ខេត្តកំពង់ឆ្នាំង ៖ ដើម្បីថែរក្សាមរតកអរូបីយ៍ និងមរតកប្រពៃណីវប្បធម៌ គឺការធ្វើក្លែងឯក ឬ ខ្លែងព្នង បន្តវេនសម្រាប់កូនចៅជំនាន់ក្រោយ ផងនោះ មន្ទីវប្បធម៌និងវិចិត្រសិល្បៈបាននិងកំពុងផលិតក្លែងឯកចំនួន ១០០ សម្រាប់បង្ហើរ ក្នុងព្រឹត្តិការណ៍ វប្បធម៌រដូវរំហើយ ខាងមុខនេះ។ លោក សុខ ធួក ប្រធានមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង បានបញ្ជាក់នៅថ្ងៃទី២៨ ខែតុលានេះថា៖ ដើម្បីថែរក្សាប្រពៃណីវប្បធម៌ គឺការបង្ហើរខ្លែងឯក ឬ ខ្លែងព្នង ដែលជាមរតកវប្បធម៌អរូបីយ៍ផងនោះលោកបានអញ្ជើញ លោកគ្រូ ឱម សឿន អាយុ៧៩ឆ្នាំ មានទីនៅឃុំពានី ស្រុកកំពុងតែឡាច ដែលគាត់មានទឹកដៃក្នុងការធ្វើក្លែងឯក និងធ្លាប់ទទួលចំណាត់លេខមួយ ទូទាំងប្រទេសក្នុងការផលិតខ្លែង ដែលអាចថាៈ លោកគឺជាមរតកមនុស្សរស់ផងនោះ ឲ្យមកជួយបង្ហាត់បង្ហាញនិងតម្លើងខ្លែងឯក នៅមន្ទីរវប្បធម៌ ចំនួន ១០០ខ្លែងសម្រាប់ គ្រោងបង្ហើរ ក្នុងព្រឹត្តិការណ៍វប្បធម៌ រដូវកាលរំហើយខាងមុខនេះគឺក្នុងអំឡុងថ្ងៃ១៤និង១៥កើត ខែមិគសិរ ត្រូវនឹងដើមខែធ្នូ ចុងឆ្នាំ២០២២នេះ។ ប្រធានមន្ទីរវប្បធម៌ និងវិចិត្រសិល្បះខេត្តកំពង់ឆ្នាំង បានបន្ថែមថា៖ បើយោងតាមកម្រងឯកសារប្រពៃណី និងទំនៀមទម្លាប់ រៀបរៀងដោយព្រឹទ្ធាចារ្យ មាច…

កណ្តាល៖ស្នងការនគរបាលខេត្តកណ្តាល លោកឧត្តមសេនីយ៍ទោ ឈឿន សុចិត្ត បានចេញប្រកាសប្រាប់បងប្អូនប្រជាពលរដ្ឋទាំងអស់ ដែលបានមកចូលរួមទស្សនាកម្សាន្ដ ពិធីប្រណាំងទូក ង នៅមាត់ទន្លេ ក្រុងតាខ្មៅ ខេត្ដកណ្ដាល ដែលនឹងប្រព្រឹត្ដទៅនៅថ្ងៃទី ២៩-៣០ ខែ តុលា ឆ្នាំ ២០២២ ថា ស្នងការដ្ឋាននគរបាលខេត្ដកណ្ដាល បានរៀបចំទីបញ្ជាការស្រាលចំនួន ២កន្លែង ចាំទទួលពាក្យបណ្ដឹង ជួយអន្ដរាគមន៍ ជូនបងប្អូនប្រជាពលរដ្ឋដែលមានបញ្ហាណាមួយពេលមកទស្សនាកម្សាន្ដនេះ ។ លោកឧត្តមសេនីយ៍ទោ ឈឿន សុចិត្ត បានបញ្ជាក់ថា កម្លាំងស្នងការដ្ឋាននគរបាលខេត្ដកណ្ដាល បានរៀបចំផែនការការពារ សន្ដិសុខ សុវត្ថិភាព សណ្ដាប់ធ្នាប់សាធារណៈ ជូនបងប្អូនប្រជាពលរដ្ឋ មកលេងកម្សាន្ដ ឲ្យបានសប្បាយរីករាយ ។ សូមបងប្អូនប្រជាពលរដ្ឋ មកលេងកម្សាន្ដ សប្បាយរីករាយ ឲ្យបានច្រើនកុះករ ។ បើមានបញ្ហាអ្វី សូមទំនាក់ទំនងលេខទូរស័ព្ទ Tel 0977780001 ។ ដោយឡែកកងកម្លាំងកងរាជអាវុធហត្ថខេត្តកណ្តាល ក៌មមាញឹក និងចែកជាគោលដៅ ជាច្រើនកន្លែងផងដែរ ដើម្បីចូលរួមសហការ ការពារសន្តិសុខ ជូនពលរដ្ឋ…

ខេត្តកំពង់ធំ៖ នៅព្រឹកថ្ងៃទី២៨ ខែតុលា ឆ្នាំ២០២២ នៅទីបញ្ជាការតំបន់ប្រតិបត្តិការសឹករងកំពង់ធំ ស្ថិតនៅភូមិត្រពាំងឬស្សី ស្រុកកំពង់ស្វាយ ខេត្តកំពង់ធំ បានចាត់តាំងក្រុមគ្រូពេទ្យធ្វើតេសរហ័សរកអង្គទីហ្សែនមេរោគកូវីដ-១៩ ជូនកងកម្លាំងចំណុះអង្គភាពបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលពិធីនេះប្រព្រឹត្តទៅស្ថិតក្រោមអធិបតីភាពឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ។ ឧត្តមសេនីយ៍ទោ សោម ស៊ុន បានបញ្ជាក់ថា មកដល់ពេលនេះមេរោគកូវីដ-១៩ មិនទាន់ផុតរលត់ពីលើពិភពលោកយើងនេះនៅឡើយទេ ។ ដូច្នេះដើម្បីទប់ស្កាត់ការឆ្លងរីករាលដាលជាថ្មី យើងទាំងអស់គ្នាត្រូវចូលរួមធ្វើតេស្តរហ័សដើម្បីបញ្ជាក់ថាយោធិនយើងម្នាក់ៗមាន ឬពុំមានអ្នកឆ្លងជំងឺកូវីដ-១៩ ។ ក្នុងករណីមានយោធិនណាម្នាក់បានឆ្លងឬវិជ្ជមានជំងឺកូវីដ-១៩ យើងត្រូវចាត់ចែងព្យាបាលឲ្យទាន់ពេលវេលាផងដែរ។ នៅក្នុងឱកាសនេះ ឧត្តមសេនីយ៍ទោសោម ស៊ុន ក៏បានសូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះសម្ដេចតេជោ ហ៊ុន សែន ដែលបានខិតខំប្រឹងប្រែងរកវ៉ាក់សាំងការពារជំងឺកូវីដ-១៩ មកចាក់ជូនមន្ត្រីរាជការកងកម្លាំងប្រដាប់អាវុធនិងប្រជាពលរដ្ឋគ្រប់និន្នាការនយោបាយ ដើម្បីការពារទប់ស្កាត់ការឆ្លងជំងឺកូវីដ-១៩ ហើយត្រូវបានពិភពលោកទទួលស្គាល់និងកោតសរសើរថា ប្រទេសកម្ពុជាឈានមុខក្នុងការការពារទប់ស្កាត់ការឆ្លងជំងឺកូវីដ-១៩ទទួលបានជោគ ជ័យ ។ ឧត្តមសេនីយ៍ទោសោម ស៊ុន បានសំណូមពរដល់យោធិនទាំងអស់ និងក្រុមគ្រួសារត្រូវបន្តអនុវត្តឱ្យបានខ្ជាប់ខ្ជួននូវវិធានការ៣ការពារនិង៣កុំ របស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៕ ប៊ុន រដ្ឋា

