កំពង់ធំ៖ នៅរសៀលថ្ងៃទី៣០ ខែវិច្ឆិកា ឆ្នាំ២០២២ លោក ព្រឹម រដ្ឋា អភិបាលរងខេត្តកំពង់ធំ បានអញ្ជើញជាអធិបតី ក្នុងពិធីអបអសាទរ ពិធីអាហារូបត្ថម្ភថ្នាក់ស្រុក ក្រោមប្រធានបទ «ម្ហូបអាហារកាន់តែមានសុវត្ថិភាព សុខភាពកាន់តែល្អប្រសើរ» នៅក្នុងបរិវេណវត្តបទុម ឃុំរុងរឿង ស្រុកស្ទោង ខេត្តកំពង់ធំ ដែលមានអ្នកចូលរួមចំនួន ១៥៧នាក់ ។ ថ្លែងនៅចំពោះមុខបងប្អូនប្រជាពលរដ្ឋ ឯកឧត្តមអភិបាលរងខេត្ត បានមានប្រសាសន៍ថា សុខភាពជាតម្លៃមហាសាលដែលមិនអាចកាត់ថ្លៃបាន ហើយបានចូលរួមចំណែកយ៉ាងធំធេងក្នុងការ លើកកម្ពស់សេដ្ឋកិច្ចគ្រួសារ និងអភិវឌ្ឍន៍សង្គមជាតិទាំងមូល ឲ្យល្អប្រសើរបាន។ ឯកឧត្តមបានបន្ថែមថា សុវត្ថិភាពម្ហូបអាហារ គឺជាកិច្ចការយើងទាំងអស់គ្នា ម្ហូបអាហារមានសុវត្ថិភាព មានសារៈសំខាន់ ខ្លាំងណាស់ចំពោះសុខភាព ជាពិសេស ជីវភាពរស់នៅ និងសុខុមាលភាពរបស់មនុស្សគ្រប់រូប។ ឯកឧត្តម ក៏បានជំរុញ ដល់អាជ្ញាធរមូលដ្ឋានត្រូវធ្វើយុទ្ធនាការលើកកម្ពស់សុវត្ថិភាពម្ហូបអាហារ ដោយផ្ដោតលើសកម្មភាពជាច្រើន ដូចជា ការលើកកម្ពស់ការយល់ដឹងជាសាធារណៈ ការពង្រឹងសមត្ថភាពបច្ចេកទេស ការរៀបចំគោលការណ៍ណែនាំ ឲ្យបានយល់ដឹងកាន់តែច្បាស់ពីសារៈសំខាន់នៃសុវត្ថិភាពម្ហូបអាហារ និងទទួលបានម្ហូបអាហារមានសុវត្ថិភាពប្រកបដោយអាហារូបត្ថម្ភ ហើយអាជីវកម្មម្ហូបអាហាររបស់យើងត្រូវបានគោរពទៅតាមគោលការណ៍ណែនាំស្តីពីអនាម័យ សុវត្ថិភាព គុណភាព និង និរន្តរភាពប្រព័ន្ធផលិតកម្មម្ហូបអាហារ។ លើសពីនេះឯកឧត្តមបានអំពាវនាវ គ្រប់បណ្តារគ្រួសារទាំងអស់…

ខេត្តកំពង់ធំ៖ ឯកឧត្តម សោម ស៊ុន សមាជិកអចិន្ត្រៃយ៍គណបក្សប្រជាជនកម្ពុជា ខេត្តកំពង់ធំ ប្រធានក្រុមការងាររបស់គណបក្សចុះជួយមូលដ្ឋានឃុំបន្ទាយស្ទោង បាននាំយកនូវអំណោយមនុស្សធម៌ ឧបត្ថម្ភជូនគ្រួសារសមាជិកបក្ស ដែលមានជីវភាពលំបាកខ្វះខាត ២០គ្រួសារ ក្នុងមួយគ្រួសារទទួលបាននូវអង្ករ មីជាតិ ត្រីខកំប៉ុង ទឹកត្រីនិងទឹកសុទ្ធវីតាល់ នៅភូមិពន្លាជ័យ ភូមិពោធិ៍ ភូមិបេង និងភូមិចន្លុះ ស្ថិតនៅក្នុងឃុំបន្ទាយស្ទោង ស្រុកស្ទោង ខេត្តកំពង់ធំកាលពីថ្ងៃទី៣០ ខែវិច្ឆិកា ឆ្នាំ២០២២។ លោក តុង ទាវ សមាជិកអចិន្ត្រៃយ៍គណបក្សឃុំ បានអគុណ ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី តាមរយៈឯកឧត្តម សោម ស៊ុន ដែលជានិច្ចកាលតែងតែយកចិត្តទុកដាក់ ផ្សារភ្ជាប់ពីសុខទុក្ខនិងជីវភាពរស់នៅរបស់ប្រជាពលរដ្ឋ ក៏ដូចជាសមាជិកគណបក្សប្រជាជនកម្ពុជា ឃុំបន្ទាយស្ទោង ។ ឯកឧត្តម សោម ស៊ុន បានអរគុណដល់ថ្នាក់ដឹកនាំគណបក្សឃុំ សាខាបក្សភូមិ នឹងក្រុមការងារចុះជួយមូលដ្ឋានឃុំ ភូមិ បានសហការគ្នាល្អ រួមគ្នាក្នុងការបម្រើប្រជាជន និងដោះស្រាយការលំបាកជូនដល់សមាជិកក្រុមគ្រួសារបក្សនៅទូទាំងឃុំ បានយ៉ាងល្អប្រសើរ ពិសេសបានឆ្លើយតបនិងរួមគ្នាដោះស្រាយនូវរាល់បញ្ហាប្រឈមនានារបស់ប្រជាជន…

ភ្នំពេញ៖ ប្រធានកាកបាទក្រហមកម្ពុជា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានបង្ហាញពីមោទកភាពដែលរាជរដ្ឋាភិបាលបានគ្រប់គ្រងការរីករាលដាលមេរោគឆ្លងនានា រួមទាំងមេរោគអេដស៍បានល្អប្រសើរផងដែរ ដោយលោកស្រីក៏បានធ្វើការអំពាវនាវដល់ជនរួមជាតិទាំងអស់ចូលរួមទាំងអស់គ្នា ដើម្បីសម្រេចបានការបញ្ចប់អេដស៍នៅឆ្នាំ២០២៥។ សម្ដេចកិត្តិព្រឹទ្ធបណ្ឌិតបានលើកឡើងដូចនេះ តាមរយៈសារលិខិត ក្នុងទិវាពិភពលោកប្រយុទ្ធនឹងជំងឺអេដស៍ ១ ធ្នូ ឆ្នាំ២០២២ ក្រោមប្រធានបទ «ធ្វើឱ្យមានសមភាព» ដើម្បីទាក់ទាញការយកចិត្តទុកដាក់ដល់ប្រជាពលរដ្ឋគ្រប់រូប បន្តការប្រុងប្រយ័ត្នកាន់តែខ្លាំង ជាពិសេសយុវជនយុវនារី ក្នុងការបង្ការទប់ស្កាត់ការ ចម្លងមេរោគអេដស៍។ សម្ដេចបានឱ្យដឹងថា ៖ «ខ្ញុំមានមោទកភាពដែលរាជរដ្ឋាភិបាលបានគ្រប់គ្រងការរីករាលដាលមេរោគឆ្លងនានា រួមទាំងមេរោគអេដស៍ បានល្អប្រសើរ ជាពិសេសសកម្មភាពចូលរួមពីគ្រប់ភាគីពាក់ព័ន្ធ ជាមួយនឹងស្មារតីទទួលខុសត្រូវខ្ពស់ ដែលបានផ្តល់ថ្នាំ និងប័ណ្ណសមធម៌ជាមួយនឹងថវិកាទ្រទ្រង់ជីវភាពដល់អ្នកផ្ទុកមេរោគអេដស៍, ធ្វើឱ្យអ្នកផ្ទុកមេរោគអេដស៍ និងអ្នកជំងឺអេដស៍ រាប់ម៉ឺននាក់មានសុខភាពល្អ, មានក្តីសង្ឃឹម, អាចរស់នៅក្នុងភាពថ្លៃថ្នូរ, ស្មើមុខស្មើមាត់, ពុំមានការរើសអើង ក្នុងសង្គមជាតិ»។ សម្ដេចកិត្តិព្រឹទ្ធបណ្ឌិតដែលជាឥស្សរជនឆ្នើមថ្នាក់ជាតិនៃវេទិកាភាពជាអ្នកដឹកនាំ តំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍនៅកម្ពុជាផងដែរនោះ បានបញ្ជាក់ទៀតថា បច្ចុប្បន្ននៅលើពិភពលោកមានអ្នកឆ្លងថ្មីជាង ៤ពាន់នាក់ ក្នុងមួយថ្ងៃ ចំណែកកម្ពុជា មានអ្នកឆ្លងថ្មីប្រមាណ ៣នាក់ ក្នុងមួយថ្ងៃ។ សម្ដេចកិត្តិព្រឹទ្ធបណ្ឌិតបានអំពាវនាវឱ្យជនរួមជាតិ,…

ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានបង្ហាញការគាំទ្រសកម្មភាពរាជរដ្ឋាភិបាលចែកគ្រាប់ពូជជូនកសិករ ដែលរងគ្រោះដោយទឹកជំនន់ ដើម្បីជួយស្តារផលិតកម្មស្រូវឡើងវិញថា ពិតជាចំណែកដ៏សំខាន់មួយ សំដៅបន្តធានាសន្តិសុខស្បៀងគ្រួសារកសិករកម្ពុជា។ តាមរយៈ កិច្ចប្រជុំក្រុមការងារបច្ចេកទេសចម្រុះវិស័យសន្តិសុខស្បៀង និងអាហាររូបត្ថម្ភកាលពីថ្ងៃទី៣០ ខែវិច្ឆិកា រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទឯកឧត្តម ឌិត ទីណា បានលើកឡើងថា កម្ពុជាបានអភិវឌ្ឍខ្លួនចេញពីប្រទេសដែលខ្វះស្បៀង មកជាប្រទេសកសិកម្មកាន់តែទំនើប មានសន្តិសុខស្បៀងកាន់តែរឹងមាំ និងឈានដល់ការនាំចេញស្បៀងមួយចំនួនធំទៀតផង។ លោកបានថ្លែងថា ៖ «ថ្មីៗនេះ ការប្រែប្រួលអាកាសធាតុ និងទឹកជំនន់បានបង្កឱ្យមានផលប៉ះពាល់ដល់សន្តិសុខស្បៀងគ្រួសារ ដូច្នេះហើយ រាជរដ្ឋាភិបាលបានចែកគ្រាប់ពូជជូនប្រជាជនដែលរងផលប៉ះពាល់ ដើម្បីជួយស្តារផលិតកម្មស្រូវឡើងវិញ សំដៅបន្តធានាសន្តិសុខស្បៀងគ្រួសារ និងអាហាររូបត្ថម្ភគ្រួសារឱ្យបានពេញលេញ»។ លើសពីនេះទៀត រដ្ឋមន្រ្តីក្រសួងកសិកម្មរូបនេះ បានអះអាងដែរថា ជាមួយនឹងការអភិវឌ្ឍសេដ្ឋកិច្ច និងសង្គមដែលបានធ្វើឱ្យកម្រិតជីវភាពកាន់តែប្រសើរឡើងប្រជាជនកម្ពុជាមានការយល់ដឹង និងយកចិត្តទុកដាក់កាន់តែច្រើនជាងមុនលើកត្តាសុខភាព និងអនាម័យ ដោយបានផ្លាស់ប្ដូរទម្លាប់ក្នុងការរស់នៅ និងការទទួលទានបានយ៉ាងច្រើន