ភ្នំពេញ៖ អង្គការមូលនិធិថែទាំសុខភាពអ្នកជំងឺអេដស៍ (AHF) ដោយមានការចូលរួមជាមួយអ្នកតស៊ូមតិនឹងអង្កការសង្គមស៊ីវិល លោកគ្រូ អ្នកគ្រូ សិស្សានុសិស្ស បានប្រារព្ធទិវាក្មេងស្រីអន្តរជាតិឆ្នាំ២០២២ ក្រោមប្រធានបទ «សិទ្ធិរបស់យើង អនាគតរបស់យើង» នាថ្ងៃទី៨ ខែតុលា ឆ្នាំ២០២២ ដោយមានការចូលរួមពីសិស្សានុសិស្សជាង ២០០នាក់ នៅវិទ្យាល័យហ៊ុនសែន មួយមិថុនា ស្រុកបាទី ខេត្តតាកែវ។ ការប្រារព្ធពិធិនេះឡើង ដើម្បីបង្ហាញពីការយកចិត្តទុកដាក់ និងអនុវត្តការងារជាមួយដៃគូក្នុងការឆ្លើយតបទៅនឹងតម្រូវការដល់ក្មេងស្រី នឹងផ្តល់ចំណេះដឹង និងផ្តល់សិទ្ធិអំណាចដល់ក្មេងស្រី ឱ្យទទួលបានជោគជ័យដោយការគ្រប់គ្រងសុខភាពរបស់ពួកគេ។ ទិវាក្មេងស្រីអន្តរជាតិ ត្រូវបានគេសង្កេតឃើញជារៀងរាល់ឆ្នាំ នៅថ្ងៃទី១១ ខែតុលា ដើម្បីលើកកម្ពស់សិទ្ធិរបស់ក្មេងស្រី និងនាំមកនូវការយល់ដឹង ចំពោះបញ្ហាប្រឈមដែលពួកគេប្រឈមមុខ ។ ក្រុមប្រទេស IDGC និង AHF បានរៀបចំព្រឹត្តិការណ៍ «សិទ្ធិរបស់យើង អនាគតរបស់យើង» នៅជុំវិញពិភពលោក ដើម្បីនាំក្មេងស្រី មកជាមួយគ្នាតាមរយៈវគ្គសប្បាយៗ ការអប់រំ និងការលើកកម្ពស់ក្មេងស្រី។ អ្នកស្វែងរកការគាំទ្របានផ្តោតទៅលើការដោះស្រាយការគ្រប់គ្រងសុខភាពពេលមករដូវ ការអប់រំផ្លូវសុខភាពបន្តពូជ សុខភាពផ្លូវភេទឲ្យបានទូលំទូលាយតាមអាយុ ការបានចូលសាលារៀន ជៀសវាងការមានផ្ទៃពោះដោយមិនបានគ្រោងទុក ការកសាងទំនុកចិត្តលើខ្លួនឯង និងបញ្ហាសំខាន់ៗជាច្រើនទៀតសម្រាប់ក្មេងស្រី និងសុខភាពរបស់ពួកគេ ។…

ខេត្តកោះកុង៖ ទឹកថ្លាក់អូរម្លូ បើទោះបីពុំមានអ្នកទេសចរស្គាល់ច្រើនក្តី ប៉ុន្តែតំបន់ទេសចរណ៍ដែលកំពុងលាក់ខ្លួនក្នុងព្រៃភ្នំ និងជាកន្លែងកម្សាន្តមួយប្រកបដោយទេសភាព ស្រស់ត្រកាល បែបធម្មជាតិ មួយកន្លែងនេះសម្រាប់ងូតទឹកកម្សាន្ត បោះតង់ និងស្រូបយកខ្យល់អាកាសបរិសុទ្ធ យ៉ាងសប្បាយរីករាយ។ ទឹកធ្លាក់អូរម្លូស្ថិតនៅ ឃុំជីផាត ស្រុកថ្មបាំង ខេត្តកោះកុង ក្នុងតំបន់ឧទ្យានជាតិជួរភ្នំក្រវាញ ប៉ែកនិរតីនៃប្រទេសកម្ពុជា ។ រមណីយដ្ឋានអេកូទេសចរណ៍អូរម្លូ ជារមណីយដ្ឋានធម្មជាតិចម្រុះ ដែលភ្ញៀវទេសចរណ៍អាចចូលកម្សាន្តបានគ្រប់រដូវកាល និង មានទឹកធ្លាក់ឥតចេះដាច់ ជាពិសេសសម្រាប់អ្នកចូលចិត្តធ្វើដំណើរកម្សាន្តបែបប្រភេទផ្សងព្រេង។ អ្នកទេសចរបើចង់ធ្វើដំណើរកម្សាន្តនៅទឹកធ្លាក់អូម្លូអាចធ្វើដំណើរទៅកាន់សហគមន៍ អេកូទេសចរណ៍ជីផាត ដោយធ្វើដំណើរតាមពីស្ពានអណ្ដូងទឹក ឆ្ពោះត្រង់តាមផ្លូវលំ ចម្ងាយជាង ១៧គីឡូម៉ែត្រ ប៉ុន្តែបើគេចង់ធ្វើដំណើរតាមរយៈទូកសហគមន៍ វិញនឹងត្រូវជិះកាត់តាមពាមសមុទ្រ ដែលនៅតាមផ្ទៃទឹកជាទីកម្សាន្តយ៉ាងមនោរម្យ។ លោក អន សុវណ្ណ ប្រធានសហគមន៍ អេកូទេសចរណ៍ជីផាតបានឱ្យដឹងថា៖ បើទោះបីកន្លងមកមានការរីករាលដាលជំងឺកូវីដ-១៩ក្តី ប៉ុន្តែសហគមន៍អេកូទេសចរណ៍ជីផាត នៅតែទទួលបានទេសចរណ៍ចូលកម្សាន្តបន្តបន្ទាប់ ។ ក្រោយជំងឺកូវីដ-១៩ស្ងប់ស្ថាត់នេះឃើញថា នៅតែមានអ្នកទេសចរចូលកម្សាន្តច្រើនឡើងបន្តបន្ទាប់ពិសេសចុងសប្តាហ៍គឺនៅថ្ងៃសៅរ៍ និងអាទិត្យ។ លោក ប្រធានសហគមន៍បានឱ្យដឹងបន្ថែមថា៖ក្នុងចំណោមតំបន់ទេសចរណ៍នៅជីផាតនេះឃើញថាទឹកធ្លាក់អូរម្លូ ក៏ទទួលបានភ្ញៀវទេសចរច្រើនបង្គួរដែរពីព្រោះថាតំបន់ទឹកធ្លាក់កន្លែងនេះនៅជិតជាងគេ និងមានទីកន្លែងកម្សាន្តទឹកធ្លាក់ និងទេសភាពក៏ល្អមិនចាញ់កន្លែងដ៏ទៃទៀតប៉ុន្មានដែរ។ ទាក់ទិនទៅនឹងប្រវត្តិទឹកធ្លាក់អូរម្លូនេះដែរ ត្រូវបាន លោក អន សុវណ្ណ…

ភ្នំពេញកសិករមួយចំនួនដែលកំពុងមមាញឹកប្រមូលទិន្នផលស្រូវរដូវវស្សាប្រាថ្នាចង់បានបេក្ខភាពរដ្ឋមន្ត្រីក្រសួងកសិកម្មថ្មីមានឈាមជ័រជាកូនអ្នកស្រែចម្ការស្វះស្វែងរកទីផ្សារនិងឧស្សាហ៍ចុះដល់មូលដ្ឋានស្រែចម្ការ ទើបយល់ពីបញ្ហានិងតម្រូវការរបស់កសិករ។ កញ្ញា ម៉ែន ដាវី រស់នៅភូមិតាខេង ឃុំម៉ឺនជ័យ ស្រុករំដួល ខេត្តស្វាយរៀងបាន និយាយនៅថ្ងៃទី១០ ខែតុលាថា រដ្ឋមន្ត្រីថ្មីនៃ ក្រសួងកសិកម្មដែលកសិករចង់ឃើញ គឺចុះទៅជួបកសិករឲ្យបាន ញឹក ញាប់តាមដែលអាចធ្វើទៅបាន និងព្យាយាមរកទីផ្សារសម្រាប់ លក់ផលិតផលកសិកម្មឲ្យអស់ពីលទ្ធភាព ដើម្បីកុំឱ្យឈ្មួញកណ្ដាល បានដៃចុះមកបង្អាប់តម្លៃ ហើយការកំណត់តម្លៃក្នុងការលក់ចេញ ផលិតផលកសិកម្មជារឿងសំខាន់។ ធ្វើយ៉ាងណាបញ្ចៀសកុំឱ្យ កសិករត្រូវខ្ចីបុលគេមកធ្វើកសិកម្ម។ កញ្ញា ម៉ែន ដាវី៖ «ជាក់ស្ដែង ខ្ញុំជាកសិករខ្នាតតូចរស់នៅតាម ទីជនបទ កំពុងប្រឈមយ៉ាងខ្លាំងក្នុងការធ្វើស្រែចម្ការ ព្រោះ បច្ចុប្បន្នយើងធ្វើស្រែតាមបែបសម័យទំនើបដោយផាត់ចោលទម្លាប់ពីបុរាណ ដែលពុំមានធនធានគ្រប់គ្រាន់ធ្វើស្រែបែបទំនើបទេ ហើយបញ្ហាកំពុងតែជួបប្រទះមួយទៀត គឺកសិករបង្ខំចិត្តធ្វើកសិកម្ម ដោយប្រើជីគីមីខ្លាំង។ អ៊ីចឹងហើយបានជាយើងចង់ឃើញ រដ្ឋមន្ត្រី កសិកម្ម ចុះដល់ដីកសិករ ឬបញ្ជូនអ្នកជំនាញមកណែនាំកសិករ ពីអំពីរបៀបធ្វើកសិកម្មដោយសុវត្ថិភាពកាត់បន្ថយការប្រើប្រាស់ជីកសិកម្ម»។មានបទពិសោធន៍យូរឆ្នាំនៅក្នុងវិស័យកសិកម្ម កញ្ញា ម៉ែន ដាវី ដែល មានវ័យជិត៤០ឆ្នាំ កត់សម្គាល់ថា វិស័យកសិកម្មរបស់កម្ពុជាដើរយឺត បើធៀបនឹងវិស័យដទៃ អាចដោយសារមិនមែនជាបញ្ហាអាទិភាព របស់រដ្ឋាភិបាលឬសមត្ថភាពថ្នាក់ដឹកនាំក្រសួង។ កញ្ញាបន្ត៖ «យើងមើលត្រឹមចំណុចតូចមួយសិន…

ភ្នំពេញ៖ឯកឧត្តមកិតិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រី ក្រសួងផែនការ បានអញ្ជើញជាអធិបតី ក្នុងពិធីបើកវគ្គ បណ្ដុះ បណ្ដាល គ្រូបង្គោលសម្រាប់ការអង្កេតកសិកម្មកម្ពុជាឆ្នាំ២០២២ ដែលសហការរៀបចំដោយ វិទ្យាស្ថានជាតិស្ថិតិក្រសួងផែនការ , ក្រសួងកសិកម្មរុក្ខា ប្រមាញ់ និងនេសាទ , អង្គការស្បៀងនិង កសិកម្ម នៃអង្គការសហប្រជាជាតិ ។ ពិធីនេះបានរៀបចំនៅ ទីស្តីការក្រសួងផែនការកាលពីព្រឹកថ្ងៃទី១០ខែតុលា។ ក្នុងឱកាសនោះ ឯកឧត្តមទេសរដ្ឋមន្ត្រី