បន្ទាយមានជ័យ៖ ក្មេងកំព្រាមណ្ឌលសង្គ្រោះជនអស់សង្ឃឹមទី២មង្គលបូរី១២៩នាក់ ដែលស្នាក់នៅទីទួលសុវត្ថិភាពទទួលអំណោយពីសមាគមចលនាយុវជនកម្ពុជាក្រុម១៥៧ នៅព្រឹកថ្ងៃទី១៩ ខែតុលា ឆ្នាំ២០២២ នៅផ្សារបុរីជ័យ ភូមិចំការតារដោក ឃុំឫស្សីក្រោក ស្រុកមង្គលបូរី។ លោក ពៅ គឹមសៀន ប្រធានមណ្ឌលសង្គ្រោះជនអស់សង្ឃឹមទី២មង្គលបូរីបានប្រាប់ថា៖កាលពីថ្ងៃទី១១ ខែតុលា ឆ្នាំ២០២២មណ្ឌលសង្គ្រោះជនអស់សង្ឃឹមទី២មង្គលបូរី បានរងផលប៉ៈពាល់ដោយទឹកជំនន់បានលិចក្នុងមណ្ឌលត្រូវបានអាជ្ញាធរស្រុក ឃុំ និងកងកម្លាំងបានជម្លៀសក្មេងចំនួន ១២៩នាក់មកដាក់ទីទួលសុវត្ថិភាពនៅផ្សារចំការត្រដករបស់លោកឧកញ៉ា អ៊ឹង ប៊ុនម៉ៅ ។ លោក អ៊ូ សុភាព អភិបាលរងស្រុកមង្គលបូរីបានមានប្រសាសន៍ថា៖ក្រោយក្មេងដែលរស់នៅក្នុងមណ្ឌលត្រូវបានជម្លៀសរកទីទួលសុវត្ថិភាពជាការយកចិត្តទុកដាក់ពីឯកឧត្តម អ៊ុ រាត្រី អភិបាលខេត្តបន្ទាយមានជ័យ និងថ្លែងអំណគុណចំពោះសមាគមចលនាយុវជនកម្ពុជាក្រុម១៥៧ សាខាខេត្តបន្ទាយមានជ័យ ដែលបាននាំយកអំណោយចែកជូនដល់ក្មេងដែលកំពុងស្នាក់នៅទីទួលសុវត្ថិភាព។ ឯកឧត្តម ចៅ ជីអាន ប្រធានសមាគមចលនាយុវជនកម្ពុជាក្រុម១៥៧សាខាខេត្តបន្ទាយមានជ័យបានមានប្រសាសន៍ថា ជាការណែនាំពីឯកឧត្តម ម៉ឹង ពន្លក ប្រធានសមាគមចលនាយុវជនកម្ពុជាក្រុម១៥៧ ហើយក្រុមការងារបាននាំយកអំណោយមកចែកជូនដល់ក្មេងក្នុងមណ្ឌលសង្គ្រោះជនអស់សង្ឃឹមទី២មង្គលបូរី ដែលរងផលប៉ៈពាល់ដោយទឹកជំនន់ហើយជម្លៀសដាក់ទីទួលសុវត្ថិភាពក្នុងនោះមានអ្នកជម្ងឺ៤ទៅ៥នាក់កំពុងសម្រាកព្យាបាលនៅមន្ទីរពេទ្យនៅឡើយ ។ ក្នុងឱកាសនោះសមាគមចលនាយុវជនកម្ពុជាក្រុម១៥៧ សាខាខេត្តបន្ទាយមានជ័យបាននាំយកអំណោយមាន អង្ករ២០ការ៉ុង មី៣០កេស ទឹកស៊ីអ៊ីវ៣០យួរ ទឹកត្រី៣០យួរ ត្រីខកំប៉ុង៣០ដុំ សាប៊ូ១កញ្ចប់១គីឡូក្រាម ទឹកបរិសុទ្ធវីតាល់៥កេស ទឹកបរិសុទ្ធ៣០០យួរ និងថវិការមួយចំនួននិងជូនថវិកាដល់មន្ត្រីពេទ្យនិងកម្លាំងចូលរួម៣ស្ថាប័ន…

