(ភ្នំពេញ)៖ សម្រាប់ឆមាសទី១ ឆ្នាំ២០២៥ ការអនុវត្តយុទ្ធនាការ «ផ្លូវជាតិគ្មានសំរាម និងសំណល់ប្លាស្ទិក» សម្រេចបានការសម្អាតផ្លូវជាតិចំនួន ៦៤ខ្សែ ស្មើនឹង៩៤,១២ភាគរយ នៃចំនួនផ្លូវជាតិគោលដៅសរុប ទូទាំងប្រទេសដែលមានចំនួន៦៨ខ្សែ និងមានប្រវែង ៦ ៣៤៩ គម។ អ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានបញ្ជាក់ នៅថ្ងៃអាទិត្យទី២០ ខែកក្កដា ឆ្នាំ២០២៥នេះថា នៅក្នុងឆមាសទី១ ឆ្នាំ២០២៥នេះដែរ ផ្លូវជាតិប្រវែង ៦ ២០៥,៦៧គម ស្មើនឹង ៩៧,៧៤ភាគរយ នៃប្រវែងផ្លូវសរុប ត្រូវបានសម្អាតរួចរាល់ និងត្រូវបានសម្អាត ប្រមូលទុកដាក់សំរាម និងសំណល់ប្លាស្ទិក ជាប្រចាំថែមទៀត ដោយមានការចូលរួម សម្របសម្រួលពី មន្ទីរបរិស្ថានរាជធានីខេត្ត សហការជាមួយ រដ្ឋបាលបាលថ្នាក់ក្រោមជាតិ អាជ្ញាធរមូលដ្ឋានគ្រប់ថ្នាក់ អង្គការសង្គមស៊ីវិល សមាគម ដៃគូសហការ ផ្នែកឯកជន និងប្រជាពលរដ្ឋនៅតាមមូលដ្ឋាន។ អ្នកនាំពាក្យក្រសួងបរតិស្ថាន បានបន្ថែមថា ផ្លូវជាតិដែលនៅសេសសល់ មិនទាន់បានសម្អាត ដោយសារមូលហេតុផ្លូវកំពុងជួសជុល ប៉ុន្តែទោះជាយ៉ាងណា ក្រសួងបរិស្ថាន មានសុទិដ្ឋិនិយម…

( ភ្នំពេញ)៖ ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួន ជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ និងបន្តស្រាវជ្រាវស្វែងរកចាប់ខ្លួនមេក្លោងផ្សេងទៀត ដើម្បីទុកជូនតុលាការ ចាត់ការតាមនីតិវិធី ។ យោងតាមបណ្តាញសង្គម តេឡេក្រាម នៅក្នុងក្រុមអ្នកសារព័ត៌មានរបស់ក្រសួងព័ត៌មាននៅល្ងាចយប់ថ្ងៃទី២០ ខែ កក្កដា ឆ្នាំ ២០២៥បានឱ្យដឹងថាជនត្រូវចោទទាំង៨នាក់នោះ គឺស្ថិតក្នុងចំណោមជនសង្ស័យដែលសមត្ថកិច្ច ចម្រុះចុះប្រតិបត្តិការបង្រ្កាបសកម្មភាពឆបោកតាមប្រព័ន្ធបច្ចេកវិទ្យានៅក្នុងភូមិសាស្ត្រ រាជធានី ខេត្ត គិតចាប់ពីថ្ងៃទី២៧ ខែមិថុនា ឆ្នាំ២០២៥ ដល់ថ្ងៃទី១៩ ខែកក្កដា ឆ្នាំ២០២៥។ គួរបញ្ជាក់ថា កាលពីថ្ងៃទី ១២ ខែ កក្កដា ឆ្នាំ២០២៥ អយ្យការអមសាលាដំបូងរាជធានីភ្នំពេញ បានចាត់ការលើសំណុំរឿង ព្រហ្មទណ្ឌលេខ ៤០៤២ របស់ការិយាល័យប្រឆាំងបទល្មើសបច្ចេកវិទ្យា ផែនការងារសន្តិសុខ នៃស្នងការដ្ឋាននគរបាលរាជធានីភ្នំពេញ បានបញ្ជូនជនសង្ស័យចំនួន៨នាក់ ១-ឈ្មោះ FAN TUN ២-ឈ្មោះ WU KWOK HUNG ៣-ឈ្មោះ NG CHUN KEAN KENNY ៤-ឈ្មោះ TANG KING…

(ខេត្តក្រចេះ)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញប្រគេនទៀនព្រះវស្សា ដល់ព្រះសង្ឃគង់ចាំព្រះវស្សាអស់ត្រីមាសចំនួន ៣វត្ត ស្ថិតក្នុងស្រុកសំបូរ ខេត្តក្រចេះ នាព្រឹកថ្ងៃអាទិត្យ ១០រោច ខែអាសាឍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២០ ខែកក្កដា ឆ្នាំ២០២៥ ។ មានប្រសាសន៍ក្នុងពិធីនោះ សម្តេចកិត្តិសង្គហបណ្ឌិត បានពាំនាំនូវការផ្តាំផ្ញើរការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ ពេជ ចន្ទមុនី ជូនដល់ អង្គពិធីទាំងមូលដោយសេចក្តីនឹករលឹក និងការគិតគូរសុខទុក្ខប្រជាពលរដ្ឋនៅទូទាំងប្រទេស។ សម្តេចកិត្តិសង្គហបណ្ឌិត ក៏បានមានប្រសាសន៍បន្តទៀតថា សម្តេចតេជោ ហ៊ុន សែន គឺជាមគ្គុទេសក៏ឯកនិងប្រតិបត្តិករនយោបាយ ឈ្នះ-ឈ្នះ ដែលសម្រេចបាននូវសុខសន្តិភាព ឯកភាពជាតិពេញលេញនិងការអភិវឌ្ឍគ្រប់វិស័យ ក្នុងនោះផងដែរ…

(ភ្នំពេញ)៖ នៅរសៀលថ្ងៃទី១៩ ខែកក្កដា ឆ្នាំ២០២៥ ឯកឧត្តម កែវ សុទ្ធិ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីបើកមហោស្រពបច្ចេកវិទ្យាមេគង្គ លើកទី៣ ឆ្នាំ២០២៥ (The 3rd Mekong Tech Festival 2025) ក្រោមប្រធានបទ “ការរចនាអនាគតសម្រាប់មនុស្សជំនាន់ក្រោយ” នៅ Factory Phnom Penh នឹងនាំអនាគតបច្ចេកវិទ្យាឌីជីថលនៃពិភពលោកមកបង្ហាញជូនសាធារណជនរយៈពេល២ថ្ងៃពេញចាប់ពីថ្ងៃទី១៩-២០ ខែកក្កដា ឆ្នាំ២០២៥។ មហោស្រពនេះ មានការអញ្ជើញចូលរួមពីឯកឧត្តម លោកជំទាវ លោក លោកស្រី តំណាងក្រសួង ស្ថាប័ន ក្រុមហ៊ុនបច្ចេកវិទ្យា អង្គការសង្គមស៊ីវិល គ្រឹះស្ថានអប់រំស្រាវជ្រាវ ដៃគូអភិវឌ្ឍន៍ អ្នកវិជ្ជាជីវៈសេរី សិស្ស-និស្សិត និងសាធារណជនជាច្រើនកុះករ។ ថ្លែងក្នុងឱកាសនេះ ឯកឧត្តមរដ្ឋលេខាធិការ បានមានប្រសាសន៍ថា មហោស្រពនេះ គឺជាកាតាលីករក្នុងការជំរុញបរិវត្តកម្មឌីជីថលនៅកម្ពុជា ឱ្យកាន់តែមានល្បឿនលឿនឆ្ពោះទៅមុខថែមទៀត តាមរយៈការចូលរួមរបស់យុវជនជំនាន់ក្រោយ សិស្ស-និស្សិត ដែលស្រឡាញ់ចូលចិត្តបច្ចេកវិទ្យានិងនវានុវត្តន៍ឌីជីថល។ ឯកឧត្តមរដ្ឋលេខាធិការ សង្ឃឹមថាព្រឹត្តិការណ៍ឆ្នាំនេះ នឹងមានអ្នកចូលរួមច្រើនជាងឆ្នាំមុន ដោយសារការកើនឡើងនៃការគាំទ្រ និងចំណូលចិត្តរបស់យុវជននិងប្រជាពលរដ្ឋចំពោះការប្រើប្រាស់បច្ចេកវិទ្យាឌីជីថល។ អ្វីដែលធ្វើឱ្យព្រឹត្តិការណ៍នេះ…

