ភ្នំពេញ៖ ស្នងការដ្ឋាននគរបាលរាជធានីភ្នំពេញ បានចេញមកច្រានចោល ព័ត៌មានមិនពិត ពាក់ព័ន្ធករណីជាប់គាំងមនុស្សក្នុងផ្សារទំនើបមួយ នៅរាជធានីភ្នំពេញ ក្នុងចេតទនាមិនល្អបំពុលសង្គម ទាំងដែលជាក់ស្ដែង មិនមានករណីជាប់គាំងមនុស្ស ក្នុងផ្សារទំនើបណាមួយកើតឡើង ទាំងនៅរាជធានីភ្នំពេញ និងតាមបណ្ដាខេត្តនោះទេ។ ស្នងការដ្ឋាននគរបាលរាជធានីភ្នំពេញ នៅថ្ងៃទី០៦ ខែធ្នូ ឆ្នាំ២០២២ បានអះអាងថា រូបភាពដែលត្រូវបានគេបង្ហោះ ភ្ជាប់ជាមួយខ្លឹមសារ ជាប់គាំងមនុស្សក្នុងផ្សារទំនើបនោះ គឺជារូបភាពនៅបរទេស មិនមែនរូបភាពផ្សារទំនើបនៅរាជធានីភ្នំពេញនោះទេ។ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានបញ្ជាក់ដូច្នេះថា ទាក់ទងទៅនឹងការផ្សព្វផ្សាយព័ត៌មានមិនពិត ក្នុងគោលបំណងអាក្រក់ បង្កអសន្តិសុខ និងបំពុលបរិយាកាសសង្គម។ ពេលនេះ សមត្ថកិច្ចជំនាញ កំពុងតែធ្វេីការស្រាវជ្រាវរកម្ចាស់គណនី ដែលផុសព័ត៌មានមិនពិតនេះ ដេីម្បីទទួលខុសត្រូវចំពោះមុខច្បាប់។ សូមជម្រាបថា គណនី Facebook មួយបានបង្ហោះនូវរូបភាព ដោយភ្ជាប់ ជាមួយខ្លឹមសារថា មានមនុស្សជាប់គាំងក្នុងផ្សារទំនើបនៅរាជធានីភ្នំពេញ ដើម្បីទៅទិញម៉ាស៊ីនត្រជាក់ខ្នាតតូចមួយ ៕ ដោយ ៖ ប៊ុនធី

ភ្នំពេញ ៖ អង្គភាពប្រឆាំងអំពើពុករលួយ (អ.ប.ព.) សូមថ្លែងអំណរគុណ និងកោតសរសើរដល់អ្នកសង្កេតការណ៍ស្ម័គ្រចិត្តទាំងអស់ ដែលបានលះបង់ ពេលវេលានៃយុវវ័យរបស់ខ្លួនមកបំពេញការងារស្ម័គ្រចិត្តដើម្បីឆ្លើយតបនឹងដំណើរការនៃកំណែទម្រង់លើវិស័យអប់រំ សំដៅពង្រឹង និងពង្រីកគុណភាពយុវជនជំនាន់រួមគ្នា។ យុវជន ពិតជាធនធានដ៏មានតម្លៃ កម្លាំងដ៏ខ្លាំងក្លាក្នុងការរុញច្រានការអភិវឌ្ឍសង្គមជាតិ ដូច្នេះយុវជនត្រូវប្រើប្រាស់ភាពយុវវ័យរបស់ខ្លួនឱ្យមានប្រយោជន៍ដល់ខ្លួន គ្រួសារ និងសង្គមជាតិទាំងមូល ។ នេះបើយោងតាម សេចក្តីប្រកាសព័ត៌មាន របស់អង្គភាពប្រឆាំងអំពើពុករលួយ ស្ដីពីការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៥ ធ្នូ ២០២២ ។ សេចក្តីប្រកាសព័ត៌មាន ក៏បានថ្លែងអំណរគុណ និងវាយតម្លៃខ្ពស់ចំពោះសហភាពសហព័ន្ធយុវជនកម្ពុជា (ស.ស.យ.