-
TikTok ដាក់ឱ្យដំណើរការមុខងារទំនុកចិត្ត និងសុវត្ថិភាពថ្មីសម្រាប់អ្នកបង្កើតមាតិកា គ្រួសារ និងសហគមន៍ដោយលោក Adam Presser ប្រធានផ្នែកប្រតិបត្តិការ និងទំនុកចិត្ត និងសុវត្ថិភាព
ថ្ងៃនេះ TikTok ប្រកាសដាក់ឱ្យដំណើរការមុខងារថ្មីៗជាច្រើនពីវិធីដែល TikTok ជំរុញភាពច្នៃប្រឌិត និងនាំសេចក្តីរីករាយដល់អ្នកប្រើប្រាស់ជុំវិញពិភពលោក។ មុខងារថ្មីៗទាំងនេះ ជួយបង្កើនបទពិសោធន៍ល្អៗសម្រាប់ក្មេងជំទង់ និងគ្រួសារដែលស្វែងរកការកម្សាន្ត និងរៀនសូត្រនៅលើបណ្តាញសង្គម TikTok អ្នកបង្កើតមាតិកាដើម្បីចែករំលែកចំណេះដឹងផ្ទាល់ខ្លួន និងការអប់រំអំពីការអភិវឌ្ឍសហគមន៍ ក៏ដូចជាអ្នកប្រើប្រាស់ដទៃទៀតដែលនិយមស្វែងរកមាតិកា ពួកគេនៅតែចូលចិត្តប្រើប្រាស់បណ្តាញសង្គម TikTok របស់យើង។ ការគាំទ្ររបស់អ្នកប្រើប្រាស់ចំពោះ TikTok គឺកើតមានឡើងដោយសារការបន្តវិនិយោគរបស់យើងទៅលើផ្នែកសុវត្ថិភាព ឯកជនភាព និងសន្តិសុខ។ មុខងារសម្រាប់គ្រួសារ មុខងារ និងការកំណត់ផ្សេងៗចំនួន៥០ សម្រាប់គណនីក្មេងជំទង់ ត្រូវបានរចនាឡើងដើម្បីឱ្យពួកគេបង្ហាញពីភាពច្នៃប្រឌិតរបស់ខ្លួនដោយសុវត្ថិភាព កសាងទំនាក់ទំនងជាមួយមិត្តភក្តិ និងរៀនសូត្រនៅលើ TikTok។ បន្ថែមពីលើការការពារទាំងនេះ TikTok ក៏មានមុខងារ Family Pairing ដែលអនុញ្ញាតឱ្យឪពុកម្តាយ និងអាណាព្យាបាល កំណត់មុខងារក្នុងគណនីកូនៗរបស់ខ្លួនដើម្បីឱ្យស្របទៅតាមតម្រូវការរបស់ពួកគាត់។ តាមរយៈកម្មវិធីអប់រំ “ភាពជាដៃគូសុវត្ថិភាពផ្នែកឌីជីថលសម្រាប់គ្រួសារ” យើងផ្ដល់ជម្រើសដល់គ្រួសារដើម្បីបន្តការសន្ទនាដោយបើកចំហអំពីបទពិសោធន៍របស់ពួកគាត់នៅលើប្រព័ន្ធអ៊ីនធឺណិត។ ដើម្បីបន្តការសន្ទនាទាំងនេះ TikTok កំពុងបង្ហាញមុខងារថ្មីនៃ Family Pairing ដែលអនុញ្ញាតឱ្យឪពុកម្តាយគ្រប់គ្រងគណនីកូនៗរបស់ពួកគាត់កាន់តែប្រសើរ។ មុខងារថ្មីនៃ Family Pairing រួមមាន៖ ស្វែងយល់បន្ថែមអំពីមុខងារថ្មីៗសម្រាប់គ្រួសារដែលបានបង្ហាញនៅថ្ងៃនេះ គាំទ្រសុខុមាលភាពសហគមន៍ TikTok ជឿជាក់ថាបទពិសោធន៍ឌីជីថលគួរតែនាំមកឱ្យយើងនូវភាពរីករាយ…