បន្ទាយមានជ័យ៖កិច្ចប្រជុំត្រួតពិនិត្យ និងជំរុញអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព”រយៈពេល​៦ខែឆ្នាំ២០២៥ របស់រដ្ឋបាលខេត្តបន្ទាយ​មានជ័យ​បានប្រព្រឹត្តទៅកាលពីចុងសប្ដាហ៍នេះ ក្រោមអធិបតីភាព ឯកឧត្តម ផាន់ ចាន់ធុល រដ្ឋលេខាធិការក្រសួងមហាផ្ទៃ នៅសាលប្រជុំសាលាខេត្ត។ ទាក់ទងនឹងលទ្ធផលការងារឯកឧត្ដម អ៊ុ រាត្រី អភិបាលខេត្ត បានបញ្ជាក់ថា គណៈ​បញ្ជាការឯកភាពខេត្តបាន​ដាក់​ចេញនូវបទបញ្ជាទៅដល់សមត្ថកិច្ចគ្រប់ក្រុង-ស្រុក បន្តអនុវត្តត្រួតពិនិត្យនៅតាមដងផ្លូវ ក៏ដូចជាទីតាំងសំខាន់ៗ ដើម្បី​ពង្រឹងការអនុវត្ត​នូវគោលនយោបាយភូមិ ឃុំ-សង្កាត់មានសុវត្ថិភាព២៤ម៉ោងលើ២៤ម៉ោង។ឯកឧត្ដមបន្តថា បន្ទាប់ពីប្រមុខរាជរដ្ឋាភិបាលកម្ពុជា បានដាក់ចេញនូវបទបញ្ជា​ប្រយុទ្ធ​ប្រឆាំងការ​ឆបោកតាម​ប្រព័ន្ធ​បច្ចេកវិទ្យា​ រដ្ឋបាលខេត្តរួមជាមួយកងកម្លាំង​ពាក់ព័ន្ធបានធ្វើការបង្ក្រាបដល់ទីតាំងឆបោកតាមអនឡាញ និងល្បែង​អនឡាញ​នៅក្នុងក្រុងប៉ោយប៉ែត បានជាបន្តបន្ទាប់ និងបានឃាត់ខ្លួនជនសង្ស័យ​ក្នុងការ​បើកល្បែងអនឡាញបាន​ជាច្រើ​ននាក់។ ឯកឧត្តម បញ្ជាក់បន្ថែមថា យុទ្ធនាការនេះ​បន្តដូចភ្លៀងរលឹម។ ក្នុងឱកាសនោះឯកឧត្តម ផាន់ ចាន់ធុល រដ្ឋលេខាធិការក្រសួងមហាផ្ទៃបាន​កោត​សរសើររដ្ឋបាលខេត្ត ក៏ដូចជា កងកម្លាំង​ពាក់ព័ន្ធទាំងអស់ដែលបានខិតខំ​ប្រឹង​ប្រែងយ៉ាងសស្រោកសស្រាំ ក្នុងការអនុវត្តគោលនយោបាយ ភូមិ ឃុំ-សង្កាត់ មានសុវត្ថិភាព ប្រកបដោយភាពជោគជ័យ៕ដោយ៖ឃិន គន្ធា

កំពង់ចាម៖រដ្ឋបាលឃុំកោះសូទិន ស្រុកកោះសូទិន ខេត្តកំពង់ចាមបានឱ្យដឹងថា គិតត្រឹមថ្ងៃទី១៩ ខែកក្កដា ឆ្នាំ២០២៥​កំណាត់់ផ្លូវដីមួយខ្សែប្រវែងប្រមាណ៣០០​ម៉ែត្រស្ថិតនៅភូមិទី១(ក្បាលកោះ) និងផ្លូវបេតុង​ប្រវែង​១០០ម៉ែត្រ ស្ថិតនិងភូមិទី៩ ភូមិទី១២ក្នុងឃុំកោះសូទិនត្រូវបាន​ជន់​លិច​ទឹកទន្លេមេគង្គខណៈកំពុង​ហក់ឡើង​ជា​បន្តបន្ទាប់ដល់កម្ពស់ជាង១០ម៉ែត្រ។ លោកស្រី ស៊ុន ចន្ថា មេឃុំកោះសូទិន បានឱ្យដឹងថា ផ្លូវទាំងពីរខ្សែខាងលើនេះ​មិនអាច​ធ្វើដំណើរដូចធម្មតាទេ គឺត្រូវឆ្លងដោយទូក ដ។ ដោយឡែកនៅថ្ងៃទី១៩ ខែកក្កដាដដែល ទឹកទន្លេមេគង្គខេត្តកំពង់ចាម​បាន​បន្តហក់​ឡើងថែមទៀត។លោក អ៊ុម វិបុល ប្រធានមន្ទីរធនធានទឹក និងឧតុនិយម​ខេត្ត​កំពង់ចាម​បានឱ្យដឹងថា ទឹកទន្លេមេគង្គខេត្តកំពង់ចាម នៅថ្ងៃទី១៩ ខែកក្កដាទឹក​ទន្លេបានហក់ឡើងថែមទៀតដល់កម្ពស់១០.៥០ម៉ែត្រ ធៀបថ្ងៃម្សិលមិញ ទឹកឡើង​កម្ពស់០,៣០ម៉ែត្រ។ កម្ពស់ទឹកនាពេលនេះធៀបទៅឆ្នាំ២០២៤ទឹកទន្លេ មានកម្ពស់​ត្រឹម ៨.៩៨ម៉ែត្រខណៈដែលចំណុច​ប្រកាស​ប្រុង​ប្រយ័ត្នមានកម្ពស់១៥,២០ម៉ែត្រ។ចំពោះអាកាសធាតុមានភ្លៀងធ្លាក់តិចឬច្រើននៅស្រុកចំនួន៤ក្នុងខេត្ត ៕ដោយ៖លី ពៅ

បាត់ដំបង៖នៅសាលាខេត្ត នាចុងសប្ដាហ៍នេះឯកឧត្តម សុខ លូ អភិបាលខេត្តបាត់​ដំបង និងជាប្រធានគណៈបញ្ជាការឯកភាពរដ្ឋបាលខេត្ត បានដឹកនាំកិច្ចប្រជុំពិភាក្សា​ការងារចាំបាច់របស់រដ្ឋបាលខេត្ត។កិច្ចប្រជុំជាការឆ្លើយតបភ្លាមនឹងបទបញ្ជា​ប្រមុខ​រាជរដ្ឋា​ភិបាលទាក់ទងនឹងយុទ្ធនាការបោសសម្អាតអំពើឆបោកតាម​ប្រព័ន្ធ​បច្ចេកវិទ្យា ។ ក្នុងកិច្ចប្រជុំដែលមានសមាសភាពសុទ្ធសឹងជាថ្នាក់ដឹកនាំ ជំនាញពាក់ព័ន្ធចំណុះ​រដ្ឋបាល​ខេត្តគ្រប់ថ្នាក់​ សមត្ថកិច្ច​ប្រដាប់អាវុធគ្រប់ប្រភេទ​ ឯកឧត្តមអភិបាលខេត្ត​បានលើកឡើងអំពីការណែនាំនិងបទបញ្ជា​របស់សម្ដេច​ធិបតី​នាយករដ្ឋមន្រ្តីក្នុង​ការបង្ក្រាប និងទប់ស្កាត់នូវរាល់បទល្មើសឆបោកតាមប្រព័ន្ធបច្ចេកវិទ្យា ។ ឯកឧត្តម សុខ លូ ប្រាប់កិច្ចប្រជុំថា បទបញ្ជាខាងលើ គឺជាការងារអាទិភាពត្រូវ​តែ​អនុវត្តឱ្យ​បានម៉ឺងម៉ាត់​ជាទីបំផុត ដោយមិនអនុញ្ញាតឱ្យមានបទល្មើសគ្រប់ប្រភេទ ជាពិសេសបទល្មើសបច្ចេកវិទ្យាអនឡាញ(Online Scams)កើតមាន ឬបន្ត​ឱ្យ​មាននៅក្នុងមូលដ្ឋានរបស់ខ្លួនជាដាច់ខាត។នេះជាបទបញ្ជាយ៉ាងម៉ឺងម៉ាត់ ប្រសិន​បើសមត្ថកិច្ច អាជ្ញាធរ អង្គភាពពាក់ព័ន្ធ ឬ ក្រុមហ៊ុន សហគ្រាសណា​មិនសហការ នឹងចាត់វិធានការ ទៅតាមផ្លូវច្បាប់ ដោយមិនមានការ​លើក​លែង​នោះឡើយ។ ក្នុងកិច្ចប្រជុំដដែលឯកឧត្តម សុខ លូ ក៏បានណែនាំដល់អាជ្ញាធរនិងគ្រប់កង​កម្លាំងមានសមត្ថកិច្ច​ពាក់ព័ន្ធ​ទាំងអស់ ត្រូវតែអនុវត្តកិច្ចការនេះឱ្យម៉ឺងម៉ាត់។ចាត់ទុកជាកិច្ចការអាទិភាពចាំបាច់បំផុត។ត្រូវតាមដាន ត្រួតពិនិត្យ ជាប្រចាំ​ទៅលើទីតាំងដែលសង្ស័យ និងត្រូវមានរបាយការណ៍ជាប្រចាំ។ក្នុងករណីចាំបាច់ ត្រូវសុំគោលការណ៍ពីថ្នាក់លើដើម្បី​មានវិធានការទាន់សភាពការណ៍ ។ សូមជម្រាបថា តាមរបាយការណ៍​លេខាធិការដ្ឋាននៃគណៈកម្មការចំពោះកិច្ចប្រយុទ្ធ​ប្រឆាំងការ​ឆបោកតាមប្រព័ន្ធ​បច្ចេក​វិទ្យាគិតចាប់ពីថ្ងៃទី២៧ខែមិថុនា មកត្រឹមថ្ងៃទី១៨ ខែកក្កដា ឆ្នាំ២០២៥ គណៈបញ្ជាការឯកភាពរាជធានី-ខេត្តចំនួន១២រួមមាន៖ រាជធានីភ្នំពេញ កណ្តាល ព្រះសីហនុ កំពង់ស្ពឺ បន្ទាយមានជ័យ ក្រចេះ…

កំពង់ចាម៖អនុវត្តតាមបទបញ្ជាលេខ ០១ បប របស់រាជរដ្ឋាភិបាល និងក្រោម​ការ​ណែនាំរបស់ឯកឧត្ដម អ៊ុន ចាន់ដា អភិបាលខេត្ត និងជាប្រធានគណៈ​បញ្ជាការ​ឯកភាពរដ្ឋបាលខេត្តកំពង់ចាមនៅល្ងាចថ្ងៃទី១៩ ខែកក្កដា ឆ្នាំ២០២៥លោក​បណ្ឌិត សំ ពិសិដ្ឋ អភិបាលស្រុកចំការលើ បានដឹកនាំក្រុមការងារចុះពិនិត្យ​ទីតាំង​កងកម្លាំងឈរជើង​ស្រុក​ចំការលើចំនួន៣ទីតាំង ។ បណ្ដាទីតាំងទាំងនោះមាន ៖នៅព្រំប្រទល់ស្ពានតាប្រុកភូមិស្រែប្រាំង ឃុំតាប្រុក ,ព្រំប្រទល់ភូមិបុសថ្លាន់ ឃុំស្វាយទាបនិងនៅព្រំប្រទល់ភូមិអូរក្រវ៉ាន់ ឃុំចំការអណ្តូង ។អាជ្ញាធរក៏បានចាត់កម្លាំងជំនាញអន្តោប្រវេសន៍ចុះត្រួតពិនិត្យតាមគោលដៅទីតាំងដែលគួរឱ្យសង្ស័យមានជនបរទេសស្នាក់នៅ និងការលេងល្បែងអនឡាញ និងបទល្មើសផ្សេងៗ៕ដោយ៖លី ពៅ

រាជធានីភ្នំពេញ៖ នៅថ្ងៃទី១៩ ខែកក្កដា ឆ្នាំ២០២៥ កម្លាំងចម្រុះចុះបង្រ្កាបទីតាំងលួចលាក់បង្កប់បទល្មើស Online Scamsចំនួន០២កន្លែង គឺទី១ នៅផ្ទះលេខ១៦ ផ្លូវC០២ (បុរីប៉េងហួត) ភូមិក្ដីតាកុយ សង្កាត់វាលស្បូវ ខណ្ឌច្បារអំពៅ និងទី២ស្ថិតនៅផ្ទះលេខH៣៦ ស្ថិតនៅបុរីឧទ្យានបាសាក់ ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ការចុះបង្រ្កាបនេះបន្ទាប់ពីកម្លាំងសមត្ថកិច្ចស្រាវជ្រាវបានសង្ស័យក្រុមនេះ ប្រើប្រាស់ទីតាំងប្រទេសកម្ពុជាដើម្បីប្រប្រព្រឹត្តិបទល្មើសបើកបនល្បែងកាស៊ីណូតាមOnline និងបទល្មើផ្សេងៗ។ជាលទ្ធផល