ភ្នំពេញ:ជាអ្នកនិពន្ធ រៀបរៀង និងប្រែសម្រួល ហើយក៏ជានាយកគ្រឹះស្ថានបណ្ដុះនិស្ស័យ លោក ឌុំ ដាវុយ កើតនៅភូមិប្រាសាទ ឃុំដារ ស្រុកកំពង់លែង ខែត្តកំពង់ឆ្នាំង។ ថ្វីដ្បិតតែជាកូនកសិករក្រីក្រលំបាកក៏ពិតមែន ប៉ុន្តែលោកបានតស៊ូសិក្សារៀនរហូតបានបញ្ចប់ថ្នាក់បរិញ្ញាបត្រផ្នែកវិ ទ្យាសាស្ត្រអប់រំនៃសាកលវិទ្យាល័យព្រះសីហនុរាជផងដែរ។ ក្រោយបញ្ចប់ការសិក្សា លោក ឌុំ ដាវុយ បានចូលបម្រើការងារជាអ្នកនិពន្ធ អ្នកជាអ្នកប្រែសម្រួលនៅក្នុងគ្រឹះស្ថានបោះពុម្ពនិងធ្វើការជាមួយនឹងសមាគក្នុងស្រុកមួយចំនួនដែរ។ ដោយសារតែលោកបានឆ្លងកាត់វគ្គបណ្ដុះបណ្ដាលវិធីសាស្ត្រនិពន្ធពីស មាគមអ្នកនិពន្ធខ្មែរ ទើបធ្វើឱ្យលោកកាន់ធ្វើកិច្ចការទាក់ទងនឹងការនិពន្ធរបស់លោកបានកាន់តែប្រសើរឡើង។ ក្រៅពីធ្វើការឱ្យអង្គការ សមាគម លោកក៏មិនភ្លេចការបង្កើតស្នាដៃសម្រាប់ខ្លួនលោកនោះដែរ ដោយលោកបានចាប់ផ្ដើមស្នា ដៃជាសៀវភៅដំបូងមានចំណងថា «ផ្ដើមគិត ផ្ដើមជោគជ័យ»។ចំពោះស្នាដៃដំបូងនេះ លោកបានប្រាប់ថា «ផលលំ បាកក្នុងការចាប់ផ្ដើមស្នាដៃនេះ ខ្ញុំមិនសូវជាមានផលលំបាកប៉ុន្មានទេ ដ្បិតថាបានចូលរៀនវគ្គតែងនិពន្ធនៅសមាគមអ្នកនិពន្ធខ្មែរ ហើយក៏បានវឹកហាត់ការងារជាមួយនឹងសមាគមទ្រទ្រង់ការបោះពុម្ពនិងអប់រំ និងបានធ្វើការនៅក្នុងគ្រឹះស្ថានផ្សេងផង ដូច្នេះមិនសូវជាជួបផលលំបាកខ្លាំងទេ។ អ្វីដែលលំបាកខ្លាំងមិនមែនលើការសរសេរទេ តែជាការស្វែងរកទិន្នន័យជាឯកសារ ពិសេសឯកសារក្នុងបណ្ណាល័យតែម្ដង»។ក្រោយពីលោកបានឆ្លងកាត់ការងារជាអ្នកនិពន្ធ ស្រាវជ្រាវ និងប្រែសម្រួលបានជាច្រើន លោកបានសម្រេចចិត្តបើកគ្រឹះ ស្ថា នបោះពុម្ពផ្សាយមួយដែលមានឈ្មោះថា «គ្រឹះស្ថានបណ្ដុះនិស្ស័យ» ហើយក្នុងពិព័រណ៍សៀវភៅចុងឆ្នាំ២០២២ លោកមានស្នាដៃចូលរួមប្រមាណជាង ២០ ចំណង។ស្នាដៃទាំងនោះលោកបានសម្រិតសម្រាំងទាំងខ្លឹមសារ ទាំងការរៀបចំទំព័រ។ ស្នាដៃទាំងនោះមានដូចជា សេចក្ដីសុខហិរញ្ញវត្ថុ, គម្ពីរសាងចលនទ្រព្យ,…

ភ្នំពេញ៖ ក្នុងវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សារាជធានីភ្នំពេញ នៅក្នុងបរិវេណវត្តតាំងក្រសាំងខាងជើង ក្នុងសង្កាត់កាកាបទី២ ខណ្ឌពោធិសែន ជ័យ នៅព្រឹកថ្ងៃទី១៧ វិច្ឆិកានេះ ប្រជាពលរដ្ឋបានស្នើអោយអាជ្ញាធរជួយ ដោះស្រាយជាសំណើរ សំណូមពរយ៉ាងច្រើន លើការជួលជុល