ភ្នំពេញ ៖ រូបភាពចំនួន ២សន្លឹកដែលថតបានដោយក្រុមមន្រ្តី ឧទ្យានុរក្សបង្ហាញពីប្រភេទសត្វ មំសាសី ឬសត្វខ្លាត្រីមួយក្បាលដែលវាកំពុងតោងនិងរស់នៅលើដើមឈើ។ អង្គការជីវិតសត្វព្រៃកម្ពុជាបានឱ្យដឹងថាៈរូបភាពនេះត្រូវគេថតបានក្នុងអំឡុងខែតុលា ឆ្នាំ២០២២នេះក្នុងពេលក្រុមមន្រ្តីឧទ្យានុរក្សចុះល្បាតប្រចាំខែរួចមក។ទោះបីយ៉ាងណាដោយសាររូបភាពដែលទទួលបានពិបាកក្នុងការធ្វើអត្តសញ្ញាណ ទើបអង្គការជីវិតធម្មជាតិនៅកម្ពុជាបានស្វែងរកជំនួយពីអ្នកជំនាញផ្នែកខ្លាត្រីទាំងនៅក្នុងស្រុក (គម្រោងខ្លាត្រីកម្ពុជា) និងក្រៅប្រទេស ។ ជាលទ្ធផលអ្នកជំនាញបានកំណត់ថា វាពិតជាខ្លាត្រីពិតប្រាកដមែន។ សូមបញ្ជាក់ថា នេះជាកំណត់ត្រាជាក់លាក់ជាលើកទីមួយពីវត្តមានសត្វខ្លាត្រីនៅតំបន់រ៉ាមសារបឹងទន្លេឆ្មារ។ ខ្លាត្រី គឺជាប្រភេទកំពុងរងគ្រោះក្នុងបញ្ជីក្រហមរបស់អង្គការ IUCN អាស្រ័យដោយចំនួនរបស់វាបាននឹងកំពុងបន្តថយចុះ។ ខ្លាត្រីអាចមានទម្ងន់ពី ១០ ទៅ ១៥ គីឡូក្រាម ឬលើសពីនេះ ហើយមានលក្ខណៈសម្របខ្លួនខ្ពស់ទៅតាមទីជម្រកក្នុងតំបន់ព្រៃលិចទឹក ជាពិសេសស្បែកការពារទឹកពីរស្រទាប់ ដូចមានក្នុងរូបភាពនេះ។ ការបាត់បង់ទីជម្រក ការបរបាញ់ ការបំពុលជាដើម គឺជាកត្តាគំរាមកំហែងដល់ប្រភេទមំសាសីមួយនេះ។ អង្គការជីវិតធម្មជាតិនៅកម្ពុជាបានឱ្យដឹងដែរថា បើតាមកំណត់ត្រាពីវត្តមានសត្វខ្លាត្រីនៅតំបន់បឹងទន្លេឆ្មារនៃបឹងទន្លេសាបនេះ គឺជាព័ត៌មានដ៏គួរអោយរីករាយ ពោលវាបញ្ជាក់ថា តំបន់រ៉ាមសារនេះមិនត្រឹមតែដើរតួសំខាន់ក្នុងការផ្តល់ទីជម្រកត្រីពងកូន និងសត្វស្លាបទឹកប៉ុណ្ណោះទេ វាក៏ជាទីតាំងដ៏សំខាន់ ដែលគាំទ្រប្រភេទថនិកសត្វផងដែរ។ អង្គការជីវិតធម្មជាតិនៅកម្ពុជាសូមគំាទ្រដល់ក្រសួងបរិស្ថានដែលកំពុងរៀបចំបែងចែកតំបន់ និងផែនការគ្រប់គ្រងនៃតំបន់រ៉ាមសារបឹងទន្លេឆ្មារ ដើម្បីគាំទ្រដល់ការគ្រប់គ្រង និងអភិរក្សអោយកាន់តែមានប្រសិទ្ធភាព។ កំណត់ត្រាអំពីវត្តមានខ្លាត្រីនេះនឹងគាំទ្រដល់ការវិនិច្ឆ័យក្នុងការបែងចែកតំបន់គ្រប់គ្រងអោយកាន់តែប្រសើរឡើង។ គួរបញ្ជាក់ថាចាប់តំាងពីឆ្នាំ២០២១ មក អង្គការជីវិតធម្មជាតិនៅកម្ពុជាដោយការគាំទ្រថវិកាពី សហភាពអ៊ឺរ៉ុប – ទន្លេសាបយើង Our Tonle…