នៃការចុះបង្រ្កាបទាំង២កន្លែងនេះ សមត្ថកិច្ចបានឃាត់ខ្លួនជនសង្ស័យ ជាជនបរទេសសរុបចំនួន១៨នាក់ ក្នុងនោះជនជាតិវៀតណាមចំនួន៦នាក់ ស្រ្តី០១នាក់ និងជនជាតិចិនចំនួន១២នាក់។កុំព្យូទ័រ៦២គ្រឿង , ទូរសព្ទ ៣៣គ្រឿង , អត្តសញ្ញាណប័ណ្ណជនជាតិចិន ០៧ , លិខិតឆ្លងដែន ០៣ ក្បាល, កាតធនាគារ ១៣សន្លឹក និងនាឡិកាដៃ ចំនួន០៣ គ្រឿង។ជនសង្ស័យ និងវត្ថុតាងទាំងអស់បានបញ្ជូន ស្នងការដ្ឋានរាជធានីភ្នំពេញ ដើម្បីបន្តអនុវត្តនីតិវិធីផ្លូវច្បាប់។សូមបញ្ជាក់ថា សមត្ថកិច្ចនឹងចាត់វិធានការ តាមផ្លូវច្បាប់ឱ្យតឹងរឹងបំផុតចំពោះមេក្លោងទាំងឡាយដែលជាប់ពាក់ព័ន្ធនឹងអំពើឆបោកតាមប្រព័ន្ធបច្ចេកវិទ្យានេះ៕

(ខេត្តស្ទឹងត្រែង)៖ មន្ត្រីឧទ្យានុរក្ស នៃមន្ទីរបរិស្ថានខេត្តស្ទឹងត្រែង បានរួមសហការរួមគ្នាជាមួយ កម្លាំងសហគមន៍តំបន់ការពារធម្មជាតិអូរចាយ និងកម្លាំងសហគមន៍តំបន់ការពារធម្មជាតិអូរកាពីន ចុះល្បាត និងបង្ក្រាបទីតាំងរុករករ៉ែមាស ឃាត់ខ្លួនមនុស្ស ១០នាក់ ដកហូតឧបករណ៍ សម្ភារ រួមទាំងមធ្យោបាយបម្រើឱ្យការប្រព្រឹត្តបទល្មើសធនធានធម្មជាតិ ខុសច្បាប់ នៅក្នុងប្រតិបត្តិការដែលបានធ្វើឡើងអស់រយៈពេលជាច្រើនថ្ងៃ នាដើមខែកក្កដា ២០២៥មកនេះ ខណៈប្រទះឃើញសកម្មភាពបទល្មើសជាក់ស្តែង នៅចំណុចភ្នំ-អូរកាពីន ក្នុងតំបន់ឧទ្យានជាតិវើនសៃ-សៀមប៉ាង ស្ថិតក្នុងភូមិសាស្រ្ត ភូមិគីរីវង្សាក្រោម ឃុំសន្តិភាព ស្រុកសៀមប៉ាង ខេត្តស្ទឹងត្រែង។ ប្រធានការិយាល័យឧទ្យានជាតិវើនសៃ-សៀមប៉ាង នៃមន្ទីរបរិស្ថានខេត្តស្ទឹងត្រែង លោក ស៊ឹម ប៉ូលីន បានប្រាប់អ្នកសារព័ត៌មានឱ្យដឹង នៅថ្ងៃនេះថា នៅក្នុងប្រតិបត្តិការចុះបង្ក្រាបទីតាំងរុករករ៉ែមាស នៅក្នុងតំបន់ឧទ្យានជាតិវើនសៃ-សៀមប៉ាង ដែលគ្រប់គ្រងដោយមន្ត្រីឧទ្យានជាតិ នៅពេលនោះ កម្លាំងសហការបានឃាត់ខ្លួនជនសង្ស័យ ១០នាក់ ក្នុងនោះ ២នាក់ ត្រូវបានដោះលែងទៅវិញ រីឯ ៨នាក់ទៀត ត្រូវបាននាំមកកាន់មន្ទីរបរិស្ថានខេត្ត ដើម្បីកសាងសំណុំរឿងបញ្ជូនទៅតុលាការខេត្ត ហើយតុលាការកាលពីថ្ងៃទី១១កក្កដា២០២៥ កន្លងទៅថ្មីៗនេះ ក៏បានសម្រេចឃុំខ្លួនជនត្រូវចោទទាំង ៨នាក់នោះ នៅក្នុងពន្ធធនាគារខេត្តស្ទឹងត្រែង រួចហើយដែរ។ លោក ស៊ឹម ប៉ូលីន បានបន្តថា…