-
ស្មារតីខ្មែរជួយខ្មែរ សប្បុរជនក្នុងខេត្តបាត់ដំបងកាន់តែផុលផុស ជួយឧបត្ថម្ភដល់កងទ័ព និងពលករខ្មែរមកពីប្រទេសថៃ
ចាប់តាំងពីផ្តើមដំបូងនៃទង្វើឈ្លានពានពីភាគីថៃ ក្នុងស្មារតីខ្មែរជួយខ្មែរ ការពារបូរណភាពទឹកដី និងស្រឡាញ់សុខសន្តិភាព មន្ត្រីរាជការ ព្រះសង្ឃ ប្រជាពលរដ្ឋគ្រប់ស្រទាប់ថ្នាក់ និងយុវជននៅក្នុងខេត្តបាត់ដំបង បានផុលផុសក្នុងការបរិច្ចាគនូវធនធានផ្ទាល់ខ្លួននិងនាំយកអំណោយជាថវិកា ជាគ្រឿងឧបភោគ បរិភោគ និងសម្ភារប្រើប្រាស់ផ្សេងៗសម្រាប់ផ្តល់ជូនដល់ប្រជាពលករខ្មែរ ដែលវិលត្រឡប់ពីប្រទេសថៃ និងឧបត្ថម្ភគាំទ្រកងទ័ពដែលកំពុងឈរជើងនៅតាមខ្សែបន្ទាត់ព្រំដែន។ ការចូលរួមកាន់តែផុលផុសឡើងៗ។នៅបរិវេណមុខអគារសាលាខេត្តចាស់ក្នុងសប្ដាហ៍នេះ សប្បុរសជនយ៉ាងច្រើនកុះករ ដែលមកចូលរួមបរិច្ចាគជាមួយរដ្ឋបាលខេត្តបាន បានបង្ហាញពីអារម្មណ៍សប្បាយរីករាយ ដែលបានរួមចំណែក ជាមួយរដ្ឋបាលខេត្តបាត់ដំបង។ លោក ផេង សិទ្ធី អភិបាលរងខេត្ត និងជាតំណាងឯកឧត្តម សុខ លូ អភិបាលខេត្តបាត់ដំបង ក៏បានសំដែងទឹកចិត្តនិងថ្លែងអរគុណចំពោះមន្ត្រីរាជការ ព្រះសង្ឃ បងប្អូនប្រជាពលរដ្ឋ សប្បុរសជននានានិងក្មួយៗសិស្សានុសិស្ស និង និស្សិត នៅក្នុងខេត្តបាត់ដំបង ដែលបានរួមចំណែកផ្តល់អំណោយជាថវិកា គ្រឿងឧបភោគ-បរិភោគ និងសម្ភារ:ប្រើប្រាស់ចាំបាច់ផ្សេងៗទៀត ជូនដល់រដ្ឋបាលខេត្ត។ សូមបញ្ជាក់ថា អំណោយដែលទទួលបានពីសប្បុរសជនទាំងអស់ ត្រូវបានរដ្ឋបាលខេត្តបាត់ដំបង ធ្វើការបែងចែកនិងនាំយកទៅផ្តល់ជូនកងកម្លាំងការពារបូរណភាពទឹកដី ពលករខ្មែរដែលវិលត្រឡប់មកពីប្រទេសថៃ និងប្រជាពលរដ្ឋភៀសសឹកផងដែរ៕ អត្ថបទ-រូបភាព៖ អ៊ុក សំអាន ប.ប
-
ធនាគារ វឌ្ឍនៈនឹងលុបចោលបំណុលទាំងស្រុងជូនអតិថិជន ឬអ្នករួមខ្ចី ដែលជាយោធិនពលីដែលបានបំពេញភារកិច្ចក្នុងសមរភូមិការពារបូរណភាពទឹកដី និងដែនអធិបតេយ្យភាពខ្មែរ