ភ្នំពេញ ៖ ដោយអនុវត្តតាមបញ្ជា និងមានការណែនាំរបស់ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៦ ខែតុលា ឆ្នាំ២០២២នេះ លោកឧត្តមសេនីយ៍ត្រី សែម គន្ធា ស្នងការរង បានដឹកនាំកម្លាំងការិយាល័យនគរបាលសណ្តាប់ធ្នាប់ សហការជាមួយកម្លាំងអធិការដ្ឋាននគរបាលខណ្ឌមានជ័យ ចុះរៀបចំសណ្តាប់ធ្នាប់ នៅតាមបណ្តោយផ្លូវលេខ២៧១ ចាប់ពីមុខមន្ទីរមិត្តភាពកម្ពុជា-សូវៀត រហូតដល់មុខខ្លោងទ្វារវត្តសន្សំកុសល។ សូមជម្រាប់ថា ក្នុងប្រតិបត្តិការនេះ កម្លាំងសមត្ថកិច្ច ក៏បានធ្វើការណែនាំ អប់រំដល់បងប្អូនប្រជាពលរដ្ឋ ដែលជាអាជីវករលក់ដូរ កុំឱ្យយកចិញ្ចើមថ្នល់ចត ឬដាក់លក់ដូរ នៅលើដងផ្លូវសាធារណៈ ឱ្យទ្បើងលក់ផុតពីទ្រូងថ្នល់ បណ្តោះអាសន្ន១ភាគ៣ នៃចិញ្ចើមថ្នល់ ដើម្បីទុកចិញ្ចើមថ្នល់ សម្រាប់ថ្មើរជើង ធ្វើចរាចរណ៍ទៅវិញទៅមកឱ្យបានងាយស្រួល ជាពិសេសយានយន្តបើកបរបញ្រ្ចាស់ទិស ដែលបង្កឱ្យការកកស្ទះ ឬក៏គ្រោះថ្នាក់ជាយថាហេតុ ៕ ដោយ៖ ឆៃហួត

ភ្នំពេញ៖ យោងតាមទិន្ន័យរបស់មន្ទីរផែនការរាជធានីភ្នំពេញឆ្នាំ២០២២ក្នុងរាជធានីភ្នំពេញ មានមនុស្សវ័យចាស់ចាប់ពីអាយុ៦១ឆ្នាំឡើងទៅមានចំនួន១៣៣.៣៦៣នាក់នៃប្រជាពលរដ្ឋរស់នៅក្នុងរាជធានីភ្នំពេញទាំងអស់។ ដើម្បីបង្ហាញពីការយកចិត្តទុកដាក់របស់សម្តេចអគ្គមហាសេនាបតីតេជោ ហ៊ុន សែន ក៏ដូចរដ្ឋបាលរាជធានីភ្នំពេញចំពោះសុខទុក្ខរបស់មនុស្សចាស់ ពិសេសចូលរួមអបអរសាទរទិវាមនុស្សចាស់កម្ពុជា និងទិវាមនុស្សចាស់អន្តរជាតិ១ តុលាឆ្នាំ២០២២ នាព្រឹកថ្ងៃទី២៦តុលានេះ រដ្ឋបាលរាជធានីភ្នំពេញបានជួបជុំសំណេះសំណាលជាមួយលោកយាយ លោកតាមកពីតាមបណ្តាខណ្ឌ និងមន្ទីរក្នុងរាជធានីភ្នំពេញចំនួន ៥២៥នាក់ព្រមទាំងនាំយកអំណោយមួយចំនួនរបស់ សម្តេចអគ្គមហាសេនាបតីតេជោហ៊ុនសែន និងសម្តេចគត្តិព្រឹទ្ធបណ្ឌិតប្រគល់ជូនលោកយាយ លោកតា នាឱកាសនោះផងដែរ។ លោកស្រីមុំ ចាន់ដានី ប្រធានមន្ទីរសង្គមកិច្ច និងអតីតៈយុទ្ធជនបានគូសបញ្ជាក់ថា៖ទិវាមនុស្សចាស់កម្ពុជាឆ្នាំ២០២២ ប្រព្រឹត្តទៅក្រោមប្រធានបទ៖មនុស្សវ័យចាស់ជាមរតកដ៏សំខាន់ក្នុងការអភិវឌ្ឍន៏គ្រួសារ និងសង្គមជាតិ ក្នុងន័យផ្តល់នូវភាពកក់ក្តៅ និងបង្ហាញអោយកាន់តែច្បាស់ពីការយកចិត្តទុកដាក់ខ្ពស់ជាមួយមនុស្សវ័យចាស់នៅរាជធានីភ្នំពេញ ព្រមទាំងឧបត្ថម្ភគាំទ្រទាំងស្មារតី សម្ភារះ និងថវិកានឹងថែរក្សាមនុស្សចាស់ ឲ្យដូចថែរក្សាខ្លួនឯង។ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានកិត្តិយសអនុគណៈកម្មការមនុស្សចាស់ កម្ពុជាធានីភ្នំពេញ បានថ្លែងអបអរសាទរយ៉ាងខ្លាំងចំពោះលោកយាយ លោកតាដែលជាឃ្លាំងនៃចំណេះដឹង,បទពិសោធន៏ដែលប្រធានបទឆ្នាំនេះបានបង្ហាញឲ្យឃើញកាន់តែច្បាស់អំពីតម្លៃដ៏មហាសាលរបស់មនុស្សវ័យចាស់ អោយសក្តិសមទៅនឹងគុណបំណាច់របស់អស់លោកនឹងផ្តល់តំលៃយ៉ាងធំធេងតាមរយៈការកំណត់យកថ្ងៃទី១តុលា ជាថ្ងៃប្រារព្វទិវាមនុស្សចាស់កម្ពុជា និងទិវាមនុស្សចាស់អន្តរជាតិ។ ឯកឧត្តម ឃួង ស្រេង ក៏បានមានប្រសាសន៍បន្តថា មនុស្សចាស់នេះហើយ ជាអ្នកមានគុណចំពោះជាតិមាតុភូមិយ៉ាងធំធេង ដោយពួកគាត់ជាអ្នកដើរដង្ហែរជាមួយសម្តេចតេជោ ហ៊ុន សែន នាយករដ្ឋមន្ត្រី ក្នុងការរំដោះប្រទេសចេញរបបប៉ុល ពត និងបានចូលរួមជាមួយសម្តេច…

ភ្នំពេញ ៖ តុលាការកំពូល កាលពីព្រឹកថ្ងៃទី២៦ ខែតុលា ឆ្នាំ២០២២ បានប្រកាសសាលដីកា តម្កល់ទោស បុរសម្នាក់ ដែលជាជាប់ចោទ ជាប់គុក ២០ឆ្នាំ ដោយជាប់ពាក់ព័ន្ធនឹងការជួញដូរគ្រឿងញៀន ជិត ២គីឡូក្រាម ប្រព្រឹត្តនៅគោលដៅ ២ផ្សេងគ្នា កាលពីអំឡុង ឆ្នាំ ២០១៩ នាពេលកន្លងទៅ។ ក្នុងនោះ គោលដៅទី១: ស្ថិតនៅចំណុចចំណុចផ្ទះ ហ្គេមអ៊ីនធើណេត ៧៧៧៧ ខាងក្រោយផ្សារសុវណ្ណា សង្កាត់ទំនប់ទឹក ខណ្ឌចំការមន រាជធានីភ្នំពេញ និងគោលដៅទី២: ស្ថិតនៅចំណុចក្នុងផ្ទះលេខ២៨AZ ផ្លូវលេខ២៧៨ សង្កាត់អូឡាំពិក ខណ្ឌចំការមន រាជធានីភ្នំពេញ។ ប្រធានចៅក្រមប្រឹក្សាជំនុំជម្រះ នៃតុលាការកំពូល លោក និល ណុន បានឱ្យដឹងថា ជនជាប់ចោទខាងលើរូបនេះ មានឈ្មោះ អាន វាសនា ភេទប្រុស អាយុ ៣៧ឆ្នាំ កើតឆ្នាំ១៩៨៤។ សូមជម្រាប់ថា ក្នុងសំណុំរឿងនេះ ជនជាប់ចោទ ត្រូវបានសាលាដំបូងរាជធានីភ្នំពេញ កាលថ្ងៃទី២៥…

ភ្នំពេញ ៖ សាលាដំបូងរាជធានីភ្នំពេញ កាលពីសប្តារ្តិ៍កន្ល ងទៅនេះ បានប្រកាសសាលក្រមផ្តន្ទាទោសឧកញ៉ា ឌួង ងៀប ដាក់ពន្ធនាគារ កំណត់ ៨ខែ ពោលគឺឧកញ៉ា ឌួង ងៀប បានអនុវត្តទោស ក្នុងពន្ធនាគារ ៨ខែ រួចមកស្រាប់ ដូច្នេះ សាលក្រមបានតម្រឹម និងសម្រេចធ្វើការដោះលែងឱ្យមានសេរីភាពវិញ។ សូមរម្លឹកថា លោក អ៊ឹម វណ្ណៈ ចៅក្រមស៊ើបសួរសាលាដំបូងរាជធានីភ្នំពេញ កាលពីរសៀលថ្ងៃទី១៤ ខែកុម្ភៈ ឆ្នាំ២០២២ បានសម្រេចចេញដីកាឃុំខ្លួនលោកផ្កាយ៣ ឌួង អគ្គលេខាធិការរង នៃក្រសួងមហាផ្ទៃ ដាក់ពន្ធនាគារ PJ ជាបណ្តោះអាសន្ន ក្រោមការចោទប្រកាន់ពីបទ (ឆបោក បទក្លែងឯកសារ និងបទមិនបំពេញកាតព្វកិច្ច ចំពោះឧបករណ៍ អាចជួញដូរបាន សែកស្អុយ)។ លោកឧត្តមសេនីយ៍ឌួង ងៀប ត្រូវសមត្តកិច្ចនគរបាល ការិយាល័យព្រហ្មទណ្ឌកម្រិតស្រាលរាជធានីភ្នំពេញ ឃាត់ខ្លួនបាន មុខសណ្ឋាគារ ដឺគ្រី ផ្លូវឌួង ងៀប សង្កាត់អូរបែកក្អម ខណ្ឌសែនសុខ រាជធានីភ្នំពេញ…