ក.) ដែលបានរៀបចំ អ្នកសង្កេតការណ៍ស្ម័គ្រចិត្តឱ្យចូលរួមសង្កេតការណ៍លើដំណើរការប្រឡងសញ្ញាបត្រមធ្យមសិក្សាទុតិយភូមិទាំងពេលកន្លងមក និងពេលនេះ។ កាយវិការប្រកបដោយអត្ថន័យនេះ បង្ហាញនូវឆន្ទៈដ៏មោះមុតក្នុងការចូលរួមអនុវត្តកម្មវិធីកំណែទម្រង់លើវិស័យអប់រំ និងពង្រឹងសមត្ថភាពរបស់យុវជនជំនាន់ក្រោយ ដែលជាធនធានមនុស្សសម្រាប់បន្តវេនសង្គមកម្ពុជាឱ្យកាន់តែរឹងមាំថែមទៀត។ សេចក្តីប្រកាសព័ត៌មាន បន្តថា ឆ្នាំ២០២២ ជាឆ្នាំទី៨ និងជាលើកទី៩ ដែលអង្គភាពប្រឆាំងអំពើពុករលួយ (អ.ប.ព.) បានសហការជាមួយនឹង ក្រសួងអប់រំ យុវជន និងកីឡា ចូលរួមសង្កេតការណ៍លើដំណើរការប្រឡងសញ្ញាបត្រមធ្យមសិក្សាទុតិយភូមិ។ ក្នុងសម័យប្រឡង ០៥ ធ្នូ ២០២២នេះ មានថ្នាក់ដឹកនាំ មន្រ្តី…

បន្ទាយមានជ័យ ៖ រដ្ឋបាលខេត្តបន្ទាយមានជ័យ បានបើកវេទិកា ផ្សព្វផ្សាយ និងពិគ្រោះយោបល់របស់ក្រុមប្រឹក្សា ខេត្តបន្ទាយមានជ័យ អាណត្តិ ទី៣ ឆ្នាំ ២០២២ ក្រោមអធិតីភាព ឯកឧត្ដម ខេង ស៊ុម ប្រធានក្រុមប្រឹក្សាខេត្តបន្ទាយមានជ័យ ឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ ដោយមានការចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សា ខេត្ត អភិបាល រងខេត្ត លោក ស្រេង សុផល អភិបាល នៃគណៈអភិបាលក្រុងសិរីសោភ័ណ ក្រុមប្រឹក្សា ក្រុង លោក-លោកស្រី មន្ទីរអង្គភាព ស្ថាប័នពាក់ព័ន្ធ ជុំវិញខេត្ត មេភូមិ ចៅសង្កាត់ ទាំង៧ ទូទាំងក្រុង តំណាងប្រជាពលរដ្ឋ ធ្វេីឡេីងនៅសាលាក្រុងសិរីសោភ័ណ រសៀលថ្ងៃទី៦ ខែធ្នូ ឆ្នាំ ២០២២។ ឯកឧត្តម អ៊ុ រាត្រី មានប្រសាសន៍ថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តបន្ទាយមានជ័យ…

ភ្នំពេញ៖ មន្រ្តីជាន់ខ្ពស់នៃក្រសួងបរិស្ថានបានឱ្យដឹងថា កម្ពុជាពិតជាមានមោទកភាពណាស់ដែលបានរកឃើញវត្តមានរបស់សត្វខ្លារខិនញីមួយក្បាល តាមរយៈរូបថតដ៏កម្រថតដោយ ម៉ាស៊ីនថតស្វ័យប្រវត្តិ ខណៈដែលសត្វប្រភេទនេះ ស្ទើរតែផុត ពូជពីលើពិភពលោកនេះហើយ។នេះជាការលើក ឡើងរបស់ រដ្ឋលេខាធិការនិងជាអ្នកនាំពាក្យក្រសួងបរិស្ថានឯកឧត្តម នេត្រ ភក្ត្រា នៅថ្ងៃទី៧ ខែធ្នូនេះ។ លោកបានបញ្ជាក់លើបណ្តាញសង្គមផ្លូវការរបស់លោកថា ៖ «ខ្លារខិនដែលជាប្រភេទសត្វកម្របន្ទាប់ពីខ្លាធំ បង្ហាញវត្តមាន នៅក្នុងតំបន់ការពារធម្មជាតិនៅកម្ពុជា ដែលវាពិតជា មោទកភាពបំផុតសម្រាប់កម្ពុជាដែលមានវត្តមានរបស់សត្វខ្លារខិន