បានសម្ដែងនូវការកោត សរសើរ ចំពោះ កិច្ចខិតខំប្រឹងប្រែងរួមគ្នាក្នុងការអនុវត្តការងារអង្កេត កសិកម្មកម្ពុជា ប្រចាំឆ្នាំ ពីសំណាក់ អង្គការស្បៀងនិងកសិកម្ម FAO អង្គការសហប្រជាជាតិ មូលនិធិម៊ីលីដាបៀលហ្គេត ទីភ្នាក់ងារ សហប្រតិបត្តិការអន្តរជាតិ សហរដ្ឋអាមេរិកសម្រាប់អភិវឌ្ឍន៍ (USAID) និងដៃគូអភិវឌ្ឍន៍ដទៃទៀតក្រោមកិច្ច សហប្រតិបត្តិការ គាំទ្រផ្នែកបច្ចេកទេសនិងហិរញ្ញវត្ថុជាមួយនឹងរាជរដ្ឋាភិបាលកម្ពុជា ដែលមានក្រសួងសេដ្ឋកិច្ច និងហិរញ្ញវត្ថុ ,វិទ្យាស្ថានជាតិស្ថិតិនៃ ក្រសួងផែនការ និងក្រសួងកសិកម្ម រុក្ខាប្រមាញ់និងនេសាទ ដោយបានអនុវត្តការងារអង្កេតចន្លោះជំរឿនកសិកម្មកម្ពុជាឆ្នាំ ២០១៩ ឆ្នាំ ២០២០ និងឆ្នាំ…

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា រាល់ការជោគជ័យ និងការអភិវឌ្ឍរបស់កម្ពុជា មិនអាចកាត់ផ្ដាច់ពីជំនួយរបស់ប្រទេសអាល្លឺម៉ង់ទេ ជាពិសេស ថ្មីៗនេះ ជំនួយរបស់អាល្លឺម៉ង់ បានជួយកម្ពុជា ក្នុងការទប់ស្កាត់ជំងឺកូវីដ19 ផងដែរ ។ ការលើកឡើងដូចនេះរបស់សម្ដេចតេជោ ហ៊ុន សែន ក្នុងឱកាសអនុញ្ញាតឲ្យឯកឧត្តម Stefan Anton Messerer ឯកអគ្គរដ្ឋទូតថ្មី នៃសាធារណរដ្ឋសហព័ន្ធអាល្លឺម៉ង់ ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី១០ ខែតុលា ឆ្នាំ២០២២ ។ ឯកឧត្តម អ៊ាង សុផល្លែត ជំនួយការសម្ដេចតេជោ បានឱ្យដឹងថា ក្នុងឱកាសនេះ ឯកឧត្តម Stefan បានគោរពសម្ដែងនូវការរីករាយដែល ឯកឧត្តមត្រូវបានមកបំពេញបេសកកម្មការទូតនៅព្រះរាជាណាចក្រកម្ពុជាតាមបំណងរបស់ឯកឧត្តម។ ឯកឧត្តម Stefan ក៏បានសំដែងនូវការអបអរសាទរជូនចំពោះសម្ដេចតេជោដែលបានដឹកនាំកម្ពុជា ឲ្យមានការអភិវឌ្ឍយ៉ាងឆាប់រហ័ស ហើយអាល្លឺម៉ង់ មានសេចក្ដីរីករាយណាស់ ដែលបានចូលរួមដំណើរ និងបានចូលរួមជួយដល់កម្ពុជា ក្នុងដំណើរឆ្ពោះទៅទទួលបានជោគជ័យរបស់កម្ពុជា ។ ជាមួយគ្នានោះដែរ ឯកឧត្តម…