ការស្ថាបនាផ្លូវ លូនិងការស្តារប្រឡាយ ដើម្បីរំដោះទឹកជាដើម។ វេទិកានេះធ្វើឡើងក្រោមវត្តមានឯកឧត្តម ជួប ខុន សមាជិកក្រុមប្រឹក្សារាជធានីភ្នំពេញតំណាងអោយ ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញនិង ឯកឧត្តម ស៊ុយ សេរិទ្ធ អភិបាលរងរាជធានី តំណាងអោយឯកឧត្តម ឃួង ស្រេងអភិបាលរាជធានីភ្នំពេញ។ក្នុងវេទិកានេះប្រជាពលរដ្ឋបានលើកឡើងជាសំណួរ សំណើរនិងសំណូមពរផ្ទាល់មាត់ចំនួន១៥រូប ក្នុងនោះរួមមាន ស្នើសុំការជួលជុលផ្លូវមានគង្ហុក សុំការស្ថាបនាផ្លូវបេតុងតូចៗនៅក្នុងភូមិដ្ឋានរបស់ពួកគាត់ ស្នើសុំធ្វើបណ្តាញលូបង្ហូរទឹក ការស្នើសុំស្តារប្រឡាយ ការជម្រុញអោយការផ្តល់សេវានៅច្រកចេញ ចូលតែមួយមួយអោយបានលឿន ដូចជាការសុំបញ្ជាក់សំបុត្រកំណើត អាពាហ៍ ពីពាហ៍ សុំការកូនជាដើម។ ការស្នើសុំបាញ់ថ្នាំសម្លាប់មូស និងសុំតបណ្តាញទឹកស្អាតជាដើម។ ពាក់ព័ន្ធនឹងការស្នើសុំឱ្យអាជ្ញាធររាជធានីជួយអន្តរាគមន៍នេះ ឯឧ ស៊ុយ សេរិទ្ធ បានមានប្រសាសន៍ថា សម្រាប់អាជ្ញាធរ សង្កាត់ ខណ្ឌ និងអាជ្ញាធររាជធានីភ្នំពេញបានយកចិត្តទុកដាក់ណាស់ ដើម្បីដោះស្រាយជូនប្រជាពលរដ្ឋលើបញ្ហាទាំងនេះ ពោលគឺយើងដោះស្រាយជាតំណាក់កាល…

ខេត្តកោះកុង៖ ឈានមកដល់ខែវិច្ឆិកានេះ ប្រជាសហគមន៍នៅតំបន់ ការពារធម្មជាតិពាមក្រសោប ស្ថិតនៅក្នុង ខេត្ត កោះកុង បានចាប់ផ្តើមប្រមូលផលគ្រំចំពុំទា ឬក្រុមអ្នកស្រុកតែងហៅថាខ្យងចំពុះទា បណ្តើរៗហើយដើម្បីចែករាយលក់តាមទីផ្សារទាំងក្នុងស្រុក ក៏ដូចជាលក់ទៅកាន់បរទេស។ គួរបញ្ជាក់ថាគ្រំចំពុះទាជាផលិតផលក្នុងស្រុក ដែលសំបូរនៅក្នុងដែនជម្រកសត្វព្រៃពាមក្រសោបខេត្តកោះកុង និងជានិមិត្តរូប នៃនិរន្តរភាពធនធានធម្មជាតិកើតចេញពីសុខដុមរមណីយកម្មរវាងសកម្មភាពសេដ្ឋកិច្ច និងការអភិរក្ស ជាពិសេសការអភិរក្សព្រៃកោងកាងនៅក្នុងតំបន់។ លោក វង្ស តារា អនុប្រធានតំបន់ការពារធម្មជាតិពាមក្រសោបបានប្រាប់ឱ្យដឹងថា៖នៅសហគមន៍របស់លោកអាចផលិតគ្រំចំពុះទាសម្រាប់ផ្គត់ផ្គង់លើទីផ្សារបានប្រមាណ២៥០០ដល់ជាង៣០០០ តោន ក្នុង ១ រដូវហើយជាទូទៅសហគមន៍អាចប្រមូលផលគ្រំចំពុះទា ពីខែវិច្ឆិកា ដល់ខែមីនា ជារៀងរាល់ឆ្នាំ។ គួរំលឹកថានៅក្នុងខេត្តកោះកុងមានសហគមន៍តំបន់ការពារធម្មជាតិចំនួន ៣ ស្ថិតនៅក្នុងដែនជម្រកសត្វព្រៃពាមក្រសោប កំពុងប្រកបរបរចិញ្ចឹមគ្រំចំពុះទា