ភ្នំពេញ៖តបតាមសេចក្តីអំពាវនាវរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងសេចក្តីណែនាំថ្ងៃទី៣០ ខែកក្កដា ឆ្នាំ២០២៥ របស់ធនាគារជាតិនៃកម្ពុជា ក្រោមក្នុងស្មារតីខ្មែរតែមួយ ធនាគារ វឌ្ឍនៈ ដែលជាក្រុមហ៊ុនបុត្រសម្ព័ន្ធរបស់ វឌ្ឍនៈ គ្រុប នឹងលុបចោលបំណុលទាំងស្រុងជូនអតិថិជន ឬអ្នករួមខ្ចី ដែលជាយោធិនពលីដែលបានបំពេញប្រតិបត្តិការក្នុងសមរភូមិការពារបូរណភាពទឹកដី និងដែនអធិបតេយ្យភាពខ្មែរ។នេះជាពេលវេលាដែលយើងរួមសាមគ្គីគ្នា ជួយគ្នាទៅវិញទៅមក ហើយការចូលរួមចំណែកនេះនឹងជួយសម្រាលបន្ទុកដល់គ្រួសារយោធិនក្នុងកាលៈទេសៈដ៏សំខាន់នេះ៕ ដោយ៖ទីផ្សារ
-
សាកលវិទ្យាល័យវេស្ទើន ជូនដំណឹងអំពីការផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិត ដើម្បីបុព្វហេតុការពារជាតិ
(ភ្នំពេញ)៖ សាកលវិទ្យាល័យវេស្ទើន ចេញសេចក្ដីជូនដំណឹង អំពីការផ្ដល់ជូនអាហារូបករណ៍ ១០០% រហូតដល់ចប់កម្មវិធីសិក្សាទាំងថ្នាក់បរិញ្ញាបត្ររង និងថ្នាក់បរិញ្ញាបត្រ គ្រប់ជំនាញទាំងអស់ នៃសាកលវិទ្យាល័យវេស្ទើន ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ ។ សាកលវិទ្យាល័យវេស្ទើន សូមជម្រាបជូនដំណឹងដល់ក្រុមគ្រួសារយុទ្ធជនពលីជីវិតក្នុងបុព្វហេតុការពារជាតិ បណ្តាស្ថាប័នព័ត៌មាន និងសាធារណៈជន ឱ្យបានជ្រាបថា៖ ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនដែលបានពលី ឯកឧត្ដម តែ ឡូរិន ប្រធានក្រុមប្រឹក្សាភិបាល បានសម្រេចផ្ដល់ជូនអាហារូបករណ៍សម្រាប់ការសិក្សានៅសាកលវិទ្យាល័យដោយឥតបង់ថ្លៃ ១០០% ជូនដល់កូនៗយុទ្ធជនពលីជីវិតក្នុងបុព្វហេតុការពារជាតិ ។ សូមក្រុមគ្រួសារយុទ្ធជនពលី ធ្វើការទំនាក់ទំនងមកកាន់សាកលវិទ្យាល័យ តាមរយៈលេខ 096 8000 111 ឬ012 200 988 ៕ ដោយ ៖ វណ្ណលុក
-
គណៈប្រតិភូក្រសួងបរិស្ថាន សប្បុរសជន ស្រុកអូររាំងឪ បាននាំយកអំណោយជូនប្រជាពលរដ្ឋភៀសសឹក និងកងទ័ពកម្ពុជានៅជួរមុខ
ភ្នំពេញ៖គណៈប្រតិភូក្រុមការងាររាជរដ្ឋាភិបាល ក្រុមការងារគណបក្សចុះមូលដ្ឋានខេត្តត្បូងឃ្មុំ ក្រុមការងារក្រសួង បរិស្ថាន សហការជាមួយក្រុមការងារស្រ្តីនិងកុមារ សមាគមនារីដើម្បីសន្តិភាព និងអភិវឌ្ឍន៍នៃក្រសួងបរិស្ថាន យុវជននៃសហភាពសព័ន្ធយុវជនកម្ពុជាវិស័យបរិស្ថាន (ស.ស.យ.ក.) យុវជន សិស្សានុសិស្ស លោកគ្រូអ្នកគ្រូ នៅតាមមូលដ្ឋាន អាជ្ញាធរគ្រប់ថ្នាក់ និងប្រជាពលរដ្ឋក្នុងស្រុកអូររាំងឪ រួមជាមួយសប្បុរសជន បាននាំយកអំណោយ ជាគ្រឿងឧបភោគបរិភោគ សម្ភារប្រើប្រាស់ចាំបាច់ជាច្រើន និងថវិកាមួយចំនួន ទៅផ្ដល់ជូនប្រជាពលរដ្ឋ ភៀសសឹក ពីតំបន់មានជម្លោះព្រំដែនកម្ពុជា-ថៃ មកស្នាក់នៅមណ្ឌលសុវត្ថិភាព និងកងទ័ពកម្ពុជានៅជួរមុខ នៅខេត្តឧត្តរមានជ័យ និងខេត្តព្រះវិហារ។ ការនាំយកនូវជំនួយទាំងនេះធ្វើឡើងតបតាមគំនិតផ្តួចផ្តើមនិងដឹកនាំរបស់ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាប្រធានក្រុមការងារចុះមូលដ្ឋានខេត្តត្បូងឃ្មុំ ក្នុងពេលកន្លងមក ស្តីពីការចូលរួមគាំទ្រដល់ការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ការដឹកនាំរបស់រាជរដ្ឋាភិបាលកម្ពុជា ប្រកបដោយភាពស្វាហាប់និងវាងវៃ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ក្នុងការដោះស្រាយបញ្ហាព្រំដែន ការពារបូរណភាពដែនដី និងមាតុភូមិកម្ពុជា និងការគាំទ្រដោយស្មោះស្ម័គ្រចំពោះដល់កងទ័ពកម្ពុជា ដ៏អង់អាចក្លាហាននៅជួរមុខ និងជនភៀសសឹកនៅតាមភូមិសាស្រ្ត តំបន់ព្រំដែនកម្ពុជា-ថៃ៕ដោយ៖ម៉ាដេប៉ូ
-
រដ្ឋបាលខេត្តកំពង់ចាមនាំយកទៀនព្រះវស្សា និងទេយ្យទានប្រគេនព្រះសង្ឃគង់ចាំព្រះវស្សានៅវត្តជ័យគីរី និងវត្តសន្ធររង្ស៊ី
កំពង់ចាម៖ ឯកឧត្ដម អ៊ុន ចាន់ដា អភិបាលខេត្តកំពង់ចាម និងឯកឧត្តម ខ្លូត ផន ប្រធានក្រុមប្រឹក្សាខេត្តព្រមទាំងថ្នាក់ដឹកនាំ មន្ត្រីរាជការ មន្ទីរអង្គភាពជុំវិញខេត្ត និងអាជ្ញាធរមូលដ្ឋានកាលពីព្រឹកថ្ងៃទី២៨ ខែកក្កដា ឆ្នាំ២០២៥ បានអញ្ជើញនាំយកទៀនចំណាំព្រះវស្សា និងទេយ្យទាន ទៅវេរប្រគេនព្រះសង្ឃគង់ចាំព្រះវស្សានៅវត្តជ័យគីរី ហៅ វត្តភ្នំហាន់ជ័យ ស្ថិតនៅស្រុកកំពង់សៀម និងវត្តសន្ធររង្ស៊ី ហៅ វត្តខ្ពបតាងួន ស្ថិតនៅស្រុកស្ទឹងត្រង់។ ទេយ្យទានរបស់រដ្ឋបាលខេត្តកំពង់ចាម