ស្វាយរៀង៖វត្ថុតាងគ្រឿងញៀនដែលរឹបអូសបានក្នុងការបង្រ្កាបមានទម្ងន់ជាង២៤៧ គីឡូក្រាម ព្រមទាំង​សម្ភារៈ​វេចខ្ចប់​ និងការប្រើប្រាស់គ្រឿងញៀនមួយចំនួនទៀត ត្រូវ​បាន​ដុតកម្ទេចចោលនៅក្នុងកម្មវិធីទិវាអន្តរជាតិ​ប្រយុទ្ធ​ប្រឆាំងគ្រឿងញៀន (ថ្ងៃទី២៦ ខែមិថុនា)ក្រោមប្រធានបទ« រួមគ្នា បង្ការ ទប់ស្កាត់ និងកាត់ផ្តាច់ឬសគល់នៃ​បញ្ហាគ្រឿ​ងញៀននៅកម្ពុជា »កាលពីថ្ងៃទី២៣ ខែកក្កដា ឆ្នាំ២០២៥។ ពិធីនេះអញ្ជើញចូលរួមឯកឧត្តម ម៉ែន​ វិបុល​ ប្រធានក្រុមប្រឹក្សាខេត្ត ឯកឧត្តម ប៉េង​ ពោធិ៍​សា អភិបាលខេត្តស្វាយរៀង​ និងជាប្រធានគណៈកម្មាធិការត្រួតពិនិត្យ​គ្រឿង​ញៀនខេត្ត​ និងឧត្តមសេនីយ៍ទោ ឃន តារាសម្បត្តិ អគ្គលេខា ធិការរងនៃអគ្គ​លេខា​ធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន​។ នៅក្នុងឱកាសនោះ ឯកឧត្តម ប៉េង ពោធិ៍សា អភិបាលខេត្ត​ និងជាប្រធានគណៈកម្មា​ធិការត្រួតពិនិត្យ​គ្រឿងញៀន​ខេត្ត​បានស្នើដល់គ្រប់អង្គភាពអនុវត្តច្បាប់ កងកម្លាំង និងសមត្ថកិច្ចពាក់ព័ន្ធទាំងអស់ សូមឈរលើស្មារតី «៣ កុំ ១ រាយការណ៍» គឺកុំពាក់​ព័ន្ធ កុំអន្តរាគមន៍ កុំលើកលែង និងត្រូវរាយការណ៍ ដោយត្រូវមានភាពម៉ឺងម៉ាត់​ច្បាស់លាស់ និងប្រើប្រាស់វិធានក្តៅដោយគ្មានការលើកលែង ក្នុងការបង្ក្រាបបទ​ឧក្រិដ្ឋគ្រឿងញៀន បង្ក្រាបឱ្យបានដល់មេខ្លោង​ចែកចាយ ដើម្បីកាត់ផ្តាច់ចរន្តទីផ្សារ ឈានទៅលុបបំបាត់ឱ្យបាននូវឫសគល់នៃបញ្ហាគ្រឿងញៀនក្នុងសហគមន៍។ឯកឧត្តមបន្តថា កងកម្លាំងប្រដាប់អាវុធគ្រប់ប្រភេទ និងអាជ្ញាធរដែនដីគ្រប់​លំដាប់​ថ្នាក់ ជាពិសេសនៅតំបន់ព្រំដែន ត្រូវពង្រឹងយន្តការត្រួតពិនិត្យនៅតាមច្រកទ្វារព្រំដែន​នានាក្នុងខេត្តឱ្យបានតឹងរ៉ឹងបំផុត…

(ភ្នំពេញ)៖ ក្រសួងប្រៃសណីយ៍ និងទូរគមនាគមន៍ ប្តេជ្ញាខិតខំរៀបចំសេចក្ដីព្រាងច្បាប់ស្ដីពីកិច្ចការពារទិន្នន័យបុគ្គល ដើម្បីអាចដាក់ឱ្យប្រើប្រាស់យ៉ាងយូនៅដើមឆ្នាំ២០២៦ ខាងមុខនេះ ។ នេះបើយោងតាមប្រសាសន៍របស់ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ ក្នុងពិធីបើកសិក្ខាសាលាពិគ្រោះយោបល់លើសេចក្តីព្រាងច្បាប់ស្តីពីកិច្ចការពារទិន្នន័យបុគ្គល ដើម្បីពិភាក្សា និងផ្តល់ធាតុចូលលើសេចក្តីព្រាងច្បាប់នេះ នាព្រឹកថ្ងៃទី២៣ ខែកក្កដា ឆ្នាំ២០២៥ នៅសណ្ឋាគារសុខាភ្នំពេញ ក្នុងរាជធានីភ្នំពេញ ។ អញ្ជើញចូលរួមក្នុងពិធីនេះរួមមាន ថ្នាក់ដឹកនាំ មន្រ្តីរាជការមកពីក្រសួង ស្ថាប័នពាក់ព័ន្ធ តំណាងអង្គទូត តំណាងវិស័យឯកជន តំ ណាងសមាគមពាណិជ្ជកម្ម អ្នកគណៈវិជ្ជាជីវៈសេរី អង្គការសង្គមស៊ីវិល ដៃគូអភិវឌ្ឍន៍ និងគ្រឹះស្ថានអប់រំស្រាវជ្រាវ ដែលមានចំនួនសរុបប្រមាណ ២០០នាក់ ផងដែរ ។ សិក្ខាសាលាពិគ្រោះយោបល់នេះ ធ្វើឡើងក្នុងបំណងផ្សព្វផ្សាយជាសាធារណៈ ជូនភាគីពាក់ព័ន្ធ ដើម្បីធានាតម្លាភាព ភាពជឿទុកចិត្តបាន និងលើកទឹកចិត្តឱ្យមានការចូលរួម និងផ្តល់ធាតុចូលពីភាគីពាក់ព័ន្ធលើសេចក្តីព្រាងច្បាប់ ព្រមទាំងប្រមូលធាតុចូលពីភាគីពាក់ព័ន្ធ ដើម្បីកំណត់អំពីភាពខ្វះចន្លោះ សង្គតិភាព បូរណភាព និងផលប៉ះពាល់នៃសេចក្តីព្រាងច្បាប់សំដៅធានាភាពគ្រប់ជ្រុងជ្រោយ សុខដុមភាវូបនីយកម្មគតិយុត្ត ឯកសណ្ឋានូបនីយកម្ម និងភាពរួចរាល់របស់ក្រសួង ស្ថាប័ន វិស័យឯកជន…

កំពង់ស្ពឺ៖កូនឈើគ្រប់ប្រភេទប្រមាណ២៥០០ដើម ត្រូវបានដាំ និងចែកជូន​ប្រជាពលរដ្ឋ​យកទៅដាំកាលពី​ព្រឹកថ្ងៃ​ទី២២ ខែកក្កដា ឆ្នាំ២០២៥នៅ​បរិវេណ​ស្នាក់ការទ្វារទឹកស្ទឹងតូច ភូមិស្រែកក់ ឃុំរលាំងចក ស្រុកសំរោងទង ខេត្តកំពង់ស្ពឺ ។សកម្មភាពនេះរៀបចំឡើងដោយរដ្ឋបាលខេត្តកំពង់ស្ពឺ សហការជាមួយមន្ទីរកសិកម្ម រុក្ខាប្រមាញ់ និងនេសាទខេត្ត ដើម្បីចូលរួមអបអរសាទររុក្ខទិវា៩ កក្កដា ។ ពិធីនេះមានការអញ្ជើញចូលរួមឯកឧត្តម កៅ ផល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម យឹម សុខុម ប្រធានក្រុមប្រឹក្សាខេត្តកំពង់ស្ពឺ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ លោក លោកស្រី ជាមន្ត្រីរាជការ កងកម្លាំងប្រដាប់អាវុធគ្រប់ប្រភេទ លោកគ្រូ អ្នកគ្រូ ក្មួយៗសិស្សា​នុសិស្ស និងប្រជាពលរដ្ឋ យ៉ាងច្រើនកុះករ។ ជាមួយគ្នានឹងការលើកឡើងពីប្រវត្តិនៃការប្រារព្ធពិធីរុក្ខទិវា៩កក្កដានិងការយកចិត្តទុកដាក់ពីថ្នាក់ដឹកនាំកម្ពុជាចំពោះវិស័យព្រៃឈើ ឯកឧត្តមអភិបាលខេត្ត