ខេត្តកែប ៖ ឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអញ្ជើញជាអធិបតីក្នុងពិធីសម្ពោធដាក់អោយប្រេីប្រាស់ផ្លូវលេខ 1KEK7 (អតីតផ្លូវ ១៣៣៣A) ប្រវែងសរុប ៣,៥០០ម៉ែត្រ ដោយដីល្បាយថ្មភ្នំ និងគម្រោងគូសាណូណិ រួមមានការងារសាងសង់លូប្រអប់ ០១កន្លែង លូមូលទទឹងផ្លូវ ០២កន្លែង ស្ថិតក្នុងឃុំពងទឹក ស្រុកដំណាក់ចង្អើរ ខេត្តកែប។ ពិធីនេះក៏បានការចូលរួមពី លោក TOKITO HIROYUKI (តុគិតុ ហ៊ិរុយឹគិ) តំណាងស្ថានទូតជប៉ុន ផងដែរ ។ លោក ម៉ម ទូច ប្រធានមន្ទីរសាធារណៈការ និងដឹកជញ្ជូនខេត្តកែប បានអោយដឹងថា ផ្លូវលេខ1KEP7 (អតីតផ្លូវ ១៣៣៣A) មានប្រវែងសរុប៣,៧៥០ម៉ែត្រ ដោយបំបែកចេញពីផ្លូវលេខ១៣៣៣ ត្រង់PK4+136 រហូតដល់ផ្លូវលេខ១៣៣៥ ត្រង់គ.ម១+៩៥០ ស្ថិតក្នុងភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប ផ្លូវនេះចែកជាពីរផ្នែក៖ ១- រដ្ឋាភិបាល និងប្រជាជនជប៉ុន បានផ្តល់ជំនួយឥតសំណងនៃគម្រោងគូសាណូណិ ដោយចាក់ដីល្បាយថ្មប្រវែង២៥០ម ទទឹង៧ម,…

បន្ទាយយមានជ័យ៖ រដ្ឋបាលខេត្តបន្ទាយមានជ័យត្រៀមលក្ខណ:ទទួលសម្តេចជោហ៊ុន សែន ក្នុងពិធីសំណេះសំណាលនិងចែកពូជស្រូវស្រាលមិនប្រកាន់រដូវ”សែនដល់កសិកររងគ្រោះដោយទឹកជំនន់ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាថ្ងៃទី២៣ខែតុលាឆ្នាំ២០២២ ខាងមុខ នៅផ្សារបុរីជ័យ(អ៊ឹង វ៉ាន់ម៉ៅ) ភូមិចម្ការតាដោកឃុំឬស្សីក្រោកស្រុកមង្គលបូរីខេត្តបន្ទាយមានជ័យ ។ នេះបើតាម ឯកឧត្ដម អ៊ុ រាត្រី អភិបាលខេត្តបន្ទាយមានជ័យបានឱ្យដឹងក្នុងកិច្ចប្រជុំ ស្តីពីការត្រៀមរៀបចំកម្មវិធីសំណេះសំណាលជាមួយមន្ត្រីរាជការ កងកម្លាំងប្រដាប់អាវុធនិងក្រុមប្រឹក្សាខេត្ត ក្រុងស្រុក ឃុំ សង្កាត់ ក្រោមអធិបតីភាពសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងពិធីសំណេះសំណាល ចែកស្រូវពូជដល់កសិកររងគ្រោះដោយទឹកជំនន់នាថ្ងៃទី២២-២៣ខែតុលា ដ៏ខ្លីខាងមុខនេះ ។ ឯកឧត្ដម បានបន្តថា សម្តេចតេជោ ហ៊ុន សែន នាយករដ្ឋមន្ត្រី នារសៀលថ្ងៃទី២២ខែតុលា នឹងអញ្ជើញទៅជួបសំណេះសំណាល សួរសុខទុក្ខមន្ត្រីរាជការស៊ីវិល កងកម្លាំង។ លុះព្រឹកបន្ទាប់នាថ្ងៃទី២៣ខែតុលា សម្តេចនាយករដ្ឋមន្ត្រីនឹងអញ្ជើញទៅជួបសំណេះសំណាលនុងចែកស្រូវពូជដល់បងប្អូនប្រជាកសិករ ដែលរងគ្រោះទឹកជំនន់៥.២២០គ្រួសារលើ៣ស្រុកក្នុងខេត្តបន្ទាយមានជ័យស្រុកមង្គលបូរីជាង៣.០០០គ្រួសារ ក្រុងសិរីសោភ័ណជិត៦០០គ្រួសារ និងស្រុកភ្នំស្រុកចំនួនជាង១០០០គ្រួសារ ។ ចំពោះពូជស្រូវប្រភេទស្រាលមិនប្រកាន់រដូវប្រភេទ”សែនក្រអូប” ក្រអូប” របស់អង្គភាពប្រព័ន្ធស្បៀងបម្រុងកម្ពុជានៃរាជរដ្ឋាភិបាល ដែលផលិតចេញពីកសិដ្ឋានពូជស្រូវទួលសំរោងស្រុកថ្មគោលខេត្តបាត់ដំបងនៃអគ្គនាយកដ្ឋានកសិកម្ម។ស្រូវពូជដែលកសិករនឹងទទួលបានគឺចំនួន១០០គក្រ/១គ្រួសារ (ដាំដុះបានលើផ្ទៃដី១ហិចតា ) ហើយសម្រាប់តែអ្នករងគ្រោះខូចខាត ហើយមានប្រភពទឹកអាចដាំដុះបានប៉ុណ្ណោះ ។ គួររំលឹកថា…

ភ្នំពេញ ៖ ខ្មាន់មួយក្រុមជិះរថយន្តចំនួន ០២គ្រឿងមកឈប់រួចដកកាំភ្លើងបាញ់រះជាង ១០គ្រាប់ទៅលើអគារខនដូSKY LINE បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ និងកម្លាំងសមត្ថកិច្ចចុះអន្តរាគមន៍ កាលពីវេលាម៉ោង៣យប់រំលងអធ្រាត្រឈាន ចូលថ្ងៃព្រហស្បតិ៏ ទី២០ ខែតុលា ឆ្នាំ២០២២ នៅតាមបណ្ដោយផ្លូវ១៣៤ ស្ថិតក្នុងសង្កាត់វាលវង់ ខណ្ឌ 7មករា រាជធានីភ្នំពេញ។ តាមប្រភពពីកន្លែងកើតហេតុបានឲ្យដឹងថា មុនកើតហេតុគេឃើញជនសង្ស័យមួយក្រុមជិះរថយន្តចំនួនពីរគ្រឿងម៉ាកហ្វត ពណ៌ស និងម៉ាកអាលផាត ពណ៌ខ្មៅដោយមិនចាំស្លាកលេខ ដោយធ្វើដំណើរតាមបណ្ដោយផ្លូវ១៣៤ ទិសដៅពីកើតទៅលិច លុះមកដល់ចំណុចកើតហេតុខាងលើបានឈប់រថយន្តហើយជនសង្ស័យដែលជិះក្នុងរថយន្តហ្វត បានដកកាំភ្លើងបាញ់រះជាង១០គ្រាប់សំដៅទៅលើអគារខនដូSKY LINE បណ្ដាលឲ្យធ្លុះធ្លាយជាច្រើនកន្លែង តែសំណាងល្អមិនបង្កឲ្យមានអ្នករងរបួស។ ប្រភពដដែលបានបន្តទៀតថាក្រោយពីជនសង្ស័យបានធ្វើសកម្មភាពបាញ់រះជាច្រើនគ្រាប់រួចមកក៏បានបាចខិតប័ណ្ណជាច្រើនសន្លឹកដែលមានរូបថតមនុស្សម្នាក់និងមានអក្សរ៣សាសន៏ អក្សរចិន អក្សរវៀតណាម និងអក្សរខ្មែរ នៅនឹងកន្លែងកើតហេតុ រួចក៏នាំគ្នាបើករថយន្តទៅទិសខាងកើតគិចខ្លួនបាត់ស្រមោល។ បច្ចុប្បន្ននេះ សមត្ថកិច្ចកំពុងពិនិត្យជាក់ស្ដែងនៅទីតាំងកន្លែងកើតហេតុរួចបានប្រមូលវត្ថុតាងមួយចំនួនទុកប្រគល់ជូនជំនាញដើម្បីធ្វើការសាវជ្រាវចាប់ជនសង្ស័យមកផ្ដន្ទាទោសទៅតាមច្បាប់៕ដោយ ៖ ជីម ភារ៉ា