នៅក្នុងតំបន់ព្រៃទេសភាពខ្ពង់រាបភាគខាងកើត កាលពី ខែមេសា កន្លងមកនេះ ដោយក្រុមការងារអភិរក្សក្រសួង បរិស្ថាននិងអង្គការ WWF»។ ខ្លារខិនត្រូវបានគេដឹងថាជាសត្វជើងបួនរត់លើដីលឿនជាងគេក្នុងលោក ហើយសត្វនេះត្រូវបានចាត់ថ្នាក់ក្នុងបញ្ជី ក្រហម របស់អង្គការ IUCN ជាប្រភេទសត្វរងគ្រោះថ្នាក់ជិតផុត ពូជបំផុត ហើយចំនួនវាត្រូវបានបាត់បង់ពីទីជម្រកដែល វាធ្លាប់រស់នៅនៃប្រទេសក្នុងតំបន់អាស៊ីអាគ្នេយ៍។ ឯកឧត្តម នេត្រ ភក្ត្រា បានបន្តថា ប្រទេសកម្ពុជា ជាទីជម្រក ចុងក្រោយសម្រាប់ប្រភេទសត្វខ្លារខិននេះ ដែលអ្នកវិទ្យាសាស្ត្រ ជឿថានៅសេសសល់ចំនួនតិចតួចបំផុតនៅលើពិភពលោក។ឯកឧត្តមបញ្ជាក់ទៀតថា ៖ «ក្រសួងបរិស្ថានបានដឹកនាំយុទ្ធនា ការអន្ទាក់សូន្យក្នុងគោកបំណងកាត់បន្ថយនុងលុបបំបាត់កត្តាគំរាម កំហែងនានាចំពោះសត្វព្រៃ ដើម្បីផ្តល់ទីជម្រកសុវត្ថិភាព ដល់ជីវៈចម្រុះទាំងអស់កុំឱ្យមានការគំរាមកំហែងពីអន្ទាក់ និងការបរបាញ់»។ យោងតាមសិក្សាមួយ ដែលបានចុះផ្សាយដោយទស្សនាវដ្តី…

ខេត្តព្រះវិហារ៖ «កសិករ នៅខេត្តព្រះវិហារកំពុងទទួលបានជីវភាពប្រសើរជាងមុន តាមរយៈការលក់ស្រូវសរីរាង្គ» នេះជាការលើកឡើងរបស់កសិករ នៅភូមិក្រឡាសពាស ឃុំព្រីងធំ ស្រុកជាំក្សាន្ត ខេត្តព្រះវិហារ នៅក្នុងឱកាស ដែល ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ចុះពិនិត្យការផលិត និងការទិញ- លក់ស្រូវត្រយង(IBIS) និងស្រូវសរីរាង្គតាមគោលការណ៍ របស់ប្រជាសហគមន៍នៅក្នុង ដែនជម្រកសត្វព្រៃគូលែនព្រហ្មទេព ដែនជម្រកសត្វព្រៃឆែប និងដែនជម្រកសត្វព្រៃព្រះរកា និង សហគមន៍រំដួលម្លូព្រៃជាយដែន ស្ថិតក្នុងខេត្តព្រះវិហារ។ គម្រោងស្រូវសរីរាង្គមិត្តភាពសង្គ្រោះសត្វព្រៃ ឬ ស្រូវត្រយ៉ង បានកំពុងជួយគាំទ្រដល់សហគមន៍ក្នុងការផ្តល់បច្ចេកទេស ដំណាំស្រូវសរី រាង្គ ការរកទីផ្សារលក់ចេញ សម្រាប់បណ្តាញសហគមន៍ ការគ្រប់គ្រងស្រះទឹកសហគមន៍ សម្រាប់ទ្រទ្រង់ដំណាំកសិកម្ម និង ការពង្រឹងសមត្ថភាពកសិករ គាំទ្រលើ បច្ចេកទេស ភាពធន់ នឹងអាកាសធាតុ ដូចជា៖ • កម្មវិធីត្រពាំងមេត្រីភាពបរិស្ថានសម្រាប់ផ្គត់ផ្គង់ទឹកបន្ថែម• ការរៀបចំដីសម្រាប់គ្រប់គ្រងទឹក• កម្មវិធីក្សេត្រសាស្ត្រគាំទ្រដល់ការគ្រប់គ្រងសត្វចង្រៃ•…