បានអំពាវនាវ​ដល់ពលរដ្ឋគ្រប់រូបឱ្យនាំគ្នាស្រឡាញ់ព្រៃឈើ និងបន្តនាំគ្នាដាំកូន​ឈើឡើងវិញ។ទន្ទឹមនេះសមត្ថកិច្ចជំនាញត្រូវសហការទប់ស្កាត់ និងបង្ក្រាបបទល្មើសព្រៃឈើក្នុង​ភូមិសាស្ត្រ​ឱ្យសកម្ម និងមិនអនុគ្រោះគ្រប់ទង្វើបំផ្លាញធនធានធម្មជាតិ៕ ដោយ៖ ម៉ុន សំអាត

(ភ្នំពេញ)៖ ថ្ងៃនេះជាការចាប់ផ្តើម នៃ ជំពូកថ្មីក្នុងការបំផុសគំនិត ដែលប្រារព្ធវេទិកាដ៏មានឥទ្ធិពលសម្រាប់ស្ត្រីកម្ពុជាដើម្បីលើកកម្ពស់ការយល់ដឹងអំពីបរិស្ថាន និង ប្រែក្លាយជាអ្នកដឹកនាំ។នេះបើតាមការឱ្យដឹងពីសំណាក់ អ្នកនាង Tiffany Vu អ្នកគ្រប់គ្រងថ្នាក់ជាតិនៃ Miss Earth Cambodia ២០២៥។ អ្នកនាង Tiffany Vu បានបន្តឱ្យដឹងថា បវរកញ្ញាផែនដី គឺជាកម្មវិធីប្រកួតសម្រស់អន្តរជាតិដ៏ធំចំនួនបួន ចាប់តាំងពីឆ្នាំ២០០១ ជាមួយនឹងកេរ្តិ៍ដំណែលដ៏មានមោទនភាពក្នុងការលើកកម្ពស់ការយល់ដឹងអំពីបរិស្ថាន និងការផ្តល់សិទ្ធិអំណាចដល់ស្ត្រីនៅទូទាំងពិភពលោក។ ខ្ញុំបានសម្រេចចិត្តទទួលអាជ្ញាបណ្ណបវរកញ្ញាផែនដី ដោយសារតែខ្ញុំចង់នាំយកវេទិកាដ៏អស្ចារ្យនេះ ដើម្បីផ្តល់ឱកាសដល់ស្ត្រីកម្ពុជាក្នុងការបញ្ចេញសំឡេង ចែករំលែកទស្សនៈរបស់ពួកគេ និងជំរុញឱ្យមានការផ្លាស់ប្តូរដ៏មានអត្ថន័យនៅក្នុងសហគមន៍របស់ពួកគេ ។ អ្នកគ្រប់គ្រងថ្នាក់ជាតិរូបនេះបន្ថែមថា «ចំពោះនារីដែលនឹងគ្រងមកុដ Miss Earth Cambodia 2025 បានបង្ហាញសម្រស់ ចំណង់ចំណូលចិត្ត និងការតាំងចិត្តយ៉ាងមុតមាំក្នុងការការពារបរិស្ថាន។ នាងបានត្រៀមខ្លួនជាស្រេចក្នុងការបញ្ចេញសំឡេងសម្រាប់ការផ្លាស់ប្តូរ”។ ដោយឡែកកញ្ញា សារ៉ាន់ គីមឡាង ម្ចាស់ជ័យលាភីបវរកញ្ញាឯក Miss Earth Cambodia 2025 បានលើកឡើងថា ជាមួយភាពស្រស់ស្អាត សំឡេងដ៏មានកម្លាំងសម្រាប់បរិស្ថាន គឺ កញ្ញាបានតាំងចិត្តខ្ពស់ដើម្បីទៅប្រកួតបន្តនៅលើឆាកអន្តរជាតិ ដោយម្ចាស់ជ័យលាភីរូបនេះ ក៏គ្រោងលើយកនូវប្រធានបទការការពារបរិស្ថាន…