វេរប្រគេនព្រះសង្ឃគង់ចាំព្រះវស្សាក្នុងវត្តនីមួយៗមាន ទៀនព្រះវស្សា ក្បាច់ចំនួនមួយគូ អង្ករចំនួន១០០គីឡូក្រាម ទឹកសុទ្ធចំនួន ៥កេស ទឹកក្រូចចំនួន ១០កេស ត្រីខមួយកេស ទឹកត្រីចំនួន ៥កេស ទឹកស៊ីអីវចំនួន ៥កេស មីមួយកេសធំ ទឹកដោះគោខាប់មួយកេសធំ ស្ករសចំនួន ៥គីឡូក្រាម តែចំនួន ៥គីឡូក្រាម បច្ច័យមួយចំនួន។ដោយឡែកព្រះសង្ឃចំនួន ៧អង្គ ក្នុងមួយអង្គប្រគេន ទេយ្យវត្ថុមួយ និងបច្ច័យមួយសែនរៀល ចង្ហាន់មួយស្រាក់ ផ្លែឈើមួយកន្ត្រក៕ ដោយ៖លី ពៅ
-
រដ្ឋមន្ត្រីក្រសួងកសិកម្ម នាំយកស្បៀងជូន ពលរដ្ឋ និងគ្រួសារកងទ័ព ដែលបានភៀសខ្លួនពីតំបន់សឹកខេត្តឧត្តរមានជ័យ និងតំបន់ជួរមុខព្រំដែនខេត្តបន្ទាយមានជ័យ
(ខេត្តបន្ទាយមានជ័យ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ កាលពីទី២៦ ខែកក្កដា ឆ្នាំ២០២៥ បានអញ្ជើញសួរសុខទុក្ខ និងនាំយកស្បៀងជូនពុកម៉ែ បងប្អូនប្រជាពលរដ្ឋ និងគ្រួសារកងទ័ពដែលបានភៀសខ្លួនពីតំបន់សឹកខេត្តឧត្តរមានជ័យ និងតំបន់ជួរមុខព្រំដែនខេត្តបន្ទាយមានជ័យ មកទីទួលសុវត្ថិភាពនៃស្រុកថ្មពួក ។ ឯកឧត្តមរដ្ឋមន្ត្រីបានមានមតិផ្ដាំផ្ញើឱ្យរក្សាភាពអត់ធ្មត់ស៊ូទ្រាំ និងថែរក្សាខ្លួននៅទីកន្លែងសុវត្ថិភាព ខណៈពេលដែលការចាកចេញពីភូមិស្រុកគេហដ្ឋានពុកម៉ែ បងប្អូនគឺជាការលះបង់ចាំបាច់មួយដើម្បីបញ្ចៀសហានិភ័យនៃការប្រយុទ្ធគ្នា ដែលជួយសម្រួលឱ្យកងទ័ពរបស់យើងការពារទឹកដីដោយទឹកចិត្តមោះមុត និងអង់អាចក្លាហាន។ឯកឧត្តមរដ្ឋមន្ត្រីក៏បានពាំនាំការផ្ដាំផ្ញើសួរសុខទុក្ខ និងសេចក្ដីនឹករលឹក ពីសំណាក់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ យើងទាំងអស់គ្នាគាំទ្រកងទ័ពដ៏អង់អាចរបស់យើងក្នុងបុព្វហេតុការពារអធិបតេយ្យភាពជាតិ និងបូរណភាពទឹកដី រហូតដល់ពុកម៉ែបងប្អូនវិលត្រឡប់ទៅភូមិស្រុកគេហដ្ឋានវិញបាន។ នារសៀលថ្ងៃដដែល ឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញបន្តសួរសុខទុក្ខប្រជាពលរដ្ឋជាង ៦០០គ្រួសារ ដែលបានជម្លៀសពីតំបន់ព្រំដែនអូរបីជាន់ មកទីទួលសុវត្ថិភាពនៅស្រុកអូរជ្រៅ៕ ប្រភព ៖ ក្រសួងកសិកម្ម