ភ្នំពេញ ៖ ជនសង្ស័យចំនួន ៥៧នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀន ចំនួន ២៨ករណី នៅទូទាំងប្រទេស កាលពីថ្ងៃទី២៧ ខែតុលា ឆ្នាំ២០២២ ម្សិលមិញនេះ ។ ដូច្នេះ សូមនិយាយថា ទេចំពោះគ្រឿងញៀន គ្រឿងញៀន បំផ្លាញអនាគតអ្នក និងក្រុមគ្រួសារអ្នក.! ក្នុងចំណោមជនសង្ស័យទាំងចំនួន ៥៧នាក់ រួមមាន៖ ជួញដូរ ១៤ករណី ឃាត់ ២៧នាក់(ស្រី ៣នាក់) ដឹកជញ្ជូន រក្សាទុក ២ករណី ឃាត់ ៥នាក់, ប្រើប្រាស់ ១២ករណី ឃាត់ ២៥នាក់។ វត្ថុតាងដែលចាប់យកសរុបក្នុងថ្ងៃទី២៧ ខែតុលា រួមមាន៖ មេតំហ្វេតាមីន(Ice) ស្មើរ ១៤៧៧៤,២៤ និង២៤កញ្ចប់តូច កេតាមីន(Ke) ស្មើរ ៨៤,៦៤ក្រាម។ សូមបញ្ជាក់ថា ជាលទ្ធផលខាងលើ ១០អង្គភាព បានចូលរួមបង្ក្រាប នគរបាល ១០អង្គភាព៖ ១មន្ទីរ៖ ជួញដូរ ២ករណី…

ភ្នំពេញ៖សមាគមមិត្តយើងនៅព្រឹកថ្ងៃទី២៨ខែតុលាឆ្នាំ២០២២នេះ បានបន្តយុទ្ធនាការមួយមានឈ្មោះថា“សក់ និងសម្រស់របស់មិត្តយើង” ដើម្បីផ្តល់សេវាកម្មកាត់សក់ ដល់អ្នកដែលមានជីវភាពខ្វះខាត់ដោយពុំគិតប្រាក់។ គួរបញ្ជាក់ថាកម្មវិធីនេះបានរៀបចំឡើងព្រមជាមួយព្រឹត្តិការថ្ងៃពិព័រណ៍ការងារ និងផលិតភាពជាតិឆ្នាំ២០២២នាមជ្ឈមណ្ឌលកោះពេជ្រផងដែរ។លោក ឡា វិបុល អនុប្រធានសមាគមមិត្តយើង និងជាជានាយកសាលាជំនាញសក់ និងសម្រស់ ដែលមានឈ្មោះថា អេកូលអាំងទែរ ណាស្សូណាល់ ដឺ គ័ហ្វហ្វៀ អេ អេសស្តេទិក (ហៅកាត់ថា L.I.C.E) លើកឡើងថា៖នេះជាលើកទីពីរហើយដែលសមាគមមិត្តយើងរៀបចំ កម្មវិធី “សក់ និងសម្រស់របស់មិត្តយើង” ការរៀបចំឡើងនេះក្នុងគោលបំណងដើរតួជាស្ពានដ៏ សំខាន់ក្នុងការ ផ្សព្វផ្សាយឲ្យបានទូលំទូលាយអំពីចំណេះដឹងផ្នែកវិជ្ជាជីវៈសក់ និងសម្រស់ទៅដល់បងប្អូនដែល មាន បំណងចង់ចាប់យកជំនាញផ្នែកវិជ្ជាជីវៈនេះ ក៏ដូចជាការផ្តល់សេវាកម្មថែរក្សាសក់ និងសម្រស់ទៅដល់ អ្នកដែលមានកង្វះខាត