(ភ្នំពេញ)៖ អស់រយៈពេលជាងមួយខែមកហើយ ក្រុមអ្នកជំនាញ នាយកដ្ឋានអភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា បានចាប់ផ្តើមការជួសជុលប៉មប្រាសាទឥដ្ឋ លេខ១១ និងលេខ១២ នៅរួតទី១ នៃប្រាសាទប្រែរូប ដើម្បីពង្រឹងប៉មប្រាសាទឥដ្ឋ នៃប្រាង្គទាំងពីរខាងលើ ឱ្យរឹងមាំឡើងវិញ បន្ទាប់ពីបានពិនិត្យឃើញហានិភ័យនាពេលកន្លងមក។នេះបើតាមការឱ្យដឹងពីសំណាក់ អាជ្ញាធរជាតិអប្សរា។ លោក សូរ ប៉ោត បុរាណវិទូ និងជាស្ថាបត្យករ នាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានឱ្យដឹងថា ប៉មប្រាសាទឥដ្ឋលេខ១១ និងលេខ១២ មួយផ្នែកធំនៃជញ្ជាំងឥដ្ឋ មានស្នាមប្រះ រលុះបាក់បែក មានស្មៅដុះ និងទឹកភ្លៀងជ្រាបចូលដក់ទៅក្នុងតួប្រាសាទ ចំណែករចនាសម្ពន្ធនៃគ្រឹះប្រាសាទទាំងមូល ក៏ប្រឈមហានិភ័យដូចគ្នា។ លោកថា បច្ចុប្បន្នក្រុមការងារ បានជួសជុលពង្រឹងគ្រឹះជាមុន និងបន្ត ជួសជុលជញ្ជាំងឥដ្ឋព័ទ្ធជុំវិញ ។ មកដល់បច្ចុប្បន្ន កិច្ចការងារជួសជុលពង្រឹងប៉មប្រាសាទឥដ្ឋលេខ១១ និងលេខ១២ សម្រេចលទ្ធផលបានប្រមាណ៣០ភាគរយហើយ។ កិច្ចការនេះចាប់ផ្តើមតាំងពីពាក់កណ្តាលខែឧសភា ឆ្នាំ២០២៥មក គ្រោងនឹងបញ្ចប់នាចុងខែធ្នូខាងមុខ។ ចំពោះដំណើរការជួសជុលអ្នកជំនាញបញ្ជាក់ថា មិនមានបញ្ហាប្រឈមធំដុំឡើយ ក្រុមការងារធ្លាប់មានបទពិសោធន៍ច្រើនទៅលើកិច្ចការជួសជុល ថែទាំ ដោយយកលំនាំបច្ចេកទេសជួសជុលដូចប្រាសាទឥដ្ឋផ្សេងៗទៀតក្នុងតំបន់អង្គរ និងបានអនុលោមតាមបទដ្ឋាន ដែលបានកំណត់ដោយគណៈកម្មាធិការអន្ដរជាតិ អាយស៊ីស៊ី-អង្គរ និងសំបូរព្រៃគុក។…

បន្ទាយមានជ័យ៖”រស់នៅស្អាត ភូមិឋានស្អាត សុខភាពល្អ ជីវិតរីករាយ អនាគត​រុងរឿង”។នេះជាសារដាស់តឿនរបស់ ឯកឧត្តម គង់ ច័ន្ទវាសនា រដ្ឋលេខាធិការ​ក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងារ​រាជរដ្ឋា​ភិបាល​ចុះជួយមូលដ្ឋានស្រុកព្រះនេត្រព្រះ ខេត្តបន្ទាយមានជ័យក្នុងឱកាស​អញ្ជើញចូល​រួមជាអធិបតីក្នុង​យុទ្ធនាការ​ផ្សព្វផ្សាយស្តីពីការញែកសំណល់ និងកាត់បន្ថយប្លាស្ទិក​នៅស្រុកព្រះនេត្រព្រះនាដើមសប្ដាហ៍នេះ។ ថ្លែងទៅកាន់អ្នកចូលរួមជាអាជ្ញាធរដែនដី មន្ទីរពាក់ព័ន្ធ លោកគ្រូ អ្នកគ្រូ និងសិស្សា​នុសិស្សចំនួន២៥០នាក់ មកពីវិទ្យាល័យចំនួនប្រាំ ក្នុងស្រុកព្រះនេត្រព្រះ ព្រមទាំង​ឯកឧត្តម ប៉ាក សុខារ៉ាវុធ អនុរដ្ឋលេខាធិការក្រសួងបរិស្ថាន