វើឱ្យកាន់តែប្រាកដឡើងនូវពាក្យស្លោក អរគុណសន្តិភាព…

ភ្នំពេញ៖ ក្រុមអង្គការសិទ្ធិមនុស្សចំនួនបីស្ថាប័ន បានដាក់ពាក្យ បណ្ដឹងទៅរដ្ឋាភិបាលប្រទេសហូឡង់ ពាក់ព័ន្ធនឹងក្រុមហ៊ុន អយកូក្រេឌីត (Oikocredit) បានវិនិយោគលើវិស័យ មីក្រូហិរញ្ញ វត្ថុ នៅកម្ពុជា ។ក្រុមអង្គការសិទ្ធិមនុស្សនេះមាន អង្គការលីកាដូ អង្គការសមធម៌កម្ពុជា និងអង្គការ FIAN ដែលស្ថិតនៅប្រទេសអាល្លឺម៉ង់។ប៉ុន្តែមន្រ្តីនៃសមាគម មីក្រូ ហិរញ្ញវត្ថុកម្ពុជា(CMA) បានពន្យល់ថា ពាក្យបណ្តឹងនេះ ហាក់មានចេនាបង្កការខូចខាតដល់មុខមាត់វិស័យមីក្រូហិរញ្ញវត្ថុទាំងមូល ដោយផ្អែកលើរបាយការណ៍តិចតួចរបស់ខ្លួន ដែលតាក់តែងឡើងដោយអ្នកមិនបានយល់ដឹងស៊ីជម្រៅពីវិស័យមីក្រូហិរញ្ញវត្ថុនៅកម្ពុជា។ អង្គការទាំងបីនេះបានដាក់ពាក្យបណ្ដឹង ទៅរដ្ឋាភិបាល ប្រទេសហូឡង់ ឱ្យមានចំណាត់ការលើសកម្មភាពអាជីវកម្ម របស់ក្រុមហ៊ុន អយកូក្រេឌីត (Oikocredit) ដែលជា ក្រុមហ៊ុនវិនិយោគគិនសង្គមលើសកលលោក បានអសមត្ថភាព ក្នុងការត្រួតពិនិត្យអំពីផលប៉ះពាល់អវិជ្ជមាននៅក្នុងវិស័យមីក្រូហិរញ្ញវត្ថុនៅកម្ពុជាចាប់តាំងពីឆ្នាំ២០១៧មក។ នេះបើតាម សេចក្តីថ្លែងការណ៍របស់ក្រុមអង្គការសិទ្ធិមនុស្ស ដែលចុះ ថ្ងៃទី១២ ខែធ្នូ ឆ្នាំ២០២២។ ក្រុមអង្គការទាំងនោះ បានបញ្ជាក់នៅក្នុងសេចក្ដីថ្លែងការណ៍ថា ក្រុមហ៊ុន អយកូក្រេឌីត បានវិនិយោគយ៉ាងធំ និងបង្កើន ការវិនិយោគទៅលើស្ថាប័នមីក្រូហិរញ្ញវត្ថុនៅកម្ពុជា ចាប់តាំង ពីឆ្នាំ២០១៧ រហូតមកដល់ឆ្នាំ២០២២នេះ នៅពេលដែលមាន ភស្តុតាងជាច្រើនបានបង្ហាញពីការជាប់ពាក់ព័ន្ធបំណុលច្រើន លើសលុប និងផលប៉ះពាល់អវិជ្ជមានផ្នែកសង្គមតាម…

បន្ទាយមានជ័យ៖ កិច្ចប្រជុំបើកការិយាល័យ ចុះឈ្មោះបោះឆ្នោតជ្រើសរើសសមាជិក ជ្រើសតាំង សភាពាណិជ្ជកម្ម ខេត្តបន្ទាយមានជ័យ អាណត្តិទី៣ លើ១ប្រព្រឹតទៅក្រោមអធិបតីភាពឯកឧត្ដម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម នៅភោជនីយដ្ឋាន បឹងឈូក ក្រុងសិរីសោភ័ណ ខេត្តបន្ទាយមានជ័យ នៅល្ងាចថ្ងៃទី១៣ ខែធ្នូ ឆ្នាំ២០២២។ លោក ឈឿង ឈីវអៀន ប្រធានសភាពាណិជ្ជកម្មខេត្តបន្ទាយមានជ័យ ក៏មានវត្តមានចូលរួមផងដែរ ។ លោក លី សុវណ្ណារិទ្ធ អភិបាលរងខេត្តបន្ទាយមានជ័យថ្លែងថា ពិធីនេះ គឺដើម្បីផ្សព្វផ្សាយឲ្យក្រុមអាជីវករ- ពាណិជ្ជករ -សេវាករ ដែលប្រកបរបរពាណិជ្ជកម្ម នៅក្នុងខេត្តបន្ទាយមានជ័យទាំងមូល ឲ្យមកចុះឈ្មោះ ដើម្បីឈរឈ្មោះជាសមាជិក ជ្រើសតាំងសភាពាណិជ្ជកម្ម ក្នុងការបោះឆ្នោត និងមានឈ្មោះ ក្នុងបញ្ជីបោះឆ្នោតជ្រើសរើសសមាជិក ជ្រើសតាំងសភាពាណិជ្ជកម្ម សម្រាប់អាណត្តិ៣ លើកទី១ ដែលនឹងដំណើរការនៅពេលខាងមុខ ។ ឯកឧត្ដម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ចំពោះលក្ខណៈសម្បត្តិ ដែលអាចឈរឈ្មោះជាសមាជិកជ្រេីសតាំងសភាពាណិជ្ជកម្ម និងចុះឈ្មោះក្នុងបញ្ជីបោះឆ្នោត សភាពាណិជ្ជកម្មបាន ១/បុគ្គលនោះមានមុខរបរជាអាជីវករ…