បន្ទាយមានជ័យ៖ ប្រព្រឹត្តិការរយ:ពេល២ថ្ងៃកន្លះ (ថ្ងៃទី៣០-៣១ខែតុលានិងថ្ងៃទី០១ខែវិច្ឆិកាឆ្នាំ២០២២ ) នៃកម្មវិធីប្រណាំងទូក បណ្តែតប្រទីប អកអំបុក ឬអុំទូកសហគមន៍នៅបារាយាណ៍ប្រាសាទមេបុណ្យនាភូមិបន្ទាយឆ្មារកើតឃុំបន្ទាយឆ្មារស្រុកថ្មពួកខេត្តបន្ទាយមានជ័យបានបញ្ចប់ដោយជោគជ័យនាមល្ងាចថ្ងៃទី០១ខែវិច្ឆិកាឆ្នាំ២០២២ នៅកំពង់ទឹក ។ លោកជំទាវ ហេម ចិន្តា អគ្គមហាសិការពុទ្ធសាសនូបត្ថម្ភម៉ៅ ម៉ាល័យ អញ្ជើញជាអធិបតី និងចូលរួមដោយឯកឧត្ដម អ៊ុ រាត្រី អភិបាលខេត្ត ឯកឧត្ដម ខេង ស៊ុម ប្រធានក្រុមប្រឹក្សាខេត្ត លោកអភិបាលរងខេត្ត ប្រធាន អនុប្រធានមន្ទីរ ប្រធានក្រុមប្រឹក្សាស្រុក អភិបាល អភិបាលរងស្រុក និងមន្ត្រីរាជការ កងកម្លាំង មហាជន កីឡាករចំណុះទូក ។ ក្នុងនោះបានផ្តល់ពានរង្វាន់ រង្វាន់និងថវិកាដល់ក្រុមចំណុះទូកជ័យលាភី និងថវិកាលួងចិត្តដល់កីឡាករ និង គណៈកម្មការពាក់ព័ន្ធដែលចូលរួម ផងដែរ ។ រយ:ពេលនេះ មានភ្ញៀវជាង ៣ម៉ឺននាក់ចូលរួនទស្សនា ។ ប៉ុន្តែ គម្រោងថា បិទស្ពានឈើ ហៅស្ពានភ្ជាប់និស្ស័យមិនឱ្យភ្ញៀវឆ្លងកាត់ឬឈរទស្សនាព្រោះបារម្ភបាក់បង្កគ្រោះនោះ បានរំសាយចោលវិញ ។ សូមបញ្ជាក់ថា កម្មវិធីរៀបចំប្រណាំងទូកសហគមន៍បន្ទាយឆ្មារ ឆ្នាំ២០២២…

ខេត្តព្រះវិហារ៖ មេបញ្ជាការតំបន់ប្រតិបត្តិការសឹករងព្រះវិហារ លោកឧត្តមសេនីយ៍ទោ ច័ន្ទ សុ័ក្ត្រា ដែលជា ប្រធានសមាគមអតីតយុទ្ធជនកម្ពុជាខេត្តព្រះវិហារ បានបន្តដឹកនាំក្រុមការងារ នាំយកអំណោយដ៏ថ្លៃថ្លារបស់ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និងលោកជំទាវ ទៅចែកជូនដល់អតីតយុទ្ធជន និងប្រជាពលរដ្ឋក្រីក្រ ៥០គ្រួសារ មកពីបណ្តា ឃុំនានា នៅក្នុងស្រុកសង្គមថ្មី ខេត្តព្រះវិហារ នាថ្ងៃទី១ ខែវិច្ឆិកា ឆ្នាំ២០២២នេះ ។ អតីតយុទ្ធជន និងប្រជាពលរដ្ឋក្រីក្រទាំង ៥០គ្រួសារ ដែលត្រូវទទួលបានអំណោយពីមេបញ្ជាការកងទ័ពជើងគោក ឯកឧត្តមឧត្តមសេនីយ៍ឯក ហ៊ុន ម៉ាណែត តាមរយៈមេបញ្ជាការមេបញ្ជាការតំបន់ប្រតិបត្តិការសឹករងខេត្ត និងជាប្រធានសមាគមអតីតយុទ្ធជនកម្ពុជាខេត្តព្រះវិហារ លោកឧត្តមសេនីយ៍ទោ ច័ន្ទ សុ័ក្ត្រា នាគ្រានោះ ក្នុងមួយគ្រួសារទទួលបាន អង្ករ៣០គីឡូក្រាម មី១កេស ត្រីខកំប៉ុង ១យួរ និងថវិកា ២ម៉ឺនរៀល ផងដែរ។ ប្រធានសមាគមអតីតយុទ្ធជនកម្ពុជាខេត្តព្រះវិហារ លោកឧត្តមសេនីយ៍ទោ ច័ន្ទ សុភ័ក្ត្រា បានថ្លែង ពាំនាំនូវប្រសាសន៍ផ្តាំផ្ញើរ និងសាកសួរសុខទុក្ខពីសំណាក់…

បន្ទាយមានជ័យ ៖ ស្នងការដ្ឋាននគរបាលខេត្តបន្ទាយមានជ័យ សូមអំពាវនាវដល់ប្រជាពលរដ្ឋ ដែលមានអត្តសញ្ញណប័ណ្ណសញ្ជាតិខ្មែរ អស់សុពលភាព បាត់ ឬខូច និងអាយុគ្រប់១៥ឆ្នាំ ត្រូវមកធ្វើអត្តសញ្ញាណប័ណ្ណថ្មី។ ការអំពាវនាវនេះដែរបានធ្វើឡើងនាថ្ងៃទី០១ ខែវិច្ឆិកា ឆ្នាំ២០២២នេះ ក្រោមការដឹកនាំនិងដាក់ចេញនូវបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ទៅដល់កម្លាំងនគរបាលគ្រប់អធិការដ្ឋានស្រុក-ក្រុង ប៉ុស្តិ៍រដ្ឋបាល បានចេញយាមល្បាត និងធ្វើសកម្មភាពផ្សព្វផ្សាយ ជំរុញដល់ពលរដ្ឋឲ្យមកធ្វើអត្តសញ្ញាណប័ណ្ណគំរូថ្មី ,ផលប៉ះពាល់នៃគ្រឿងញៀន, គោលនយោបាយភូមិឃុំមានសុវត្ថិភាព ដល់យុវជននិងប្រជាពលរដ្ឋតាមមូលដ្ឋាន ដើម្បីរួមចំណែកក្នុងការទប់ស្កាត់ កាត់បន្ថយបទល្មើសអសន្តិសុខនានាតាមមូលដ្ឋាន។ ស្នងការនគរបាលខេត្តបន្ទាយមានជ័យ អំពាវនាវឱ្យប្រជាពលរដ្ឋ មានអត្តសញ្ញណប័ណ្ណសញ្ជាតិខ្មែរអស់សុពលភាព បាត់ ឬខូច និងអាយុគ្រប់ ១៥ឆ្នាំ មកធ្វើអត្តសញ្ញាណប័ណ្ណថ្មី។ លើសពីនេះពលរដ្ឋដែលមានកូនៗគ្រប់អាយុត្រូវជំរុញពួកគាត់ឲ្យទៅធ្វើអត្តសញ្ញាណប័ណ្ណឲ្យបានគ្រប់គ្នា ដើម្បីងាយយកទៅប្រើប្រាស់ក្នុងជីវិតការងារប្រចាំថ្ងៃ និងចុះឈ្មោះបោះឆ្នោត។ ក្រៅពីការងារស្នូល នគរបាលខេត្តបន្ទាយមានជ័យ ក៏បានចូលរួមក្នុងកិច្ចការសង្គមយ៉ាងសកម្ម ដូចជា ការងារប្រយុទ្ធប្រឆាំងជម្ងឺកូវីដ១៩ ការសង្គ្រោះពលរដ្ឋពីគ្រោះធម្មជាតិនានា គ្រោះអគ្គីភ័យ និង ជួយសម្រួលចរាចរណ៍ដល់សិស្សានុសិស្សរាល់ពេលម៉ោងចូលរៀន និងចេញពីរៀន តាមសាលារៀនទូទាំងខេត្តផងដែរ ៕ ដោយ៖ឃិន គន្ធា