និងជាប្រធានគណៈកម្មា​ធិការ​ដឹកនាំគម្រោង UN PAGE នៅបរិវេណសាលាស្រុក ឯកឧត្តម គង់ ច័ន្ទវាសនា បាន​បញ្ជាក់ថា យុទ្ធនាការនេះមានគោលបំណងលើកកម្ពស់ការយល់ដឹង និងការចូល​រួម​របស់ប្រជាពលរដ្ឋ ជាពិសេស សិស្សានុ​សិស្ស ឱ្យយកចិត្តទុកដាក់ចូលរួមការពារ​បរិស្ថាន អនាម័យភូមិឋាន។ បែងចែក សំរាម និងកាត់ បន្ថយការ​ប្រើប្រាស់​ថង់ប្លាស្ទិក ដើម្បីសោភណភាព និងបរិស្ថានរស់នៅស្អាតនៅទូទាំងស្រុក ។ ក្នុងឱកាសនេះដែរ លោក ហឿន វីរៈ អភិបាលស្រុកព្រះនេត្រព្រះ បានឱ្យដឹងថា ស្រុក​មាន៩ឃុំ​និងភូមិ១១៨ភូមិ។មានប្រជាពលរដ្ឋ​សរុបចំនួន២៦ ៧៤៩គ្រួសារ ស្មើនឹង…

(សៀមរាប)៖ សំដៅទប់ស្កាត់បទល្មើសនេសាទក្រុមមន្រ្តីមកពីក្រសួងបរិស្ថាន រួមជាមួយ យោធភូមិភាគទី៤បានចុះត្រួតពិនិត្យ និងទប់ស្កាត់ការនេសាទដោយប្រើឧបករណ៍នេសាទជាលក្ខណៈគ្រួសារ ក្នុងរដូវបិទនេសាទ នៅក្នុងភូមិសាស្រ្តខេត្តសៀមរាប ចាប់ពីចំណុចសង្កាត់ចុងឃ្នៀស ក្រុងសៀមរាប ដល់ឃុំកំពង់ភ្លុក ស្រុកប្រាសាទបាគង ។ ក្រសួងកសិកម្មរុក្ខាប្រមាញ់ និងនេសាទបានឱ្យដឹងថាក្នុងការចុះត្រួតពិនិត្យនេះធ្វើឡើងនៅថ្ងៃទី២០ ខែកក្កដា ឆ្នាំ២០២៥ ដោយរួមមានដូចជា ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្ម រុក្ខាប្រមាញ់និងនេសាទ ,នាយខណ្ឌរដ្ឋបាលជលផលខេត្តសៀមរាប និង យោធភូមិភាគទី៤ រួមមានអ្នកចូលរួមសរុបចំនួន ១៥នាក់ ដោយបានប្រើប្រាស់កាណូតចំនួន ០២គ្រឿង ក្នុងពេលកំពុងល្បាត ក្រុមការងារក៏បានជួយសង្គ្រោះកាណូតនេសាទចំនួន១គ្រឿង និងជនរងគ្រោះម្នាក់ ដែលត្រូវខ្យល់ព្យុះបោកបក់ពន្លិច នៅចំណុចជ្រោយវល្លិប្រេង ឃុំកំពង់ភ្លុក ស្រុកប្រាសាទបាគង ។ ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្ម បានថ្លែងអំណរគុណដល់ក្រុមការងារទាំងអស់ ដែលបានចូលរួមបេសកកម្មប្រកបដោយអត្ថន័យឆន្ទៈជាតិ និងតម្កល់ផលប្រយោជន៍ជាតិជាធំ ដើម្បីជួយទប់ស្កាត់បទល្មើស ក្នុងបឹងទន្លេសាប ដែលជាធនធាន ដ៏មានតម្លៃមិនអាចកាត់ថ្លៃបាន ហើយមន្រ្តីជំនាញនឹងចូលរួមសហការក្នុងប្រតិបត្តិការ នេះឱ្យកាន់តែមានប្រសិទ្ធភាព ប្រកបដោយផ្លែផ្កា៕ ដោយ ៖…