និងឈានដល់ការទទួលទានអាហារដែលផ្តល់អាហារូបត្ថម្ភខ្ពស់ ដូចជាទឹកដោះគោជាដើម ដែលជាចំណុចមួយគួរឱ្យកត់សម្គាល់។ ឆ្លៀតក្នុងឱកាសនោះដែរ លោកយល់ថា ដើម្បីដាក់ចេញនូវវិធានការអនុវត្តឱ្យមានប្រសិទ្ធភាព លោកក៏ស្នើឱ្យពិនិត្យ ពិភាក្សា និងវាយតម្លៃឱ្យបានច្បាស់ និងគ្រប់ជ្រុងជ្រោយលើស្ថានភាពជាក់ស្តែងដែលជាកត្តាកំណត់ជោគជ័យនៃការងារ តាមរយៈការអប់រំ ការជួយកែប្រែទម្លាប់ និងការបន្តការផ្សព្វផ្សាយឱ្យប្រជាជនមានការយល់ដឹងកាន់តែទូលំទូលាយ ពីទម្លាប់រស់នៅ…

ភ្នំពេញ ៖ សត្វកែះញីមួយក្បាលដែលជាប់អន្ទាក់ និងរងរបួស បានស្លាប់ហើយ កាលពីព្រឹកថ្ងៃទី៣០ ខែវិច្ឆិកា ឆ្នាំ២០២២នេះ ក្រោយពីក្រុមគ្រូពេទ្យខិតខំប្រឹងប្រែងសង្គ្រោះអស់លទ្ធភាពជាច្រើនថ្ងៃរួចមក។ ការស្លាប់របស់សត្វកែះនេះត្រូវបានអ្នកជំនាញបសុសត្វបញ្ជាក់ថា ដោយសារតែវារងរបួសធ្ងន់ធ្ងរដោយសារតែជាប់អន្ទាក់ ព្រានព្រៃដេញវាយជាំពោះផ្នែកខាងឆ្វេង និងភ្លាត់ឆ្អឹងជើងមុខខាងឆ្វេង។ លើសពីនេះទៀត សត្វកែះញីមានសុខភាពទន់ខ្សោយដោយសារតែមានផ្ទៃពោះ និងរលូតកូនស្លាប់ក្នុងផ្ទៃ ហើយរបួសស្បូនខ្លាំងរលូតដល់រលួយ។ រយៈពេលប៉ុន្មានថ្ងៃនេះ ក្រុមគ្រូពេទបសុសត្វបានខិតខំសង្គ្រោះ តែដោយសារតែស្ថានភាពរបួសធ្ងន់ និងមានភាពគ្រាំគ្រាខ្លាំង មិនអាចឈរបាន ធ្វើឱ្យសត្វកែះញីដែលជាប្រភេទសត្វកម្រនៅលើសកលលោកមួយក្បាលនេះបានស្លាប់បាត់បង់ជីវិត។ ក្រសួងបរិស្ថានសូមសម្តែងនូវការសោកស្តាយក្រៃលែងចំពោះការបាត់បង់ប្រភេទសត្វកម្រនេះ និងសូមអំពាវនាវដល់ប្រជាពលរដ្ឋចូលរួមការពារនិងអភិរក្សធនធានធម្មជាតិ សត្វព្រៃដែលកម្ពុជាមានឱ្យបានគង់វង្សដោយបញ្ឈប់ការដាក់អន្ទាក់ និងបរបាញ់សត្វគ្រប់ប្រភេទ និងសូមនិយាយថាទេចំពោះសាច់សត្វព្រៃ។ ជាមួយគ្នានេះ សូមបងប្អូនប្រជាពលរដ្ឋមួយចំនួនដែលមានជំនឿថាសាច់សត្វ ឆ្អឹង សំណាក និងឈាមសត្វព្រៃជួយព្យាបាលជំងឺ និងធ្វើឱ្យសុខភាពរបស់ខ្លួនល្អ គឺមិនពិតឡើយ។ សូមចូលរួមអភិរក្សសត្វព្រៃនិងជីវៈចម្រុះគ្រប់ប្រភេទដើម្បីមនុស្សជំនាន់ក្រោយ ៕ ប្រភព ៖ ក្រសួងបរិស្ថាន