ភ្នំពេញ៖ ក្រសួងបរិស្ថាននឹងរៀបចំទីលានចាក់សំរាមបន្ថែមទៀតនៅទូទាំងប្រទេសដើម្បីកាត់បន្ថយការចោលសំរាមពាសវាលពាសកាល។ នេះបើតាមការបញ្ជាក់របស់រដ្ឋលេខាធិការក្រសួងបរិស្ថាន លោកនេត ភក្ត្រា ដែលថ្លែងប្រាប់អ្នកកាសែតកាលពីថ្ងៃទី៣១ខែតុលា។ ឯកឧត្តម នេត ភក្ដ្រា រដ្ឋលេខាធិការនិងជាអ្នកនាំពាក្យក្រសួងបរិស្ថានបាមានប្រសាសន៍ថានៅក្នុងចំណោមសំរាម១០០ភាគរយ មានតែ៦៤ភាគរយប៉ុណ្ណោះដែលត្រូវបានយកទៅចាក់នៅទីលានចាក់សំរាម និងនៅសល់សំរាម៣៦ភាគរយទៀត បានចោលរាយប៉ាយនៅតាមកន្លែងសាធារណៈផ្សេងៗ។ លោកបន្តថា ក្នុងឆ្នាំ២០២២នេះ តាមដែលក្រសួងបរិស្ថានបានសិក្សាកន្លងមកឃើញថា សំរាមនៅក្នុងប្រទេសកម្ពុជា បានកើនឡើងជាងបួនលានតោននៅក្នុងមួយឆ្នាំៗ ហើយបើគិតក្នុងមួយថ្ងៃប្រមាណជាង មួយម៉ឺនតោន។ ឯកម្រិតនៃការកើនសំរាម ឫសំណល់រឹងនៅក្នុងប្រទេសកម្ពុជា គឺមានចន្លោះពី១០ភាគរយទៅ១៥ភាគរយសម្រាប់រយៈពេលមួយឆ្នាំ។ ឯកឧត្តម នេត ភក្ដ្រា បញ្ជាក់ថា៖ «នៅក្នុងចំណោមសំរាម១០០ភាគរយ មានតែ៦៤ភាគរយប៉ុណ្ណោះដែលត្រូវបានយកទៅចាក់នៅទីលាន ហើយក្រៅពីនេះនៅសល់សំរាម៣៦ភាគរយទៀត បានបោះរាយប៉ាយនៅតាមទីតាំងផ្សេងៗ ឬនៅក្នុងប្រភពទឹក និងតាមដងផ្លូវសាធារណៈ។ លោកបន្តថា៖«ជាកិច្ចការងារបន្ត ដែលក្រសួងបរិស្ថានក្នុងនាមជាស្ថាប័ន ដែលរៀបចំនូវគោលនយោបាយ ជំរុញបន្ថែម និងសហការជាមួយអាជ្ញាធរថ្នាក់ក្រោមជាតិ ដែលទទួលភារកិច្ចក្នុងការគ្រប់គ្រងទៅលើសំណល់រឹង ឬសំរាមនេះ។ ដើម្បីឱ្យមានការរៀបចំទីលានចាក់សំរាម ឱ្យបានត្រឹមត្រូវបន្ថែមទៀត និងអាចឱ្យការងារប្រមូលសំរាមបានទាន់ពេលវេលាជៀសវាងប៉ះពាល់លើសុខភាពពលរដ្ឋ។ សូមបញ្ជាក់ថា តាមរបាយការណ៍របស់ក្រសួងបរិស្ថាន នៅឆ្នាំ២០១៩ ការចោលសំរាមនៅទីលានចាក់សំរាម មានការកើនឡើង៥ដង ចាប់ពី ៣១៦,០០០តោននៅឆ្នាំ២០០៤ ដល់១.៧លានតោនក្នុងមួយឆ្នាំនៅឆ្នាំ២០១៨។មូលហេតុនៃការកើនឡើងសំណង់រឹង ឬសំរាមនេះ ដោយសារតែកំណើនប្រជាពលរដ្ឋ កំណើនជីវភាពនិងសេដ្ឋកិច្ច ដែលធ្វើឲ្យផ្លាស់ប្ដូរឥរិយាបថក្នុងការប្រើប្រាស់…