ដែលជាសក្តានុពលសម្រាប់ការអភិវឌ្ឍខ្សែច្រវ៉ាក់តម្លៃគ្រំចំពុះទាផងដែរ។ ជាមួយគ្នាគ្រំចំពុះទា គេអាចកែច្នៃជាមុខអាហារច្រើនប្រភេទ តាមតម្រូវការ និងជាពិសេសជាមុខម្ហូបសំខាន់នៅតាមភោជនីយដ្ឋានធំៗនិងបើតាមសណ្ឋានគារវិញគឺមានរហូតដល់លំដាប់ផ្កាយ៥ទៀតផង។ គ្រំសមុទ្រនេះ មានរសឆ្ងាញ់ជាងគ្រំ ឬខ្យងទឹកសាប ហើយអាចច្នៃធ្វើម្ហូបបានដូចជា ស្លរម្ជូរគ្រឿង ការី ឆាក្រៀម ញាំ ឆាក្តៅ ស្ងោរជ្រក់ ស្រុស និងជាពិសេសបំផុតនោះ គឺគេយកទៅកែច្នៃជាម្ហូប បែបអឺរ៉ុប ដែលមានតម្លៃ ខ្ពស់ៗ ស្មានមិនដល់។ សូមបញ្ជាក់ថាក្រសួងបរិស្ថានបានលើកទឹកចិត្តដល់សហគមន៍បង្កើនការចិញ្ចឹមគ្រំចំពុះទា…

កំពង់ធំ៖ ឧត្ដមសេនីយ៍ទោ សោម ស៊ុន អនុប្រធានគណៈបញ្ជាការឯកភាពរដ្ឋបាលខេត្ត បានអញ្ជើញផ្សព្វផ្សាយដើម្បីអនុវត្តគោលនយោបាយភូមិ ឃុំ សង្កាត់មានសុវត្ថិភាពនិងបាននាំយកអំណោយឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ឧបត្ថម្ភជូនប្រជាការពារនៅ ឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី១៧ ខែវិច្ឆិកា ឆ្នាំ២០២២ ។ លោត សូត្រ អ៊ុល មេឃុំបន្ទាយស្ទោង បានស្វាគមន៍យ៉ាងកក់ក្ដៅចំពោះក្រុមការងារ របស់រាជរដ្ឋាភិបាលថ្នាក់ខេត្ត ចុះជួយមូលដ្ឋានឃុំ និងរាយការណ៍អំពីស្ថានភាពសន្តិសុខសុវត្តិភាព ការអនុវត្តន៍គោលនយោបាយ ភូមិ ឃុំមាន សុវត្ថិភាព និងស្ថានភាពជីវភាពរស់នៅរបស់ប្រជាជន ក្រោយពេលរងផលប៉ះពាល់ដោយសារ គ្រោះទឹកជំនន់កន្លងមក នៅក្នុងភូមិសាស្ត្ររបស់ឃុំបន្ទាយស្ទោង ។ ឧត្ដមសេនីយ៍ទោ សោម ស៊ុន ប្រធានក្រុមការងាររបស់រាជរដ្ឋាភិបាលថ្នាក់ខេត្ត ចុះជួយមូលដ្ឋានឃុំ បានកោតសរសើរ និងអំណរគុណអាជ្ញាធរដែនដីឃុំ ភូមិ និងប្រជាការពារ ដែលបានយកចិត្តទុកដាក់ យ៉ាងសកម្ម ក្នុងការ បម្រើ និងដោះស្រាយការលំបាករបស់ប្រជាជនកំពុងរងគ្រោះ ដោយសារ គ្រោះធម្មជាតិ ជំនន់ទឹកភ្លៀងនាពេលកន្លងមក…

បន្ទាយមានជ័យ ៖ ចំណងដៃដ៏ថ្លៃថ្លារបស់សម្តេចតេជោ ជូនបងប្អូនប្រជាពលរដ្ឋភូមិបឹងជង្រុកតេជោឈ្នះ ឈ្នះ ឃុំទួលពង្រ ស្រុកម៉ាឡៃ គឺជាការប្រគល់ជូនវិញ្ញាបនបត្រសម្គាល់ម្ចាស់អចលនវត្ថុ ជូនបងប្អូនប្រជាពលរដ្ឋ ។ ឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចតេជោបានមានប្រសាសន៍ដូចច្នេះក្នុងពិធីបិទផ្សាយជាសាធារណៈនូវឯកសារនៃការវិនិច្ឆ័យ លើការចុះបញ្ជីដីធ្លីមានលក្ខណៈជាប្រព័ន្ធជូនបងប្អូនប្រជាពលរដ្ឋ នៅភូមិបឹងជង្រុកតេជោឈ្នះ ឈ្នះ ឃុំទួលពង្រ ស្រុកម៉ាឡៃ នាថ្ងៃទី ១៧ វិច្ឆិកា ២០២២។ ដោយមានការចូលរួមពីលោក លី សារី អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុ រាត្រី អភិបាលខេត្តបន្ទាយមានជ័យ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចលេខ៥១ លោក យ៉ាង គឹមហ៊ុយ អនុប្រធានក្រុមការងារអភិវឌ្ឍន៍តំបន់បឹងជង្រុកតេជោឈ្នះឈ្នះ ព្រមទាំងលោក លោកស្រីមេបញ្ជាការ មេបញ្ជាការងគ្រប់កងឯកភាព មន្ទីរ អង្គភាព ពិធីនេះរៀបចំដោយមន្ទីរៀបចំដែនដី នគររូបនីយកម្ម សំណង់ និងសុរិយោដីខេត្តបន្ទាយមានជ័យ។ បញ្ជាក់ថា សម្រាប់ការប្រគល់ជូនវិញ្ញាបនបត្រសម្គាល់ម្ចាស់អចលនវត្ថុ ជូនបងប្អូនប្រជាពលរដ្ឋនៅថ្ងៃដែលសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ…

ភ្នំពេញ៖ មន្រ្តីជាន់ខ្ពស់នៃក្រសួងបរិស្ថាន ឯកឧត្តម សៅ សុភាព រដ្ឋលេខាធិការ បានអញ្ជើញជាអធិបតីក្នុងពិធីចុះអនុស្សៈរណៈយោគយល់ រវាងក្រសួងបរិស្ថាន និងក្រុមហ៊ុន Royal Future International (Cambodia) Co., Ltd. (RFIC) និងក្រុមហ៊ុន China Railway No.2 Engineering Group Co., Ltd. (CREGC) “ស្តីពីកិច្ចសហប្រតិបត្តិការក្នុងការសិក្សាគម្រោងសាងសង់ស្ថានីយប្រព្រឹត្តិកម្មទឹកកខ្វក់នៅភាគខាងជើងរាជធានីភ្នំពេញ”។ បើយោងតាមទំព័រហ្វេសប៊ុករបស់ក្រសួងបរិស្ថានបានឱ្យដឹងថា៖ពិធីដែលបានរៀបចំឡើងនាព្រឹកថ្ងៃទី១៦ ខែវិច្ឆិកា ឆ្នាំ២០២២ នេះ មានការចូលរួមពីមន្រ្តីពាក់ព័ន្ធជាច្រើនក្នុងនេះមានដូចជា ឯកឧត្តម ទា ជុប រដ្ឋលេខាធិការ ឯកឧត្តម ហេង ណារ៉េត អនុរដ្ឋលេខាធិការឯកឧត្តម ជា ស៊ីណា អនុរដ្ឋលេខាធិការ ថ្នាក់ដឹកនាំនៃអគ្គនាយកដ្ឋានគាំពារបរិស្ថាន និងអគ្គនាយកដ្ឋានពាក់ព័ន្ធ។ ជាមួយគ្នាពិធីចុះអនុស្សរណៈយោគយល់គ្នានេះដែរមានគោលបំណងសំខាន់ៗដូចជា៖១. ពង្រឹងកិច្ចសហប្រតិបត្តិការ និងបង្កើនប្រសិទ្ធិភាពការងារ រវាងភាគីពាក់ព័ន្ធក្នុងការសិក្សាបុរេសមិទ្ធិលទ្ធភាពគម្រោងវិនិយោគសាងសង់ស្ថានីយប្រព្រឹត្តិកម្មទឹកកខ្វក់នៅតំបន់ភាគខាងជើងរាជធានីភ្នំពេញ (បឹងតាមោក)។២. ផ្លាស់ប្តូរបទពិសោធន៍ និងចំណេះដឹងពាក់ព័ន្ធការគ្រប់គ្រងការបំពុលទឹក សំដៅធានាសុខមាលភាពសាធារណៈ និងការអភិរក្សជីវៈចម្រុះ ៕ ដោយ៖ម៉ាដេប៉ូ