និងកម្មករនិយោជិតនៃវិស័យសេដ្ឋកិច្ចក្រៅប្រព័ន្ធទាំងអស់ ដែលពុំមានឱកាស ឬជួបការលំបាកក្នុងការទទួលបាននូវសេវាកម្មមួយនេះ ពោលកម្មវិធីមួយនេះ គឺជាការឆ្លើយតបទៅ នឹងចក្ខុវិស័យវែងឆ្ងាយរបស់សមាគមមិត្តយើង ក្នុងការជួយលើកកម្ពស់កម្រិតជីវភាពរស់នៅ និងបង្កើន ប្រាក់ចំណូលរបស់ប្រជាពលរដ្ឋឲ្យកាន់តែល្អប្រសើរឡើង ដែលស្របទៅនឹងគោលនយោបាយ របស់ រាជរដ្ឋាភិបាលកម្ពុជា។ ជាមួយគ្នានេះលោកបានបញ្ជាក់ថាថ្ងៃនេះលោកបានដឹកនាំក្រុមសាឡន និងហាង កាត់សក់ល្បីៗនៅទីក្រុងភ្នំពេញ ដើម្បីចូលរួមជាមួយសមាគមមិត្តយើង ក្នុងការផ្តល់នូវសេវាកម្មកាត់អ្នករកស៊ីក្រៅប្រព័ន្ធ និងអ្នកដែលមានជីវភាពខ្វះខាត ក្នុងគោលបំណងឲ្យពួកគាត់ទទួលបាននូវសេវាកម្មសក់ស្អាត ដើម្បីទៅចូលរួមក្នុងឱកាសពិធីបុណ្យឯករាជ្យជាតិ ក៏ដូចជាពិធីអុំទូក…

ភ្នំពេញ ៖ បុរសជនសង្ស័យ ៤នាក់ត្រូវសមត្ថកិច្ចបង្រ្កាបបានជាបន្តបន្ទាប់ក្រោយធ្វើសកម្មភាពឆក់ទូរស័ព្ទបណ្ដាលឱ្យជនរងគ្រោះរងរបួស កាលវេលាម៉ោង១១និង០០នាទីយប់ថ្ងៃ២៧ ខែ តុលា ឆ្នាំ ២០២២នៅចំណុចផ្លូវលេខ០៥ ក្រុម១៤ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ ។ ជនរងគ្រោះឈ្មោះ HWA JEONG ភេទស្រី អាយុ៤០ឆាំ្ន មុខរបរនៅផ្ទះជនជាតិកូរ៉េ សា្នក់នៅខុនដូរកាំកូសុីធី សង្កាត់ទួលសងែ្ក២ ខណ្ឌឬស្សីកែវ រាជធានីភ្នំពេញ។ ១-ជនសង្ស័យឈ្មោះ លី អាល់រីហ្វីន ភេទប្រុស អាយុ១៨ឆ្នាំមុរបរមិនពិតប្រាកដ ស្នាក់នៅ ភូមិ២ សង្កាត់ច្រាំងចំរេះ១ខណ្ឌឫស្សីកែវ។(មានសារធាតុញៀ)២-ជនសង្ស័យឈ្មោះ ម៉ាន ហាហ្វីសុីន ភេទប្រុស អាយុ២៣ឆាំ្ន សា្នក់នៅ ភូមិបឹងឈូក សងា្កត់គីឡូម៉ែត្រលេខ៦ ខណ្ឌឫស្សីកែវ ( មានសារធាតុញៀន )។សម្ភារៈដកហូតរួមមាន ទូរសព្ទចំនួន១គ្រឿងម៉ាក IPhone 13 ពណ៍ស (ជារបស់ជនរងគ្រោះបានប្រគល់ជូនជនរងគ្រោះវិញ)និងម៉ូតូហុងដាSCOOPYពណ៍ខ្មៅស្លាកលេខភ្នំេពញ 1IL.7474 (របស់ជនសង្ស័យ .លី អាល់រីហ្វីន) ។ ម៉ូតូម៉ាកហុងដាSCOOPYពណ៍សរសា្លកលេខភ្នំពេញ1JN-0994(របស់ជនសង្ស័យ.ម៉ាន ហាហ្វីសុីន) ។…