-
ក្រសួងអប់រំកម្ពុជា ៖ គិតត្រឹមព្រឹកថ្ងៃទី២៧ កក្កដា សាលារៀន ៦០០បិទទ្វារ លើ ៥ខេត្ត
(ភ្នំពេញ)៖ ក្រសួងអប់រំ យុវជន និងកីឡាកម្ពុជា បានបញ្ជាក់លើបណ្ដាញសង្គមថា គិតត្រឹមព្រឹកថ្ងៃទី២៧ ខែកក្កដា ឆ្នាំ២០២៥ សាលារៀន ៦០០បិទទ្វារ លើ ៥ខេត្ត ប៉ះពាល់ដល់សិស្សានុសិស្ស ១៥ម៉ឺននាក់ និងគ្រូបង្រៀនជាង ៦ពាន់នាក់ ។ ការបិទទ្វារសាលារៀនទាំង ៦០០នេះ ដោយសារការឈ្លានពានប្រដាប់អាវុធរបស់ថៃមកលើកម្ពុជា ។ ក្នុងពេលជាមួយគ្នា គិតមកត្រឹមព្រឹកថ្ងៃទី២៧ ខែកក្កដា ឆ្នាំ២០២៥ ជម្លោះប្រដាប់អាវុធតាមព្រំដែនកម្ពុជា ថៃ កើតចេញពីការឈ្លានពានរបស់កងទ័ពថៃ បានកំពុងបន្តយ៉ាងក្តៅគគុក។ កងទ័ពកម្ពុជាដ៏អង់អាចក្លាហាន នៅតែបន្តឈរជើងយ៉ាងរឹងមាំ នៅតាមតំបន់ព្រំដែនជួរមុខ ដើម្បីការពារជាតិ ការពារទឹកដី មិនឱ្យសត្រូវរំលោភបំពានបានឡើយ ៕ ដោយ ៖ វណ្ណលុក
-
ឆមាសទី១ ឆ្នាំ២០២៥ ក្រសួងបរិស្ថានរកឃើញរោងចក្រនិងក្រុមហ៊ុន ចំនួ២៨ បញ្ចេញបរិមាណសំណល់រាវជាង ១លានម៉ែត្រគូប ប៉ះពាល់ដល់តំបន់ទឹកសាធារណៈ
(ភ្នំពេញ)៖ គិតត្រឹមឆមាសទី១ឆ្នាំ២០២៥នេះ មន្រ្តីជំនាញ ក្រសួងបរិស្ថាន បានរកឃើញរោងចក្រ សហគ្រាស និងអគារពាណិជ្ជកម្មផ្សេងៗ បានបញ្ចេញសំណល់រាវ ចំនួន២៨ ទីតាំង ដែលមានការបញ្ចេញបរិមាណសំណល់រាវប្រមាណជា ១ ៣៦៦ ៥៦០ ម៉ែត្រគូប ប៉ះពាល់ដល់តំបន់ទឹកសាធារណ:។ ជាមួយគ្នានេះ ក្រុមការងារបានពិនិត្យឃើញថា ក្រុមហ៊ុននិងរោងចក្រទាំងនោះ បានបញ្ចេញសំណល់រាវ ប៉ះពាល់បរិស្ថាន នៅក្នុង១ខែ មានប្រមាណ ២២៧ ៧៦០ ម៉ែត្រ គូប ក្នុងនោះក្នុង ១ថ្ងៃ មានសំណល់រាវ ប្រមាណ ១១ ៣៨៨ ម៉ែត្រគូប។ សូមបញ្ជាក់ថាក្រុមការងារនៃអគ្គនាយកដ្ឋានគាំពារបរិស្ថាន ក៏បានចុះធ្វើអធិការកិច្ច តាមក្រុមហ៊ុន និងរោងចក្រទាំងអស់នោះ ហើយបានចេញលិខិតបញ្ជាកែប្រែ និងពិន័យអន្តរការណ៍ផងដែរ ។ រោងចក្រនោះរួមមាន៖ ១.រោងចក្រ Kubon (Cambodia) Biotechnology Co., Ltd ជារោងចក្រ កែច្នៃផ្លៃឈើគ្រប់ប្រភេទ ស្ថិតនៅខេត្តព្រះសីហនុ , ២.រោងចក្រ CANGXINLONG FOOD…
