ខេត្តកំពង់ធំ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ រួមទាំងសហការីបាន នាំយកអំណោយ ស្បៀងអាហារ គ្រឿងឧបភោគបរិភោគ អំណោយរបស់ឯកឧត្ដមឧត្ដមសេនីយ៍ឯក ហ៊ុន ម៉ាណែត និងលោកជំទាវ ពេជ ចន្ទមុន្នី ចែកជូនគ្រួសារយោធិនដែលរស់នៅក្នុងទីតាំងបន្ទាយកងវរសេនាតូចលេខ១នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ចំនួន២០គ្រួសារ ស្ថិតនៅភូមិតាឡែកថ្មី ឃុំសាលាវិស័យស្រុកប្រាសាទបល្ល័ង្ក ខេត្តកំពង់ធំ ក្នុងមួយគ្រួសារទទួលបាននូវអង្ករ ២៥គីឡូក្រាម មីជាតិចំនួន១កេស ទឹកពិសាបរិសុទ្ធចំនួ១កេសនិងត្រីខកំប៉ុងចំនួន ១យួរ នៅព្រឹកថ្ងៃទី១៦ ខែតុលា ឆ្នាំ២០២២ ។ ឧត្តមសេនីយ៍ទោ សោម ស៊ុន សំណូមពរដល់ក្រុមគ្រួសារយោធិន ថែរក្សាសុខភាពអនាម័យ ក្នុងការបរិភោគចំណីអាហារជៀសវាងឆ្លងជំងឺផ្សេងៗ និងបានណែនាំ ឲ្យបង្កបង្កើនផលដាំដំណាំ ចិញ្ចឹមសត្វ ដើម្បីជួយដោះស្រាយជីវភាពប្រចាំថ្ងៃ គួបផ្សំនិងគោលរបបនិងប្រាក់បៀរវត្ស និងបានពាំនាំការផ្តាំផ្ញើរ ពីឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោកនិងលោកជំទាវ ពេជ ចន្ទមុន្នី តែងតែគិតគូរពីសុខទុក្ខ និងជីវភាពរស់នៅរបស់បងប្អូនកងទ័ពនិងគ្រួសារកងទ័ពនៅទូទាំងប្រទេសពិសេស នៅខេត្តកំពង់ធំយើង ។ លោកវរសេនីយ៍ទោ…

ភ្នំពេញ ៖ នៅចុងសប្តាហ៍នេះ លោកជំទាវបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) បានដឹកនាំក្រុមការងារ និងកម្លាំងស្ម័គ្រចិត្តចុះពិនិត្យព្យាបាលជំងឺទូទៅ និងជំងឺមាត់ធ្មេញ ជូនដល់ប្រជាជនក្នុងសហគមន៍ក្រីក្រនៅក្នុងតំបន់ទួលសំបូរ សង្កាត់ព្រៃវែង ខណ្ឌដង្កោរ នៅសាលាបឋមសិក្សា ទួលសំបូរដោយមានការចូលរួមពីថ្នាក់ដឹកនាំក្រុមការងារកម្លាំងស្ម័គ្រចិត្តនៃសមាគមTYDA និងអជ្ញាធរ យុវជន និងផ្នែដែលពាក់ព័ន្ធផ្សេងទៀត។ លោកជំទាវបណ្ឌិត ពេជ ចន្ទមុន្នី បានមានប្រសាសន៍ថា សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតតែងតែយកចិត្តទុកដាក់គិតគូរអំពីសុខភាពរបស់បងប្អូនប្រជាពលរដ្ឋតាមរយៈការបង្ខិតសេវាព្យាបាលប្រជាពលរដ្ឋដោយឥតគិតថ្លៃ។ ជាក់ស្ដែង សមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) បានចុះព្យាបាលបងប្អូនប្រជាពលរដ្ឋនៅតាមបណ្ដាខេត្តសហគមន៍ អង្គការ មជ្ឈមណ្ឌលកុមារកំព្រា និងសាលារៀនជាដើម។លោកជំទាវ បានបញ្ជាក់ថា នេះជាសកម្មភាពថ្មីក្នុងការចុះពិនិត្យព្យាបាលដល់ប្រជាជនក្នុងសហគមន៍ក្រីក្រជាយរាជធានីភ្នំពេញ ដែលពីមុនមកសកម្មភាពនេះ ជាសកម្មភាពចុះអប់រំសុខភាពតាមខ្នងផ្ទះដល់សហគមន៍ ហើយនេះជាលើកទី២ហើយដែលចុះព្យាបាលដល់សហគមន៍ក្រីក្រដើម្បីបង្ខិតការផ្តល់សេវាសុខភាពជូនដល់ប្រជាជនដែលនៅក្នុងតំបន់សហគមន៍ក្រីក្រ ។ សូមបញ្ជាក់ផងដែរថា សមាគម TYDA ធ្លាប់បានចុះចុះទៅអប់រំសុខភាព និងចុះចែកអំណោយជូនដល់សហគមន៍ដែលទទួលរងគ្រោះដោយទឹកជំនន់ព្រែកត្នោត និងបានចុះអប់រំសុខភាពមាត់ធ្មេញដល់សិស្សានុសិស្សនៅក្នុងសាលាបឋមសិក្សាទួលសំបូរនេះផងដែរ ៕ ដោយ ៖ ឈឹម សុផល

(ព្រះវិហារ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្តល់អង្ករចំនួន ២០០តោន ដើម្បីយកទៅចែកជូនប្រជាពលរដ្ឋរងគ្រោះដោយទឹកជំនន់តាមបណ្តាខេត្តភាគពាយព្យប្រទេស។ នៅថ្ងៃទី១៦ ខែតុលា ឆ្នាំ២០២២នេះ អំណោយអង្កររបស់សម្តេចតេជោ និងសម្តេចកិត្តិព្រឹទ្ធបណ្ឌិត ត្រូវអ្នកឧកញ៉ា ទ្រី ភាព អគ្គនាយកក្រុមហ៊ុនទ្រីភាពគ្រុប និងអ្នកឧកញ៉ា គៀន ស្រីនាង ជាភរិយា ចាត់ក្រុមការងារយកទៅប្រគល់ជូនគណៈកម្មាធិការជាតិគ្រប់គ្រងគ្រោះមហន្តរាយ ដើម្បីចែកជូនដល់ប្រជាពលរដ្ឋ។ ក្នុងពិធីទទួលអង្ករនោះ នាយឧត្តមសេនីយ៍ គន់ គីម ទេសរដ្ឋមន្ត្រីទទួលបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងថា អង្ករចំនួន ១០០ តោន នឹងប្រគល់ជូនលោកបណ្ឌិត ហ៊ុន ម៉ាណែត ប្រធានយុវជនគណបក្សប្រជាជនថ្នាក់កណ្ដាល ដើម្បីចាត់ចែងជូនប្រជាពលរដ្ឋ កំពុងទទួលរងផលប៉ះពាល់ដោយសារគ្រោះទឹកជំនន់ នៅក្នុងខេត្តព្រះវិហារទាំងមូល។ រីឯអង្ករចំនួន ១០០តោនទៀត ក្រុមការងារបាននឹងកំពុងនាំមយកទៅប្រគល់ជូនសាលាខេត្តពោធិ៍សាត់ ដើម្បីចែកជូនដល់ប្រជាពលរដ្ឋកំពុងទទួលរងផលប៉ះពាល់ដោយសារគ្រោះទឹកជំនន់។ក្នុងនាមជាប្រតិបត្តិករលើសមរភូមិគ្រោះមហន្តរាយ ឯកឧត្តម ទេសរដ្ឋមន្ត្រី គន់ គីម បានគោរពថ្លែងអំណរគុណយ៉ាងជ្រៅជូនចំពោះសម្តេចតេជោ…

បាត់ដំបង៖កន្លងទៅថ្មីៗនេះឯកឧត្តម សុខ លូ អភិបាលខេត្ត បាត់ដំបង បានចុះពិនិត្យមើលស្ថានភាពរងការខូចខាត ទំនប់អាង កំពីងពួយផ្នែកខាងលើចាប់ពីចំណុចភ្នំកំប៉ង់ ដល់ចំណុចជីរក់ ស្ថិត នៅភូមិបឹងក្រសាល ឃុំស្នឹង ស្រុកបាណន់ ដែលកំពុងរងនូវការ ខូចខាត ដោយសារតែរលកទឹកអាងវាយដាច់ច្រាំងទំនប់នៃផ្នែកខ្លះៗ នៅតាមមាត់ច្រាំងទំនប់ជាច្រើនកន្លែង។ តែទោះបីស្ថានភាពបែប នេះក្តី ក៏មិនទាន់ដល់កម្រិតក្នុងការប្រកាសអាសន្ននោះទេ។ ក្នុងការចុះទៅពិនិត្យមើលពីស្ថានភាពមាត់ច្រាំងទំនប់កំពីងពួយ ផ្នែកខាងលើ ដែលត្រូវរងការខូចខាតបាក់ដីមាត់ច្រាំងទំនប់ ជា បន្តបន្ទាប់ ឯកឧត្ត អភិបាលខេត្តបាត់ដំបង បានណែនាំ និងជំរញ ឱ្យក្រុមការងារជំនាញរបស់មន្ទីរធនធានទឹក និងឧតុនិយមខេត្ត ចុះពិនិត្យ មើល និងមានវិធានការ ក្នុងការជួសជុលកែលម្អនូវកន្លែង ដែលរងការខូចខាតឱ្យបានប្រសើរឡើងវិញនៅពេលខាងមុខ និងត្រូវ យកចិត្តទុកដាក់ចាត់តាំង មន្ត្រីឱ្យមកយាមប្រចាំការជាប់ជាប្រចាំ និងត្រូវយកចិត្តទុកដាក់ឱ្យបានម៉ត់ចត់ពីហានិភ័យដែលអាចបង្កឡើងបាន និងត្រូវពិនិត្យក្នុងការជួសជុលកែលម្អឡើងវិញ ក្នុងពេលវេលា សមស្រប ៕ដោយ៖ អ៊ុក សំអាន ប.ប

ភ្នំពេញ៖ក្នុងរយៈពេលជិតមួយខែនៃយុទ្ធនាការបង្រ្កាបទីតាំងល្បែងស៊ីសងខុសច្បាប់ អាជ្ញាធរកម្ពុជា​បានចុះពិនិត្យទីតាំងសង្ស័យជាង១ម៉ឺនទីតាំងនៅទូទាំងប្រទេស។ នេះបើតាមការបញ្ជាក់របស់អ្នកនាំពាក្យអគ្គស្នងការនគរបាលជាតិ។ ថ្លែងនៅក្នុងសន្និសីទសារព័ត៌មានស្ដីពី «សមិទ្ធផលសម្រេចបានរយៈពេល៥ឆ្នាំកន្លងមករបស់ក្រសួងមហាផ្ទៃ» នៅព្រឹកថ្ងៃសុក្រ ទី១៤តុលា ឆ្នាំ២០២២ ឯកឧត្តម ឆាយ គឹមឃឿន អគ្គស្នងការរង និងជាអ្នកនាំពាក្យអគ្គស្នងការនគរបាលជាតិ បានអះអាងថា អាជ្ញាធរបានចុះពិនិត្យទីតាំងសង្ស័យរហូតដល់ជាង១ម៉ឺនទីតាំងទូទាំងរាជធានី-ខេត្ត។ លោកថា៖ «ពាក់ព័ន្ធនឹងលទ្ធផលនៃយុទ្ធនាការបង្រ្កាបល្បែងស៊ីសង យើងគិតពីថ្ងៃ១៥ ខែកញ្ញា ដល់ថ្ងៃ១៣ខែតុលាម្សិលមិញនេះ យើងបានចុះត្រួតពិនិត្យទីតាំងដែលសង្ស័យជាងមួយម៉ឺនទីតាំងលើ ២៥រាជធានី-ខេត្ត។ ក្នុងនោះយើងបានអនុវត្តវិធានការច្បាប់លើ ១២៧ទីតាំង លើ១១រាជធានី-ខេត្ត»។ បើតាមឯកឧត្តម ឆាយ គឹមឃឿន ករណីទាំងនេះ គឺសមត្ថកិច្ចបានបញ្ជូនសំណុំរឿងជាបន្តទៅតុលាការ ដើម្បីដោះស្រាយទៅតាមច្បាប់ ដោយមានមនុស្សចំនួន ២៧៣នាក់ ក្នុងនោះមានជនបរទេស ៥៦នាក់ ១១សញ្ជាតិ។ ដោយឡែកទីតាំងមួយចំនួនផ្សេងទៀត គ្រាន់តែជាការសង្ស័យក្នុងការលេងល្បែងស៊ីសងប៉ុណ្ណោះ។ លោក ឆាយ គឹមឃឿន បញ្ជាក់ថា៖ «អាហ្នឹងបើយើងរៀបចំសំណុំរឿងបញ្ជូនទៅតុលាការ ក៏អត់មានភស្តុតាងគ្រប់គ្រាន់បញ្ជូនទៅដែរ។ ចឹងយើងធ្វើការអប់រំ ណែនាំ តែធ្វើកិច្ចសន្យា»។ អ្នកនាំពាក្យអគ្គស្នងការនគរបាលជាតិដដែលបញ្ជាក់ទៀតថា បើទីតាំងទាំងនោះមានប្រព្រឹត្តល្បែងស៊ីសងខុសច្បាប់ នោះអាជ្ញាធរនឹងអនុវត្តច្បាប់។ ទីតាំងទាំងនោះមានប្រមាណជា ​១០.០១០ទីតាំង ដែលបានធ្វើកិច្ចសន្យា និងមានពាក់ព័ន្ធជាមួយនឹងមនុស្សជាងមួយពាន់នាក់ផ្សេងទៀត។ គួរជម្រាបថា…