-
ប្រជាពលរដ្ឋភៀសសឹកកើនជិតម៉ឺននាក់នៅខេត្តព្រះវិហារ ខណៈខេត្តឧត្តរមានជ័យមានជាង២ ៦០០គ្រួសារ
ភ្នំពេញ៖គិតត្រឹមរសៀលថ្ងៃទី២៥ ខែកក្កដា ឆ្នាំ២០២៥ ប្រជាពលរដ្ឋភៀសគេច ពីគ្រាប់ កាំភ្លើងយោធាថៃកស្នាក់នៅបណ្ដោះអាសន្នក្នុងមណ្ឌលសុវត្ថិភាពវត្តពោធិ៍ ៥០០០ដើម ក្នុងភូមិគូលែន ឃុំគូលែន ស្រុកគូលែន ខេត្តព្រះវិហារ កើនឡើងជិត មួយម៉ឺននាក់ហើយ។ខណៈនៅខេត្តឧត្តរមានជ័យមានចំនួនជាង២ ៦០០គ្រួសារ។ ជាមួយនឹងការកើនឡើងយ៉ាងគំហុកនៃជនភៀសសឹក បន្ទាប់ពីយោធាថៃបើក ការឈ្លានពានដោយចំហរនិងឃោរឃៅ ដោយការប្រើប្រាស់អាវុធកាន់តែធុនធ្ងន់ រួមជាមួយនឹងការទម្លាក់គ្រាប់បែកដោយដ្រូន និងយន្តហោះព្រមទាំងការប្រើប្រាស់គ្រាប់បែកចង្កោមផងនោះ នៅថ្ងៃនេះឯកឧត្តម គីម រិទ្ធី អភិបាលខេត្តព្រះវិហារ បានដឹកនាំក្រុមការងារចុះពិនិត្យ និងរៀបចំសណ្ដាប់ធ្នាប់យ៉ាងយកចិត្តទុកដាក់នៅ មណ្ឌលសុវត្ថិភាពវត្តពោធិ៍៥០០០ដើម ស្ថិតនៅស្រុកគូលែន ខេត្តព្រះវិហារ។ យោងតាមសេចក្តីរាយការណ៍របស់ទូរទស្សន៍ជាតិកម្ពុជាបានបញ្ជាក់ថា ការចុះត្រួតពិនិត្យនេះគឺដើម្បីធានាបាននូវទីកន្លែងស្នាក់នៅ បន្ទប់ទឹក និងហេដ្ឋារចនាសម្ព័ន្ធចាំបាច់នានា ប្រកបដោយអនាម័យ និងរបៀបរៀបរយ សម្រាប់ទទួលបងប្អូនប្រជាពលរដ្ឋរាប់ពាន់នាក់ ដែលបានភៀសខ្លួនចេញពីតំបន់ប្រឈម និងកំពុងផ្ទុះអាវុធនៅតាមបណ្ដោយបន្ទាត់ព្រំដែនកម្ពុជា-ថៃ ក្នុងភូមិសាស្រ្តស្រុកជាំក្សាន្ត។ ខណៈនេះរដ្ឋបាលខេត្តព្រះវិហារ បាននិងកំពុងខិតខំប្រឹងប្រែងអស់ពីកម្លាំងកាយចិត្ត ក្នុងការរៀបចំ និងផ្ដល់ទីជម្រកបណ្ដោះអាសន្ន និងការគាំទ្រចាំបាច់នានាដល់ប្រជាជនដែលគួរឱ្យអាណិតប្រកបដោយការភិតភ័យ ពិសេសស្រ្តីមានផ្ទៃពោះ កុមារ ចាស់ជរា សំដៅធ្វើយ៉ាងណារក្សាបាននូវសុខសុវត្ថិភាព និងសុខុមាលភាពក្នុងការស្នាក់នៅ ទោះបីស្ថិតក្នុងកាលៈទេសៈដ៏លំបាកយ៉ាងណាក៏ដោយ។ ដោយឡែកនៅខេត្តឧត្តរមានជ័យ លោក ម៉េត មាសភក្តី អ្នកនាំពាក្យរដ្ឋបាលខេត្តបានបញ្ជាក់នៅថ្ងៃនេះថា…